ހަފުތާއަކު ދެ ފަހަރު ފުޓްސަލް ކުޅެމުންދިޔަ ވިއްޓެ (އަސްލު ނަމެއް ނޫން) އަށް އޭނާގެ ހަށިގަނޑަށް އަންނަމުންދިޔަ ބަދަލުތައް ފާހަގަވާން ފެށީ މީގެ ތިން އަހަރު ކުރިންނެވެ. ކުޅެން އަރާތާ 20 މިނެޓު ނުވަނީސް ވަރުބަލިވެ، މެޗު ފުރިހަމަނުކުރެވި ފައިބަން ޖެހުމަކީ އޭނާއަށް ފާހަގަވި އެންމެ ބޮޑު ބަދަލެވެ.
ވިއްޓެ މީގެ ކުރިން ވެސް ދުންފަތުގެ އިސްތިއުމާލުކުރުން ހުއްޓާލަން މަސައްކަތް ކުރި އެވެ. ނަމަވެސް އެކަމުގައި ދެމިހުރެވުނީ އެންމެ ތިން ދުވަހަށެވެ. ވަޒީފާގެ ބުރަކަމާއި އާއިލީ ޒިންމާތަކުގެ ޕްރެޝަރާ ހެދި، އެއްކޮށް ދުންފަތާ ދުރުވުމަކީ އޭނާއަށް ކުރެވޭނެ ކަމެއް ކަމަކަށް ނުފެނުނެވެ. އެހެންކަމުން، އޭނާ ބޭނުންވީ މަޑުމަޑުން އެކަން ދޫކޮށްލެވޭނެ މެދުމިނުގެ ގޮތެކެވެ. "ހީޓަޑް ޓޮބެކޯ" ވަސީލަތަކަށް ބަދަލުވާން ނިންމީ އެ ހިސާބުންނެވެ. އެއީ ދުންފަތުގެ އިސްތިއުމާލު ކުރުން އެއްކޮށް ހުއްޓާލުން ކަމަށް ނުވިޔަސް، އެއީ ރަނގަޅު މިސްރާބަކަށް އެޅުނު ފިޔަވަޅެއް ކަމަށް އޭނާއަށް ގަބޫލުކުރެވުނެވެ.
އެއާއެކު މާ ގިނަ މަސްތަކެއް ނުވަނީސް، އޭނާގެ ހަށިގަނޑަށް އައި ހެޔޮ ބަދަލުތައް ފާހަގަވާން ފެށި އެވެ. ފުޓްސަލް މެޗުތައް ފުރިހަމަ ކުރެވޭވަރަށް އޭނާގެ ދުޅަހެޔޮކަން އިތުރުވި އެވެ. ހެދުމުގައި ހަރުލާފައި ހުންނަ ސިނގިރޭޓު ވަސް ކެނޑި، ސިނގިރޭޓު ބުރިތައް އުކާލުމުގެ އުނދަގޫ ވެސް ނެތިގޮސް، ކުނި ވަށިގަނޑެއް ފެންނަންދެން އެ ތަކެތި ޖީބަށް ލައިގެން އުޅުމުގެ އާދަހަރުލި އެވެ.
"އުމުރުން 40 އަހަރާ ގާތްވާއިރު، މިގޮތަށް ހަރަކާތްތެރިވެ އުޅުމަކީ މުހިންމު ކަމެއް،" ވިއްޓެ ބުންޏެވެ. "އަހަރެން ބޭނުމީ އެތައް އަހަރައް ވަންދެން ކުޅުން ކުރިއަށް ގެންދަން."
ނަމަވެސް، މިދިޔަ އަހަރު ސަރުކާރުން ދުންފަތުގެ ބާވަތްތަކުން ނަގާ ޓެކްސް ބޮޑުކޮށް، ގަވާއިދުތައް ހަރުކަށި ކުރި އެވެ. މިއާއެކު، އޭނާ ސިނގިރޭޓާ ދުރުވުމަށް ބޭނުންކުރި ވަސީލަތުގެ އަގު، އާދައިގެ ސިނގިރޭޓާ އެއްވަރަށް އުފުލިގެން ދިޔަ އެވެ.
އާދައިގެ ސިނގިރޭޓާއި އޭނާ ބޭނުންކުރި "ހީޓަޑް ޓޮބެކޯ" ވަސީލަތުގެ އަގު އަތްނުފޯރާ ފަށަށް ދިއުމުން، ވިއްޓެއަށް މަޖުބޫރުވީ އޭނާގެ ބަޖެޓަށް ފެތޭ އެންމެ އަގުހެޔޮ ގޮތް އިހްތިޔާރު ކުރާށެވެ.
އޭނާ ފުރަތަމަ ފެށީ ވަކިން ދުންފަތް ގަނެގެން އަމިއްލައަށް އޮޅައިގެން އެ ބޭނުންކުރާށެވެ. ނަމަވެސް އެއީ ވަރަށް ވަގުތުދާ، އުނދަގޫ ކަމަކަށް ވިއެވެ. އޮޅާ ސިނގިރޭޓުތައް ހުންނަނީ އެއްވަރަކަށް ނޫނެވެ. އަދި މާ އަވަހަށް އަނދައިގެން ގޮސް، ބޮއެ ނުނިމެނީސް ބުރިބުރިވެގެން ފައިބަ އެވެ.
އެހެން އުޅެނިކޮށް، އޭނާ ދިރިއުޅޭ ގޭގެ ކައިރީގައާއި އޮފީސް ކައިރީގައި ހުންނަ ކުދި ފިހާރަތަކުން އެކަން ކަސްޓަމަރުންނަށް ކޮށްދޭކަން އޭނާއަށް އެނގުނެވެ.
"މިއީ ޖީބަށް މާ ލުއި ގޮތެއް، އަމިއްލައަށް އޮޅަން އުޅޭކަށް ވެސް ނުޖެހޭ،" ވިއްޓެ ބުންޏެވެ.
ނަމަވެސް، "ހީޓަޑް ޓޮބެކޯ" ބޭނުންކުރި ދުވަސްވަރު ފެނުނު ސިއްހީ ކުރިއެރުންތައް ގެއްލިގެން ދިޔަ އެވެ.
ވަރުބަލިވެ، މެޗުތަކުގެ މެދުތެރެއިން ފައިބަން ފެށި އެވެ. ހެދުމުން އަނެއްކާވެސް ދުންފަތުގެ ވަސް ދުވަން ފެށި އެވެ. ސިނގިރޭޓުގެ ވަސް ކެނޑުމުން ހިތްހަމަޖެހިފައި ހުރި އޭނާގެ އަންހެނުންނަށް، އަނެއްކާވެސް "ސެކަންޑް ހޭންޑް" ދުމުގެ އުނދަގުލާ ކުރިމަތިލާން ޖެހުނެވެ.
މިހާރު އޭނާ ބޭނުންކުރާ އެއްޗަކީ ސިއްހަތަށް މާ ނުރައްކާތެރި އެއްޗެއްކަން ވިއްޓެއަށް އެނގެ އެވެ. "ހީޓަޑް ޓޮބެކޯއިން އަހަންނަށް ނަތީޖާ ފެނުނު. އޭރު އަހަރެން ދިޔައީ ދުންފަތް ބޭނުންކުރާ މިންވަރު މަދުކުރަމުން،" އޭނާ ބުންޏެވެ. ތަނަވަސްކަން ހުރި ގޮތުން، މިއަދު އޭނާއަށް އޮތް ހަމައެކަނި މަގަކީ މިއެވެ.
އާ ޓެކްސްތަކާއި ގަވާއިދުތަކުގެ މަގުސަދަކީ އާންމު ސިއްހަތު ރައްކާތެރިކުރުން ކަމަށް ވިޔަސް، ހަގީގީ މަންޒަރު ފެންނަނީ ތަފާތުކޮށެވެ. ހުރިހާ އުފެއްދުމަކަށް އެއް އުސޫލަކުން އަމަލުކުރުމުގެ ސަބަބުން، ވިއްޓެ ފަދަ، އަމިއްލަ ނަފްސާއި ވަށައިގެންވާ މީހުންނަށްޓަކައި ރަނގަޅު ބަދަލެއް ގެންނަން މަސައްކަތްކުރި މީހުންނަށް މިވަނީ ނޭދެވޭ އަސަރުކޮށްފަ އެވެ. ސިޔާސަތެއް ކާމިޔާބުވާނީ، ކަޅު ބާޒާރަށް މީހުން މަޖުބޫރުކުރުމުގެ ބަދަލުގައި، ގަވާއިދުގެ ދަށުން ވިއްކާ ރައްކާތެރި އިހްތިޔާރުތައް ކަސްޓަމަރުންނަށް ދައްކައިދީގެންނެވެ.
