ދިވެހި ފުލުހުންގެ ހިދުމަތުގެ ރަސްމީ ތަރުޖަމާނުގެ މަގާމަށް ކުރިން ވެސް އެ މަގާމު އަދާކޮށްފައިވާ އިންސްޕެކްޓާ އޮފް ޕޮލިސް އަހުމަދު ޝިޔާމް މިއަދު ހަމަޖައްސައިފި އެވެ.
މި ބަދަލާ ގުޅިގެން، ދިވެހި ފުލުހުންގެ ހިދުމަތުގެ ފަރާތުން މީޑިއާތަކަށް މައުލޫމާތު ދިނުމާއި، އާންމު ހޭލުންތެރިކަން އިތުރުކުރުމުގެ މުއާމަލާތްތަކުގައި އެންމެ އިސްކޮށް ދެން ހަރަކާތްތެރިވާނީ ޝިޔާމް ކަމަށް ފުލުހުންގެ އިދާރާއިން ވަނީ ބުނެފަ އެވެ.
ޝިޔާމް 12 އަހަރު ފަހުން ފުލުހުންގެ ވަޒީފާއާ އަލުން ގުޅުނީ، 2014 ގައި ވަޒީފާއިން ވަކިކުރި ނިންމުން ހައިކޯޓުން ބާތިލުކުރުމުންނެވެ.
ޝިޔާމް މި މަގާމާ ހަވާލުވެވަޑައިގަތީ، މީގެ ކުރިން ތަރުޖަމާނުގެ މަސްއޫލިއްޔަތު އަދާކުރެއްވި ސުޕްރިންޓެންޑެންޓް އޮފް ޕޮލިސް އާރިފްގެ ބަދަލުގަ އެވެ. ނަމަވެސް، އާރިފް އެ މަގާމުން ވަކިކުރި ވަކި ސަބަބެއް ފުލުހުންގެ އިދާރާއިން ހާމަކޮށްފައެއް ނުވެ އެވެ.
މިއީ މި ސަރުކާރުގެ ދައުރުގެ ތެރޭގައި ފުލުހުންގެ ތަރުޖަމާނުގެ މަގާމާ ހަވާލުވާ ތިން ވަނަ ފުލުހެވެ. އާރިފުގެ ކުރިން މ މަގާމުގައި ހުރީ އެސިސްޓަންޓް ކޮމިޝަނާ އޮފް ޕޮލިސް އަހުމަދު ޝިފާން އެވެ.
