ރައީސް މުހައްމަދު މުއިއްޒުގެ ވަޒީރުންގެ މަޖިލީހުގައި ހިމެނޭ ފޮރިން މިނިސްޓަރު އަބްދުالله ހަލީލު މަގާމުން ވަކިކޮށްފި އެވެ.
އަދަދު ނޫހުން މިކަމާ ގުޅޭގޮތުން ރައީސް އޮފީހާ ސުވާލު ކުރުމުން އެކަން ބަލާލުމަށް ފަހު މައުލޫމާތު ދޭނެ ކަމަށް ވަނީ ބުނެފަ އެވެ.
އަދަދު އަށް އެނގިފައިވާ ގޮތުގައި އިތުރު މިނިސްޓަރުންތަކެއް ވެސް މަގާމުން ވަކިކުރުމަށް ވަނީ ނިންމާފަ އެވެ.
މި ސަރުކާރުގައި އެންމެ ފުރަތަމަ ހަލީލު އަދާކުރެއްވީ ހެލްތު މިނިސްޓަރުގެ މަގާމު އެވެ. ހަލީލްގެ ބަދަލުގައި ހެލްތު މިނިސްޓަރަކަށް އައްޔަނުކުރަނީ ރައިސް އޮފީހުގެ ޕަބްލިކް ޕޮލިސީ ސެކްރެޓަރީ މަގާމުގައި ހުންނެވި އަބްދުالله ނާޒިމް އެވެ.
އޭނާ ފޮރިން މިނިސްޓަރަކަށް އައްޔަނުކުރީ ސެޕްޓެމްބަރު 30، 2024 ގަ އެވެ. އޭގެ ކުރިން އެ މަގާމުގައި ހުންނެވީ މިހާރު ފިނޭންސް މިނިސްޓަރަކަށް ހުންނެވި މޫސާ ޒަމީރު އެވެ.
އޭނާ ވަނީ މީގެ ކުރިން ރައްޔިތުންގެ މަޖިލީހުގެ ނިލަންދޫ ދާއިރާގެ މެންބަރުކަން ވެސް ކުރައްވާފަ އެވެ.
