ކޯމޯ އަތުން މޮޅުވެ އިންޓަ އިން ލީގުގެ ފުރުސަތު ބޮޑުކޮށްފި

Apr 13, 2026, 8:14 AM
އިންޓަ މިލާން ކުޅުންތެރިން ލަނޑު ޖެހުމަށް ފަހު އުފާފާޅުކުރަނީ

އިންޓަ މިލާން ކުޅުންތެރިން ލަނޑު ޖެހުމަށް ފަހު އުފާފާޅުކުރަނީ

މިލާން (އޭޕްރީލް 13) - އިޓާލިއަން ލީގުގައި ރޭ ފަހަތުން އަރައި 4-3 އިން ކޯމޯ އަތުން މޮޅުވެ، އިންޓަ މިލާނުން ލީގު ޗެމްޕިއަންކަން ކަށަވަރުކުރުމުގެ ފުރުސަތު ބޮޑުކޮށްފި އެވެ. 

ލީގުގެ ދެ ވަނައިގައި އޮތް އެންމެ ފަހުގެ ޗެމްޕިއަން، ނަޕޯލީ ވަނީ ރޭ ކުޅުނު މެޗުން 1-1 އިން ޕާމާއާ އެއްވަރުވެފަ އެވެ. އިންޓަ އިން އެއް ވަނައިގައި އޮތީ 32 މެޗުން 75 ޕޮއިންޓާ އެކު އެވެ. ދެ ވަނައިގައި އޮތް ނަޕޯލީ އަށް 32 މެޗުން 66 ޕޮއިންޓް ލިބިފައިވާއިރު، ތިން ވަނައިގައި އޮތް އޭސީ މިލާނުގެ އޮތީ 32 މެޗުން 63 ޕޮއިންޓެވެ. ހަތަރެއްގައި އޮތް ޔުވެންޓަސް އަށް 32 މެޗުން 60 ޕޮއިންޓް އަދި ފަސް ވަނައިގައި އޮތް ކޯމޯ އަށް 32 މެޗުން 58 ޕޮއިންޓް ލިބިފައިވެ އެވެ. 

ކޯމޯގެ ދަނޑުގައި ރޭ ކުޅުނު މެޗުގައި އެ ޓީމުން ދެ ގޯލުގެ ލީޑެއްނެގި އެވެ. އެ ގޮތުން، 36 ވަނަ މިނިޓްގައި އަލެކްސް ވައޭ އެ ޓީމަށް ފުރަތަމަ ލަނޑު ޖަހައިިދިންއިރު، 45 ވަނަ މިނިޓްގައި ނިކޯ ޕަޒް ވަނީ ކޯމޯގެ ލީޑުފުޅާކޮށްދީފަ އެވެ. އެކަމަކު، ދެ ގޯލުގެ ލީޑެއްގައި އޮވެ، ކޯމޯ އަށް ފުރަަތަމަ ހާފު ވެސް ނިންމައިނުލެވުނެވެ. ފުރަތަމަ ހާފުގެ އިތުރު ވަގުތުގެ ތެރޭގައި މާކަސް ތުރާމް ވަނީ އިންޓަގެ ފުރަތަމަ ލަނޑު ޖަހައިފަ އެވެ. 

ދެ ވަނަ ހާފުގެ ކުޅުން ފެށުނުތާ ހަތަރު މިނިޓް ތެރޭ ތުރާމް ވަނީ އިތުރު ގޯލެއް ޖަހައި، އިންޓަ އަށް އެއްވަރުކޮށްދީފަ އެވެ. މެޗުގައި ފުރަތަމަ ފަހަރަށް އިންޓަ އިން ލީޑުނެގި އެއްވަރުކުރިތާ ނުވަ މިނިޓް ފަހުން، މެޗުގެ 58 ވަނަ މިނިޓްގައި ޑެންޒެލް ޑަމްފްރީސް ޖެހި ގޯލުންނެވެ. މިއީ، ހަކަން ޗަނޮނޯލޫ ދިން ބޯޅައަކުން ޑަމްފްރީސް ޖެހި ލަނޑެކެވެ. އަދި، ޑަމްފްރީސް ވަނީ މެޗުގެ 72 ވަނަ މިނިޓްގައި އިތުރު ގޯލެއް ޖަހައި، އިންޓަ އަށް ލީޑުފުޅާކޮށްދީފަ އެވެ. 

ކޯމޯ އިން އެއްވަރުކުރެވޭތޯ ގިނަ ބަދަލުތަކެއް ގެނެސްގެން އެޓޭކަށް ކުޅުންތެރިން ގިނަ ކުރަމުންދިޔަ އެވެ. އެ ޓީމުން އެޓޭކްތައް ރަނގަޅުކޮށް، މެޗު ނިމުމުގެ ކުރިން އިތުރު ގޯލެއް ޖެހި އެވެ. މި ލަނޑު މެޗުގެ 89 ވަނަ މިނިޓްގައި ޖެހީ ޕެނަލްޓީ އަކުން ލޫކަސް ޑަ ކޫންޏާ އެވެ. މި ޕެނަލްޓީ ދޭން ނިންމީ އޭރިއާތެރެއިން ޕަޒް އަށް އިންޓަގެ އަންގެ ޔޮއާން ބޮނީ ކުރި ފައުަލަކަށެވެ. 

ކޮމެންޓް

ފަހުގެ ޚަބަރު

މާޒިޔާ އާއި ނިއު ރޭޑިއަންޓް ވަރުގަދަ ފެށުމާ އެކު ކުރިއަށް

އެފްއޭއެމް ވިމެންސް ލީގުގައި ކުޅުނު ފުރަތަމަ ދެ މެޗުން މޮޅުވެ، މާޒިޔާ އާއި ނިއު ރޭޑިއަންޓުން މުބާރާތުގެ ވަރުގަދަ ފެށުމެއް ދަމަހައްޓައިފިއެވެ. މިހާތަނަށް ކުޅުނު މެޗުތަކުން ދެ ޓީމަށްވެސް ހަ ޕޮއިންޓް ލިބިފައިވާއިރު، ލަނޑުގެ ތަފާތުން ތާވަލުގެ އެއްވަނައިގައި އޮތީ ނިއު ރޭޑިއަންޓެވެ. މި މުބާރާތުގެ ފޯރިގަދަ މެޗެއްގައި އަންނަ އާދިއްތަ ދުވަހު ނިއު އާއި މާޒިޔާ ބައްދަލުކުރާނެއެވެ.

ސިޓީއާ ޔުނައިޓެޑުން އަރާހަމަކުރާނެ ކަމަށް ޕޮޗެޓީނޯ ބުނެފި

މެންޗެސްޓާ ޔުނައިޓެޑްގެ ކޯޗުކަމާ ހަވާލުވެ، މައުރީސިއޯ ޕޮޗެޓީނޯ ބުނީ އެ ސަރަހައްދުގެ އެންމެ ކާމިޔާބު ޓީމަކަށް އަލުން ޔުނައިޓެޑް ހަދައި، ސިޓީގެ ކުރި ހޯދާނެ ކަމަށް. ލީގުގެ 18 ވަނައިގައި އޮތް ޔުނައިޓެޑްގެ ހާލަތު ބަދަލުކުރަން ވަގުތު ބޭނުންވާނެ ކަމަށާއި، ނަމަވެސް ފުރަތަމަ ދުވަހުން ފެށިގެން އެ މަސައްކަތް ކުރާނެ ކަމަށް އޭނާ ވަނީ ބުނެފައި.

އެމްއައިބީން ގައުމީ ބިލިއާޑު ޗެމްޕިއަންކަން ހޯދައިފި

ޤައުމީ ބިލިއާޑް މުބާރާތުގެ ފައިނަލުގައި ދިވެހި ސިފައިންގެ ކްލަބް 3-2 އިން ބަލިކޮށް، މޯލްޑިވްސް އިސްލާމިކް ބޭންކް (މިބްސާ) އިން މުބާރާތުގެ ޗެމްޕިއަންކަން ހޯދައިފި. ޖުމްލަ 10 ޓީމު ވާދަކުރި މި މުބާރާތުގެ ޗެމްޕިއަން ޓީމަށް 30,000 ރުފިޔާގެ ފައިސާގެ އިނާމެއް ވަނީ ދީފައި.

ލުކާކޫ، 16 އަހަރަށް ފަހު ބެލްޖިއަމް ޓީމުން ރިޓަޔާކޮށްފި

ބެލްޖިއަމްގެ ގައުމީ ޓީމަށް 16 އަހަރު ކުޅެދިނުމަށްފަހު، އެ ގައުމަށް އެންމެ ގިނަ ލަނޑު ޖަހައިދިން ރޮމެލޫ ލުކާކޫ ބައިނަލްއަގުވާމީ ފުޓްބޯޅައިން ރިޓަޔާކޮށްފި. ޖުމްލަ 135 މެޗުން 94 ލަނޑު ކާމިޔާބުކޮށްފައިވާ ލުކާކޫ އަކީ ބައިނަލްއަގުވާމީ ފުޓްބޯޅައިގައި ފަސްވަނައަށް އެންމެ ގިނަ ލަނޑު ޖެހި ކުޅުންތެރިޔާގެ އިތުރުން ޔޫރޯ ކޮލިފައިންގެ ރެކޯޑް އޮތް ކުޅުންތެރިޔާ

ލިބުނީ މަދު ވަގުތުކޮޅެއް، ޝަކުވާނުކޮށް ހޯދައިދިނީ ސާފްގެ ތަށި!

މި އަހަރުގެ ސާފް ޗެމްޕިއަންޝިޕް ކާމިޔާބުކުރި އިންޑިއާ ޓީމަށް ތައްޔާރުވާން މަދު ވަގުތުކޮޅެއް ލިބުނުއިރު، މުބާރާތުގެ ތެރެއިން މުހިންމު ކުޅުންތެރިންތަކެއް ޓީމުން ވަކިވުމުން ގިނަ ގޮންޖެހުންތަކަކާ ކުރިމަތިލާން ޖެހުނު. ނަމަވެސް ކޯޗު ނައުޝާދުގެ އިރުޝާދުގެ ދަށުން، ޒުވާން ކުޅުންތެރިންނަށް އިތުބާރުކޮށްގެން އިންޑިއާ އިން ވަނީ ޝަކުވާއެއް ނެތި ތަށި ހޯދާފައި

ސާފް ޗެމްޕިއަންޝިޕްގެ ފެއާ ޕްލޭ އެވޯޑް ރާއްޖެ އަށް

ބަންގްލަދޭޝްގައި ނިމުނު ސާފް ޗެމްޕިއަންޝިޕްގައި ރާއްޖެ ކުޅުނު ދެ މެޗުން ބަލިވެ، މުބާރާތުން ކެޓި ނަމަވެސް، މުޅި މުބާރާތުގެ ފެއާޕްލޭ އެވޯޑް ރާއްޖެއަށް ވަނީ ލިބިފައި. މިއީ ލަނޑެއް އަދި ޕޮއިންޓެއް ނުލިބި ރާއްޖެ މި މުބާރާތުން ކެޓި ފުރަތަމަ ފަހަރު ކަމަށްވާއިރު، މިއީ ސާފް ޗެމްޕިއަންޝިޕްގެ ތާރީޚުގައި ރާއްޖެއަށް ލިބުނު އެންމެ ދަށް ނަތީޖާއ

ރިވައިވަލް ބެޑްމިންޓަން ޗެލެންޖް ތަށި ހައިޝަމް އާއި ނަބާ އަށް

އެމްއައިބީ ރިވައިވަލް ބެޑްމިންޓަން ޗެލެންޖުގެ ފިރިހެން ސިންގަލްސް ތަށި ހައިޝަމް އިބްރާހިމް އަލީ ހޯދިއިރު، އަންހެން ސިންގަލްސް ތަށި ކާމިޔާބުކުރީ ފާތިމަތު ނަބާހާ އެވެ. މި މުބާރާތުގެ ފިރިހެން ޑަބަލްސް ޒަޔާން އާއި ނިބާލް ކާމިޔާބުކުރިއިރު، އަންހެން ޑަބަލްސް ތަށި ހޯދީ ނަބާ އާއި ނަބީހާގެ ޕެއާ އިންނެވެ.

Newsletter

Get the latest news delivered straight to your inbox