އިންތިހާބާ ދިމާކޮށް ފްލެޓް ވެރިންނަށް ދޭ އެއްލައްކަ ރުފިޔާއަކީ ރިޝްވަތު ކަމަށް ޝިޔާމް ގަބޫލެއް ނުކުރި

ފިޝަރީޒް މިނިސްޓަރު ޝިޔާމް: ފްލެޓްވެރިންނަށް ޖުމްލަ 16 މިލިއަން ރުފިޔާ ދިނުން ރިޝްވަތު ކަމަށް އޭނާ ގަބޫލެއް ނުކުރައްވާ -- ފޮޓޯ: އަދަދު

ފިޝަރީޒް މިނިސްޓަރު ޝިޔާމް: ފްލެޓްވެރިންނަށް ޖުމްލަ 16 މިލިއަން ރުފިޔާ ދިނުން ރިޝްވަތު ކަމަށް އޭނާ ގަބޫލެއް ނުކުރައްވާ -- ފޮޓޯ: އަދަދު

އަންނަ އޭޕްރީލް މަހު ބާއްވާ ލޯކަލް ކައުންސިލް އިންތިހާބާ ދިމާކޮށް ސިނަމާލެ އާއި މާލެހިޔާ ފްލެޓްތަކުގެ ވެރިންނަށް ދޭން މުހައްމަދު މުއިއްޒު ނިންމެވި އެއް ލައްކަ ރުފިޔާއަކީ ރިޝްވަތު ކަމަށް ފިޝަރީޒް މިނިސްޓަރު އަހްމަދު ޝިޔާމް ގަބޫލުނުކުރެއްވި އެވެ.

ޕީއެންސީން ގަލޮޅުގައި މިއަދު ކުރިއަށްގެންދިޔަ ދޮރުން ދޮރަށް ހަރަކާތުގެ ތެރެއިން ވޮއިސް އަށް ދިން އިންޓަވިއުއެއްގައި ޝިޔާމް ވިދާޅުވީ ސިނަމާލެ އާއި މާލެހިޔާ ފްލެޓްތަކުގެ ވެރިންނަށް އެއްލައްކަ ރުފިޔާ ދޭން މުއިއްޒު ނިންމެވީ އެމަނިކުފާނުގެ ހުންނެވި މަގާމުގެ ގޮތުން ކޮށްދެއްވަން ޖެހިވަޑައިގަންނަވާ ކަމެއް ކަމަށެވެ.

ދަތި ހާލުގައި އުޅޭ ރައްޔިތުންނަށް އެހީތެރިކަން ފޯރުކޮށްދޭންޖެހޭކަން ފާހަގަކުރައްވާ ޝިޔާމް ވިދާޅުވީ ކުރީ ސަރުކާރުތަކަށް ވެސް އެކަން އެގޮތަށް ކުރުމުގެ ފުރުސަތު އޮތް ކަމަށެވެ. ނަމަވެސް މިދިޔަ ސަރުކާރުތަކުން އެފަދަ ކަންކަން ނުކުރާ ކަމަށް އޭނާ ވިދާޅުވި އެވެ.

Advertisement

"އެގޮތުން ހަމަ ތި ވިދާޅުވި ބޭފުޅުންނަށް [ސިނަމާލެ އާއި މާލެހިޔާ ފްލެޓްވެރިންނަށް] ވެސް އެ ލުއި ނޫނީ އެ އެހީތެރިކަމެއް އެމަނިކުފާނު ފޯރުކޮށްދެއްވީ. އެއީ އެމަނިކުފާނު މިއަދު އެ ހުންނެވި މަގާމުގެ ގޮތުން އެމަނިކުފާނަށް ޖެހިވަޑައިގަންނަވާ ހާލު ދެރަކޮށް އުޅުއްވާ، ދަތި ހާލުގައި އުޅުއްވާ ރައްޔިތުންނަށް އެހީތެރިކަން ފޯރުކޮށްދެވެން. އެގޮތަށް އެހެން ސަރުކާރުތަކުގައި ވެސް ކުރެއްވެން އޮވޭ. އެކަމަކު ނުކުރައްވާ މި އޮންނަނީ އެނގޭތޯ،" ޝިޔާމް ވިދާޅުވި އެވެ.

ޝިޔާމް ވިދާޅުވީ ސިނަމާލެ އާއި މާލެހިޔާ ފްލެޓްތަކުގެ ވެރިންނަށް ރިޝްވަތު ދޭ ކަމަށް ސިފަކޮށް ވާދަވެރި ސިޔާސީ ޕާޓީތަކުން ވާހަކަތައް ދައްކަނީ ފިތުނަ އުފެއްދުމުގެ ނިޔަތުގައި ކަމަށާއި އެކަމަކު މުއިއްޒު އެކަންކަން ކުރައްވަނީ ހެޔޮ ނިޔަތުގައި ކަމަށެވެ.

މީގެއިތުރުން އިންތިހާބެއް އޮތަސް ނެތަސް މުއިއްޒު ރައްޔިތުންނާ ބައްދަލުކުރައްވާ ރައްޔިތުންނަށް ދިމާވާ އެކި ދަތިތައް ރައްޔިތުން ބޭނުންވާ ގޮތަށް ހައްލުކޮށްދެއްވާ ކަމަށާއި ކަންކަން ކުރައްވަނީ ފިއްލަވައިގެން ގެކޮޅުގައި ނޫން ކަމަށް ވެސް ޝިޔާމް ވިދާޅުވި އެވެ.

ޝިޔާމް މިހެން ވިދާޅުވި ނަމަވެސް ކައުންސިލް އިންތިހާބާ ދިމާކޮށް ސިނަމާލޭގެ ހަތަރު ފްލެޓާއި މާލޭ ހިޔާގެ ދެ ފްލެޓުގައި ހުންނަ ޖުމްލަ 161 އެޕާޓްމަންޓްގެ ކޮންމެ ވެރިޔަކަށް އެއް ލައްކަ ރުފިޔާ ދޭން މުއިއްޒު ނިންމެވި މައްސަލަ އެންޓި ކޮރަޕްޝަން ކޮމިޝަން (އޭސީސީ) އަށް ހުށަހެޅި ބަލަން ވަނީ ފަށައިފަ އެވެ.

ފްލެޓްތަކުގެ ވެރިންނަށް ދައުލަތުން ދޭނެ ކަމަށް ބުނި ފައިސާ 16.1 މިލިއަން ރުފިޔާއަށް އަރަ އެވެ.

މުއިއްޒު ފްލެޓްތަކުގެ ވެރިންނަށް އެ ފައިސާ ދިނުމަށް ނިންމެވީ މާލެ ސިޓީގެ މޭޔަރުކަމަށް ޕީއެންސީން ވާދަކުރައްވާ ކެންޑިޑޭޓާއި ޑަބްލިއުޑީސީ ރައީސަކަށް ޕީއެންސީން ވާދަކުރައްވާ ކެންޑިޑޭޓާއެކު ފްލެޓްތަކުގެ ވެރިންނާއެކު މުލިއާގޭގައި ބޭއްވި ބައްދަލުވުމެއްގަ އެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox