ފެންނަ ނުފެންނަ ވޯޓުގެ ނަތީޖާ ސަރުކާރުގެ އިތުބާރާ ގުޅޭތީ މުއިއްޒު އިސްތިއުފާ ދިނުމަށް ފައިސަލް ގޮވާލައިފި

ކުރީގެ ނައިބު ރައީސް ފައިސަލް ނަސީމް. ސަރުކާރުން އިންތިހާބު ނެގުމަށް ދައުލަތުގެ ހުރިހާ ވަސީލަތެއް ބޭނުންކުރި ކަމަށް ވިދާޅުވި --ފޮޓޯ: މުހައްމަދު ޝާބިން/އަދަދު

ކުރީގެ ނައިބު ރައީސް ފައިސަލް ނަސީމް. ސަރުކާރުން އިންތިހާބު ނެގުމަށް ދައުލަތުގެ ހުރިހާ ވަސީލަތެއް ބޭނުންކުރި ކަމަށް ވިދާޅުވި --ފޮޓޯ: މުހައްމަދު ޝާބިން/އަދަދު

ރައްޔިތުންގެ މެދުގައި ނެގި ފެންނަ ނުފެންނަ ވޯޓަކީ ސަރުކާރަށް އިތުބާރާ އޮތްތޯ ބެލުމަށް ނެގުނު ވޯޓެެއް ކަމަށާއި އެ ވޯޓުގެ ނަތީޖާައަށް ބަލާއިރު މިވަގުތު ވެރިކަމުގައި ހުންނެވި ރައީސް މުހައްމަދު މުއިއްޒު އިސްތިއުފާ ދެެއްވަން ޖެހޭ ކަމަށް ކުރީގެ ނައިބު ރައީސް ފައިސަލް ނަސީމް ގޮވާލައްވައިފި އެވެ. 

އިއްޔެ ބޭއްވި ކައުންސިލް އިންތިހާބުގައި ރާއްޖޭގެ އެންމެ ބޮޑެތި ސިޓީތަކުން މެޖޯރިޓީ ދިނީ އެމްޑީޕީއަށެވެ. އޭގެ އިތުރުން ފެންނަ ނުފެންނަ ވޯޓުގައި ސަރުކާރުގެ ހުށަހެޅުމަށް 69 ޕަސެންޓު ރައްޔިތުން ވަނީ ނޫނެކޭ ބުނެފަ އެވެ.

ސޯޝަލް މީޑިއާގައި ހިއްސާކުރެއްވި ވީޑިއޯއެއްގައި ފައިސަލް ވިދާޅުވީ ސަރުކާރުން އިންތިހާބު ނެގުމަށް ދައުލަތުގެ ހުރިހާ ވަސީލަތެއް ބޭނުންކޮށްފައިވާ ކަމަށެވެ. ނަމަވެސް، ސަރުކާރަށް ބޮޑުތަނުން ނޫނެކޭ ބުނިކަން ފައިސަލް ފާހަގަކުރެއްވި އެވެ. 

"މިފަދަ ވަގުތުތަކުގައި އެންމެ ރަނގަޅު ގޮތަކީ، އެންމެ މަސްލަހަތު ރަނގަޅު ގޮތަކީ އިތުބާރު ނުކުރާ ސަރުކާރެއް އޮތުމުގެ ބަދަލުގައި މިވަގުތު ހުރި ރައީސުލްޖުމްހޫރިއްޔާ އިސްތިއުފާ ދެއްވުން. އަވަސް އިންތިހާބަކަށް ދިޔުން،" ފައިސަލް ވިދާޅުވި އެވެ. 

ފެންނަ ނުފެންނަ ވޯޓުގައި ރައްޔިތުން ދެކުނީ ސަރުކާރު އިތުބާރު އޮތް ކަމެއްގެ ގޮތުގައި ނަގާ ވޯޓެއްގެ ގޮތުގައި ކަމަށް ފައިސަލް ވިދާޅުވި އެވެ. 

"ރައްޔިތުން ނިންމާ ގޮތެއްގެ މަތިން ވެރިކަން ކުރާނެ، ގައުމު ހިންގާނެ މީހަކު އިންތިހާބު ކުރުމުގެ ފުރުސަތު ދޭން ޖެހޭ،" މިފަހަރުގެ ކައުންސިލް އިންތިހާބުގެ ކެމްޕޭނުގައި އެމްޑީޕީގެ ކެމްޕޭނުގައި ހަރަކާތްތެރިކޮށް ފެނިވަޑައިގެންނެވި ފައިސަލް ވިދާޅުވި އެވެ. 

މި ވޯޓުގައި ސަރުކާރުން ވަރަށް ގަދައަށް ކެމްޕޭން ކުރި އެވެ. ދެ އިންތިހާބު އެއް ދުވަހެއްގައި ބޭއްވުމަކީ ހަރަދު ކުޑަކުރަން ކުރާ ކަމެއް ކަމަށާއި އޭގެ ސަބަބުން ރާއްޖޭގައި ހަމަޖެހުން ގާއިމުވެ އެންމެ ގިނަ ރައްޔިތުން ވޯޓުލާ އިންތިހާބުގައި (ރިޔާސީ އިންތިހާބުގައި) ރައްޔިތުންގެ މަޖިލީހުގެ މެންބަރުން އިންތިހާބު ކުރާނެ ކަމަށް ބުނެ ވަކާލާތު ކުރި އެވެ. 

ނަމަވެސް، މިހާތަނަށް އިލެކްޝަންސް ކޮމިޝަނުން ހާމަކޮށްފައިވާ ވަގުތީ ނަތީޖާއިން ދައްކާ ގޮތުގައި ފެންނަ ނުފެންނަ ވޯޓުގައި ސަރުކާރުގެ ހުށަހެެޅުމާ ދެކޮޅަށް 139،121 މީހުން ވަނީ ވޯޓު ދީފަ އެވެ. މިއީ 2023 ގެ ރިޔާސީ އިންތިހާބުގައި މުއިއްޒުއަށް ޖުމުލަ ވޯޓު ދިން މީހުންނަށް ވުރެ އިތުރު އަދަދެކެވެ. 


ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox