އިންޓަ އިން 10 ވަނަ ފަހަރަށް އިޓާލިއަން ކަޕް ކާމިޔާބުކޮށްފި

May 14, 2026, 6:20 AM
އިންޓަ މިލާނުން އިޓާލިއަން ކަޕްގެ ތަށްޓާ އެކު އުފާފާޅުކުރަނީ.

އިންޓަ މިލާނުން އިޓާލިއަން ކަޕްގެ ތަށްޓާ އެކު އުފާފާޅުކުރަނީ.

ރޯމް (މެއި 14) - އިޓާލިއަން ކަޕްގެ ފައިނަލުަގައި ރޭ 2-0 އިން ލާޒިއޯގެ މައްޗަށް ކުރިހޯދައި، އިންޓަ މިލާނުން އެ ކްލަބްގެ ތާރީހުގައި 10 ވަނަ ފަަހަރަށް އިޓާލިއަން ކަޕްގެ ތަށި އުފުލާލައިފި އެވެ. 

އިންޓަ އިން މި ފަހަރުގެ ސީޒަން ނިންމާލާފައި މި ވަނީ ލީގާއި ކަޕްގެ ޗެމްޕިއަންކަން ހޯދައިގެންނެވެ. މިއީ، އިންޓަގެ ތާރީހުގައި މިކަން ހާސިލްވި ދެ ވަނަ ފަހަރެވެ. މީގެ ކުރިން، އެކަން ކުރީ، 2009-10 ވަނަ ސީޒަނުގައި ހޯސޭ މޮރީނިއޯ އެ ޓީމާ ހަވާލުވެ ހުރިއިރު އެވެ. 

އެކާވީސް ވަނަ ފަހަރަށް އިޓާލިއަން ލީގުގެ ޗެމްޕިއަންކަން މި ސީޒަނުގައި ހާސިލްކުރި އިންޓަ އިން މި ހަފްތާގައި ލީގުގައި ކުޅުނު މެޗުގައި ވެސް ނުކުތީ ލާޒިއޯއާ ދެކޮޅަށެވެ. އެ ގޮތުން، މީގެ ހަަތަރު ދުވަސް ކުރިން ލާޒިއޯއާ ދެކޮޅަށް ކުޅުނު މެޗުން އިންޓަ މޮޅުވީ 3-0 އިންނެވެ. 

ރޭ ކުޅުނު ފައިނަލުގައި އިންޓަ އިން ދެ ލަނޑު ވެސް ޖެހީ މެޗުގެ ފުރަތަމަ ހާފުގަ އެވެ. 

މެޗު ފެށުނުތަނާހެން އިންޓަ އިން އެޓޭކަށް ޖެހިގެން ލާޒިއޯގެ ފަހަތަށް ބާރު ބޮޑުކުރަން ފެށި އެވެ. އެ ގޮތުން، މެޗުގެ ކުރީކޮޅުގައި އިންޓަގެ ނިކޯލޯ ބަރެއްލާ ނެގި ހުރަހަކަށް އަރައި، ލައުޓާރޯ މާޓީނޭޒް ބޮލުން ޖެހި ބޯޅަ ދިޔައީ ގޯލާ ސީދާނުވެ ބޭރުންނެވެ. 

އިންޓަ އިން ލީޑުނެގީ މެޗުގެ 14 ވަނަ މިނިޓްގަ އެވެ. މިއީ، އެ ޓީމުގެ ފުލްބެކް، ފެޑެރީކޯ ޑި މާކޯ ނެގި ކޯނަރަކަށް އަރައި، މާކަސް ތުރާމް ބޮލުން ޖެހި ބޯޅައެއް، ލާޒިއޯގެ އެޑަމް މަރުސިޗް ގައިގައި ޖެހިފައި ވަން ގޯލެކެވެ. އޭގެ ފަހުން، އިންޓަގެ ޑެންޒެލް ޑަމްފްރީސް ޖެހި ޝޮޓެއް ވަނީ ބްލޮކްވެފަ އެވެ. 

މެޗުގައި އިންޓަ އިން ދެ ވަަނަ ލަނޑެއް ޖެހީ، ފުރަތަމަ ހާފު ނިމެން 10 މިިނިޓަށް ވެފައި ހުއްޓަ އެވެ. ލާޒިއޯގެ ޑިފެންޑަރުން ހެދި ގޯހެއްގެ ފައިދާނަގައި، ޑަމްފްރީސް އޭރިއާތެރެއަށް ވަދެ، ގޯލު ކުރިމަައްޗަށް މުޅިން ހުސްކޮށްލާފައި ދިން ބޯޅަ މާޓީނޭޒް ވަނީ ގޯލުގެ ތެރެއަށް ފޮނުވާލައިފަ އެވެ. މިއީ، މި ސީޒަނުގެ ހުރިހާ މުބާރާތެއްގައި މާޓީނޭޒްގެ 22 ވަނަ ގޯލެވެ. 

އޭގެ ފަހުން، އިންޓަގެ ޕިއެޓްރޭ ޒިއެލިންސްކީ ފޮނުވާލި ހަމަލާއެއް ލާޒިއޯގެ ކީޕަރު، އެޑޮއާޑޯ މޮޓާ ވަނީ މަތަކޮށްފަ އެވެ. 

ދެ ވަނަ ހާފުގައި ލާޒިއޯ އިން ކުރިއަށް ޖެހިގެން ލަނޑެއް ޖެހޭތޯ ބެލި ނަމަވެސް އެކަން ކާމިޔާބެއްނުވި އެވެ. އަނެއްކޮޅުން، އިންޓަ އަށް މެޗުގައި ތިން ވަަނަ ލަނޑެއް ޖަހައިދޭން ތުރާމް އާއި ޒިއެލިންސްކީ އަށް ލިބުނު ފުރުސަތުތަކުގެ ބޭނުމެއް ހިފޭ ގޮތެއްނުވި އެވެ. 

ކޮމެންޓް

ފަހުގެ ޚަބަރު

މާޒިޔާ އާއި ނިއު ރޭޑިއަންޓް ވަރުގަދަ ފެށުމާ އެކު ކުރިއަށް

އެފްއޭއެމް ވިމެންސް ލީގުގައި ކުޅުނު ފުރަތަމަ ދެ މެޗުން މޮޅުވެ، މާޒިޔާ އާއި ނިއު ރޭޑިއަންޓުން މުބާރާތުގެ ވަރުގަދަ ފެށުމެއް ދަމަހައްޓައިފިއެވެ. މިހާތަނަށް ކުޅުނު މެޗުތަކުން ދެ ޓީމަށްވެސް ހަ ޕޮއިންޓް ލިބިފައިވާއިރު، ލަނޑުގެ ތަފާތުން ތާވަލުގެ އެއްވަނައިގައި އޮތީ ނިއު ރޭޑިއަންޓެވެ. މި މުބާރާތުގެ ފޯރިގަދަ މެޗެއްގައި އަންނަ އާދިއްތަ ދުވަހު ނިއު އާއި މާޒިޔާ ބައްދަލުކުރާނެއެވެ.

ސިޓީއާ ޔުނައިޓެޑުން އަރާހަމަކުރާނެ ކަމަށް ޕޮޗެޓީނޯ ބުނެފި

މެންޗެސްޓާ ޔުނައިޓެޑްގެ ކޯޗުކަމާ ހަވާލުވެ، މައުރީސިއޯ ޕޮޗެޓީނޯ ބުނީ އެ ސަރަހައްދުގެ އެންމެ ކާމިޔާބު ޓީމަކަށް އަލުން ޔުނައިޓެޑް ހަދައި، ސިޓީގެ ކުރި ހޯދާނެ ކަމަށް. ލީގުގެ 18 ވަނައިގައި އޮތް ޔުނައިޓެޑްގެ ހާލަތު ބަދަލުކުރަން ވަގުތު ބޭނުންވާނެ ކަމަށާއި، ނަމަވެސް ފުރަތަމަ ދުވަހުން ފެށިގެން އެ މަސައްކަތް ކުރާނެ ކަމަށް އޭނާ ވަނީ ބުނެފައި.

އެމްއައިބީން ގައުމީ ބިލިއާޑު ޗެމްޕިއަންކަން ހޯދައިފި

ޤައުމީ ބިލިއާޑް މުބާރާތުގެ ފައިނަލުގައި ދިވެހި ސިފައިންގެ ކްލަބް 3-2 އިން ބަލިކޮށް، މޯލްޑިވްސް އިސްލާމިކް ބޭންކް (މިބްސާ) އިން މުބާރާތުގެ ޗެމްޕިއަންކަން ހޯދައިފި. ޖުމްލަ 10 ޓީމު ވާދަކުރި މި މުބާރާތުގެ ޗެމްޕިއަން ޓީމަށް 30,000 ރުފިޔާގެ ފައިސާގެ އިނާމެއް ވަނީ ދީފައި.

ލުކާކޫ، 16 އަހަރަށް ފަހު ބެލްޖިއަމް ޓީމުން ރިޓަޔާކޮށްފި

ބެލްޖިއަމްގެ ގައުމީ ޓީމަށް 16 އަހަރު ކުޅެދިނުމަށްފަހު، އެ ގައުމަށް އެންމެ ގިނަ ލަނޑު ޖަހައިދިން ރޮމެލޫ ލުކާކޫ ބައިނަލްއަގުވާމީ ފުޓްބޯޅައިން ރިޓަޔާކޮށްފި. ޖުމްލަ 135 މެޗުން 94 ލަނޑު ކާމިޔާބުކޮށްފައިވާ ލުކާކޫ އަކީ ބައިނަލްއަގުވާމީ ފުޓްބޯޅައިގައި ފަސްވަނައަށް އެންމެ ގިނަ ލަނޑު ޖެހި ކުޅުންތެރިޔާގެ އިތުރުން ޔޫރޯ ކޮލިފައިންގެ ރެކޯޑް އޮތް ކުޅުންތެރިޔާ

ލިބުނީ މަދު ވަގުތުކޮޅެއް، ޝަކުވާނުކޮށް ހޯދައިދިނީ ސާފްގެ ތަށި!

މި އަހަރުގެ ސާފް ޗެމްޕިއަންޝިޕް ކާމިޔާބުކުރި އިންޑިއާ ޓީމަށް ތައްޔާރުވާން މަދު ވަގުތުކޮޅެއް ލިބުނުއިރު، މުބާރާތުގެ ތެރެއިން މުހިންމު ކުޅުންތެރިންތަކެއް ޓީމުން ވަކިވުމުން ގިނަ ގޮންޖެހުންތަކަކާ ކުރިމަތިލާން ޖެހުނު. ނަމަވެސް ކޯޗު ނައުޝާދުގެ އިރުޝާދުގެ ދަށުން، ޒުވާން ކުޅުންތެރިންނަށް އިތުބާރުކޮށްގެން އިންޑިއާ އިން ވަނީ ޝަކުވާއެއް ނެތި ތަށި ހޯދާފައި

ސާފް ޗެމްޕިއަންޝިޕްގެ ފެއާ ޕްލޭ އެވޯޑް ރާއްޖެ އަށް

ބަންގްލަދޭޝްގައި ނިމުނު ސާފް ޗެމްޕިއަންޝިޕްގައި ރާއްޖެ ކުޅުނު ދެ މެޗުން ބަލިވެ، މުބާރާތުން ކެޓި ނަމަވެސް، މުޅި މުބާރާތުގެ ފެއާޕްލޭ އެވޯޑް ރާއްޖެއަށް ވަނީ ލިބިފައި. މިއީ ލަނޑެއް އަދި ޕޮއިންޓެއް ނުލިބި ރާއްޖެ މި މުބާރާތުން ކެޓި ފުރަތަމަ ފަހަރު ކަމަށްވާއިރު، މިއީ ސާފް ޗެމްޕިއަންޝިޕްގެ ތާރީޚުގައި ރާއްޖެއަށް ލިބުނު އެންމެ ދަށް ނަތީޖާއ

ރިވައިވަލް ބެޑްމިންޓަން ޗެލެންޖް ތަށި ހައިޝަމް އާއި ނަބާ އަށް

އެމްއައިބީ ރިވައިވަލް ބެޑްމިންޓަން ޗެލެންޖުގެ ފިރިހެން ސިންގަލްސް ތަށި ހައިޝަމް އިބްރާހިމް އަލީ ހޯދިއިރު، އަންހެން ސިންގަލްސް ތަށި ކާމިޔާބުކުރީ ފާތިމަތު ނަބާހާ އެވެ. މި މުބާރާތުގެ ފިރިހެން ޑަބަލްސް ޒަޔާން އާއި ނިބާލް ކާމިޔާބުކުރިއިރު، އަންހެން ޑަބަލްސް ތަށި ހޯދީ ނަބާ އާއި ނަބީހާގެ ޕެއާ އިންނެވެ.

Newsletter

Get the latest news delivered straight to your inbox