މުސާރައިގެ މައްސަލައިގައި ރައީސް މުއިއްޒަށް ސިޓީ ފޮނުވުމުގައި އިސްކޮށް އުޅުނު ޕީޖީ އޮފީހުގެ ވަކީލަށް އަދަބު ދީފި

ވަކީލު ނައުފަލް: އޭނާއަކީ ފައިނޭންޝަލް ކްރައިމްސް އަދި ފްރޯޑަށް ހާއްސަވެފައިވާ މަދު ދިވެހިންގެ ތެރޭގައި ހިމެނޭ ބޭފުޅެއް -- ފޮޓޯ: ލިންކްޑްއިން

ވަކީލު ނައުފަލް: އޭނާއަކީ ފައިނޭންޝަލް ކްރައިމްސް އަދި ފްރޯޑަށް ހާއްސަވެފައިވާ މަދު ދިވެހިންގެ ތެރޭގައި ހިމެނޭ ބޭފުޅެއް -- ފޮޓޯ: ލިންކްޑްއިން

ޕްރޮސެކިއުޓާ ޖެނެރަލް އޮފީހުގެ ވަކީލުންގެ މުސާރަ ބޮޑުނުކުރާ މައްސަލައިގައި ރައީސް މުހައްމަދު މުއިއްޒަށް ސިޓީ ފޮނުވުމުގައި އިސްކޮށް ހަރަކާތްތެރިވި ވަކީލަށް އެ އޮފީހުން ފިޔަވަޅު އަޅައިފި އެވެ.

ދައުލަތުގެ ވަކީލުންގެ ފަރާތުން ރައީސް އޮފީހަށް ސިޓީ ފޮނުވީ ޕީޖީ އޮފީހުގެ ވަކީލު އަހުމަދު ނައުފަލް އެވެ. ރައީސް އޮފީހަށް ސިޓީ ފޮނުވުމުގެ ކުރިން އޭނާ ހުންނެވީ ޕްރޮސެކިއުޓާ ޖެނެރަލްސް އެކެޑަމީގެ ޑިރެކްޓަރުގެ މަގާމުގަ އެވެ. ނަމަވެސް އެ މަގާމުން އޭނާ މިހާރު ވަނީ ވަކިކޮށްފަ އެވެ.

ނައުފަލްއަކީ މެލޭޝިޔާގެ އިސްލާމިކް ޔުނިވާސިޓީ އިން ބެޗެލާސް ޑިގްރީއެއް ނަންގަވައި، އޮސްޓްރޭލިއަން ނެޝަނަލް ޔުނިވާސިޓީ އިން ޓެކްނޮލޮޖީސް ލޯ ގެ ދާއިރާއިން މާސްޓާސް ޑިގްރީއެއް ނަންގަވާފައިވާ ވަކީލެކެވެ. އޭނާއަކީ ފައިނޭންޝަލް ކްރައިމް އަދި މަކަރާއި ހީލަތުގެ މައްސަލަތަކަށް ހާއްސަވެފައިވާ މަދު ދިވެހިންގެ ތެރޭގައި ހިމެނޭ ބޭފުޅެކެވެ.

Advertisement

މުސާރަ ބޮޑުނުވާތާ 10 އަހަރު ފާއިތުވެފައިވާތީ އެ މައްސަލައިގައި ކަންބޮޑުވުން ފާޅުކޮށް ޕީޖީ އޮފީހުގެ ވަކީލުން ފަރާތުން ރައީސް މުހައްމަދު މުއިއްޒަށް ސިޓީއެއް ފޮނުވީ މީގެ ހަތަރު ދުވަސް ކުރިން މިދިޔަ ބުރާސްފަތި ދުވަހެވެ.

ޕީޖީ އޮފީހުގެ ވަކީލުންގެ މުސާރައިގެ މައްސަލަ މިދިޔަ ހަފުތާގައި ހޫނުވީ، މުސާރައިގެ މައްސަލައިގައި އޮފީހަށް ޕެޓިޝަނެއް ހުށަހަޅަން ވާހަކަ ދެއްކުމުން، އެ މަސައްކަތަށް ޕްރޮސެކިއުޓާ ޖެނެރަލް އައްބާސް ޝަރީފް ފާޑުވިދާޅުވުމުންނެވެ.

ޕީޖީ އޮފީހުގައި 97 ވަކީލުން މަސައްކަތް ކުރެ އެވެ. އެ އޮފީހުގެ ސީނިއާ ވަކީލުން ފިޔަވައި ދެން ތިބި ވަކީލުންނަށް ލިބެނީ 24،000ރ. އެވެ. ސީނިއާ ވަކީލުންނަށް އެންމެ މަތިން ލިބެނީ 35،000ރ. އެވެ.

މުސާރައިގެ މައްސަލައިގައި ޕީޖީ އޮފީހަށް ޕެޓިޝަނެއް ހުށަހަޅާ ވާހަކަ ވަކީލުންނާއި ޕީޖީ އިންނަވާ ވަޓްސްއެޕް ގްރޫޕެއްގައި މުވައްޒަފަކު ދެއްކުމުން އައްބާސް ވިދާޅުވީ، އޭނާއަށް ޕެޓިޝަން ހުށަހަޅުމުގެ ބޭނުމެއް ނެތް ކަމަށެވެ.

ޕެޓިޝަން ހުށަހެޅުމުގެ ބޭނުމެއް ނެތް ކަމަށް އައްބާސް ވިދާޅުވީ، މުވައްޒަފުންގެ ކޮންބޮޑުވުންތައް އޭނާއަށް މިހާރު ވެސް އެނގިވަޑައިގަންނަވާތީ ކަމަށް ވިދާޅުވުމަށްފަހު އެވެ. އައްބާސް އެހެން ވިދާޅުވި ފަހުން ވަކީލަކު ވަނީ، ހަޅުތާލު ކުރުމުގެ ހައްގު ގާނޫނުއަސާސީ އިން ލިބިދޭ މާއްދާގެ ފޮޓޯއެއް ގްރޫޕަށް ފޮނުވައިފަ އެވެ.

އޭގެ ފަހުން، ވަކީލުން ވަނީ އޮފީހުގައި މިއަދު ބައްދަލުވުމެއް ބާއްވައި ޕެޓިޝަނުގައި ސޮއި ކުރަން ފަށައިފަ އެވެ. އަދި ހަޅުތާލު ކުރުމަށް ވެސް އެ ބައްދަލުވުމުގައި ވާހަކަ ދެކެވުނެވެ. ނަމަވެސް މަސައްކަތް ހުއްޓާލުމާމެދު އަދި މިހާތަނަށް ވަކި ގޮތެއް ވަކީލުން ނުނިންމަ އެވެ.

ޕީޖީ އޮފީހުން ކޮންމެ އަހަރަކު 3500 އާ ގާތްކުރާ އަދަދެއްގެ މައްސަލަ ކޯޓުތަކަށް ހުށަހަޅަ އެވެ. އޭގެ އިތުރުން، ނަސޭހަތުގެ އެއްބަސްވުން ހެދުމާއި އިއުތިރާފު އެއްބަސްވުން ހެދުމާއި އެކި އިދާރާތަކުން ފޮނުވާ މައްސަލަތައް ބަލައިގަތުމާމެދު ގޮތެއް ނިންމުމަކީ ވެސް އެ އޮފީހުން ކުރަންޖެހޭ ކަމެކެވެ.

ޕީޖީގެ ވަކީލުން ހަޅުތާލުކޮށްފި ނަމަ ޖީނާއީ އަދުލުގެ ނިޒާމް މުޅިން ކަހަލަ ގޮތަކަށް ހުއްޓޭނެ އެވެ. އެއިރުން އެއްވެސް ކޯޓެއްގައި ޖިނާއީ މައްސަލައެއްގެ އަޑުއެހުމެއް ކުރިއަކަށް ނުގެންދެވޭނެ އެވެ. މީގެ ކުރިން ވެސް ހަމަ މުސާރައިގެ މައްސަލައިގައި ދައުލަތުގެ ވަކީލުން ވަނީ މަސައްކަތް ހުއްޓާލައި ހަޅުތާލުކޮށްފަ އެވެ.

ޕީޖީ އޮފީހުގެ ވަކީލުންގެ މުސާރަ ބޮޑުނުކޮށް، ސަރުކާރުން މިފަހުން ވަނީ ބަންޑާރަނައިބުގެ އޮފީހުގެ ވަކީލުންގެ މުސާރައިގެ އޮނިގަނޑަށް ރަނގަޅު ބަދަލެއް ގެނެސްފަ އެވެ. އޭގެ އެއް ބޭނުމެއް ކަމަށް ސަރުކާރުން ކުރިން ބުނެފައި ވަނީ ޕްރިވެޓް ސެކްޓާގެ މުސާރަތަކާ ވާދަ ކުރެވޭ ވަރުގެ މުސާރައެއް ދައުލަތުގެ ވަކީލުންނަށް ވެސް ދިނުމެވެ.

ޖިނާއީ މައްސަލަތަކުގައި ދިފާއީ ވަކީލުން ނަގާ ފީ އެވްރެޖުކޮށް އުޅެނީ މައްސަލައަކަށް މަދުވެގެން 50،000ރ. ކަމަށް މި ނޫހާ ވާހަކަ ދެއްކި ބައެއް ވަކީލުން ބުންޏެވެ. ކޮންމެ ބަންދު އަޑުއެހުމަކަށް ވެސް އެވްރެޖްކޮށް 10،000ރ. ނަގާ ކަމަށްވެ އެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox