އަހަރު ނިމުމުގެ ކުރިން މާލޭގައި ދިރިއުޅޭ އެންމެންނަށް ބޯހިޔާވަހިކަން ކަށަވަރުކޮށްދޭން ވެވަޑައިގެންނެވި ވައުދު ނުފުއްދުނު

ރައީސް މުހައްމަދު މުއިއްޒު: އެމަނިކުފާނު ވިދާޅުވި ގޮތަށް މާލޭގައި އުޅޭ 18 އަހަރު މަތީ އެންމެންނަށް ބޯހިޔާވަހިކަން ކަށަވަރުކޮށް ނުދެވުނު ---- ފޮޓޯ: ރައީސް އޮފީސް

ރައީސް މުހައްމަދު މުއިއްޒު: އެމަނިކުފާނު ވިދާޅުވި ގޮތަށް މާލޭގައި އުޅޭ 18 އަހަރު މަތީ އެންމެންނަށް ބޯހިޔާވަހިކަން ކަށަވަރުކޮށް ނުދެވުނު ---- ފޮޓޯ: ރައީސް އޮފީސް

މިދިޔަ އަހަރު ނިމުމުގެ ކުރިން މާލޭ ރައްޔިތުންނާއި މާލޭގެ ރަށްވެހިން އަދި މާލޭގައި ދިރިއުޅޭ 18 އަހަރުން މަތީގެ އެންމެނަށް ބޯހިޔާވަހިކަމުގެ ޔަގީންކަން ދޭނެ ކަމަށް ރައީސް މުހައްމަދު މުއިއްޒު ވެވަޑައިގެންނެވި ވައުދެއް ނުފުއްދުނެވެ.

ޕަބްލިކް ސާވިސް މީޑިއާ އަށް މެއި 31، 2025، ގައި ދެއްވި އިންޓަވިއުއެއްގައި މުއިއްޒު ވިދާޅުވީ ގްރޭޓާ މާލެ ސަރަހައްދުން އެންމެނަށް ވެސް ބޯހިޔާވަހިކަން ލިބޭނެކަމުގެ ޔަގީންކަން ދެއްވާނެ ކަމަށެވެ.

"އަޅުގަނޑުގެ ވައުދު ފުއްދުމަށް 18 އަހަރުން މަތީގެ ހުރިހާ ރައްޔިތުންނަށް މާލޭގެ ރައްޔިތުން، މާލޭގެ ރަށްވެހިން އަދި މާލޭގައި ދިރިއުޅޭ ރައްޔިތުންނަށް ފުރަތަމަ ގެ، ފަސްޓް ހޯމް، އެއްވެސް ބޯހިޔާވެހިކަމެއް ނެތް 18 އަހަރުން މަތީގެ ރައްޔިތުންނަށް މިދެންނެވީ މުޅި މާލެ ސަރަހައްދުން ގްރޭޓާ މާލެ އޭރިއާ ރަސްމާލެ ހިމެނޭ ގޮތަށް ގޯތި ނުވަތަ ފްލެޓް ކަށަވަރު ކޮށްދިނުމަށް ހުޅުވާލާނަން،" އެ ދުވަހު މުއިއްޒު ވިދާޅުވި އެވެ.

"ހުޅުވާލައި އެ ފަރާތްތައް ކުރިމަތިލައި އެ ފަރާތްތަކަށް ރަސްމީ ގޮތުން އަޅުގަނޑުމެން ކަށަވަރު ކަމުގެ ލިޔުން ދޭނަން އިނގޭތޯ. ލިޔުން ދޭނަން އިރާދަކުރެއްވިއްޔާ މި އަހަރު ނިމުމުގެ ކުރީގައި. އެއީ ޓާގެޓަކީ."

މުއިއްޒު އިތުރަށް ވިދާޅުވީ އަމާޒަކީ މާލެ ސަރަހައްދުގައި 18 އަހަރުން މަތީގެ އެއްވެސް މީހަކަށް ބޯހިޔާވެހިކަމެއް ކަށަވަރުނުވެ ނެތުން ކަމަށެވެ.

އެ ލިޔުންތައް ދިނުމަށްފަހު ކުރިއަށް އޮތްތަނުގައި މާލެ ސަރަހައްދުގައި އަދި ރަސްމާލޭގައި ހިންގޭ ބޯހިޔާވަހިކަމުގެ މަޝްރޫއުތަކުގެ ތެރެއިން ފުލެޓާއި ގޯތި އެ މީހުންނަށް ދޭނެ ކަމަށް ވެސް މުއިއްޒު ވިދާޅުވި އެވެ.

ނަމަވެސް، މިދިޔަ އަހަރު ނިމުނުއިރު ސަރުކާރުން މިފަދަ ބޯހިޔާވަހިކަމުގެ ފުރުސަތެއް ހުޅުވައެއް ނުލަ އެވެ. މާލޭގައި އުޅޭ 18 އަހަރުން މަތީގެ އެއްވެސް މީހަކަށް މި ސަރުކާރުން ބޯހިޔާވަހިކަން ފޯރުކޮށްދޭނެކަމުގެ ޔަގީންކަން، އަދި އެ މީހަކަށް ފުލެޓާއި ގޯތި ލިބޭނެ ތަނެއްގެ ތަފުސީލު އޮތް އެއްވެސް ލިޔުމެއް ދޫކޮށްފައެއް ވެސް ނުވެ އެވެ.

މެއި 31، 2025، ގައި ޕީއެސްއެމް އަށް ދެއްވި އިންޓަވިއުގައި މުއިއްޒު ވަނީ މިދިޔަ އަހަރު ނިމުމުގެ ކުރިން ރަސްމާލެ ހިއްކާ ނިންމާނެ ކަމަށް ވެސް ވިދާޅުވެފަ އެވެ. ނަމަވެސް މިހާތަނަށް ހިއްކާ ނިމުނީ ރަސްމާލޭގެ އެންމެ ސައިޓެކެވެ. އެ ސަރަހައްދު ހިއްކާ ނިމޭނެ ސީދާ ތާރީހެއް އަދި ނޭނގެ އެވެ.

ހިއްކާ ނުނިމި އޮތް ރަސްމާލެއިން 15،000 ގޯތި ދިނުމަށް ވަރަށް އަވަހަށް ހުޅުވާލާނެ ކަމަށް މުއިއްޒު މިދިޔަ އަހަރުގެ ޖުމްހުރީ ދުވަހުގެ ޖަލްސާގައި ވިދާޅުވި އެވެ. އެ ފުރުސަތު މި މަހު ހުޅުވާލާނެ ކަމަށް ސަރުކާރުން ދަނީ ބުނަމުންނެވެ.

ރާއްޖެއަށް ދިމާވެފައިވާ ބޯހިޔާވެހިކަމުގެ މައްސަލަ ހައްލުކޮށް، މި ދައުރުގެ ތެރޭގައި ހުރިހާ އެންމެންނަށް ބޯހިޔާވެހިކަން ހަމަޖައްސައިދިނުމަކީ މުއިއްޒުގެ ރިޔާސީ ވައުދެކެވެ.

އެ ވައުދު ފުއްދުމަށް މާލެ ސަރަހައްދާއި އަތޮޅު ތެރޭ މަޝްރޫއުތައް ހިއްކަން ވައުދުވެ ބައެއް މަޝްރޫއުތައް ހަވާލުކުރި ނަމަވެސް މި ސަރުކާރުން ބޯހިޔާވަހިކަމުގެ އެއްވެސް މަޝްރޫއެއް މިހާތަނަށް ނިންމާފައެއް ނުވެ އެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox