ނަޝީދާއި ސޯލިހު ވެސް މިވަގުތު ދިއްލީގައި

May 9, 2026, 10:24 AM
ރައީސް ސޯލިހާއި ރައީސް ނަޝީދު މީގެ ކުރިން ބޭއްވެވި ބައްދަލުވުމެއްގައި: މިއަދު މެންދުރުގެ ވަގުތެއްގައި ނަޝީދު މާލެ ވަޑައިގަންނަވާނެ -- ފޮޓޯ: ރައީސް އޮފީސް

ރައީސް ސޯލިހާއި ރައީސް ނަޝީދު މީގެ ކުރިން ބޭއްވެވި ބައްދަލުވުމެއްގައި: މިއަދު މެންދުރުގެ ވަގުތެއްގައި ނަޝީދު މާލެ ވަޑައިގަންނަވާނެ -- ފޮޓޯ: ރައީސް އޮފީސް

އިދިކޮޅު މޯލްޑިވިއަން ޑީމޮކްރެޓިކް ޕާޓީގެ ލީޑަރުން ކުރީގެ ރައީސް މުހައްމަދު ނަޝީދާއި ކުރީގެ ރައީސް އިބްރާހިމް މުހައްމަދު ސޯލިހު ވެސް މިވަގުތު ހުންނެވީ އިންޑިއާގެ ވެރި ރަށް ނިއު ދިއްލީގަ އެވެ. 

ނަޝީދު ދިއްލީއަށް ފުރާވަޑައިގެންނެވީ މެއި 6، ގަ އެވެ. އެމަނިކުފާނު ވަޑައިގަތީ އިންޑިއާ ކަނޑުގެ ސަލާމަތާއި ރައްކާތެރިކަމާ ގުޅޭ ގޮތުން މަޝްވަރާ ކުރަން ބޭއްވި ބައްދަލުވުމަކަށެވެ.

ސޯލިހު ދިއްލީއަށް ވަޑައިގެންނެވީ އިއްޔެގެ ވަގުތެއްގަ އެވެ. އެމަނިކުފާނު ދިއްލީއަށް ކުރައްވާ ދަތުރުގެ ބޭނުމެއް އަދި ނޭނގެ އެވެ. ނަމަވެސް ސޯލިހުގެ ބައެއް ސަޕޯޓަރުން ސޯޝަލް މީޑިއާގައި ލިޔުއްވާފައި ވަނީ އެމަނިކުފާނު ދިއްލީއަށް ވަޑައިގެންނެވީ ރަސްމީ ދަތުރެއްގައި ކަމަށެވެ. 

ނަޝީދު އެނބުރި މާލެ ވަޑައިގަތުމަށް ހަމަޖެހިފައި ވަނީ މިއަދު މެންދުރު 11:45 ގަ އެވެ. ވަޑައިގެންނެވުމަށްފަހު އެއާޕޯޓުން ނަޝީދު ނޫސްވެރިންނާ ބައްދަލު ކުރައްވާނެ އެވެ. ސޯލިހު މާލެ ވަޑައިގަންނަވާނެ ތާރީހެއް އަދި ނޭނގެ އެވެ. 

ނަޝީދާއި ސޯލިހު އެއް ވަގުތެއްގައި ދިއްލީގައި ހުންނެވި ނަމަވެސް އެ ދެ ބޭފުޅުންގެ އެ ގައުމުގައި ބައްދަލު ކުރެއްވި ކަމެއް ނޭނގެ އެވެ. ނަޝީދު އަދި ސޯލިހުގެ ގާތް ބޭފުޅުންނަށް މިވަގުތު ނުގުޅޭތީ މިކަމުގައި އެ ދެބޭފުޅުންގެ ބަހެއް ލިބޭ ގޮތް ވަނީ ނުވެފަ އެވެ. 

ނަޝީދާއި ސޯލިހުގެ ވެރިކަމުގައި އެ ދެ ބޭފުޅުން ވަނީ އިންޑިއާއާއެކު ގާތް ގުޅުމެއް ބާއްވައިފަ އެވެ. އެއާ ހިލާފަށް މިހާރުގެ ރައީސް މުހައްމަދު މުއިއްޒު ވެރިކަމަށް ވަޑައިގަތީ ވެސް އިންޑިއާއާ ދެކޮޅަށް ހިންގި ކެމްޕެއިނަކުންނެވެ. އަދި ވެރިކަމަށް ވަޑައިގަތުމަށްފަހު އިންޑިއާއާ ދުރަށް ޖެހުމުގެ މަގު ޗާޓެއް ވެސް މުއިއްޒު އިއުލާނު ކުރެއްވި އެވެ. 

މުއިއްޒުގެ ސަރުކާރުން އިންޑިއާއާއެކު މަސައްކަތް ކުރަން ބޭނުން ނުވި ނަމަވެސް އިގްތިސާދު މެނޭޖް ނުކުރެވުމާއި މާލީ ހާލަތު ވަރަށް ބޮޑަށް ދަށަށް ދިޔުމުން އިންޑިއާއާއެކު އޮތް ގުޅުން އެއްކޮށް ކަނޑައެއްނުލެވުނެވެ. 

އެމްޑީޕީގެ ޓިކެޓުގައި ވާދަ ކުރައްވައި ވެރިކަމަށް މީގެ ވަޑައިގެންފައިވާ ސޯލިހާއި ނަޝީދަކީ ކުރިން ސިޔާސީ ގޮތުން އެކުގައި މަސައްކަތް ކުރެއްވި ދެ ރަހުމަތްތެރިން ނަމަވެސް މިވަގުތު އެ ދެބޭފުޅުންނަކީ ސިޔާސީ ވާދަވެރިންނެވެ.

މިވަގުތުގެ ހާލަތަށް ބަލާއިރު ނަޝީދު މަސައްކަތް ކުރައްވަނީ އެމްޑީޕީގެ ހުސްވެފައިވާ ޗެއާޕާސަންގެ މަގާމަށް ވަޑައިގަތުމަށެވެ. ސޯލިހު ބޭނުންވެވަޑައިގަންނަވަނީ އެ މަގާމަށް މީކާއީލް އަހުމަދު ނަސީމު ގެނައުމަށެވެ. 

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox