އުރީދޫއަށް 20 އަހަރު ފުރުމުގެ މުނާސަބަތުގައި ކުރިއަށްގެންދާ ލިވް އަންލިމިޓެޑް ކެމްޕެއިން ދަށުން އުމްރާ ދަތުރު ލިބޭ 18 ވަނަ ނަސީބުވެރިޔަކަށް ސ. ހިތަދޫ، އަމްސަދު ނަޖުމީ ހޮވިފައިވާކަން އުރީދޫއިން ހާމަކޮށްފި އެވެ.
އުރީދޫ ހެޑްކުއާޓާސްގައި ބޭއްވި ރަސްމިއްޔާތެއްގައި އަމްސަދުއަށް ލިބުނު އުމްރާ ދަތުރާ އޭނާގެ ފަރާތުން ހަވާލުވީ އިގްބާލް އަލީ އެވެ.
މި ކެމްޕެއިންގެ ދަށުން ކޮންމެ 20 ދުވަހަކުން އުމްރާ ދަތުރެއް ދިނުމަށް ހަމަޖެހިފައިވެ އެވެ. އެގޮތުން ޖުމްލަ 19 އުމްރާ ދަތުރު ދިނުމަށް ހަމަޖެހިފައިވާއިރު، ގްރޭންޑް ޕްރައިޒްގެ ގޮތުގައި 20 ވަނަ ނަސީބުވެރިއަކަށް ހޮވޭފަރާތަށް ދެ މީހަކަށް ހައްޖުދަތުރެއް ލިބޭނެ އެވެ.
30 ދުވަހުގެ ތެރޭގައި 250ރ އަށް ވުރެ މަތިން ބިލް ދައްކާ، ރީޗާޖު ކޮށް ނުވަތަ އެޑް އޮން އެއް ބޭނުންކޮށްގެން ޕްރޮމޯޝަންގައި ބައިވެރިވެވޭއިރު، އުރީދޫއާ އަލަށް ގުޅޭ ކަސްޓަމަރުން 400ރ. އިން މަތިން ބިލް ދައްކާ، ރީޗާޖު ކޮށް ނުވަތަ އެޑް އޮން އެއް ބޭނުންކޮށްގެން ޕްރޮމޯޝަންގައި ބައިވެރިވެވެ އެވެ.
20 އަހަރުގެ ކުޑަމުއްދަތުގައި އުރީދޫ އިން ވަނީ މުވާސަލާތީ އަދި ޓެކްނޮލޮޖީގެ ގޮތުން ފާހަގަކޮށްލެވޭ ގިނަ ލަނޑުދަނޑިތައް ހާސިލްކޮށްފަ އެވެ. މި ކެމްޕޭނަކީ އުރީދޫގެ ކާމިޔާބީގެ ފަހަތުގައި ތިބި ލޮބުވެތި ކަސްޓަމަރުންނާއި، ހިދުމަތް ދިނުމުގައި ކެނޑިނެޅު މަސައްކަތް ކުރަމުންދާ މުވައްޒަފުންގެ އަގު ވަޒަންކުރާ ކެމްޕެއިނެކެވެ.
