ބެލްޖިއަމް ކަޓުވާލައި ސްޕެއިން ވޯލްޑް ކަޕް ސެމީގައި ފްރާންސާ ދެކޮޅަށް

Jul 11, 2026, 1:59 AM
ފީފާ ވޯލްޑް ކަޕް ފުޓްބޯޅަ މުބާރާތުގެ ކުއާޓާ ފައިނަލުގައި ސްޕެއިނާއި ބެލްޖިއަމް ކުޅުނު މެޗުގެ ތެރެއިން: ސްޕެއިން މޮޅުވި ލަނޑު ޖެހި މެރީނޯ އުފާފާޅުކުރަނީ

ފީފާ ވޯލްޑް ކަޕް ފުޓްބޯޅަ މުބާރާތުގެ ކުއާޓާ ފައިނަލުގައި ސްޕެއިނާއި ބެލްޖިއަމް ކުޅުނު މެޗުގެ ތެރެއިން: ސްޕެއިން މޮޅުވި ލަނޑު ޖެހި މެރީނޯ އުފާފާޅުކުރަނީ

ލޮސް އެންޖެލްސް، ޔުނައިޓެޑް ސްޓޭޓްސް (ޖުލައި 11) - ބެންޗުން އަރައި ޖެހިޖެހިގެން ދެ ވަނަ މެޗުގައި މިކޭލް މެރީނޯ ފަހު ވަގުތު ޖެހި ގޯލުން، 2-1 އިން ބެލްޖިއަމް ބަލިކޮށް ސްޕެއިނުން ފީފާ ވޯލްޑް ކަޕް ފުޓްބޯޅަ މުބާރާތުގެ ސެމީ ފައިނަލުގައި ފްރާންސާ ދެކޮޅަށް ކުޅެން ޖެހިއްޖެ އެވެ. 

މި ފަހަރުގެ ވޯލްޑް ކަޕްގެ ގަދަ 16 ބުރުގައި ސްޕެއިނުން މޮޅުވި ލަނޑު ވެސް ޖެހީ ބެންޗުން އެރި މެރީނޯ އެވެ. 

ސްޕެއިނުން މި މެޗަށް ނުކުތީ ފުރަތަމަ އެގާރަ އަށް ބަދަލެއް ގެނެސްގެންނެވެ. ޕެޑްރީގެ ބަދަލުގައި، ފަބިއަން ރުއީޒަށް ވަނީ ފުރުސަތު ދީފަ އެވެ. އަނެއްކޮޅުން، މެޗުގެ ވޯމްއަޕްގައި ބެލްޖިއަމްގެ ކެޕްޓަން، ޔޫރީ ޓީލަމަންސް އަށް އަނިޔާވުމުން، އޭނާގެ ބަދަލުގައި ވެން ހެނަކަން އަށް ވަނީ ފުރުސަތު ދީފަ އެެވެ. 

ފީފާ ވޯލްޑް ކަޕް ފުޓްބޯޅަ މުބާރާތުގެ ކުއާޓާ ފައިނަލުގައި ސްޕެއިނާއި ބެލްޖިއަމް ކުޅުނު މެޗުގެ ތެރެއިން.
ފީފާ ވޯލްޑް ކަޕް ފުޓްބޯޅަ މުބާރާތުގެ ކުއާޓާ ފައިނަލުގައި ސްޕެއިނާއި ބެލްޖިއަމް ކުޅުނު މެޗުގެ ތެރެއިން.

މެޗުގައި ސްޕެއިނުން ލީޑުނެގީ 30 ވަނަ މިނިޓްގައި ރުއީޒް ޖެހި ގޯލުންނެވެ. މިއީ، އޭރިއާތެރެއިން ޑެނީ އޯލްމޯ ޖެހި ޝޮޓެއް ބެލްޖިއަަމް ކީޕަރު، ތިބައު ކޯޓުއާ އަތުގައި ޖެހިފައި، ނުކުތް ވަގުތު ރީބައުންސުން ރުއީޒް ވަނީ ގޯލަށް ވައްދާލައިފަ އެވެ. 

އޭގެ ފަހުން، ސްޕެއިނަށް ދެ ވަނަ ލަނޑެއް ޖަހައިދޭން ލަމީން ޔަމާލް ފޮނުވާލި އެއް ޝޮޓް އަރިމަތީ ދާގަނޑަށް އަމާޒުވިއިރު، ހިލޭ ޖެހުމަކުން ޔަމާލް ފޮނުވާލި ބޯޅަ ކީޕަރު ކޯޓުއާ ވަނީ މަތަކޮށްފަ އެވެ. 

ބެލްޖިއަމުން މެޗުގެ ނަތީޖާ ހަމަހަމަކުރީ 41 ވަނަ މިނިޓްގައި، ޗާލްސް ޑި ކަޓަލާރޭ ޖެހި ގޯލުންނެވެ. މިއީ، ޓިމޮތީ ކަސްޓާންޏާ ނެގި ހުރަހަކުން ޑި ކަޓަލާރޭ ބޮލުން ޖެހި ގޯލެކެެވެ. މިއީ، މި ފަހަރުގެ ވޯލްްޑް ކަޕްގައި ސްޕެއިން ކޮޅަށް ޖެހި ފުރަތަމަ ގޯލެވެ. އަދި، ޑި ކަޓަލާރޭ މި މުބާެރާތުގައި ޖެހި ތިން ވަނަ ގޯލެވެ.

ފީފާ ވޯލްޑް ކަޕް ފުޓްބޯޅަ މުބާރާތުގެ ކުއާޓާ ފައިނަލުގައި ސްޕެއިނާއި ބެލްޖިއަމް ކުޅުނު މެޗުގެ ތެރެއިން.
ފީފާ ވޯލްޑް ކަޕް ފުޓްބޯޅަ މުބާރާތުގެ ކުއާޓާ ފައިނަލުގައި ސްޕެއިނާއި ބެލްޖިއަމް ކުޅުނު މެޗުގެ ތެރެއިން.

ދެ ވަނަ ހާފު ފެށިގެން، ނުވަ ވަނަ މިނިޓްގައި ބެލްޖިއަމުން ރަނގަޅު ހަމަލާއެއް ފޮނުވާލި އެވެ. ސްޕެއިންގެ އޭރިއާތެރެއިން ބެލްޖިއަމްގެ ފުލްބެކް، މެކްސިމް ޑި ކުއިޕާ ޖެހި ޝޮޓް އަމާޒުވީ އަރިމަތީ ދާގަނޑަށެވެ. 

ބެލްޖިއަމްގެ ގޯލްކީޕަރު، ކޯޓުއާ އަށް އަނިޔާވެ، އެ ޓީމުގެ ގޯލު ބަލަހައްޓަން އެރީ ދެ ވަަނަ ކީޕަރު، ސެން ލަމެންސް އެވެ. ސްޕެއިން މޮޅުވި ލަނޑު ޖެހީ 88 ވަނަ މިނިޓްގަ އެވެ. އޭރިއާބޭރުން ސްޕެއިންގެ ޑިފެންޑަރު ޕައު ކުބަރްސީ ޖެހި ޝޮޓެއް ކީޕަރު ލަމެންސް އަތުގައި ޖެހިފައި ނުކުތް ވަގުތު، މެރީނޯ ވަނީ ގޯލަށް ފޮނުވާލައިފަ އެވެ. 

ކޮމެންޓް

ފަހުގެ ޚަބަރު

ނެޓްބޯޅަ ކޮމްޕްލެކްސް އިން ކުޅިވަރުގެ ދުރުރާސްތާ ޕްލޭނަށް ފައިދާ

ސަރުކާރުގެ ކުޅިވަރުގެ ދުރުރާސްތާ ޕްލޭންގެ ދަށުން ހުޅުމާލޭގައި ބިނާކުރާ ނެޓްބޯޅަ ކޮމްޕްލެކްސްގެ ބިންގާ އަޅައިފި. މި ކޮމްޕްލެކްސްގައި ފަސް ޕިޗު ހިމެނޭއިރު، މިއީ ނެޓްބޯޅައިގެ އިތުރުން އެހެނިހެން އިންޑޯ ކުޅިވަރުތަކާއި ބައިނަލްއަގުވާމީ މުބާރާތްތައް ބޭއްވޭނެހެން ފަރުމާކުރެވިފައިވާ ތަނެއް.

އެފްއޭއެމް ވިމެންސް ލީގު: މާޒިޔާ އާއި ނިއު ފެށީ ބޮޑު މޮޅަކުން

އެފްއޭއެމް ވިމެންސް ލީގުގެ ފުރަތަމަ މެޗުތަކުން މާޒިޔާ އާއި ނިއު ރޭޑިއަންޓް ބޮޑު ތަފާތަކުން މޮޅުވެއްޖެ. މާޒިޔާއިން އެމްއެސް މޭޓްސް އަތުން 8-0 އިން މޮޅުވިއިރު، ނިއު ރޭޑިއަންޓުން ވަނީ ދަ ގްރާންޑޭ އަތުން 15-0 އިން ކުރިހޯދާފައެވެ. ހަތަރު ޓީމު ވާދަކުރާ މި މުބާރާތުގެ ދެވަނަ މެޗުތައް ކުޅުމަށް ހަމަޖެހިފައިވަނީ އަންނަ ބުދަ ދުވަހު.

ޖޭޖޭ ސްޕޯޓްސް ކްލަބުން ކޮޅުނބު ފުޓްސަލް ކަޕް ތަށި ދިފާއުކޮށްފި

ސްރީ ލަންކާގައި ބޭއްވި ކޮޅުނބު ފުޓްސަލް ކަޕްގެ ފައިނަލުގައި ލާސްޓް ވޯނިން އެފްސީ 3-0 އިން ބަލިކޮށް، ޖޭޖޭ ސްޕޯޓްސް ކްލަބުން މުބާރާތުގެ ތަށި ދިފާއުކޮށްފި. މި މުބާރާތުގައި ކުޅުނު ހުރިހާ މެޗަކުން ޖޭޖޭ މޮޅުވެފައިވާއިރު، މުބާރާތުގެ އެންމެ މޮޅު ފަސް ކުޅުންތެރިންގެ ތެރޭގައި އެ ޓީމުގެ ތިން ކުޅުންތެރިއަކު ހިމެނޭ

އިޓަލީ ކަޓުވާލައި ބެލްޖިއަމުން ނޭޝަންސް ލީގު ކުއާޓާ އަށް

ޔުއެފާ ނޭޝަންސް ލީގުގައި ރޭ ކުޅުނު މެޗުން 4-1 ގެ ބޮޑު ތަފާތަކުން އިޓަލީ ބަލިކޮށް، ބެލްޖިއަމުން މުބާރާތުގެ ކުއާޓާ ފައިނަލުން ޖާގަ ހޯދައިފި. އިޓަލީން ފުރަތަމަ ލަނޑު ޖަހައި ކުރިހޯދާފައިވަނިކޮށް، ބެލްޖިއަމުން ފަހަތުން އަރައި ފަސް ލަނޑު ޖެހިއިރު، މި ނަތީޖާއާއެކު އިޓަލީ ވަނީ މުބާރާތުން ކަޓާފައި

އިންގްލެންޑް އަތްދަށުވެ ސްޕެއިންގެ ބަލިނުވުމުގެ ރެކޯޑް ނިމިއްޖެ

ޔުއެފާ ނޭޝަންސް ލީގުގައި ރޭ އިންގްލެންޑް އަތުން 3-2 އިން ބަލިވެ، ސްޕެއިން މެޗަކުން ބަލިނުވެ ދަމަހައްޓަމުން އައި 43 މެޗުގެ ރެކޯޑް ނިމުމަކަށް އަތުވެއްޖެ. މި މެޗުގައި އިންގްލެންޑުން ތިން ލަނޑުގެ ލީޑެއް ނަގާފައިވަނިކޮށް، ސްޕެއިނުން ދެ ލަނޑު ޖެހި ނަމަވެސް މެޗުން މޮޅުވެވޭ ގޮތެއް ނުވި

އުންމީދަކީ 18 މަސް ދުވަސް ތެރޭ ފުޓްސަލް އެރީނާ ނިންމުން: ރާފިއު

ހުޅުމާލޭގައި ބިނާކުރާ ފުޓްސަލް އެރީނާގެ މަސައްކަތް 18 މަސްދުވަހުގެ ތެރޭގައި ނިންމުމަކީ އުންމީދެއް ކަމަށް ސްޕޯޓްސް މިނިސްޓަރު އަބްދުﷲ ރާފިއު (ރާއްޕެ) ވިދާޅުވެއްޖެ. ލިއޯ ޓްރޭޑިންއާ ހަވާލުކޮށްގެން ކުރިއަށްގެންދާ މި މަޝްރޫއަކީ ފުޓްސަލް ކުޅުންތެރިންނަށް ބޭނުންވާ އިންޑޯ ވަސީލަތްތައް ގާއިމުކުރުމަށް ފެށި މުހިންމު މަސައްކަތެއް

ނެޝަނަލް ފުޓްސަލް އެރީނާގެ އަމަލީ މަސައްކަތް ފަށައިފި

ހުޅުމާލޭގެ ތިންވަނަ ފިޔަވަހީގައި ބައިނަލްއަގުވާމީ ފެންވަރުގެ ނެޝަނަލް ފުޓްސަލް އެރީނާ އެޅުމުގެ އަމަލީ މަސައްކަތް ލިއޯ ޓްރޭޑިންއާ ހަވާލުކޮށްގެން ވަނީ ފަށާފައި. ދެ އަހަރު ދުވަހުގެ ތެރޭގައި ނިންމުމަށް ހަމަޖެހިފައިވާ މި މަލްޓި-ލެވެލް އެރީނާގައި ފަސް ކޯޓާއި، ކުޅުންތެރިންނަށް ބޭނުންވާ ޒަމާނީ ވަސީލަތްތައް ގާއިމުކުރަން ވަނީ ހަމަޖެހިފައި.

Newsletter

Get the latest news delivered straight to your inbox