ފަހަތުން އަރައި ކޯމޯ ބަލިކޮށް އިންޓަ އިން އިޓާލިއަން ކަޕް ފައިނަލަށް

Apr 22, 2026, 10:38 AM
ރޭގެ މެޗުގައި ކޯމޯ ކޮޅަށް ލަނޑު ޖެހުމަށް ފަހު ޗަނޮނޯލޫ އުފާފާޅުކުރަނީ.

ރޭގެ މެޗުގައި ކޯމޯ ކޮޅަށް ލަނޑު ޖެހުމަށް ފަހު ޗަނޮނޯލޫ އުފާފާޅުކުރަނީ.

މިލާން (އޭޕްރީލް 22) - އިޓާލިއަން ކަޕް ސެމީ ފައިނަލު ދެ ވަނަ ލެގުގައި ރޭ ފަހަތުން އަރައި 3-2 އިން ކޯމޯ ބަލިކޮށް އިންޓަ މިލާނުން އިޓާލިއަން ކަޕް ފައިނަލުގެ ފުރަތަމަ ޖާގަ ހޯދައިފި އެވެ.

އަންނަ މަހުގެ 13 ވަނަ ދުވަހު ކުޅޭ އިޓާލިއަން ކަޕް ފައިނަލުގައި އިންޓަ އިން ނުކުންނާނީ ސެމީ ފައިނަލް ދެ ވަނަ މެޗުގައި އެޓަލަންޓާ އާއި ލާޒިއޯ ކުޅެގެން މޮޅުވާ ޓީމެކެވެ. ލާޒިއޯ އިން ވަނީ ފުރަތަމަ ލެގުގައި އަމިއްލަ ދަނޑުގައި 2-2 އިން އެޓަލަންޓާއާ އެއްވަރުވެފަ އެވެ. ދެ ވަނަ ލެގު މިރޭ އޮންނާނީ އެޓަލަންޓާ ދަނޑުގަ އެވެ. 

މިލާނުގެ ސެން ސީރޯ ސްޓޭޑިއަމްގައި ރޭ ކޯމޯ އިން ވަނީ ދެ ގޯލުގެ ލީޑެއް ނަގައިފަ އެވެ. ކޯމޯ އިން ލީޑުނެގީ 31 ވަނަ މިނިޓްގައި މާޓިން ބަޓުރީނާ ޖެހި ގޯލުންނެވެ. އިންޓަ އޭރިއާތެރެއިން ލިބުނު ފުރުސަތުގައި ބަޓުރީނާ ވަނީ ތިރިތިރިން ގޯލުގެ ތެރެއަށް ބޯޅަ ފޮނުވާލައިފަ އެވެ. އިންޓަ އަށް އެއްވަރުކޮށްދޭން މާކަސް ތުރާމް ބޮލުން ޖެހި ބޯޅައެއް ކޯމޯ ކުޅުންތެރިން ވަނީ ގޯލު ރޮނގުމަތިން ސަލާމަތްކޮށްފަ އެވެ. 

އެއް ގޯލުގެ ލީޑެއްގައި ފުރަތަމަ ހާފު ނިންމާލި ކޯމޯ އިން ވަނީ ދެ ވަނަ ހާފު ފެށިގެން ތިން ވަނަ މިިނިޓްގައި އިތުރު ގޯލެއް ޖަހައި، ލީޑުފުޅާކޮށްފަ އެވެ. މެޗުގެ 48 ވަނަ މިނިޓްގައި މި ލަނޑު ޖެހީ ލޫކަސް ޑަ ކޫންޏާ އެވެ.  މިއީ، ނިކޯ ޕާޒް ދިން ބޯޅައެއް ހިފައިގެން އޭރިއާތެރެއަށް ވަދެ، ގޯލުގެ ދުރު ކަނަށް ބޯޅަ އަމާޒުކޮށްލައިގެން ޑަ  ކޫންޏާ ޖެހި ގޯލެކެވެ. 

އިންޓަ އިން ފުރަތަމަ ލަނޑު ޖެހީ މެޗުގެ 68 ވަނަ މިނިޓްގަ އެވެ. އޭރިއާ ރޮނގުކައިރިން ކުޑަތަންކޮޅެއް ބޭރުން ލިބުނު ފުރުސަތެއްގައި، އިންޓަގެ މިޑްފީލްޑަރު، ހަކަން ޗަނޮނޯލޫ ފޮނުވާލި ބޯޅަ އަމާޒުވީ ގޯލުގެ ތިރީ ކަަނަށެވެ. މިއީ، ޕީޓާ ސުޗިޗް ދިން ބޯޅައަކުން ޗަަނޮނޯލޫ ޖެހި ގޯލެކެވެ. އިންޓަގެ ތިން ގޯލުގައި ވެސް ފެނުނީ މި ކޮމްބިނޭޝަނެވެ. އެ ގޮތުން، އިންޓަ އިން އެއްވަރުކުރީ މެޗުގެ 86 ވަނަ މިނިޓްގައި ސުޗިޗް ނެގި ހުރަހަކުން ޗަނޮނޯލޫ ބޮލުން ވައްދާލި ގޯލުންނެވެ. އަދި، އިންޓަ މޮޅުވީ، އެއްވަރުކުރިތާ ދެ މިނިޓް ފަހުން، ޗަނޮނޯލޫ ދިން ބޯޅައަކުން ސުޗިޗް ކާމިޔާބުކުރި ގޯލަކުންނެވެ. ސުޗިޗް ވަނީ ބޯޅަ ކޮންޓްރޯލް ކުރުމަށް ފަހު ގޯލުގެ ދުރު ކަނަށް ފޮނުވާލައިފަ އެވެ. 

އިންޓަ އިން ވަނީ އިޓާލިއަން ކަޕްގެ ޗެމްޕިއަންކަން ނުވަ ފަހަރު ހޯދައިފަ އެވެ. އިޓާލިއަން ލީގުގެ އެއް ވަނައިގައި އޮތް އިންޓަ އިން އެންމެ ފަހުން އިޓާލިއަން ކަޕް ކާމިޔާބުކުރީ 2023 ގަ އެވެ. 

ކޮމެންޓް

ފަހުގެ ޚަބަރު

މާޒިޔާ އާއި ނިއު ރޭޑިއަންޓް ވަރުގަދަ ފެށުމާ އެކު ކުރިއަށް

އެފްއޭއެމް ވިމެންސް ލީގުގައި ކުޅުނު ފުރަތަމަ ދެ މެޗުން މޮޅުވެ، މާޒިޔާ އާއި ނިއު ރޭޑިއަންޓުން މުބާރާތުގެ ވަރުގަދަ ފެށުމެއް ދަމަހައްޓައިފިއެވެ. މިހާތަނަށް ކުޅުނު މެޗުތަކުން ދެ ޓީމަށްވެސް ހަ ޕޮއިންޓް ލިބިފައިވާއިރު، ލަނޑުގެ ތަފާތުން ތާވަލުގެ އެއްވަނައިގައި އޮތީ ނިއު ރޭޑިއަންޓެވެ. މި މުބާރާތުގެ ފޯރިގަދަ މެޗެއްގައި އަންނަ އާދިއްތަ ދުވަހު ނިއު އާއި މާޒިޔާ ބައްދަލުކުރާނެއެވެ.

ސިޓީއާ ޔުނައިޓެޑުން އަރާހަމަކުރާނެ ކަމަށް ޕޮޗެޓީނޯ ބުނެފި

މެންޗެސްޓާ ޔުނައިޓެޑްގެ ކޯޗުކަމާ ހަވާލުވެ، މައުރީސިއޯ ޕޮޗެޓީނޯ ބުނީ އެ ސަރަހައްދުގެ އެންމެ ކާމިޔާބު ޓީމަކަށް އަލުން ޔުނައިޓެޑް ހަދައި، ސިޓީގެ ކުރި ހޯދާނެ ކަމަށް. ލީގުގެ 18 ވަނައިގައި އޮތް ޔުނައިޓެޑްގެ ހާލަތު ބަދަލުކުރަން ވަގުތު ބޭނުންވާނެ ކަމަށާއި، ނަމަވެސް ފުރަތަމަ ދުވަހުން ފެށިގެން އެ މަސައްކަތް ކުރާނެ ކަމަށް އޭނާ ވަނީ ބުނެފައި.

އެމްއައިބީން ގައުމީ ބިލިއާޑު ޗެމްޕިއަންކަން ހޯދައިފި

ޤައުމީ ބިލިއާޑް މުބާރާތުގެ ފައިނަލުގައި ދިވެހި ސިފައިންގެ ކްލަބް 3-2 އިން ބަލިކޮށް، މޯލްޑިވްސް އިސްލާމިކް ބޭންކް (މިބްސާ) އިން މުބާރާތުގެ ޗެމްޕިއަންކަން ހޯދައިފި. ޖުމްލަ 10 ޓީމު ވާދަކުރި މި މުބާރާތުގެ ޗެމްޕިއަން ޓީމަށް 30,000 ރުފިޔާގެ ފައިސާގެ އިނާމެއް ވަނީ ދީފައި.

ލުކާކޫ، 16 އަހަރަށް ފަހު ބެލްޖިއަމް ޓީމުން ރިޓަޔާކޮށްފި

ބެލްޖިއަމްގެ ގައުމީ ޓީމަށް 16 އަހަރު ކުޅެދިނުމަށްފަހު، އެ ގައުމަށް އެންމެ ގިނަ ލަނޑު ޖަހައިދިން ރޮމެލޫ ލުކާކޫ ބައިނަލްއަގުވާމީ ފުޓްބޯޅައިން ރިޓަޔާކޮށްފި. ޖުމްލަ 135 މެޗުން 94 ލަނޑު ކާމިޔާބުކޮށްފައިވާ ލުކާކޫ އަކީ ބައިނަލްއަގުވާމީ ފުޓްބޯޅައިގައި ފަސްވަނައަށް އެންމެ ގިނަ ލަނޑު ޖެހި ކުޅުންތެރިޔާގެ އިތުރުން ޔޫރޯ ކޮލިފައިންގެ ރެކޯޑް އޮތް ކުޅުންތެރިޔާ

ލިބުނީ މަދު ވަގުތުކޮޅެއް، ޝަކުވާނުކޮށް ހޯދައިދިނީ ސާފްގެ ތަށި!

މި އަހަރުގެ ސާފް ޗެމްޕިއަންޝިޕް ކާމިޔާބުކުރި އިންޑިއާ ޓީމަށް ތައްޔާރުވާން މަދު ވަގުތުކޮޅެއް ލިބުނުއިރު، މުބާރާތުގެ ތެރެއިން މުހިންމު ކުޅުންތެރިންތަކެއް ޓީމުން ވަކިވުމުން ގިނަ ގޮންޖެހުންތަކަކާ ކުރިމަތިލާން ޖެހުނު. ނަމަވެސް ކޯޗު ނައުޝާދުގެ އިރުޝާދުގެ ދަށުން، ޒުވާން ކުޅުންތެރިންނަށް އިތުބާރުކޮށްގެން އިންޑިއާ އިން ވަނީ ޝަކުވާއެއް ނެތި ތަށި ހޯދާފައި

ސާފް ޗެމްޕިއަންޝިޕްގެ ފެއާ ޕްލޭ އެވޯޑް ރާއްޖެ އަށް

ބަންގްލަދޭޝްގައި ނިމުނު ސާފް ޗެމްޕިއަންޝިޕްގައި ރާއްޖެ ކުޅުނު ދެ މެޗުން ބަލިވެ، މުބާރާތުން ކެޓި ނަމަވެސް، މުޅި މުބާރާތުގެ ފެއާޕްލޭ އެވޯޑް ރާއްޖެއަށް ވަނީ ލިބިފައި. މިއީ ލަނޑެއް އަދި ޕޮއިންޓެއް ނުލިބި ރާއްޖެ މި މުބާރާތުން ކެޓި ފުރަތަމަ ފަހަރު ކަމަށްވާއިރު، މިއީ ސާފް ޗެމްޕިއަންޝިޕްގެ ތާރީޚުގައި ރާއްޖެއަށް ލިބުނު އެންމެ ދަށް ނަތީޖާއ

ރިވައިވަލް ބެޑްމިންޓަން ޗެލެންޖް ތަށި ހައިޝަމް އާއި ނަބާ އަށް

އެމްއައިބީ ރިވައިވަލް ބެޑްމިންޓަން ޗެލެންޖުގެ ފިރިހެން ސިންގަލްސް ތަށި ހައިޝަމް އިބްރާހިމް އަލީ ހޯދިއިރު، އަންހެން ސިންގަލްސް ތަށި ކާމިޔާބުކުރީ ފާތިމަތު ނަބާހާ އެވެ. މި މުބާރާތުގެ ފިރިހެން ޑަބަލްސް ޒަޔާން އާއި ނިބާލް ކާމިޔާބުކުރިއިރު، އަންހެން ޑަބަލްސް ތަށި ހޯދީ ނަބާ އާއި ނަބީހާގެ ޕެއާ އިންނެވެ.

Newsletter

Get the latest news delivered straight to your inbox