އައިކެއާ އޮޕްޓިކަލްސްއިން ނިމިދިޔަ ރޯދަމަހު ކުރިއަށްގެންދިޔަ "ނަޔާ ރޯދަ ހަދިޔާ" ޕްރޮމޯޝަންގެ ގްރޭންޑް ޕްރައިޒް ލިބުނު ނަސީބުވެރިޔަކަށް އިސްމާއިލް އަފްޒަލް ހޮވިއްޖެ އެވެ.
އައިކެއާގެ ކަސްޓަމަރުންނަށް ހާއްސަ ޑިސްކައުންޓްތަކަކާއެކު ކުރިއަށްގެންދިޔަ މި ޕްރޮމޯޝަންގެ ދަށުން ގްރޭންޑް ޕްރައިޒްގެ ގޮތުގައި ދިނީ ސްރީލަންކާއަށް ކުރާ އާއިލީ ދަތުރެކެވެ.
މިގޮތުން ނަސީބުވެރިޔަކަށް ހޮވުނު އިސްމާއިލް އަފްޒަލްއަށް ހަތަރު މީހުންގެ އާއިލާ ނުވަތަ ރައްޓެހިންނާއެކު ސްރީލަންކާގައި ހަތަރު ރޭ ހޭދަކުރުމުގެ ފުރުސަތު ލިބޭއިރު، އޭގެ ތެރޭގައި ދެކޮޅު ޓިކެޓާއި، ހުރުމާއި ކެއުންބުއިމުގެ އިތުރުން ކެންޑީ، ނުވަރައެލިއާ އަދި އެލާ ފަދަ މަންޒިލުތަކަށް ޒިޔާރަތްކުރުން ހިމެނެ އެވެ.
މި ޕްރޮމޯޝަންގައި ބައިވެރިވުމަށް ފުރުސަތު ދިނީ އެއްފަހަރާ 500ރ. އިން މަތީގެ ވިޔަފާރި ކުރި ކަސްޓަމަރުންނަށެވެ. އެ ޕްރޮމޯޝަނަށް ބޮޑު ތަރުހީބެއް ލިބުނުކަން ފާހަގަކޮށް ކަސްޓމަރުންނަށް އައިކެއާއިން ޝުކުރު އަދާކުރި އެވެ.
އައިކެއާގެ އަމާޒަކީ އަބަދުވެސް ކަސްޓަމަރުންނަށް ފައިދާހުރި، އުފާވެރި ތަޖުރިބާތަކެއް ފޯރުކޮށްދީ، ޒަމާނީ ޓެކްނޮލޮޖީއާއިއެކު ފެންވަރު ރަނގަޅު ލޮލުގެ ފަރުވާގެ ހިދުމަތްތައް ފޯރުކޮށްދިނުން ކަމަށް އެ ކުންފުނިން ބުންޏެވެ.
