ގާޒާއިން ބަލިމީހުން ބޭރުވުމަށް އިޒްރޭލުން ހުރަސްއަޅާތީ އދ. އިން ކަންބޮޑުވުން ފާޅުކޮށްފި

Feb 4, 2026, 2:14 AM
ދުނިޔޭގެ ސިއްހަތު ޖަމްޢިއްޔާ ގެ އޮފިޝަލުން، ގާޒާއާއި މިސްރު ގުޅޭ ރަފަހު ބޯޑަރު ހުރަސްކޮށް، ފަލަސްތީނުގެ ބަލިމީހުންނާއި ހަނގުރާމައިގައި ޒަހަމްވި މީހުން ބޭރު ގައުމުތަކުން ފަރުވާ ހޯދުމަށް ފޮނުވުމުގެ މަސައްކަތުގައި ފެބްރުއަރީ 3، 2026 އެހީތެރިވަނީ

ދުނިޔޭގެ ސިއްހަތު ޖަމްޢިއްޔާ ގެ އޮފިޝަލުން، ގާޒާއާއި މިސްރު ގުޅޭ ރަފަހު ބޯޑަރު ހުރަސްކޮށް، ފަލަސްތީނުގެ ބަލިމީހުންނާއި ހަނގުރާމައިގައި ޒަހަމްވި މީހުން ބޭރު ގައުމުތަކުން ފަރުވާ ހޯދުމަށް ފޮނުވުމުގެ މަސައްކަތުގައި ފެބްރުއަރީ 3، 2026 އެހީތެރިވަނީ

ގާޒާގެ ރަފަހު ބޯޑަރު ހުރަސްކޮށް އިންސާނީ އެހީ ފޯރުކޮށްދިނުމަށާއި، ފަރުވާއަށް ބޭނުންވެފައިވާ ބަލިމީހުން ބޭރުވުމަށް ހުރަސްނޭޅުމަށް އދ. ގެ ސެކްރެޓަރީ ޖެނެރަލް އެންޓޯނިއޯ ގުޓެރޭޒް އިޒްރޭލަށް އަލުން ގޮވާލައްވައިފިއެވެ.

އަންގާރަ ދުވަހު ނިއުޔޯކްގައި ހުންނަ އދ. ގެ މައި މަރުކަޒުގައި ވާހަކަ ދައްކަވަމުން ގުޓެރޭޒް ވިދާޅުވީ، ރަފަހު ބޯޑަރު ހިމެނޭހެން ގާޒާއަށް ބޭނުންވާ އެހީގެ ސާމާނު އެއްވެސް ހުރަހެއް ނެތި، އަވަހަށް ފޯރުކޮށްދެވޭނެ މަގު އަވަހަށް ފަހިކޮށްދޭންޖެހޭ ކަމަށެވެ.

ގުޓެރޭޒް މި އިލްތިމާސް ކުރެއްވިއިރު، ގާޒާ އާއި މިސްރު ގުޅޭ ރަފަހު ބޯޑަރު ދާދި ފަހުން ހުޅުވާލި ނަމަވެސް، އިޒްރޭލުން ދަނީ ބަލިމީހުން ބޭރުވުމަށް ބޮޑެތި ހުރަސްތަކެއް ކުރިމަތިކުރަމުންނެވެ.

Advertisement

ރިޕޯޓްތައް ބުނާގޮތުން، އަންގާރަ ދުވަހު ބޯޑަރު ހުރަސްކުރުމުގެ ހުއްދަ ދީފައިވަނީ އެންމެ 16 މީހުންނަށެވެ. މިއީ ދުވާލަކު 50 މީހުންނަށް ދަތުރުކުރެވޭނެ ކަމަށް އިޒްރޭލުން ކުރިން ބުނި އަދަދަށްވުރެ މާ މަދު މިންވަރެކެވެ. ގާޒާގައި މިވަގުތު ވެސް ކުއްލި ފަރުވާއަށް ބޭރު ގައުމުތަކަށް ދާންޖެހޭ 20,000 މީހުން ތިބިކަމަށް ރިޕޯޓްތައް ބުނެއެވެ.

މި ދަތި ހާލަތުގެ ތެރޭގައިވެސް އިޒްރޭލުގެ ހަމަލާތައް ހުއްޓުމެއް ނެތި ކުރިއަށްދެއެވެ. އޮކްޓޯބަރު މަހު އެކުލަވާލި ސުލުހައިގެ އެއްބަސްވުމާ ހިލާފަށް، ޚާން ޔޫނިސް ކައިރިން 19 އަހަރުގެ ފަލަސްތީނު ޒުވާނަކު އިޒްރޭލް ސިފައިން ވަނީ ބަޑިޖަހާ މަރާލާފައެވެ. މި ހަމަލާއާއެކު، ސުލުހައިގެ އެއްބަސްވުން ހެދިފަހުން މަރުވި ފަލަސްތީނު މީހުންގެ އަދަދު މިހާރު ވަނީ 529 އަށް އަރާފައެވެ.

ގަޒާގެ ސިއްހީ ނިޒާމު މުޅިންހެން ސުންނާފަތިވެފައިވާއިރު، އަލްޝިފާ ހޮސްޕިޓަލުގެ ޑިރެކްޓަރު މުހައްމަދު އަބޫ ސަލްމިއްޔާ ވިދާޅުވީ، ބަލިމީހުން ބޭރުވުމަށް ހުރަސްއެޅުމަކީ އެމީހުންނަށް ދެވޭ "މަރުގެ ހުކުމެއް" ކަމަށެވެ. ރަފަހު ބޯޑަރު ހުޅުވުން ލަސްވީ އިޒްރޭލުން ހިފަހައްޓާފައިވާ އަސީރުންގެ ހަށިތައް ލިބެންދެން ބޯޑަރު ހުޅުވަން އިޒްރޭލުން ދެކޮޅު ހެދުމުގެ ސަބަބުންނެވެ.

ކޮމެންޓް

ފަހުގެ ޚަބަރު

ރަޝިޔާ އާއެކު މަޝްވަރާއަށް ތައްޔާރު: ޔޫރަޕުގެ ލީޑަރުން

ޔޫކްރެއިން ހަނގުރާމަ ހުއްޓާލުމަށް ރަޝިޔާއާއެކު މަޝްވަރާކުރުމަށް ތައްޔާރަށް ތިބިކަން ޔޫރަޕުގެ ލީޑަރުން ހާމަކޮށްފައިވާއިރު، މި މަޝްވަރާތަކުގައި ވިލާތުގެ ބައިވެރިވުން ހިމެނުމަށް އެމެރިކާއިން ދަނީ ބާރުއަޅަމުންނެވެ. ރަޝިޔާގެ ރައީސް ޕޫޓިން ވަނީ ވިލާތުގެ ގައުމުތަކުގެ ސިޔާސަތުތައް ސާފުކުރުމަށްޓަކައި މޮސްކޯއަށް ޒިޔާރަތްކުރުމަށް އެ ގައުމުތަކަށް ދައުވަތު ދެއްވާފައެވެ.

އެންތްރޮޕިކް 1.76 ޓްރިލިއަން ޑޮލަރުގެ ކުންފުންޏަކަށް

އޭއައި ކުންފުނި އެންތްރޮޕިކް ހިއްސާގެ ބާޒާރަށް ނުކުތުމާއެކު، އެ ކުންފުނީގެ އަގު 1.76 ޓްރިލިއަން ޑޮލަރަށް އަރައި ދުނިޔޭގެ އެންމެ އަގުބޮޑު ކުންފުނިތަކުގެ ތެރޭގައި ހިމެނިއްޖެއެވެ. ހިއްސާގެ އަގަށް އައި ކުރިއެރުމާއެކު އޭއައި ދާއިރާއަށް އޮތް ބޮޑު ޝައުގުވެރިކަން ހާމަވީ ނަމަވެސް، މިއީ އިގްތިސާދީ "ބަބުލް" އެއްގެ ގޮތުގައި ބައެއް މާހިރުން ސިފަކުރެއެވެ. ކްލޯޑް ޗެޓްބޮޓް އުފެއްދި މި ކުންފުނިން އެންމެ ބޮޑު އިސްކަމެއް ދެނީ އޭއައިގެ ރައްކާތެރިކަމަށެވެ.

ވެން ގޯގެ ކުރެހުމެއް 190 މިލިއަން ޑޮލަރަށް ވިއްކާލައިފި

ވިންސެންޓް ވެން ގޯގެ "ޗެސްޓްނަޓް ޓްރީޒް އިން ބްލޮސަމް" ކުރެހުން 190.4 މިލިއަން ޑޮލަރަށް ވިއްކާލައި، ދުނިޔޭގެ އާ ރެކޯޑެއް ގާއިމުކޮށްފިއެވެ. މި ކުރެހުން ނީލަމުގައި ވިއްކާލާފައިވަނީ، ނާޒީންގެ ދުވަސްވަރު މަޖުބޫރުވެގެން މި ކުރެހުން ވިއްކާލަން ޖެހުނު އާއިލާއާއި މިހާރުގެ މިލްކުވެރިންގެ މެދުގައި އުފެދުނު ގާނޫނީ މައްސަލައަށް ހައްލެއް ހޯދުމަށްފަހުގައެވެ.

ރޮހިންޔާ ގަތުލުއާންމުގައި މިޔަންމާ ކުށްވެރިވެއްޖެ

މި މައްސަލައިގައި ދަ ގެމްބިއާއަށް ތާއީދުކޮށް، ރާއްޖެއިން ވަނީ ބައިނަލްއަގުވާމީ ވަކީލުންނާއެކު ކޯޓުގައި މިޔަންމާއާ ދެކޮޅަށް ވަކާލާތުކޮށް އިސް ދައުރެއް އަދާކޮށްފަ. ކޯޓުގެ ހުކުމުގައި މިޔަންމާ ކުށްވެރިކޮށް، ގެއްލުމުގެ ބަދަލު ދިނުމުގެ ޕްރޮގްރާމެއް އެކުލަވާލުމަށް ވެސް ވަނީ އަމުރުކޮށްފަ.

ޕެޓިންސަން ހަތްވަނަ ބޮންޑަށް ހޮވުމުގައި ބޭޒޯސްގެ ބޮޑު ދައުރެއް

އާ ޖޭމްސް ބޮންޑުގެ ރޯލަށް އެކްޓަރު ރޮބަޓް ޕެޓިންސަން ހަމަޖެއްސުމުގައި އެމެޒޯންގެ ޗެއާމަން ޖެފް ބޭޒޯސް މުހިންމު ދައުރެއް އަދާކޮށްފައިވާކަން އޭނާ ހާމަކުރައްވައިފިއެވެ. ޑެނިއަލް ކްރެއިގްގެ ފަހުން ހަތްވަނަ ބޮންޑުގެ ގޮތުގައި ޕެޓިންސަން ފެނިގެންދާ 26 ވަނަ ފިލްމު، ޑެނިސް ވިލެނޫވްގެ ޑައިރެކްޝަނުގެ ދަށުން 2028 ވަނަ އަހަރު ރިލީޒްކުރުމަށް ވަނީ ތާވަލުކޮށްފައެވެ.

އެންތްރޮޕިކް އުފެއްދި 7 ބާނީން ބިލިއަނަރުންގެ ލިސްޓަށް

އޯޕަން އޭއައި އިން ވަކިވި ހަތް މީހަކު 2021 ވަނަ އަހަރު އުފެއްދި އެންތްރޮޕިކް ކުންފުނި ހިއްސާގެ ބާޒާރަށް ނެރުމާއެކު، އެ ކުންފުނީގެ ބާނީން ބިލިއަނަރުންގެ ލިސްޓަށް އެރުމަށް ވަނީ ތައްޔާރުވެފައެވެ. އޭއައިގެ ރައްކާތެރިކަމަށް އިސްކަންދޭ މި ޒުވާން ޓީމުގެ ކުންފުނިން އުފެއްދި "ކްލޯޑް" އާއެކު، އެންތްރޮޕިކް މިހާރު ވަނީ ޓެކްނޮލޮޖީގެ ދާއިރާގެ ބޮޑު ބާރަކަށް ބަދަލުވެފައެވެ.

ކްރައިމިއާ ބްރިޖަށް ހަމަލާދީ ބޮޑު ބައެއް ވައްޓާލައިފި

ރަޝިއާއިން ހިފާފައިވާ ކްރައިމިއާއާ ގުޅުވައިދޭ މުހިންމު ބްރިޖަށް ޔޫކްރޭނުން ވަރުގަދަ ހަމަލާއެއްދީ، ބްރިޖުގެ ބޮޑު ބައެއް ކަނޑަށް ވައްޓާލައި ރަޝިއާގެ ސިފައިންނަށް ބޭނުންވާ މައިގަނޑު ސަޕްލައި މަގަށް ބޮޑު ހުރަހެއް ކުރިމަތިކުރުވައިފިއެވެ. މި ހަމަލާއާ ގުޅިގެން ރަޝިއާއިން ބަދަލުހިފުމުގެ ގޮތުން ޔޫކްރޭނުގެ ވެރިރަށް ކީވްގެ އިންފްރާސްޓްރަކްޗަރަށް އަމާޒުކޮށް ވަރުގަދަ ހަމަލާތަކެއް ދީފައިވާއިރު، މިއީ ދެ ގައުމުގެ ދެމެދުގައި އޮތް ހަނގުރާމަ އިތުރަށް ވަރުގަދަވެގެންދިޔަ ކަމެކެވެ.

Newsletter

Get the latest news delivered straight to your inbox