ލަކްސް ގްލޯއިން ކުރިއަށްގެންދިޔަ ޕްރޮމޯޝަންގެ ނަސީބުވެރިޔާ ހޮވައިފި

May 3, 2026, 9:29 PM
ލަކްސް ގްލޯއިން ހޮވިި ނަސީބުވެރިޔާއަށް އިނާމު ހަވާލުކުރަނީ

ލަކްސް ގްލޯއިން ހޮވިި ނަސީބުވެރިޔާއަށް އިނާމު ހަވާލުކުރަނީ

ލަކްސް ގްލޯގެ މޯބައިލް އެޕްލިކޭޝަން އިފްތިތާހު ކުރުމުގެ މުނާސަބަތުގައި ކުރިއަށް ގެންދިޔަ ހާއްސަ ޕްރޮމޯޝަންގެ ނަސީބުވެރިޔާއަށް 10,000ރ. ގެ ފައިސާގެ އިނާމު ހަވާލުކޮށްފި އެވެ. 

މި ޕްރޮމޯޝަނަކީ އެ ކުންފުނީގެ އައު އެޕްލިކޭޝަން ކަސްޓަމަރުންގެ މެދުގައި މަގުބޫލުކުރުމަށާއި، ކަސްޓަމަރުންނަށް ލިބޭ ހިދުމަތްތައް އިތުރަށް ފަސޭހަކޮށްދިނުމުގެ މަގްސަދުގައި ކުރިއަށް ގެންދިޔަ ޕްރޮމޯޝަނެކެވެ.

މިހާރުވެސް ލަކްސް ގްލޯއިން ދަނީ ކޮންޓެންޓް އުފައްދާ ފަރާތްތަކަށް ހާއްސަކޮށްގެން އިތުރު ޕްރޮމޯޝަނެއް ކުރިއަށް ގެންދަމުންނެވެ. އެ ޕްރޮމޯޝަންގައި ބައިވެރިވުމަށް ލަކްސް ގްލޯގެ ވެބްސައިޓް ނުވަތަ އެޕްލިކޭޝަނާ ގުޅޭގޮތުން އަމިއްލަ އުފެއްދުންތެރި ވީޑިއޯއެއް ތައްޔާރުކޮށް ހިއްސާކުރަންޖެހެ އެވެ. 

މި މުބާރާތުން ހޮވޭ އެންމެ އުފެއްދުންތެރި ތިން ވީޑިއޯގެ ވެރިފަރާތަށް، ކޮންމެ މީހަކަށް 5،000ރ. ފައިސާގެ އިނާމު ދިނުމަށް ވަނީ ހަމަޖެހިފަ އެވެ. މި ޕްރޮމޯޝަންގައި ބައިވެރިވުމުގެ އެންމެ ފަހު ތާރީހަކީ ޖޫން 15، އެވެ. 

މީގެ އިތުރުން، ކުރިއަށް އޮތް ތަނުގައި ކަސްޓަމަރުންނަށް ހާއްސަކޮށްގެން އިތުރު ޕްރޮމޯޝަނެއް ފެށުމަށްވެސް އެ ކުންފުނިން ވަނީ ނިންމާފަ އެވެ. މި ޕްރޮމޯޝަންގެ ދަށުން، ލަކްސް ގްލޯގެ އެޕްލިކޭޝަން ނުވަތަ ވެބްސައިޓް މެދުވެރިކޮށް ވިޔަފާރިކުރާ ކަސްޓަމަރުންގެ ތެރެއިން ކޮންމެ މަހަކު ގުރުއަތުން ހޮވޭ ތިން ނަސީބުވެރިއަކަށް 500ރ. ގެ ފައިސާގެ އިނާމު ލިބޭނެ އެވެ.

ލަކްސް ގްލޯއަކީ ދިވެހިރާއްޖޭގެ ރީތިވުމަށް ބޭނުންކުރާ ސާމާނުގެ ބާޒާރުގައި އެންމެ ކުރިއަރާފައިވާ ބްރޭންޑަށް ވުމުގެ އަމާޒާއެކު 2024 ވަނަ އަހަރު މަސައްކަތް ފެށި ކުންފުންޏެކެވެ. މިހާރުވެސް އެ ކުންފުނިން ދަނީ ހަންގަނޑަށް ފަރުވާދޭ ތަފާތު އުފެއްދުންތަކާއި މޭކަޕްގެ ސާމާނު ހޯލްސޭލްކޮށް އަދި ރީޓެއިލްކޮށް ފޯރުކޮށްދެމުންނެވެ.

ކުންފުނީގެ މުސްތަގުބަލުގެ ރޭވުންތަކުގެ ތެރޭގައި އަމިއްލަ ފިހާރައެއް ހުޅުވުމާއި، ޒަމާނީ ސެލޫނެއްގެ ހިދުމަތް ދިނުން ހިމެނެ އެވެ.

ކަސްޓަމަރުންނަށް ފަސޭހަކަމާއެކު މުދާ ބަލާލުމަށާއި ވިޔަފާރިކުރުމަށް ލަކްސް ގްލޯގެ ރަސްމީ ވެބްސައިޓް ބޭނުންކުރެވޭނެ އެވެ. އަދި ކުންފުނީގެ އިންސްޓަގްރާމް ޕޭޖް މެދުވެރިކޮށް ޕްރޮމޯޝަންތަކުގެ އިތުރު ތަފްސީލާއި ވީޑިއޯތައް ފެންނަން ހުންނާނެ އެވެ. 

ލަކްސް ގްލޯގެ އަމާޒަކީ ފެންވަރު ރަނގަޅު އުފެއްދުންތައް ދިވެހި މާކެޓަށް ތައާރަފްކޮށް، ކަސްޓަމަރުންނަށް އިތުބާރުހުރި ހިދުމަތެއް ފޯރުކޮށްދިނުމެވެ.

ފަހުގެ ޚަބަރު

ލަކްސް ގްލޯގެ ދެވަނަ ފިހާރަ މަޖީދީމަގުގައި ހުޅުވައިފި

މަޝްހޫރު ކޮސްމެޓިކްސް ބްރޭންޑް "ލަކްސް ގްލޯ" ގެ ދެވަނަ ފިހާރަ މާލޭގެ މަޖީދީމަގުގައި ހުޅުވައިފިއެވެ. މި ފިހާރައިން ބައިނަލްއަގުވާމީ ބްރޭންޑްތަކުގެ ސްކިންކެއާ އަދި މޭކަޕް ސާމާނު ޓެސްޓުކޮށްލުމާއި، ފަންނީ ލަފާ ހޯދައިގެން ވަގުތުން ގަނެވޭނެ އިންތިޒާމު ވަނީ ހަމަޖެހިފައެވެ. ފިހާރަތަކުގެ އިތުރުން އެ ބްރޭންޑުގެ ވެބްސައިޓް މެދުވެރިކޮށް އޮންލައިންކޮށް އޯޑަރުކުރުމުގެ ފުރުސަތުވެސް ކަސްޓަމަރުންނަށް ވަނީ ހުޅުވާލެވިފައެވެ.

ކްލީވިއާ ރެސިޑެންސް: ޒަމާނީ ބޯހިޔާވަހިކަން އާ މަޝްރޫއެއް

ޕޭން ރިއަލް އެސްޓޭޓުން އަލަށް ތައާރަފްކުރި "ކްލީވިއާ ރެސިޑެންސް" މަޝްރޫއަކީ މެދުފަންތީގެ އާމްދަނީ ލިބޭ ފަރާތްތަކަށް އަމާޒުކޮށްގެން ހިންގާ އަތްފޯރާ އަގުތަކެއްގެ ބޯހިޔާވަހިކަމުގެ މަޝްރޫއެކެވެ. މި މަޝްރޫއުގެ ދަށުން ޒަމާނީ ފެންވަރުގެ އެއް ކޮޓަރި އަދި ދެ ކޮޓަރީގެ އެޕާޓްމަންޓްތައް ލިބޭއިރު، ފައިސާ ދެއްކުމުގައި ލުއި ގޮތްތަކެއް ވަނީ ހަމަޖައްސާފައެވެ.

ދިރާގު ރޯޑް ރޭސްގެ ބިބް އެކްސްޕޯ ބުދަ ދުވަހާ ހަމައަށް

ދިރާގު މޯލްޑިވްސް ރޯޑް ރޭސް 2026 ގެ ބިބް އެކްސްޕޯ ބީޖީ ޓާފް ދަނޑުގައި ކުރިއަށްދާއިރު، ބިބް އާއި ރޭސް ކިޓް ދޫކުރުމުގެ މުއްދަތު މި މަހުގެ 18 ވާ ބުދަ ދުވަހުގެ ނިޔަލަށް ވަނީ އިތުރުކޮށްފައެވެ. ފަސް ހާހަށްވުރެ ގިނަ ދުވުންތެރިން ބައިވެރިވާ މި ދުވުން އޮންނާނީ ކުރިއަށް އޮތް ހުކުރު ދުވަހު ހުޅުމާލޭ ސެންޓްރަލް ޕާކުގައެވެ.

ގޫގަލް ޕިކްސެލް އަށް އުރީދޫ 5ޖީ

ގޫގުލް ޕިކްސެލް ފޯނުތަކަށް ރާއްޖޭގައި 5ޖީގެ ޚިދުމަތް ފޯރުކޮށްދޭ ފުރަތަމަ ނެޓްވޯކަކަށް އުރީދޫ މޯލްޑިވްސް ވެއްޖެއެވެ. ނޮވެންބަރު މަހުގެ ސޮފްޓްވެއާ އަޕްޑޭޓާއެކު ޕިކްސެލްގެ އެކި މޮޑެލްތަކަށް 5ޖީ އާއި ވީއޯއެލްޓީއީގެ ޚިދުމަތް މިހާރު ލިބޭނެއެވެ.

ޓޫރިޒަމް ފަހަތަށް، މާލީ ދާއިރާ އާއި އިމާރާތް ކުރުން ކުރިއަށް

މާލީ ދާއިރާ އާއި އިމާރާތްކުރުމުގެ ދާއިރާއަށް އައި ބޮޑު ކުރިއެރުމާއެކު، ރާއްޖޭގެ އިގުތިސޯދު ވަނީ ހަތަރެއް ޕަސެންޓަށް ކުރިއަރާފަ. ޓޫރިޒަމްގެ އިތުރުން މަސްވެރިކަމުގެ ދާއިރާވެސް ވަނީ މި މުއްދަތުގައި ވަރަށް ބޮޑަށް ދަށަށް ގޮސްފަ.

ޑީއެމްއާރްއާރްގައި ޕްލާސްޓިކް ބޭނުން ނުކުރުމަށް ދިރާގު އިލްތިމާސް

މި މަހުގެ 20 ގައި ބާއްވާ "ދިރާގު މޯލްޑިވްސް ރޯޑް ރޭސް" ގައި އެއްފަހަރު ބޭނުންކޮށްފައި އުކާލާ ޕްލާސްޓިކް ބޭނުން ނުކުރުމަށް ދިރާގުން އިލްތިމާސްކޮށްފިއެވެ. ތިމާވެށި ހިމާޔަތްކުރުމުގެ މަގުސަދުގައި ކުރިއަށްގެންދާ މި ހަރަކާތުގައި ފެން ފޯރުކޮށްދޭނީ ކަރުދާސް ތަށީގައި ކަމަށާއި، ދުވުންތެރިން އަމިއްލަ ފުޅި ގެންގުޅުމަށް އެ ކުންފުނިން ބާރުއަޅައެވެ. މި އިސްނެގުމުގެ ސަބަބުން ކޮންމެ އަހަރަކު ގާތްގަނޑަކަށް 18،000 ޕްލާސްޓިކް ފުޅި މަދުކުރެވޭނެ ކަމަށް ދިރާގުން ލަފާކުރެއެވެ.

ކުޑަ ސަރަހައްދަކުން އުދުއްސާލެވޭ އާދަޔާ ހިލާފު ބޯޓެއް

އެމެރިކާގެ އިލެކްޓްރާ ކުންފުނިން ދަނީ ރަންވޭއެއް ނެތް ކުޑަ ސަރަހައްދުތަކުން އުދުއްސާލެވޭ ފަދަ ހައިބްރިޑް-އިލެކްޓްރިކް މަތިންދާބޯޓެއް އުފައްދަމުންނެވެ. މި ބޯޓުގެ ސަބަބުން ކައިރި މަންޒިލްތަކަށް ކުރާ ދަތުރުތަކުގެ ޚަރަދު ކުޑަވެ، އެއާޕޯޓުތަކަށް ބަރޯސާނުވެ ސީދާ އެއް ތަނުން އަނެއް ތަނަށް އަވަހަށް ދަތުރުކުރުމުގެ ފުރުސަތު ލިބިގެންދާނެއެވެ.

Newsletter

Get the latest news delivered straight to your inbox