މެންބަރުންނަށް ދޭ ފައިސާ ހޯދާ ގޮތް ކިޔައިދޭން މުއިއްޒުއަށް ނުކުރޭނެ: ޔާމީން

ކުރީގެ ރައީސް އަބްދުﷲ ޔާމީން: މެންބަރުންނަށް ދޭ ފައިސާ މުއިއްޒު ހޯދާ ގޮތް ސާފުކޮށްދޭން ނުކުރެނޭ ކަމަށް ޔާމީން ވިދާޅުވި -- ފޮޓޯ: އަދަދު

ކުރީގެ ރައީސް އަބްދުﷲ ޔާމީން: މެންބަރުންނަށް ދޭ ފައިސާ މުއިއްޒު ހޯދާ ގޮތް ސާފުކޮށްދޭން ނުކުރެނޭ ކަމަށް ޔާމީން ވިދާޅުވި -- ފޮޓޯ: އަދަދު

ރައްޔިތުންގެ މަޖިލިސް މެންބަރުންނަށް ކޮންމެ މަހަކު ދޭ 50،000ރ. ހޯދާ ގޮތް ކިޔައިދެއްވަން މުހައްމަދު މުއިއްޒުއަށް ކެރިވަޑައިނުގަންނާނެ ކަމަށް ކުރީގެ ރައީސް އަބްދުﷲ ޔާމީން ރޭ ވިދާޅުވެއްޖެ އެވެ.

ޕީއެންއެފް އިން ބޭއްވި ޖަލްސާއެއްގައި ޔާމީން ވިދާޅުވީ މެންބަރުންނަށް ދޭ ފައިސާގެ ހޯއްދަވާ ގޮތުގެ އިތުރުން މަޝްރޫއުތަކަށް ފައިސާ ހަރަދުކުރައްވަނީ ދެމެހެއްޓިނިވި ގޮތެއްގައިކަން އާންމުންގެ ކުރިމަތީގައި މުއިއްޒުއަށް ކިޔައިދެއްވަން ކެރިވަޑައިނުގަންނަވާނެ ކަމަށެވެ.

ނަމަވެސް އެވާހަކަތައް އާންމުންގެ ކުރިމަތީގައި ކިޔައިދެއްވަން މުއިއްޒުއަށް ކެރިވަޑައިގެންފިނަމަ މުއިއްޒު ޖަވާބުދާރީ ކުރެވޭ ކަމަށް ގަބޫލުކުރައްވާނެ ކަމަށް ވެސް ޔާމީން ވިދާޅުވި އެވެ.

"މުއިއްޒު މިހާރު މަޖިލިސް މެންބަރުންނަށް 50،000ރ. ދޭ ގޮތާއި މަލީހު އެ ދެއްކެވި ބޮޑުހިލައިން ނަގާ ލާރިއާއި މިއޮތް ހިއްކާތަނުން ކޮންމެ ކޮޑިމީޓަރަކުން ދެ ޑޮލަރަށްވުރެ މައްޗަށް ލާރި ނަގާ ގޮތާއި، އަދި މިހާތަނަށް ހަރަދުކޮށްފައި ހުރި ކަންތައްތައް ހަރަދު ކުރެވިފައި އެހެރީ އެންމެ ކޮސްޓް އެފިޝިއަންޓްކޮށް ކަމަށް މުއިއްޒަށް އައިސް ޕަބްލިކްގައި ކިޔައިދޭން ކެރިދާނެ ކަމަށް ގަބޫލުރެވޭތޯ،" ޔާމީން ވިދާޅުވި އެވެ.

"ކިޔައިދޭ ކަމަށްވަންޏާ އަޅުގަނޑުމެން ބުނާނަން މުއިއްޒު އެކައުންޓަބަލް ކުރުވެއޭ. އޭނަ ކުރާ ކަންތައް. ކިޔައެއް ނުދެވޭނެއޭ. ކިޔައިނުދެވޭނެ ގޮތް އަޅުގަނޑުމެން މި ބުނަނީ އެނގޭތޯ."

މަޖިލިސް މެންބަރުންނަށް ކޮންމެ މަހަކު މުއިއްޒު ފައިސާ ދެއްވަނީ ދިމްޔާތުން ލިބޭ ލާރިން ކަމަށް ސުވާލު އުފައްދަވާ ޔާމީން ވިދާޅުވީ ވަނީ ދިމްޔާތަކީ ބޮޑު އާމްދަނީއެއް ވަންނަ ގެސްޓްހައުސްއެއްތޯ ސުވާލު އުފައްދަވާފަ އެވެ.

"ކޮންތާކުންތޯ މުއިއްޒު މިހާރު އެބުނާ ގޮތަށް ކޮންމެ މެންބަރަކަށް އެއް ލައްކަ ރުފިޔާ ދޭނީ. އެއީ ރިޝްވަތު ނޫންތޯ. ކޮންތަނަކުންތޯ އޭނަ ދޭނީ. ދިމްޔާތުގައި އެހުންނަ ގެސްޓްހައުސްއަކީ އެހާ ހަމަ ޕްރޮޑަކްޓިވް ތަނެއްތޯ. އެހާ ބައިވަރު ލާރި ލިބޭ ތަނެއްތޯ،" ޔާމީން ވިދާޅުވި އެވެ.

މީގެއިތުރުން ޔާމީން ވިދާޅުވީ ރައްޔިތުންގެ މަޖިލިސް މެންބަރުންގެ އަނގަބަންދުކޮށްލީ އެ މެންބަރުންނަކީ މުއިއްޒު ޖަވާބުދާރީ ކުރެވޭނެ ހަމައެކަނި ބޭފުޅުން ކަމަށްވާތީ ކަމަށެވެ.

ވަޒީރުންގެ މަޖިލިސް މެންބަރުންނަށް މުއިއްޒު ޖަވާބުދާރީ ކުރުވޭ ގޮތަށް ގާނޫނު އޮތްނަމަ، ވަޒީރުންނަށް ވެސް މުއިއްޒު ފައިސާ ދެއްވާނެ ކަމަށާއި މިހާރުވެސް ވަޒީރުން މަޑުމަޑުން ތިއްބަވަނީ ލިބޭ ބޮޑު މުސާރައިގެ ސަބަބުން ކަމަށް ޔާމީން ވިދާޅުވި އެވެ.

ކޮމެންޓް

ފަހުގެ ޚަބަރު

ލޯ ޑިގްރީ އިމްތިހާނަށް މާލެ އަންނާކަށް ނުޖެހޭނެ: ބާ ކައުންސިލް

ލޯ ޑިގްރީގެ އިމްތިހާނުތައް ހެދުމަށް މާލެއަށް ނުވަތަ ވަކި ހާއްސަ ރަށަކަށް ހާޒިރުވުން ލާޒިމު ނޫން ކަމަށާއި، ދަރިވަރުން ދިރިއުޅޭ ރަށެއްގެ ސްކޫލް ނުވަތަ ކައުންސިލް މެދުވެރިކޮށް އިމްތިހާނު ހެދޭނެ މަގު ބާ ކައުންސިލުން ފަހިކޮށްދީފިއެވެ. އަންނަ އަހަރުން ފެށިގެން އަމަލުކުރާ މި އުސޫލުގެ ދަށުން އިމްތިހާނު ހަދާ ގޮތަށް ބަދަލު އައި ނަމަވެސް، ކޯހުގެ މަންހަޖާއި ކިޔަވައިދޭ މުއްދަތަށް އެއްވެސް ބަދަލެއް ނާންނާނެއެވެ.

ތަރައްގީގެ އެއްވެސް ކަމެއް ކުރުމަށް ލާރިއެއް ނެތް: ޝާކިރު

އަންނަ އަހަރުގެ ބަޖެޓުގައި ރިކަރަންޓް ހަރަދަށް ކެނޑުމަށްފަހު ތަރައްގީގެ މަޝްރޫއުތަކަށް ފައިސާ ނެތް ކަމަށް ވިދާޅުވެ މެންބަރު އަހުމަދު ޝާކިރު ކަންބޮޑުވުން ފާޅުކުރައްވައިފިއެވެ. އޭނާ ވިދާޅުވީ ދައުލަތުގެ އާމްދަނީގެ ބޮޑުބައެއް ހަރަދުވަނީ ރިކަރަންޓް ކަންކަމަށް ކަމަށާއި، މަޝްރޫއުތައް ހިންގަން ޖެހެނީ އިތުރަށް ދަރަނި ނަގައިގެން ކަމަށެވެ. މީގެ އިތުރުން ސަރުކާރު ކުންފުނިތަކުން ބޮޑެތި ގެއްލުންވަމުންދާ ދިއުމަށްވެސް އޭނާ ވަނީ ފާޑުވިދާޅުވެފައެވެ.

"ސިޓިޒަންސް ކޮމްޕްލެއިންޓްސް" ލައުންޖުތަކެއް ގާއިމުކޮށްފި

ރައްޔިތުންގެ ޝަކުވާތަކާއި ކަންބޮޑުވުންތައް ސަރުކާރަށް ހުށަހެޅުމަށްޓަކައި މާލެ އާއި ހުޅުމާލޭގައި "ސިޓިޒަންސް ކޮމްޕްލެއިންޓްސް" ބިއުރޯގެ ދެ ލައުންޖެއް މިއަދު ވަނީ ހުޅުވައިފައެވެ. ސަރުކާރު ބަންދު ނޫން ކޮންމެ ދުވަހަކު ޚިދުމަތް ދޭ މި އޮފީސްތަކަކީ ރައީސުލްޖުމްހޫރިއްޔާގެ އޮފީހުގެ ދަށުން ހިންގާ، ރައްޔިތުންގެ މައްސަލަތަކަށް ހައްލު ހޯދައިދިނުމަށް ގާއިމުކުރި ތަންތަނެވެ.

ރިއަލް އެސްޓޭޓު ބިލު މަޖިލީހަށް ބަލައިގަނެފި

މި ބިލު ބަލައިގަންނަން ވޯޓު ދިނީ 42 މެންބަރުން. ބިލާ ދެކޮޅަށް ވޯޓު ދެއްވީ އެމްޑީޕީގެ 13 މެންބަރުން. މި ބިލު ދިރާސާކުރާނީ ގައުމީ ތަރައްގީ އާއި ތަރިކައިގެ ކޮމިޓީން. މިއީ ގާނޫނުއަސާސީގެ ހިމާޔަތްތައް ނައްތާލައި، ތާއަބަދަށް ނުވަތަ ހުސްނުވާ ގޮތަށް ބޭރު މީހުންނަށް ބިން މިލްކުކުރެވޭނެ ގޮތް ހެދުމަށް އިންތިޒާމުތަކެއް ހިމަނާފައިވާ ބިލެއް

ބޮޑެތި ޖޫރިމަނާތަކެއް ހިމަނާފައިވާ އަބުރުގެ ބިލު ކޮމިޓީއަށް

ސޯޝަލް މީޑިއާގައި މީހެއްގެ އަބުރާ ބެހޭ ފަދަ ޕޯސްޓެއް ހިއްސާކޮށްފިނަމަ 5 ލައްކަ ރުފިޔާއާ ހަމައަށް ޖޫރިމަނާ ކުރެވޭ ގޮތަށް ހުށަހެޅި އަބުރުގެ ބިލު މަޖިލީހަށް ބަލައިގަނެ ކޮމިޓީއަށް ފޮނުވައިފިއެވެ. މި ބިލުގައި ބަހާއި، ފޮޓޯއާއި، އިޝާރާތް އަދި ފިލްމު ފަދަ ވަސީލަތްތައް މެދުވެރިކޮށް އަބުރާ ބެހުމުގެ ދައުވާ ކުރެވޭނެ ގޮތްތައް ބަޔާންކޮށްފައިވެއެވެ.

މަރުގެ އަދަބު ތަންފީޒު ކުރާ ބިލު ބަލައިގެންފި

ދަންޖައްސައިގެން މަރުގެ އަދަބު ތަންފީޒުކުރާ ގޮތަށް ސަރުކާރުން ހުށަހެޅި ބިލު ރައްޔިތުންގެ މަޖިލީހަށް މިއަދު ބަލައިގެންފިއެވެ. މި ބިލުގައި މަރުގެ އަދަބު ތަންފީޒުކުރާނެ ގޮތާއި، އެކަން ހިންގާނެ ޕެނަލެއް އެކުލަވާލުމުގެ އިތުރުން، ބަލިވެއިނުމާއި ދަރިފުޅަށް ދެ އަހަރު ފުރުން ފަދަ އަދަބު ތަންފީޒުނުކުރެވޭނެ ހާލަތްތައް ބަޔާންކޮށްފައިވެއެވެ.

ތިން ކުންފުންޏެއްގެ މަނީ އެކްސްޗޭންޖު ލައިސަންސް ބާތިލްކޮށްފި

މަނީ ޗޭންޖިން ގަވާއިދާ ތަކުރާރުކޮށް ހިލާފުވި ތިން ކުންފުންޏެއްގެ ލައިސަންސް އެމްއެމްއޭ އިން ބާތިލުކޮށް، އެ ކުންފުނިތައް ބޮޑެތި އަދަދުތަކުން ޖޫރިމަނާކޮށްފިއެވެ. މި ފިޔަވަޅަކީ ބޭރު ފައިސާގެ ބާޒާރު ކޮންޓްރޯލްކޮށް، ގަވާއިދާ ހިލާފު މުއާމަލާތްތައް ހުއްޓުވުމަށް އެމްއެމްއޭ އިން ކުރަމުންދާ މަސައްކަތުގެ ތެރެއިން އެޅި ފިޔަވަޅެކެވެ.

Newsletter

Get the latest news delivered straight to your inbox