ތެލުގެ އަގު ބޮޑުކުރުމުން ރަށްރަށަށް ދަތުރުކުރާ ލޯންޗު ފެރީގެ އަގުތައް ވަރަށް ބޮޑަށް އުފުލިއްޖެ

މާލޭ ބަނދަރުގައި ލޯންޗުތަކެއް އަޅާފައި.

މާލޭ ބަނދަރުގައި ލޯންޗުތަކެއް އަޅާފައި.

ސްޓޭޓް ޓްރޭޑިން އޯގަނައިޒޭޝަން (އެސްޓީއޯ) ސަބްސިޑިއަރީ ކުންފުނި، ފިއުލް ސަޕްލައި މޯލްޑިވްސް (އެފްއެސްއެމް) އިން ޖެޓީތަކާއި ބައުޒަރުތަކުން ވިއްކާ ތެލުގެ އަގު ވަރަށް ބޮޑަށް ބޮޑުކުރުމާ ގުޅިގެން ރާއްޖޭގެ ރަށްރަށަށް ލޯންޗު ފެރީގެ ހިދުމަތްދޭ ކުންފުނިތަކުން ވިއްކާ ޓިކެޓުގެ އަގުތައް އުފުލިއްޖެ އެވެ.

މާލެ އާއި އަތޮޅުތެރެއާ ދެމެދު ދަތުރުކުރާ ގިނަ ލޯންޗުފަހަރުގައި ހުންނަ އިންޖީނަށް ބޭނުންކުރާ ޕެޓްރޯލް ލީޓަރެއްގެ އަގު ވަނީ 27.13ރ. މިއަދު ބޮޑުކޮށްފަ އެވެ. އަތޮޅު ތެރޭގެ ބައެއް ރަށްރަށުން ޕެޓްރޯލް ލީޓަރެއް މިހާރު ވިއްކަމުން އަންނަނީ 28ރ. އަށް ވުރެ ބޮޑުކޮށެވެ.

އަދަދު ނޫހުން ވާހަކަ ދެއްކި ބައެއް ފެރީ އޮޕަރޭޓަރުން ދިން މައުލޫމާތުތަކަށް ބަލާއިރު ލޯންޗު ފެރީ ޓިކެޓުގެ އަގުތައް ވަނީ ގާތްގަނޑަކަށް 40 ޕަސެންޓާއި 70 ޕަސެންޓާ ދެމެދު އުފުލިފަ އެވެ. އަދި، ކުރިން ކޮންމެ ދުވަހަކު ބާއްވަމުން އައި ފެރީ ދަތުރުތައް މަދުކޮށް ހަފްތާއަކު ދެތިން ދުވަހު ކުރުމަށް ވެސް ބައެއް ފެރީ އޮޕަރޭޓަރުން ވަނީ ނިންމާފަ އެވެ.

Advertisement

ވ. އަތޮޅުގެ ރަށްތަކަށް ދަތުރުކުރާ ފެރީ އޮޕަރޭޓަރަކު މައުލޫމާތު ދިން ގޮތުގައި ކުރިން ކޮޅަކަށް 300ރ. އަށް ކުރި ދަތުރުގެ އަގު 500ރ. އަށް ވަނީ ބޮޑުކޮށްފަ އެވެ. އަދި 250ރ. އަށް ކުރަމުން އައި ދަތުރުތައް ވަނީ 450ރ. އަށް ބޮޑުކޮށްފަ އެވެ.

ކ. އަތޮޅުގެ ރަށްތަކަށް ދަތުރު އަޅާ ފެރީ އޮޕަރޭޓަރަކު ވެސް މައުލޫމާތު ދިން ގޮތުގައި އެ ކުންފުނީގެ ދަށުން ދުއްވާ ލޯންޗުފަހަރުން އަޅާ ދަތުރުތަކުގެ އަގު 50 ޕަސެންޓު ވަނީ ބޮޑުކުރަން ޖެހިފަ އެވެ.

އެހެން އޮޕަރޭޓަރަކު މައުލޫމާތު ދިން ގޮތުގައި ފ. އަތޮޅުގެ ރަށްތަކަށް ކޮޅަކަށް 550ރ. އަށް ކުރަމުން އައި ދަތުރުތަކުގެ އަގު ވަނީ 850ރ. އަށް ބޮޑުކޮށްފަ އެވެ.

ދ. އަތޮޅުގެ ރަށްރަށަށް ދަތުރުކުރާ ފެރީ އޮޕަރޭޓަރަކު ވެސް ވަނީ ކުރިން ކޮޅަކަށް 600ރ. އަށް ކުރަމުން އައި ދަތުރުތައް 900ރ. އަށް ބޮޑުކޮށްފަ އެވެ.

ރ. އަތޮޅުގެ ރަށްރަށަށް ފުޅާ ދާއިރާއެއްގައި ފެރީ އޮޕަރޭޓުކުރާ ކުންފުންޏަކުން ވެސް ވަނީ 750ރ. އަށް ކުރަމުން އައި ދަތުރުގެ އަގުތައް 1،000ރ. އަށް ބޮޑުކޮށްފަ އެވެ.

މި އަތޮޅުތަކުގެ އިތުރުން ވެސް ރާއްޖޭގެ އުތުރާއި ދެކުނުގައި ވެސް ކަނޑުދަތުރުފަތުރު ކުރުމުގެ އަގުތައް މިވަނީ ވަރަށް ހަލުވިކޮށް އުފުލެން ފަށާފަ އެވެ.

މިއީ ފަހުގެ ތާރީހެއްގައި ލޯންޗު ފެރީގެ އަގުތައް މިހާ ބޮޑުވި ފުރަތަމަ ފަހަރެވެ. މި ފެެރީތަކަކީ އެ އަތޮޅުތަކުގެ ރައްޔިތުންނާއި ލޯކަލް ޓޫރިޒަމް ވިޔަފާރިކުރާ ފަރާތްތަކުން ވަރަށް ބޮޑަށް ބަރޯސާވާ ފެރީތަކެކެވެ.

ކުރިއަށް އޮތްް އީދު ބަންދުގައި ގިނަ އަދަދެއްގެ ބަޔަކު ދަތުރުކުރާނެ ކަމަށް ކުރިން ބެލެވުނު ނަމަވެސް ލޯންޗު ފެރީގެ އަގުތައް އުފުލެމުން އަންނާތީ އެ ބަންދުގައި މާލެއިން ބޭރަށް މީހުން ދާނެ މިންވަރު ކުރިއަށްވުރެ ދަށްވާނެ ކަމަށް ބެލެވެ އެވެ.

އަތޮޅު ތެރޭގައި ދަތުރުކުރުމަށް އާންމުން މިހާރު ބޭނުންކުރާ އާރުޓީއެލް ފެރީ ނިޒާމުގެ އަގުތައް އަދި ބޮޑެއް ނުކުރެ އެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox