ވެކްސިންގެ ހިދުމަތް ދޭ ދަމަނަވެށި އުވާލައި، މުވައްޒަފުން އައިޖީއެމްއެޗްގެ ދަށަށް ބަދަލުކުރަނީ

ދަމަނަވެށި: ވެކްސިންގެ ހިދުމަތް ދޭ އެތަން އުވާލަން ވަނީ ނިންމާފައި ކަމަށް މައުލޫމާތު ލިބޭ -- ފޮޓޯ: އަވަސް

ދަމަނަވެށި: ވެކްސިންގެ ހިދުމަތް ދޭ އެތަން އުވާލަން ވަނީ ނިންމާފައި ކަމަށް މައުލޫމާތު ލިބޭ -- ފޮޓޯ: އަވަސް

ވެކްސިންގެ ހިދުމަތްދޭން ހެލްތު މިނިސްޓްރީގެ ދަށުން އުފައްދާފައިވާ ދަމަނަވެށި އުވާލުމަށްފަހު، އެތަނުގެ މުވައްޒަފުން އައިޖީއެމްއެޗްގެ ދަށަށް ބަދަލުކުރަން އުޅޭކަން އެނގިއްޖެ އެވެ. 

މިކަމުގެ މައުލޫމާތު އެނގޭ މީހަކު އަދަދު އަށް ބުނީ ދަމަނަވެށި ބަންދުކޮށް އެތަނުގެ ހުރިހާ މުވައްޒަފުން އެއްވެސް އެންގުމަކާ ނުލައި އައިޖީއެމްއެޗްގެ ދަށަށް ބަދަލުކުރުމުގެ މަސައްކަތް މިހާރު ފަށާފައިވާ ކަމަށެވެ. އެކަމާ ގުޅިގެން މުވައްޒަފުން ދަނީ ހިތްހަމަނުޖެހުން ފާޅުކުރަމުން ކަމަށް ވެސް އޭނާ ބުންޏެވެ. 

"މިނިސްޓްރީ އޮފް ހެލްތުގެ ދަށުން ދަމަނަވެށްޓަށް ސްޓާފުން ނަގާފައި ތިބެނީ. ސްޓާފުންނަށް ނުވެސް އަންގާ ދަމަނަވެށީގައި ތިބި ސްޓާފުން އައިޖީއެމްއެޗްގެ ބޯޑުގެ ދަށަށް ބަދަލުކުރަނީ. ބަދަލުކޮށްފައި ސްޓާފުންނަށް ނުވެސް ދޭ އޮޕްޝަނެއް ވެސް. ބޭނުންވާ ތަނަކަށް ސްޓާފުން ބަދަލުކުރަން އުޅެނީ،" އޭނާ ބުންޏެވެ. 

އޭނާ ބުނީ ސަރުކާރުން މަސައްކަތް ކުރަމުންދަނީ ދަމަނަވެށި އުވައިލުމަށްފަހު، އެތަނުން ދޭ ހިދުމަތްތައް އާބަން ޕްރައިމަރީ ހެލްތު ކެއާ ސެންޓަރަށް ބަދަލުކުރަން ކަމަށެވެ. 

ނަމަވެސް އާބަން ޕްރައިމަރީ ހެލްތު ކެއާ (ޔޫޕީއެޗްސީ) ގެ އެންމެ ސެންޓަރެއް މާލޭގައި ހުރިއިރު، އެތަނުގައި ހިދުމަތް ދެމުންދަނީ ލިމިޓެޑްކޮށް ކަމަށް އޭނާ ބުންޏެވެ. އޭނާ ބުނީ ދަމަނަވެށިން ހިދުމަތް ހޯދަން އަންނަ އެންމެންނަށް އެ ދުވަހެއްގައި ހިދުމަތްދޭ ކަމަށެވެ. 

"އާބަން ޕްރައިމަރީ ހެލްތު ކެއާ ސެންޓަރުގައި ލިމިޓެޑްކޮށް އެމީހުން ވެކްސިން ޖަހައިދެނީ. އެކަމަކު ދަމަނަވެށީގައި ވޯކް އިންކޮށް އައިސް އެ ދުވަހެއްގައި އަންނަ ހުރިހާ ބޭފުޅުންނަށް ވެސް ސާވިސް ދޭގޮތަށް އިންނަ ތަނެއް،" އޭނާ ބުންޏެވެ. 

މިކަމާ ގުޅިގެން ރައީސް އޮފީހުގެ ތަރުޖަމާނު މުހައްމަދު ހުސައިން ޝަރީފް (މުންދު) އަދަދު އަށް ވިދާޅުވީ ހެންވޭރު އާބަން ޕްރައިމަރީ ހެލްތުކެއާ ސެންޓަރު ހެދުމުގެ މަސައްކަތް ކުރުމަށް ދަމަނަވެށި ހުސްކުރަން ޖެހޭ ކަމަށް އައިޖީއެމްއެޗް އިން ބުނެފައިވާ ކަމަށެވެ. 

"ދަމަނަވެށީގެ ބައެއް ހިދުމަތް ދިނުމަށް ބޭނުންކުރަމުންދަނީ ކުރީގައި މޯލްޑިވްސް ބްލަޑް ސާވިސް (އެމްބީއެސް) ގޮތުގައި ބޭނުންކުރިޔަ އިމާރާތުގައި، އެމްބީއެސް އިމާރާތް މަރާމާތު ކުރުމަށްފަހު ހެންވޭރު ޕްރައިމަރީ ހެލްތު ކެއާ ސެންޓަރު ހެދުމުގެ މަސައްކަތް ކުރަމުންދާއިރު، ދަމަނަވެށި ހުސްކުރަންޖެހޭކަން އައިޖީއެމްއެޗް ހޮސްޕިޓަލުން ވަނީ ފާހަގަކޮށްފައި،" އޭނާ ވިދާޅުވި އެވެ. 

ނަމަވެސް މުންދު ވިދާޅުވީ ދަމަނަވެށީގެ މުވައްޒަފުންނާމެދު އަމަލުކުރާނެ ގޮތެއް މިވަގުތު ނިންމާފައި ނުވާ ކަމަށެވެ. 

މާލޭގައި ފަސް އާބަން ޕްރައިމަރީ ހެލްތު ކެއާ ސެންޓަރު ގާއިމުކުރަން ސަރުކާރުން ނިންމާފައިވާއިރު، އެ ސެންޓަރުތަކުގެ ހިދުމަތްތަކުގެ ތެރޭގައި ދަމަނަވެށިީގައި ދެމުންދާ ހިދުމަތްތައް ހިމަނައި އެ ހިދުމަތުގެ ތެރެއަށް ދަމަނަވެށީގެ ހިދުމަތްތައް ވެގެންދާގޮތުން ޔޫޕީއެޗްސީގެ ސްކޯޕް އެކުލަވާލާފައިވާ ކަމަށް އޭނާ ވިދާޅުވި އެވެ. 

މުންދު ވިދާޅުވީ ކުރީގެ އެމްބީއެސް އިމާރާތް މަރާމާތު ކުރުމުގެ މަސައްކަތް މިހާރު ކުރިއަށްދާއިރު، މަސައްކަތް ޕްލޭން ކުރެވިފައިވާ ގޮތަށް ނިންމުމަށް ދަމަނަވެށި އިމާރާތް ވީހާވެސް އަވަހަށް ހުސްކުރަންޖެހޭ ކަމަށެވެ. 

އައިޖީއެމްއެޗް އިން ހިންގާ އާބަން ޕްރައިމަރީ ހެލްތު ކެއާ ސެންޓަރުގައި ކަތުރުފަންޏާއި ތަންމަކުނު އެޅުމުގެ އިތުރުން ފަންގަސް ޖަހައިގެން މިދިޔަ ހޯމަ ދުވަހު ވަނީ ބަންދުކޮށްފަ އެވެ. މިދިޔަ އަހަރުގެ ނޮވެމްބަރު 1، ގައި ހުޅުވި އެ ސެންޓަރު އަނބުރާ ހުޅުވުމަށް ހަމަޖެހިފައިވަނީ މާދަމާ ކަމަށް އައިޖީއެމްއެޗް އިން ބުންޏެވެ. 

ޖުމްލަ 40 މުވައްޒަފުން ތިބޭ ދަމަނަވެށިން ދުވާލެއްގެ މައްޗަށް 300 އާއި 400 އާ ދެމެދުގެ މީހުންނަށް ހިދުމަތްދޭއިރު، އާބަން ޕްރައިމަރީ ހެލްތު ކެއާ ސެންޓަރުން ދުވާލެއްގެ މައްޗަށް ހިދުމަތްދެނީ ލިމިޓްކޮށްގެން 50 މީހުންނަށެވެ. 

ދަމަނަވެށިން ދޭ ހިދުމަތްތަކުގެ ތެރޭގައި ކުޑަކުދިންނަށް ވެކްސިން ދިނުމާއި ރާއްޖެއިން ބޭރަށް ދަތުރުކުރާ މީހުންނަށް ވެކްސިން ދިނުމާއި ޖީޕީ ސާވިސް އާއި ކޮމިއުނިޓީ ސާވިސް އަދި ސައިކޯސޯޝިއަލް ސަޕޯޓް ސާވިސަސް ޔުނިޓު ހިމެނެ އެވެ. 

ކޮމެންޓް

ފަހުގެ ޚަބަރު

ބޮޑެތި ހުރިހާ މަޝްރޫއެއް ވަނީ މަޑުޖެހިފައި: މުއިއްޒު

ދަރަނި ދެއްކުމަށާއި ޒަރޫރީ ޚިދުމަތްތަކަށް އިސްކަންދިނުމުގެ ސަބަބުން، އުމްރާނީ ތަރައްގީގެ ބޮޑެތި މަޝްރޫއުތައް މަޑުޖެހިފައިވާ ކަމަށް ރައީސް މުއިއްޒު އެއްބަސްވެވަޑައިގެންނެވި. މިކަން މިގޮތަށް ދިމާވީ ދުނިޔޭގެ ބާޒާރުގައި ތެލުގެ އަގު އުފުލުމާއި ފަތުރުވެރިން އަންނަ މިންވަރު މަދުވުމުން ފިސްކަލް މެނޭޖްމަންޓަށް ބަދަލު ގެނައުމުން ކަމަށް އެމަނިކުފާނު ވިދާޅުވި.

މިރޭގެ ޖަލްސާއަށް އެއްލައްކަ މެންބަރުން ހަމަނުކުރެވުނު

ޕީއެންސީގެ މެންބަރުންގެ އަދަދު އެއްލައްކައަށް އިތުރުކުރުމަށް ހިފި އަމާޒަށް މިރޭގެ ޖަލްސާއާ ހަމައަށް ވާސިލުނުވެވުމުން، އެ އަމާޒު ހާސިލުކުރުމުގެ ވަގުތު މިރޭ މެންދަމު 12 އާ ހަމައަށް ވަނީ އިތުރުކޮށްފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި އެ ޕާޓީއަށް އެއްލައްކަ ހަމަވާން އަދި 1,992 މެންބަރުން އިތުރަށް ބޭނުންވޭ.

ހުޅުމާލޭގައި އަޅާ ކޯޓު ކޮމްޕްލެކްސްގެ ބިންގާ އަޅައިފި

އެމްޓީސީސީއާ ހަވާލުކޮށްގެން ކުރިއަށްގެންދާ މި މަޝްރޫއަކީ ޝަރުއީ ދާއިރާގެ ހިންގުން އެއް ފުރާޅެއްގެ ދަށަށް ގެނެސް، ކޯޓުތަކަށް ދިމާވެފައިވާ ޖާގައިގެ ދަތިކަން ހައްލުކުރުމަށް ފެށި 699.8 މިލިއަން ރުފިޔާގެ މަޝްރޫއެއް. މި އިމާރާތުގައި ހައިކޯޓާއި ސުޕީރިއާ ކޯޓުތަކުގެ އިތުރުން ޑީޖޭއޭގެ އޮފީސް ވެސް ހިންގުމަށް ވަނީ ހަމަޖެހިފަ.

ޕީއެންސީއަށް 100،000 މެންބަރުން މުވައްޒަފުންނަށް މަޖުބޫރުކުރަނީ

ޕީއެންސީގެ މެންބަރުންގެ އަދަދު އެއްލައްކައަށް ހަމަކުރުމަށްޓަކައި، ސަރުކާރު ކުންފުނިތަކުގެ މުވައްޒަފުންނަށް މަޖުބޫރުކޮށް ވަޒީފާގެ ބިރުދައްކަމުންދާކަމުގެ ޝަކުވާތައް ވަނީ ބޮޑުވެފައެވެ. މި އަމާޒަށް ވާސިލުވުމަށް އެހެން ޕާޓީތަކުގެ މެންބަރުން ޕީއެންސީއަށް ބަދަލުވުމަށް އަންގަމުންދާއިރު، މެންބަރުން އިތުރުކުރުމަށް ފައިސާ ބަހާކަމުގެ ތުހުމަތުތައްވެސް ވަނީ ފެންމަތިވެފައެވެ.

މުވައްޒަފުންނަށް ސިޔާސީ މަޖުބޫރުކުރުން ކުށަކަށް ހަދާ ބިލެއް

ސަރުކާރު ކުންފުނިތަކުގެ މުވައްޒަފުންނަށް ސިޔާސީ މަޖުބޫރުކުރުން ޖިނާއީ ކުށަކަށް ހަދަން ވަޒީފާއާބެހޭ ގާނޫނަށް އިސްލާހު ހުށަހަޅައިފި. މީކާއީލް ނަސީމް ހުށަހެޅުއްވި މި ބިލުގެ މަގްސަދަކީ މުވައްޒަފުންގެ ސިޔާސީ މިނިވަންކަން ހިމާޔަތްކޮށް، ވަކި ޕާޓީއަކަށް ވަނުމަށް ނުވަތަ ހަރަކާތްތަކުގައި ބައިވެރިވުމަށް ނުފޫޒު ފޯރުވުން ހުއްޓުވުން.

ސިޓިޒެންސް ޕޯޓަލް ދެވަނަ ފަހަރަށް އިފްތިތާހުކޮށްފި

ރައީސް މުއިއްޒަށް ރައްޔިތުންގެ ޝަކުވާތަކާއި ޚިޔާލުތައް ސީދާ ހުށަހެޅޭ ގޮތަށް "ސިޓިޒެންސް ވޮއިސް" ޕޯޓަލް ދެވަނަ ފަހަރަށް ވަނީ އިފްތިތާހުކޮށްފައި އީ-ފާސް މެދުވެރިކޮށް ވަދެވޭ މި ޕޯޓަލްގެ ހިދުމަތް މިވަގުތު ވެބްސައިޓުން ލިބުނު ނަމަވެސް، ކުރިއަށް އޮތްތަނުގައި މޯބައިލް އެޕްލިކޭޝަނެއް ތައާރަފުކުރުމަށް ވަނީ ނިންމާފައި.

"މިހާރު ފެށެން މި އުޅެނީ ރާއްޖޭގެ މިނިވަންކަން ނިމުމުގެ ފެށުން"

ރަސްމާލެ މަޝްރޫއުގެ ދަށުން ބޭރުގެ ފަރާތްތަކާއި ޒަޔަނިސްޓުން ރާއްޖޭގައި ވަޒަންވެރިކުރުވަން ފަށައިފިނަމަ، ގައުމުގެ މިނިވަންކަން ގެއްލިދާނެ ކަމަށާއި، މި މަޝްރޫއުގެ މާލީ ތަފްސީލުތައް ކަމާބެހޭ އިދާރާތަކަށް ނޭނގޭއިރު، މިއީ މަދު ބައެއްގެ މެދުގައި ސިއްރުވެފައިވާ ކަމެއްކަމަށް ގާނޫނީ ވަކީލު އަލީ ހުސައިން ވިދާޅުވެއްޖެ.

Newsletter

Get the latest news delivered straight to your inbox