ޓެލެކޮމް މެލޭޝިއާގެ 20 މިލިއަން ޑޮލަރަށް ހިޔާނާތްތެރިވި ތިން ވެރިއަކަށް އެމެރިކާގައި ދައުވާ އުފުލައިފި

May 20, 2026, 9:04 AM
ޓެލެކޮމް މެލޭޝިއާގެ އިމާރާތް.

ޓެލެކޮމް މެލޭޝިއާގެ އިމާރާތް.

މެލޭޝިއާގެ ދައުލަތުގެ މުއާސަލާތީ ކުންފުނި، ޓެލެކޮމް މެލޭޝިއާ (ޓީއެމް) ގެ އިސް ތިން މުވައްޒަފަކު އެ ކުންފުނީގެ 20 މިލިއަން ޑޮލަރަށް ވުރެ ގިނަ ފައިސާއަށް ހިޔާނާތްތެރިވި ކަމުގެ ތުހުމަތުގައި އެމެރިކާ ސަރުކާރުން އެ މީހުންގެ މައްޗަށް ދައުވާ އުފުލައިފި ކަމަށް އެމެރިކާގެ ޑިޕާޓްމަންޓް އޮފް ޖަސްޓިސް (ޑީއޯޖޭ) އިން ބުނެފި އެވެ.

ޓެލެކޮމް މެލޭޝިއާގެ އެމެރިކާ ގޮފީގެ އިސްވެރިންގެ ގޮތުގައި މަސައްކަތް ކުރި މުހައްމަދު ހާފިޒް ލޮކްމަން އާއި، މުހައްމަދު ޔުޒައިމީ ޔޫސުފްގެ އިތުރުން ހާން ތުއޮންގް ންގުޔެންގެ މައްޗަށް ކުރަނީ، 2020 ވަނަ އަހަރުގެ ޖުލައި މަހުން ފެށިގެން 2026 ވަނަ އަހަރުގެ ފެބްރުއަރީ މަހުގެ ނިޔަލަށް އެކި ފަހަރު މަތިން ދޮގު މައުލޫމާތު ދީގެންނާއި ލިޔެކިޔުންތައް އޮޅުވާލައިގެން ކުންފުނީގެ ފައިސާ ނަގައި، އެމެރިކާގެ ކަމާބެހޭ ފަރާތްތަކާއި، ސަޕްލަޔަރުންނާއި، އޮޑިޓަރުންގެ އިތުރުން ސުޕަވައިޒަރުންނަށް އޮޅުވާލި ކަމުގެ ތުހުމަތެވެ.

"މި ތިން މީހުންނަކީ އަމިއްލަ މާލީ މަންފާއަށްޓަކައި ކުންފުނީގެ ރެކޯޑުތައް އޮޅުވާލައިގެން، ވަރަށް ބޮޑަށް ރާވައިގެން ހިޔާނާތުގެ އަމަލުތަކެއް ހިންގާފައިވާ ބައެއް ކަމަށް ތުހުމަތު ކުރެވޭ،" އެފްބީއައިގެ އެސިސްޓަންޓް ޑައިރެކްޓަރު އިން ޗާޖް ޖޭމްސް ސީ ބާނަކްލް ޖޫނިއާ ނެރުއްވި ބަޔާނެއްގައި ވިދާޅުވި އެވެ.

Advertisement

މި މައްސަލާގައި ތުހުމަތު ކުރެވޭ މުހައްމަދު ހާފިޒް، ސެން ފްރެންސިސްކޯ އެއާޕޯޓުން ހައްޔަރުކޮށްފައިވާއިރު، އަނެއް ދެ މީހުން ވަނީ މިދިޔަ މަހު އަމިއްލައަށް ކަމާބެހޭ ފަރާތްތަކާ ހަވާލުވެފަ އެވެ. ޑީއޯޖޭއިން ބުނި ގޮތުގައި މި ތިން މީހުންގެ މައްޗަށް އުފުލާފައިވަނީ މުއާސަލާތީ ވަސީލަތްތައް ބޭނުންކޮށްގެން މަކަރާއި ހީލަތް ހެދުމަށް ރޭވުމާއި، މަކަރާއި ހީލަތް ހެދުމުގެ އިތުރުން މީހެއްގެ ވަކިވަކި މައުލޫމާތު ބޭނުންކޮށްގެން ވައްކަން ކުރުމުގެ ދައުވާ އެވެ.

މި މައްސަލައާ ގުޅިގެން މުހައްމަދު ހާފިޒް އާއި، މުހައްމަދު ޔުޒައިމީ އަދި ންގުޔެންގެ ބަހެއް މިހާތަނަށް ލިބިފައި ނުވާއިރު، ޓެލެކޮމް މެލޭޝިއާއިން ވެސް މިކަމާ ގުޅޭ ގޮތުން އަދި އެއްވެސް އެއްޗެއް ބުނެފައެއް ނުވެ އެވެ.

ޑީއޯޖޭއިން ބުނީ ޓެލެކޮމް މެލޭޝިއާ ކުންފުނީގެ މައްޗަށް ދައުވާ ނުކުރަން ނިންމީ، އެ ކުންފުނިން އަމިއްލައަށް އިސްނަގައިގެން މި ޖިނާއީ އަމަލުތަކުގެ މައުލޫމާތު ހިއްސާކޮށް، ތަހުގީގަށް ފުރިހަމަ އެއްބާރުލުން ދޭނެ ކަމަށް ވައުދުވުމުން ކަމަށެވެ.

ކުންފުނިތަކުން ހިންގާ ޖިނާއީ ކުށްތައް އަމިއްލައަށް ރިޕޯޓް ކުރުމުން، އަދަބު ލުއިކޮށްދިނުމާއި އެހެނިހެން އިނާޔަތްތައް ދިނުމުގެ ސިޔާސަތެއް އެމެރިކާގެ ޖަސްޓިސް ޑިޕާޓްމަންޓުން އެކުލަވާލަމުންދާ ކަމަށް ރޮއިޓާސް އިން މިދިޔަ މާޗު މަހު ވަނީ ރިޕޯޓްކޮށްފަ އެވެ.

އެމެރިކާގެ ކޯޓަށް ހުށަހަޅާފައިވާ ދައުވާގައިވާ ގޮތުން، މި ތިން މީހުން ވަނީ ޓެލެކޮމް މެލޭޝިއާގެ ފައިސާ އެ މީހުންގެ އަމިއްލަ ބޭންކް އެކައުންޓްތަކަށް ޖަމާކޮށްފަ އެވެ.

މި ތިން މީހުން ވަނީ ކުންފުނީގެ އެހެން މުވައްޒަފުންނާއި އިންޓާާންގެ ގޮތުގައި ތިބި މީހުންގެ ނަމުގައި ޕޭރޯލް ތައްޔާރުކޮށްގެން އެ މީހުންގެ މުސާރަ ވެސް ނަގާފަ އެވެ. 

ކޮމެންޓް

ފަހުގެ ޚަބަރު

ރޮހިންޔާ ގަތުލުއާންމުގައި މިޔަންމާ ކުށްވެރިވެއްޖެ

މި މައްސަލައިގައި ދަ ގެމްބިއާއަށް ތާއީދުކޮށް، ރާއްޖެއިން ވަނީ ބައިނަލްއަގުވާމީ ވަކީލުންނާއެކު ކޯޓުގައި މިޔަންމާއާ ދެކޮޅަށް ވަކާލާތުކޮށް އިސް ދައުރެއް އަދާކޮށްފަ. ކޯޓުގެ ހުކުމުގައި މިޔަންމާ ކުށްވެރިކޮށް، ގެއްލުމުގެ ބަދަލު ދިނުމުގެ ޕްރޮގްރާމެއް އެކުލަވާލުމަށް ވެސް ވަނީ އަމުރުކޮށްފަ.

ޕެޓިންސަން ހަތްވަނަ ބޮންޑަށް ހޮވުމުގައި ބޭޒޯސްގެ ބޮޑު ދައުރެއް

އާ ޖޭމްސް ބޮންޑުގެ ރޯލަށް އެކްޓަރު ރޮބަޓް ޕެޓިންސަން ހަމަޖެއްސުމުގައި އެމެޒޯންގެ ޗެއާމަން ޖެފް ބޭޒޯސް މުހިންމު ދައުރެއް އަދާކޮށްފައިވާކަން އޭނާ ހާމަކުރައްވައިފިއެވެ. ޑެނިއަލް ކްރެއިގްގެ ފަހުން ހަތްވަނަ ބޮންޑުގެ ގޮތުގައި ޕެޓިންސަން ފެނިގެންދާ 26 ވަނަ ފިލްމު، ޑެނިސް ވިލެނޫވްގެ ޑައިރެކްޝަނުގެ ދަށުން 2028 ވަނަ އަހަރު ރިލީޒްކުރުމަށް ވަނީ ތާވަލުކޮށްފައެވެ.

އެންތްރޮޕިކް އުފެއްދި 7 ބާނީން ބިލިއަނަރުންގެ ލިސްޓަށް

އޯޕަން އޭއައި އިން ވަކިވި ހަތް މީހަކު 2021 ވަނަ އަހަރު އުފެއްދި އެންތްރޮޕިކް ކުންފުނި ހިއްސާގެ ބާޒާރަށް ނެރުމާއެކު، އެ ކުންފުނީގެ ބާނީން ބިލިއަނަރުންގެ ލިސްޓަށް އެރުމަށް ވަނީ ތައްޔާރުވެފައެވެ. އޭއައިގެ ރައްކާތެރިކަމަށް އިސްކަންދޭ މި ޒުވާން ޓީމުގެ ކުންފުނިން އުފެއްދި "ކްލޯޑް" އާއެކު، އެންތްރޮޕިކް މިހާރު ވަނީ ޓެކްނޮލޮޖީގެ ދާއިރާގެ ބޮޑު ބާރަކަށް ބަދަލުވެފައެވެ.

ކްރައިމިއާ ބްރިޖަށް ހަމަލާދީ ބޮޑު ބައެއް ވައްޓާލައިފި

ރަޝިއާއިން ހިފާފައިވާ ކްރައިމިއާއާ ގުޅުވައިދޭ މުހިންމު ބްރިޖަށް ޔޫކްރޭނުން ވަރުގަދަ ހަމަލާއެއްދީ، ބްރިޖުގެ ބޮޑު ބައެއް ކަނޑަށް ވައްޓާލައި ރަޝިއާގެ ސިފައިންނަށް ބޭނުންވާ މައިގަނޑު ސަޕްލައި މަގަށް ބޮޑު ހުރަހެއް ކުރިމަތިކުރުވައިފިއެވެ. މި ހަމަލާއާ ގުޅިގެން ރަޝިއާއިން ބަދަލުހިފުމުގެ ގޮތުން ޔޫކްރޭނުގެ ވެރިރަށް ކީވްގެ އިންފްރާސްޓްރަކްޗަރަށް އަމާޒުކޮށް ވަރުގަދަ ހަމަލާތަކެއް ދީފައިވާއިރު، މިއީ ދެ ގައުމުގެ ދެމެދުގައި އޮތް ހަނގުރާމަ އިތުރަށް ވަރުގަދަވެގެންދިޔަ ކަމެކެވެ.

ޓްރަމްޕް ފިލިޕީންސަށް ވަޑައިގެންފި

އެމެރިކާގެ ރައީސް ޑޮނަލްޑް ޓްރަމްޕް އޭޝިއާއަށް ކުރައްވާ ދަތުރުފުޅުގައި ފިލިޕީންސަށް ވަޑައިގެން، އިންޑިއާ، ޖަޕާން އަދި އޮސްޓްރޭލިއާ ހިމެނޭ ކުއަޑް ގްރޫޕުގެ ލީޑަރުންނާ ބައްދަލުކުރައްވައިފިއެވެ. މި ބައްދަލުވުމުގައި އިންޑޯ-ޕެސިފިކް ސަރަހައްދުގެ އަމާންކަމާއި ގުޅުން ބަދަހިކުރުމާ ގޮތުން މަޝްވަރާކުރެއްވިއިރު، އެމެރިކާގެ އަމާޒަކީ ޗައިނާގެ ނުފޫޒު ކުޑަކޮށް މި ގައުމުތަކާއެކު އޮންނަ އިގްތިސާދީ އަދި ޓެކްނޮލޮޖީގެ ގުޅުން ވަރުގަދަކުރުމެވެ.

ހަގިން ފޭސްއަށް ދިން ހަމަލާއާ ގުޅިގެން ދައުވާކޮށްފި

އެކަށީގެންވާ ރައްކާތެރިކަމުގެ ފިޔަވަޅުތަކެއް ނެތި އޭއައި މޮޑެލްތައް ތަރައްގީކޮށް އާންމުން ނުރައްކަލަށް ހުށަހެޅި ކަމަށް ބުނެ، ކެލިފޯނިއާގެ އެޓާނީ ޖެނެރަލް އޯޕަންއޭއައިއާ ދެކޮޅަށް ދައުވާ އުފުލައިފިއެވެ. މި ދައުވާގެ މައިގަނޑު އަސާސަކީ އޯޕަންއޭއައިގެ އެޖެންޓުންތަކެއް "ހަގިން ފޭސް" ގެ ނިޒާމަށް ވަދެ ދިން ހަމަލާއަކަށްވާއިރު، މިއީ އެމެރިކާގެ ސްޓޭޓަކުން އޭއައި ކުންފުންޏަކާ ދެކޮޅަށް ކުރި ފުރަތަމަ ދައުވާއެވެ.

އިންޑިއާ: އޭއައި ބޭނުންކޮށް ބިމާއި މަގުގެ މައްސަލަތަކަށް ހައްލު

އިންޑިއާގެ ސްޓާޓްއަޕްތަކުން އޭއައި ބޭނުންކޮށްގެން ބިމުގެ ރެކޯޑުތައް ބެލެހެއްޓުމާއި، މަގުތަކުގައި ހުންނަ ވަޅުގަނޑުތައް ދެނެގަތުން ފަދަ އިޖުތިމާއީ ބޮޑެތި މައްސަލަތަކަށް އަންނަނީ ހައްލު ހޯދައިދެމުންނެވެ. މީގެ އިތުރުން ސިއްހީ ދާއިރާގައި ލެބް ރިޕޯޓުތައް ތަރުޖަމާކުރުމާއި ބަލިމަޑުކަން ދެނެގަތުމަށް ވެސް މި ޓެކްނޮލޮޖީގެ އެހީގައި ލުއިފަސޭހަ ނިޒާމުތަކެއް ވަނީ ގާއިމުކޮށްފައެވެ.

Newsletter

Get the latest news delivered straight to your inbox