ޓްރީ ޓޮޕް ހޮސްޕިޓަލަށް 8 އަހަރު ފުރުމުގެ މުނާސަބަތުގައި، މުޅި މާޗު މަހަށް ބަހާލައިގެން ހާއްސަ އޮފާތަކެއް އިއުލާނުކޮށްފިއެވެ.
މާޗް 1، 2018 ގައި ހިދުމަތް ދޭން ފެށި މި ހޮސްޕިޓަލުގެ މައިގަނޑު މަގުސަދަކީ ދިވެހިން ބޭސްފަރުވާއަށް ރާއްޖޭއިން ބޭރަށް ކުރާ ދަތުރުތައް މަދުކޮށް، ފެންވަރު ރަނގަޅު ސިއްހީ ހިދުމަތް ރާއްޖޭގައި ގާއިމުކުރުމެވެ.
މި އަހަރީ ދުވަހާ ގުޅިގެން ދޭން ނިންމާފައިވާ ހާއްސަ ޑިސްކައުންޓްތަކުގެ ތެރޭގައި;
- މާޗު މަހުގެ ނިޔަލަށް "ވެލް މޭލް" އަދި "ވެލް ވުމަން" ހެލްތު ސްކްރީނިން ޕެކޭޖްތަކުން 20 ޕަސެންޓު ޑިސްކައުންޓް
- މާރިޗު 8 ގައި ފާހަގަކުރާ ބައިނަލްއަގުވާމީ އަންހެނުންގެ ދުވަހުގެ މުނާސަބަތުގައި، އެ ދުވަހު "ވެލް ވުމަން" ޕެކޭޖުން 25 ޕަސެންޓު ޑިސްކައުންޓް ލިބޭނެ
- ބައިނަލްއަގުވާމީ ދަތުގެ ސިއްހަތުގެ ދުވަހާ ގުޅުވައިގެން، މާޗު 15 އިން 31 އަށް ދަތުގެ ބައެއް ހިދުމަތްތަކުން 15 ޕަސެނއޓު ޑިސްކައުންޓް. މީގެތެރޭގައި ދަތް ސާފުކުރުން އަދި ދަތް ފަނިކެއުމުން ރައްކާތެރިވުމަށް ކުރާ "ފިޝަރ ސީލަންޓް" ފަރުވާ ހިމެނޭ
ޓްރީ ޓޮޕް ހޮސްޕިޓަލަކީ 210 އެނދުގެ ޖާގައާއެކު، އައިސީޔޫ، ކެތް ލެބް، ޑަޔަލަސިސް، ފާޓިލިޓީ ސެންޓަރު އަދި ކީމޯތެރަޕީގެ ހިދުމަތް ދޭ އޮންކޮލޮޖީ ކްލިނިކް ފަދަ ޒަމާނީ ވަސީލަތްތައް ގާއިމުވެފައިވާ ތަނެކެވެ. ހޮސްޕިޓަލުގެ އަމާޒަކީ އެންމެ ފަހުގެ ޓެކްނޮލޮޖީއާއި ތަޖުރިބާކާރު ޑޮކްޓަރުންގެ އެހީގައި ރައްކާތެރި އަދި އަވަސް ހިދުމަތެއް ރައްޔިތުންނަށް ފޯރުކޮށްދިނުމެވެ.
