މޫސާ އަލީ ޖަލީލަކީ އަޅުގަނޑުގެ ޗޮއިސް، ކުރިމަތިލާން އެދުނީ އަޅުގަނޑު: މުއިއްޒު

މުހައްމަދު މުއިއްޒު (ކ) އަދި މޫސާ އަލީ ޖަލީލް (ވ): މޫސާ އަލީ ޖަލީލަކީ އެމަނިކުފާނުގެ ޗޮއިސް ކަމަށް މުއިއްޒު ވިދާޅުވި -- ފޮޓޯ: ޕީއެންސީ

މުހައްމަދު މުއިއްޒު (ކ) އަދި މޫސާ އަލީ ޖަލީލް (ވ): މޫސާ އަލީ ޖަލީލަކީ އެމަނިކުފާނުގެ ޗޮއިސް ކަމަށް މުއިއްޒު ވިދާޅުވި -- ފޮޓޯ: ޕީއެންސީ

މާލޭގެ މޭޔަރު ކަމަށް ސަރުކާރު ހިންގާ ޕީޕަލްސް ނެޝަނަލް ކޮންގްރެސް (ޕީއެންސީ) ގެ ޓިކެޓުގައި ވާދަކުރައްވާ ކުރީގެ ޗީފް އޮފް ޑިފެންސް ފޯސް މޭޖަ ޖެނެރަލް (ރިޓަޔާޑް) އަކީ އެމަނިކުފާނުގެ ޗޮއިސް ކަމަށާއި އިންތިހާބަށް ކުރިމަތިލެއްވުމަށް ވެސް އެދިވަޑައިގަތީ އެމަނިކުފާނު ކަމަށް މުހައްމަދު މުއިއްޒު ވިދާޅުވެއްޖެ އެވެ.

ޕީއެންސީން ކައުންސިލް އިންތިހާބާ ގުޅިގެން އިއްޔެ ބޭއްވި ކެމްޕެއިން ހަރަކާތެއްގައި މުއިއްޒު ވިދާޅުވީ މޫސާ އަލީ ޖަލީލާ ބައްދަލުކުރައްވާ މޭޔަރު ކަމަށް ކުރިމަތިލައްވަން އެދިވަޑައިގަތުމުން، އެކަން ގަބޫލުކުރައްވާ މޭޔަރުކަމަށް ކުރިމަތިލެއްވުމުން ޝުކުރު ދަންނަވާ ކަމަށެވެ.

"އެމަނިކުފާނަކީ [މޫސާ އަލީ ޖަލީލަކީ] އަޅުގަނޑުގެ ޗޮއިސް. މިދެންނެވީ އަޅުގަނޑު އެމަނިކުފާނު އަރިހުގައި އެދިވަޑައިގަތީ އަޅުގަނޑު ބައްދަލުކުރީ، ބައްދަލުކޮށްފައި ދެންނެވީ ކުރިއަށް އޮތް މާލެ ސިޓީ ކައުންސިލް އިންތިހާބުގައި ސިޓީ ކައުންސިލްގެ މޭޔަރު ގޮނޑިއަށް ކުރިމަތިލައްވައި ދެއްވުމަށް އަޅުގަނޑު ވަރަށް ބޮޑަށް އެދޭ ވާހަކަ،" މުއިއްޒު ވިދާޅުވި އެވެ.

މޫސާ އަލީ ޖަލީލް އަރިހުގައި މޭޔަރު ކަމަށް ކުރިމަތިލައްވަން އެދުނީ ސަރުކާރުގެ ވައުދުތައް ބާރު ދުވެލީގައި ފުއްދުމަށް ކައުންސިލްގެ އެއްބާރުލުން ބޭނުންވާތީ، އިހުލާސްތެރިކަމާއި އަމާނާތްތެރިކަމާއެކީ އެކަން ކޮށްދެއްވާނެ ބޭފުޅެއް ބޭނުންވާތީ ކަމަށް މުއިއްޒު ވިދާޅުވި އެވެ.

"އެއީ މިފަހަރު މާލޭގެ ރައްޔިތުންނަށްޓަކައި ފަށާފައިވާ އަދި ފަށަން ރާވާފައިވާ ހުރިހާ ކަމެއް، އެންމެހާ ވައުދުތައް ވަރަށް ބާރު ދުވެލީގައި ކަައުންސިލުން ދޭންޖެހޭ ހުރިހާ އެއްބާރުލުމެއް ލިބިގެން. ވަރަށް ހިވާގިކަމާއި އިހުލާސްތެރިކަމާއި އަމާނާތްތެރިކަމާއެކީގައި ކޮށްދެއްވާނެ ބޭފުޅަކު ބޭނުންވެގެން،" މުއިއްޒު ވިދާޅުވި އެވެ.

މުއިއްޒު ވިދާޅުވީ މޭޔަރުގެ ކެމްޕެއިންގައި ވީހާވެސް ގިނައިން އުޅެދީ، ކޮންމެވެސް ވަރަކަށް ވޯޓު ހޯދަން ދޮރުން ދޮރަށް ހިނގުމުގައި ވެސް ބައިވެރިވެވަޑައިގެންނެވޭނެތޯ ބަލާނެ ކަމަށެވެ.

މާލެ ސިޓީގެ މޭޔަރަކަށް ޕީއެންސީގެ ޓިކެޓުގައި ވާދަކުރައްވަން ޝައުގުވެރިކަން ފާޅުކުރެއްވީ މޫސާ އަލީ ޖަލީލު އެކަންޏެވެ.

ކައުންސިލް އިންތިހާބުގައި ޕީއެންސީން މޫސާ އަލީ ޖަލީލު ނިކުންނައިރު، އިދިކޮޅު އެމްޑީޕީން މޭޔަރު ކަމަށް ނިކުންނަނީ މިހާރުވެސް މޭޔަރުކަމުގައި ހުންނެވި އާދަމް އާޒިމް އެވެ. އޭގެއިތުރުން އިދިކޮޅު ޕީއެންއެފްގެ ތާއީދާއެކު މޭޔަރު ކަމަށް ނިކުންނަނީ އިސްމާއިލް ޒަރިއަންދެވެ.

އަންނަ އެޕްރީލް 4، ގައި ބާއްވާ ކައުންސިލް އިންތިހާބުގައި ވޯޓު ދިނުމުގެ ހައްގު ލިބެނީ 294،937 މީހުންނެވެ. އޭގެތެރެއިން 150،410 މީހުންނަކީ ފިރިހެނުން ކަމަށްވާއިރު، 144،527 މީހުންނަކީ އަންހެނުންނެވެ. އިންތިހާބުގައި ޖުމްލަ 621 ވޯޓު ފޮށި ބެހެއްޓުމަށް ވަނީ ހަމަޖެހިފަ އެވެ.

އިންތިހާބުގައި ޖުމްލަ 225 ދާއިރާއަކުން، ލޯކަލް ކައުންސިލްތަކުގެ މެންބަރުންނާއި އަންހެނުންގެ ތަރައްގީއަށް މަސައްކަތްކުރާ ކޮމިޓީގެ މެންބަރުން އިންތިހާބުކުރާނެ އެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox