މުއިއްޒު އަންގަވައިގެން އަސްމާއަށް އަދަބު ދިން ނަމަވެސް ރިފާއުއަށް އެއްވެސް ފިޔަވަޅެއް ނާޅާ

މާފަންނު ދެކުނު ދާއިރާގެ މެންބަރު އަބްދުﷲ ރިފާއު (ބޮޗޭ) ---- ފޮޓޯ: ރައްޔިތުންގެ މަޖިލިސް

މާފަންނު ދެކުނު ދާއިރާގެ މެންބަރު އަބްދުﷲ ރިފާއު (ބޮޗޭ) ---- ފޮޓޯ: ރައްޔިތުންގެ މަޖިލިސް

ރައީސް މުހައްމަދު މުއިއްޒު މާފަންނު އަވަށުގެ ރައްޔިތުންނާއެކު ބާއްވާ ބައްދަލުވުމުގައި ހިޔާލުފާޅު ކުރަން ބޭނުންވާ މީހުން އަންގަން އެދުމުން މާފަންނު ދެކުނު ދާއިރާގެ މެންބަރު އަބްދުﷲ ރިފާއު (ބޮޗޭ) އަށް އެއްވެސް ފިޔަވަޅެއް ނާޅާކަން އެނގިއްޖެ އެވެ.

ޑިސެމްބަރު 4، ގައި ބާއްވާ މި ބައްދަލުވުމުގައި ހިޔާލު ފާޅުކުރަން ބޭނުންވާ މީހުން އަންގަން އެދުމުން މާފަންނު މެދު ދާއިރާގެ މެންބަރު އަސްމާ ރަޝީދު އަށް މުއިއްޒު ވަނީ ނުރުހުމުގެ މެސެޖެއް ކުރައްވައި ހަރުކަށި ފިޔަވަޅުތަކެއް އަޅުއްވާފަ އެވެ.

ނަމަވެސް، ޕީއެންސީން މައުލޫމާތު ދިން މީހުން ބުނި ގޮތުގައި އަސްމާ އަށް ފިޔަވަޅު އެޅިއިރު، އަދިވެސް ބޮޗޭއާމެދު އެއްވެސް ފިޔަވަޅެއް ނާޅަ އެވެ. އެކަމާ ގުޅިގެން ޕީއެންސީގެ ޕީޖީ ގްރޫޕުގައި އެއްވެސް ވާހަކައެއް ނުދައްކާ ކަމަށް ވެސް މައުލޫމާތު ދިން މީހުން ބުންޏެވެ.

Advertisement

"ބޮޗޭ ކުރި މެސެޖާ ގުޅިގެން ރައީސް ވެސް، ލީޑަޝިޕްގެ ބޭފުޅަކު ވެސް ޕީއެންސީ ޕީޖީ ގްރޫޕްގައި އެއްވެސް އެއްޗެއް ނުލިޔޭ. ނުރުހުމެއް ވެސް ފާޅެއް ނުކުރޭ،" މައުލޫމާތު ދިން އެކަކު ބުންޏެވެ.

މުއިއްޒުއާ ސުވާލުކުރަން އަދި ބައްދަލުވުމުގައި ހިޔާލު ފާޅުކުރަން ބޭނުންވާ މީހުން އަންގަން އެދި ފޮނުވި މެސެޖާ ގުޅިގެން މުއިއްޒު ވަނީ މަޖިލީހުގެ އިޖުތިމާއީ ކޮމިޓީގެ މުގައްރިރު ކަމުންނާއި ޔޫކޭ-މޯލްޑިވްސް ފްރެންޑުޝިޕްގެ ގްރޫޕްގެ ޗެއާގެ މަގާމުން އަސްމާ ވަކިކޮށްފަ އެވެ. އަދި، މުއިއްޒު މިހާރު އިނގިރޭސިވިލާތަށް ކުރައްވަމުން ގެންދަވާ ދަތުރުގައި ކުރިން އަސްމާ ބައިވެރިވާން އޮތް އޮތުން ވެސް މުއިއްޒު ކެންސަލް ކުރެއްވި އެވެ.

މީގެ އިތުރުން، ޕީއެންސީގެ ޕީޖީ ގްރޫޕުގެ ވަޓްސްއެޕް ގްރޫޕަށް އަދި އަސްމާ އަށް ވަކިން މުއިއްޒު ވަނީ ނުރުހުމުގެ މެސެޖުތަކެއް ފޮނުއްވައިފަ އެވެ.

އަސްމާއަށް ފޮނުއްވި މެސެޖުގެ ސަބަބުން މުއިއްޒު އަސްމާ ދެކެ އިންތިހާއަށް ހިތްހަމަޖެހިވަޑައިނުގެންނެވި ކަމަށާއި އެހެންވެ ދާއިރާގެ ރައްޔިތުންގެ ކިބައިން މައާފަށް ވެސް އެދުމަށް ސީދާ މުއިއްޒު އެންގެވި ކަމަށް، އެކަމުގެ މައުލޫމާތު އެނގޭ މަސްދަރުތަކުން ބުންޏެވެ.

"މިއީ ވަރަށް ދެރަވަރު. އަސްމައްތަ ކުރެއްވި މެސެޖަކީ މިވަރުގެ ފިޔަވަޅުތަކެއް އަޅަންޖެހޭ ކަމެއް ނޫން. އަދި ރައީސް މުއިއްޒު އެވަރަށް ކޯފާ ވެސް އިސްކުރައްވަންޖެހޭ ކަމެއް ނޫން،" ޕީއެންސީގެ ހަރަކާތްތަކުގައި ވެސް އިސްކޮށް އުޅުއްވާ މީހަކު ބުންޏެވެ.

ޕީއެންސީގެ މަޖިލިސް މެންބަރުން ތިބޭ ގްރޫޕަށް އަސްމާ ޓެގް ކުރައްވައި މުއިއްޒު ފޮނުއްވި ފުރަތަމަ މެސެޖުގައި ވިދާޅުވެފައި ވަނީ އަސްމާގެ މެސެޖާ ހެދި އެ މަނިކުފާނުގެ އިސްތަށިފުޅުގައި ބަދުނާމެއް އެޅިއްޖެ ކަމަށެވެ.

"[އެހެންވެ] ޕަބްލިކްލީ އެޕްލޮޖައިޒު ކުރައްވާ ދާއިރާގެ އެންމެނަށް ފޮނުވި މެސެޖުއާ ގުޅޭ ގޮތުން. އަޅުގަނޑު ބޮލުގައި ބަދުނާމެއް އެޅިއްޖެ، އެ މެސެޖާ ހެދި،" މުއިއްޒު އެންގެވި އެވެ. "ދަންނަވާ އެއީ ތިމަންނަ އަމިއްލަ އަށް ކުރި މެސެޖެއް ކަމާއި، އަޅުގަނޑުގެ އެއްވެސް މަޝްވަރާއެއް ނެތި ކުރި މެސެޖެއް ކަމަށް."

ދެ ވަނަ މެސެޖުގައި މުއިއްޒު ވިދާޅުވީ ކޮންމެ ސުވާލެއް ކުރެއްވިޔަސް ކަންބޮޑުވުމެއް ނެތް ކަމަށާއި އެހެންވެ، ރައްޔިތުންނާއެކު ބާއްވާ ބައްދަލުވުންތައް، އަސްމާގެ މެސެޖުގެ ސަބަބުން "ހަޑިކޮށްލައިފި" ކަމަށެވެ.

"އަޅުގަނޑު މީ އެއްވެސް މީހަކު ކޮންމެ ކަހަލަ ސުވާލެއް ކުރިޔަސް ކަންބޮޑުވާ މީހެއް ނޫން. އަޅުގަނޑު މިހާ އޯޕަންކޮށް ބައްދަލުވުންތައް ބާއްވަމުން ދާއިރު އެކަން ހަޑިކޮށްލި ކަމަކަށް މި މެސެޖު ވެއްޖެ. އަައިއޭމް އެކްސްޓްރީމްލީ ޑިސްއެޕޮއިންޓެޑް ވިތު ޔޫ، އަސްމާ،" މުއިއްޒުގެ މެސެޖުގައިވެ އެވެ.

މި މެސެޖުތަކަށްފަހު އަސްމާ ވަނީ ރައްޔިތުންގެ ކިބައިން މައާފަށް އެދި ބަޔާނެއް ވެސް ނެރެފަ އެވެ.

ޕީއެންސީއަށް ނިސްބަތްވާ މަޖިލީހުގެ މެންބަރުންގެ ތެރެއިން އެންމެ ސީނިއާ އަދި އުމުރުން އެންމެ ދޮށީ މެންބަރުންގެ ތެރޭގައި ހިމެނިވަޑައިގަންނަވާ އަސްމާއަކީ އެ ޕާޓީގެ އެތެރޭގައި ގޯސްކޮށް ހިންގާ ކަންކަމަށް ފާޑުވިދާޅުވާ މެންބަރެކެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox