އެކުއަވިޓާއިން އެޕާޓުމެންޓު ގަތް މީހުންނަށް އެ ތަނުގައި ދިރިއުޅުމުގެ ހުއްދަ ވެސް ނުލިބިފައި

އެކުއަވިޓާއިން އެޕާޓުމެންޓު ގަތް މީހުންނަށް އެ ތަނުގައި ދިރިއުޅުމުގެ ހުއްދަ ވެސް ނުލިބިފައި

އެންޕީއެޗް ޑިވެލޮޕްމެންޓްސް ޕްރައިވެޓް ލިމިޓެޑުން ހައުސިން ޑިވެލޮޕްމެންޓް ކޯޕަރޭޝަން (އެޗްޑީސީ) އަށް ދައްކަންޖެހޭ ފައިސާ ނުދައްކާތީ، އެކުއަވިޓާއިން އެޕާޓުމެންޓު ގަތް މީހުންނަށް އެ ތަނުގައި ދިރިއުޅުމުގެ ހުއްދަ ވެސް ނުލިބޭތީ އެ ފަރާތްތަކުން ކަންބޮޑުވުން ފާޅުކުރަން ފަށައިފި އެވެ.

އެކުއަވިޓާ އިމާރާތްކުރި އެންޕީއެޗް ޑިވެލޮޕްމެންޓްސް އަކީ ބާސެލޯ ނަސަންދުރާގެ ވެސް ވެރި ފަރާތެވެ. އެ ކުންފުންޏަކީ އެޗްޑީސީއަށް އެންމެ ބޮޑު ދަރަންޏެއް ދައްކަން އޮތް ޕްރައިވެޓް ކުންފުންޏެވެ. އެންޕީއެޗް ކުންފުނިން އެޗްޑީސީއަށް 215.2 މިލިއަން ރުފިޔާ ދައްކަންޖެހެ އެވެ.

އެންޕީއެޗްއިން އެޗްޑީސީއަށް އެ ފައިސާ ނުދައްކާތީ އެޗްޑީސީން ވަނީ އެކުއަވިޓާއިން އެޕާޓުމެންޓު ގަތް މީހުންނަށް ރެޖިސްޓްރީ ހައްދައިދިނުމާއި ވެހިކަލް ރެޖިސްޓްރޭޝަން ފަދަ ހިދުމަތްތައް ނުދީ ހިފަހައްޓައިފަ އެވެ.

Advertisement

އެކަމާ ގުޅިގެން އެ ތަނުން އެޕާޓުމެންޓު ގަތް ފަރާތްތަކުން އަންނަނީ ކަންބޮޑުވުން ފާޅުކުރަމުންނެވެ. އެ ފަރާތްތަކުން މިހާރު ވަނީ އެޗްޑީސީއާ ބައްދަލުކުރުމަށް އެދި ހުރިހާ ކަންބޮޑުވުންތަކަކާއެކު ސިޓީއެއް ވެސް ފޮނުވައިފަ އެވެ.

"އެންޕީއެޗް އިން އެޗްޑީސީއަށް ބިމުގެ އަގު ނުދައްކާ އޮތުމަކީ، އެތަނުން ފްލެޓު ގަތް މީހުން ޒިންމާވާންޖެހޭ ކަމެއް ނޫން، އެ ފައިސާ ނުދައްކާ އޮތީމާ އިމާރާތުގެ ރެޖިސްޓްރީއެއް އެޗްޑީސީން ނުދޭ، ވެހިކަލް ރެޖިސްޓްރީއެއް ނުކުރެވޭ ބީޔޫޕީ [ބިލްޑިން ޔޫސޭޖް ޕާމިޓް] ނުލިބި އޮންނާތީ،" އެކުއަވިޓާއިން އެޕާޓުމެންޓު ގަތް މީހަކު ބުންޏެވެ.

އޭނާ ބުނީ އެ މައްސަލަތަކުގެ އިތުރުން ވެސް އެކުއަވިޓާ ރެސިޑެންސީސްގައި ބޮޑެތި މައްސަލަތަކެއް އެބަހުރި ކަމަށެވެ. އެގޮތުން އެ އިމާރާތުގެ މެއިންޓެނެންސް ނުބެލެހެއްޓުމާއި ލޯ ކޮލެޓީގެ ތަކެތި ބޭނުންކޮށްގެން އިމާރާތް ކޮށްފައި ހުރުމުގެ އިތުރަށް އެތަން ވިއްކިއިރު ދެއްކި ގޮތާ ހިލާފަށް ބައެއް ބަދަލުތައް ވެސް ގެނެސްފައިވާ ކަމަށެވެ.

އެކުއަވިޓާގެ ވަށައިގެންވާ ސަރަހައްދުގައި ޕާކިން ސްލޮޓުތަކެއް ހަދައިގެން ވިއްކާފައިވާއިރު، އެއީ ވެސް ކުރިން އޮންނާނެ ތަނެއް ކަމަށް ބުނެފައި ނުވާ ކަމަށާއި ކުޑަކުދިންނަށް ހާއްސަކޮށް އޮންނަ ސަރަހައްދު ވެސް މިހާރު އޮތީ ބޭނުންކުރެވޭ ގޮތަށް ނޫން ކަމަށް އެކުއަވިޓާއިން ފެލްޓު ގަތް މީހަކު ބުންޏެވެ.

"2019 ގައި ވަދެވޭނެ ކަމަށް ބުނި ތަނެއް މިއީ، އެކަމަކު 2023 ގައި މި ތަނަށް މި ވަދެވުނީ، އެކަމަކު އަދިވެސް އެއްވެސް ޔުނިޓެއްގައި ދިރިއުޅުމުގެ ހުއްދައެއް ނެތް،" އެތަނުން އެޕާޓުމެންޓެއް ގަތް މީހަކު ބުންޏެވެ.

އެކުއާވިޓާއަކީ އެންޕީއެޗް ކުންފުންޏާއި ސްރީ ލަންކާގެ އަޔެންކާ ހޯލްޑިންގްސް ޕްރައިވެޓް ލިމިޓެޑް ގުޅިގެން އިމާރާތްކުރި 14 ބުރީގެ ލަގްޒަރީ އިމާރާތެކެވެ. އެ އިމާރާތުގައި މަތީ ފެންވަރުގެ 98 އެޕާޓުމެންޓު ހުރެ އެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox