ކަންނެލި މަސްވެރިންނަށް އަމިއްލަ ކުންފުނިތަކުން ދޭންޖެހޭ ފައިސާ މިލިއަނުން އެބަހުރި: ޝިޔާމް

މަސްވެރިންގެ ދުވަހުގެ ހާއްސަ ޖަލްސާގައި ޝިޔާމް ވާހަކަދައްކަވަނީ -- ފޮޓޯ: ރައީސް އޮފީސް

މަސްވެރިންގެ ދުވަހުގެ ހާއްސަ ޖަލްސާގައި ޝިޔާމް ވާހަކަދައްކަވަނީ -- ފޮޓޯ: ރައީސް އޮފީސް

ބޮޑު ކަންނެލި މަސްވެރިންނަށް ޕްރައިވެޓު ކުންފުނިތަކުން ނުދީ ހުރި ފައިސާގެ އަދަދު މިލިއަނުން ގުނާލެވޭ ކަމަށާއި ހުޅުމާލޭގައި އަޅާ ފެސިލިޓީއާއެކު މަސްވެެރިންގެ ކަންބޮޑުވުންތަކަށް ހައްލުތަކެއް ލިބިގެންދާނެ ކަމަށް ފިޝަރީޒް މިނިސްޓަރު، އަހުމަދު ޝިޔާމް ވިދާޅުވެއްޖެ އެވެ.

މަސްވެރިންގެ ދުވަސް ފާހަގަކުރުމަށް ރ. ދުވާފަރުގައި މިރޭ ބޭއްވި ޖަލްސާގައި ވާހަކަދައްކަވަމުން ޝިޔާމް ވިދާޅުވީ ބޮޑު ކަންނެލި މަސްވެެރިންނަށް ސަރުކާރުން ދޭންޖެހޭ އެއްވެސް ފައިސާއެއް ނޯންނާނެ ކަމަށެވެ. އެ ވާހަކަ އެގޮތަށް ވިދާޅުވާން ޖެހުނީ ބައެއް މީޑިއާތަކުން ރައްޔިތުންނަށް އޮޅޭގޮތަށް އެ މައުލޫމާތު ގެނެސްދޭތީ ކަމަށް އޭނާ ވިދާޅުވި އެވެ.

"ސަރުކާރުން ބޮޑު ކަންނެލި މަސްވެރިންނަށް ދޭންޖެހޭ އެންމެ ރުފިޔާއެއް ވެސް ނޯންނާނެ، ބޮޑު ކަންނެލި މަސްވެެރިންގެ މަސް، ބޮޑު ކަންނެލި ގަންނަމުން އަންނަނީ ޕްރައިވެޓް ކުންފުނިތަކުން،" ޝިޔާމް ވިދާޅުވި އެވެ.

"އެބަހުރި ޕްރައިވެޓް ކުންފުނިތަކުން ބޮޑު ކަންނެލި މަސްވެރިންނަށް މިލިއަނުން މިލިއަނުން ދޭން، އެ ކުންފުނިތަކުގެ ހާލަތު ހުރި ގޮތުންނާ އެކީގައި އެ ކުންފުނިތަކާއި ބޮޑު ކަންނެލި މަސްވެރިންނާ ދެމެދު އެ އޮތް އަންޑަސްޓޭންޑިންއެއްގެ ތެރެއިން."

އޭނާ ވިދާޅުވީ ކޮންމެ މަސައްކަތެއް ކުރާ ބަޔަކަށް ވެސް އެ މަސައްކަތަކުން ލިބެންޖެހޭ އުޖޫރަ ނުލިބޭ ކަމަށްވާނަމަ އެ ބަޔަކު ގެއްލުންތަކާ ކުރިމަތިލާން ޖެހޭނެ ކަމަށެވެ.

އޭނާ ވިދާޅުވީ މި ސަރުކާރުން ބޮޑު ކަންނެލި މަސްވެރިންނަށް ވީ ވައުދާ އެއްގޮތަށް މިދިޔަ އަހަރުގެ ޖޫން މަހުގެ ތެރޭގައި ބޮޑު ކަންނެލި މަސްވެރިންނަށް މާލެ ސަރަހައްދުން ހެޔޮ އަގުގައި ޑީސެލް އާއި ތެޔޮ އެޅޭނެ ގޮތް ސަރުކާރުން ހަދައިދީފައިވާ ކަމަށް ޝިޔާމް ވިދާޅުވި އެވެ.

އޭގެއިތުރުން ހުޅުމާލޭގައި ގާއިމުކުރަން މި ސަރުކާރުން ވައުދުވި ކަންނެލި މަސް ބަންދުކުރާ ފެސިލިޓީއަށް ބޭނުންވާ ބިމުގައި އިމާރާތް ކުރުމުގެ ހުއްދަ މިދިޔަ ހަފުތާގައި ފިޝަރީޒް މިނިސްޓްރީއަށް ލިބިފައިވާ ކަމަށް ވެސް ޝިޔާމް ވިދާޅުވި އެވެ.

"މިދިޔަ ހަފުތާގައި އެ ބިމުގައި އިމާރާތް ކުރުމުގެ ހުއްދަ އަޅުގަނޑުމެންގެ ވުޒާރާއަށް މި ވަނީ ލިބިފައި، އަޅުގަނޑު ދޭން އޮތް ޔަގީންކަމަކީ ރައީސުލްޖުމްހޫރިއްޔާގެ ފުރިހަމަ އިރުޝާދުފުޅާ އެކީގައި އަޅުގަނޑުމެން މި ދަނީ އިރާދަކުރެއްވިއްޔާ މި އަންނަ ޖެނުއަރީ މަހު އެ ބިމުގައި އިމާރާތް ކުރުމުގެ މަސައްކަތް ފެށްޓުމަށްޓަކައި ވާންޖެހޭ ހުރިހާ ތައްޔާރީތަކެއް ވަމުން،" ޝިޔާމް ވިދާޅުވި އެވެ.

ޝިޔާމް ވިދާޅުވީ އެ ފެސިލިޓީއަކީ ބޮޑު ކަންނެލި މަސްވެރިންގެ އެންމެ ބޮޑެތި ކަންބޮޑުވުންތަކަށް ހައްލު ގެނެސްދޭނެ ފެސިލިޓީއަކަށް ވެގެންދާނެ ކަމަށެވެ.

ކަންނެލި ބަންދުކުރާ ފެސިލިޓީއެއް ގާއިމުކުރަން ސަރުކާރުން ވައުދުވީ ކ. ކަނޑުއޮތްގިރީގައި ހުރި މަސް ބަންދުކުރާ ފެސިލިޓީއަކީ މަސް ކިރަން އެކަށީގެންވާ ވަރުގެ ޖާގައެއް އޮތް ތަނެއް ނޫން ކަމަށް ބުނެ އެވެ.

ބޮޑުކަންނެލި މަސްވެރިން ބާނާ މަަސް ހުޅުމާލޭ ބަނދަރުގައި ކިރައި ބަންދު ކުރުމުގެ މަސައްކަތަށް 25،000 އަކަފޫޓުގެ ބިމެއް ހާއްސަކޮށްފައިވާ ކަމަށާއި އެ ސަރަހައްދުގައި އެކަމާ ގުޅޭ ވަސީލަތްތައް ގާއިމު ކުރަން ބޭނުންވާ ފައިސާ ވެސް ހަމަޖެހިފައިވާ ކަމަށް ޝިޔާމް ވިދާޅުވީ މި އަހަރުގެ ފެބްރުއަރީ 11، ގަ އެވެ.

އެ ދުވަހު ޝިޔާމް ވިދާޅުވީ މި އަހަރުގެ މެދެއްހާ ހިސާބުގައި އެ ފެސިލިޓީގެ މަސައްކަތް ފަށާނެ ކަމަށެވެ.

"މި ފެސިލިޓީއަށް ބޭނުންވާ ފަންޑު އިރާދަކުރެއްވިއްޔާ އައިއެސްޑީބީ މެދުވެރިކޮށް އަޅުގަނޑުމެންނަށް ހަމަޖެހިއްޖެ، އިރާދަކުރެއްވިއްޔާ ކުރިއަށް އޮތް ދެ މަހެއްގެ ތެެރޭގައި އަޅުގަނޑުމެން އިއުލާނު ކުރާނަން، އިއުލާނުކޮށް މަސައްކަތް އަޅުގަނޑުމެން މި އަންދާޒާ ކުރަނީ މި އަހަރުގެ ހަމަ މެދުތެރޭގައި މަސައްކަތް ފެށިގެން ދާނެ ކަމަށް،" ކެންދޫ ދާއިރާގެ މެންބަރު، މައުރޫފް ޒާކިރުއަށް ޖަވާބު ދެއްވަމުން ޝިޔާމް ވިދާޅުވި އެވެ.

ކަނޑުއޮތްގިރީގައި ހިންގި މަސް ބަންދުކުރާ ފެސިލިޓީ ހުޅުމާލެއަށް ބަދަލު ކުރުމަށް މަޝްވަރާ ކުރަމުންދާ ކަމަށް ޝިޔާމް އެންމެ ފުރަތަމަ ވިދާޅުވީ ޖޫން 13، 2024، ގައި މަސްވެރިން ކުރިއަށް ގެންދިޔަ މުޒާހަރާގެ ބައިވެރިންނާ މުހާތަބު ކުރައްވައި ވާހަކަ ދައްކަވަމުންނެވެ.

އެ ދުވަހު ޝިޔާމް ވިދާޅުވީ ހުޅުމާލޭގެ ބަނދަރުގައި މަސް ބަންދު ކުރެވޭނެ ގޮތެއް ހަދައިދިނުމަށް ބިމެއް ހޯދުމުގެ މަސައްކަތް އެޗްޑީސީ އާއެކު ކުރަމުންދާ ކަމަށެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox