ހުރާ ކައުންސިލުން ބިންތައް ހިފެހެއްޓިއިރު، ކައުންސިލްގެ ރައީސްގެ އާއިލާ ދެ މީހަކަށް އޮތީ ބީލަމުން ނާކާމިޔާބުވެފައި

ހުރާ ކައުންސިލުގެ ރައީސް އިހުސާން ޖަމީލް: ބިން ދޫކުރުމުގައި މައްސަލައެއް ނެތް ކަމަށް އޭސީސީން އޮތީ ބުނެފައި -- ފޮޓޯ: ހުރާ ކައުންސިލް

ހުރާ ކައުންސިލުގެ ރައީސް އިހުސާން ޖަމީލް: ބިން ދޫކުރުމުގައި މައްސަލައެއް ނެތް ކަމަށް އޭސީސީން އޮތީ ބުނެފައި -- ފޮޓޯ: ހުރާ ކައުންސިލް

ކ. ހުރާއިން ޓޫރިޒަމަށް ހާއްސަކޮށް ދޫކޮށްފައި ހުރި ބިންތަކެއް، އައު އެ ކައުންސިލުން ހަވާލުވުމަށްފަހު ހިފެހެއްޓިއިރު، ކައުންސިލް ރައީސް، އިހުސާން ޖަމީލްގެ އާއިލާގެ ދެ މީހަކު ބީލަމަށް ހުށަހަޅައި ނާކާމިޔާބުވެފައި އޮތްކަން އެނގިއްޖެ އެވެ.

ނިމިދިޔަ ކައުންސިލުން ހުރާގައި ޓޫރިޒަމްގެ ވިޔަފާރި ކުރަން 17 ބިން ބީލަމަށް ހުޅުވައިލި އެވެ. ބީލަންތައް ކާމިޔާބު ކުރި ފަރާތްތަކަށް އެވޯޑު ލެޓާ ވެސް އޮތީ އޭރު ހަވާލުކޮށްފަ އެވެ. ނަމަވެސް، އައު ކައުންސިލް އިންތިހާބުވުމަށްފަހު އެ ބިންތައް ހަވާލުކުރުން ވަނީ ހުއްޓާލައިފަ އެވެ.

މި ނޫހަށް ލިބިފައި ހުރި ލިޔެކިޔުންތަކުން އެނގޭ ގޮތުގައި ޓޫރިޒަމަށް ހާއްސަކޮށް ދޫކުރި ބިންތައް ހަވާލުކުރުން ހުރާގެ އައު ކައުންސިލުން ހުއްޓުވާފައި އޮތްއިރު، އެ ބިންތަކުގެ ބީލަމުގައި މިހާރުގެ ކައުންސިލް ރައީސް، އިހުސާން ޖަމީލްގެ އެއްބަނޑު އެއްބަފާ ދެބެއިން ކަމަށްވާ ހުސެއިން ޝިރުހާން އާއި ހަސަން ޒައިދު ބައިވެރިވެފައިވެ އެވެ. ނަމަވެސް، އެ ދެ މީހުންނަށް ވެސް ބީލަން ކާމިޔާބު ކުރެވިފައެއް ނުވެ އެވެ.

Advertisement

އެކަމާ ގުޅޭގޮތުން އިހުސާންގެ ބަހެއް ހޯދުމަށް ގުޅުމުން ވިދާޅުވީ ބިންތައް ހަވާލުކުރުން ހުއްޓާލާފައި އޮތީ އެލްޖީއޭއިން އެކަމާ ބެހޭ މައްސަލައެއް ބަލަމުން ދާތީ ކަމަށެވެ. 

"އެލްޖީއޭއިން އަންގާފައި އޮތީ އިންތިގާލީ މަރުހަލާގައި ސޮއި ނުކުރެވޭނެ ކަމަށް، އެއީ އެއް ކަންތައް، ހަމަ އެ ލެޓާގައި އޮތް ގޮތް، ދެވަނަ ކަމަކަށް އެ ލެޓާގައި ބުނަނީ މައްސަލަތަކެއް ހުރީތީ އެ މައްސަލަތައް ބަލައި ނިމެންދެން، ކޮންމެވެސް ޑޮކިއުމެންޓެއް، ދެން ހަނދާނެއް ނެތް ކޮން މާކަބޮޑަކަށް، ކޮންމެވެސް ޑޮކިއުމެންޓުތަކެއް ވެސް ގެންދާށޭ ބުނެފައި އޮތީ، އެލްޖީއޭއަށް ފޮނުވަން ބުނެފައި އޮތީ އެމީހުން މައްސަލަތަކެއް ބަލަނީއޭ،" އިހުސާން ވިދާޅުވި އެވެ.

"އެ މައްސަލަ ބަލާފައި ހުރާ ކައުންސިލަކަށް އަދި ލެޓާއެއް ނާދޭ."

ޕީއެންސީ މެންބަރުން ހުރާ ކައުންސިލާ ހަވާލުވެ ޓޫރިޒަމަށް ދޫކޮށްފައި ހުރި ބިންތައް ހިފަހައްޓައިފި

ކ. ހުރާގެ ކުރީގެ ކައުންސިލުން ޓޫރިޒަމަށް ދޫކުރި 17 ބިން، ބިޑު ކާމިޔާބުކުރި ފަރާތްތަކާ ހަވާލުކުރަން މިހާރުގެ ކައުންސިލުން ދަނީ ދެކޮޅު ހަދަމުން. މި މައްސަލައިގައި ކޮރަޕްޝަނެއް ނެތް ކަމަށް އޭސީސީން ނިންމާފައިވީ ނަމަވެސް، އެއްބަސްވުމުގައި ސޮއިނުކޮށް ލަސްކުރާތީ ބިންތައް ލިބުނު ފަރާތްތަކަށް ބޮޑެތި މާލީ ގެއްލުންތަކެއް ދަނީ ކުރިމަތިވަމުން.

އެ ބިންތަކުގެ ބީލަމުގައި އިހުސާންގެ އެއްބަނޑު ތިމާގެ ބަޔަކު ބައިވެރިވެ ނާކާމިޔާބުވެފައި އޮއްވައި އެ ބިންތައް ދޫކުރުން ހުއްޓުވާފައި އޮތުމުން މަސްލަހަތު ފުށުއަރާތީ، އެކަމާ ގުޅޭގޮތުން ސުވާލުކުރުމުން އޭނާ ވިދާޅުވީ އެކަމާ ބެހޭ އެއްވެސް ސުވާލަކަށް ޖަވާބުދެވެން ނެތް ކަމަށެވެ.

"ތިއިން އެއްވެސް ސުވާލަކަށް ޖަވާބު ދެވޭކަށް ނެތް އަޅުގަނޑަކަށް އިނގޭތޯ؟،" އިހުސާން ވިދާޅުވި އެވެ.

ހުރާއިން ޓޫރިޒަމަށް ހާއްސަކޮށްފައި ހުރި ބިންތަކުގެ ބީލަން ކާމިޔާބުކުރި ފަރާތްތަކަށް ބިންތައް ހަވާލުނުކޮށް މަޑުކުރަނީ އެލްޖީއޭގެ ލަފަޔަކާ ގުޅިގެން ކަމަށް އިހުސާން ވިދާޅުވިއިރު، ކައުންސިލްތަކުން ހިންގާ ބީލަންތަކާއި އެ ބާވަތުގެ މުއާމަލާތްތަކުގެ މައްސަލަ ތަހުގީގު ކުރުމަކީ އެލްޖީއޭގެ ޒިންމާގެ ތެރޭގައި ހިމެނޭ ކަމެއް ނޫނެވެ. ގާނޫނުން އެ ޒިންމާ މަތިކޮށްފައި އެންޓި ކޮރަޕްޝަން ކޮމިޝަނަށެވެ.

ބީލަން ކާމިޔާބުކުރި ފަރާތްތަކަށް އެވޯޑު ލެޓާ ހަވާލު ކުރީ، ބިން ދޫކުރުމުގައި އެއްވެސް މައްސަލައެއް ނެތް ކަމަށް އޭސީސީން ނިންމުމުންނެވެ. އެ މައްސަލަ އޭސީސީއަށް ހުށަހެޅީ ރަށު ކައުންސިލުން އަމިއްލައަށް އިސްނަގައިގެންނެވެ.

ބިންތައް އެވޯޑު ކުރުމުގެ ކުރިން ކުރީގެ ރަށު ކައުންސިލުން އޭސީސީއަށް މައްސަލައެއް ހުށަހެޅީ، އެ ބިންތައް ނުއަގުގައި ދޫކުރަން އުޅޭ ކަމަށް ބުނެ އަޑުތަކެއް ފެތުރުމުންނެވެ. އެކަމަކު އެ މައްސަލަ ބެލުމަށްފަހު އޭސީސީ އިން ނިންމީ ބިންތައް ހަވާލު ކުރުމުގައި ކޮރަޕްޝަންގެ އެއްވެސް އަމަލެއް ނުހިނގާ ކަމަށެވެ. 

އެ ރަށުން މި ނޫހަށް މައުލޫމާތު ދިން މީހަކު ބުނީ، އެ ބިންތައް ދޫނުކޮށް އައު ކައުންސިލުން ހިފަހައްޓާފައި ވަނީ އިހުސާންގެ ނުފޫޒުން ކަމަށެވެ.

"ސީދާ އޭނާގެ އެއްބަނޑުއެއްބަފާ މީހުންނަށް ނުލިބި އޮތީމާ އެ ހިފަހައްޓާފައި އޮތް ކަމަށް ރަށު ތެރޭގައި ކިޔަނީ، އެ ދެމީހުންނަށް ބީލަން ކާމިޔާބު ނުވީމާ ކޮށްގެން އުޅޭ ކަމެއް ކަމަށް،" އެ ރަށުން ވާހަކަދެއްކި މީހަކު ބުންޏެވެ.

އެއްވެސް މައްސަލައެއް ނެތް ކަމަށް އޭސީސީން ކަނޑައަޅާފައި އޮއްވައި، އެ ބިންތައް ދޫނުކޮށް ހިފަހައްޓައިގެން އުޅޭ މައްސަލައިގައި އޭސީސީއާ ސުވާލުކުރުމުން އެކަން ބަލައިލުމަށްފަހު ޖަވާބެއް ދޭނެ ކަމަށް އެ ކޮމިޝަނުން އިއްޔެ ބުންޏެވެ. ނަމަވެސް، މި ހަބަރު ޝާއިއު ކުރުމާ ހަމައަށް ވެސް އެ ކޮމިޝަނުން އެއްވެސް ޖަވާބެއް ދީފައެއް ނުވެ އެވެ.

ނިމދިޔަ ކައުންސިލުން ހުރާގެ ޓޫރިޒަމް 17 ބިމެއް ދޫކޮށްގެން 1.8 މިލިއަން ރުފިޔާ ބިޑު ފައިސާގެ ގޮތުގައި ލިބުނެވެ. އެ ބިންތައް ދޫކުރަން ނިންމީ ކޮންމެ މަހަކު ކުލީގެ އިތުރުން ސީއެސްއާރްއަށްވާ ފައިސާ ވެސް ކައުންސިލަށް ލިބޭ ގޮތަށެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox