ތައްޔާރީ ކާނާތަކުން ސިއްހީ ބޮޑެތި ނުރައްކާތަކެއް އެބަ ކުރިމަތިވޭ

Nov 25, 2025, 1:19 AM
ތައްޔާރީ ކާނާތަކުން ސިއްހީ ބޮޑެތި ނުރައްކާތަކެއް އެބަ ކުރިމަތިވޭ

އަލްޓްރާ-ޕްރޮސެސްޑް ފުޑްސް ނުވަތަ ގުދުރަތީ ކާނާގެ ތެރެއަށް ފާޑުފާޑުގެ ކެމިކަލްތަކާއި ކުލަތައް އަދި މަސްނޫއީ ރަހަތައް އެއްކޮށްގެން އުފައްދާފައި ހުންނަ ތައްޔާރީ ކާނާގެ ބާވަތްތައް މިހާރު އަންނަނީ ހައްދެއް ނެތި އިތުރުވަމުން، އަދި އޭގެ މަގުބޫލުކަން އިތުރުވަމުންނެވެ. ބަލައިލަން ރީތިވެފައި އަނގަޔަށް ކިތަންމެ މީރު ވިޔަސް، އެ ފަދަ ކާނާތަކުގެ ސަބަބުން އިންސާނީ ދަރިފަސްކޮޅުގެ ކުރިމަތީގައި އޮތީ ސިއްހީ ބޮޑެތި ނުރައްކާތަކެއް ކަމަށް ސައެންސްވެރިން އިންޒާރުކޮށްފިއެވެ.

ދާދި ފަހުން ކުރި ދިރާސާއެއްގެ ރިޕޯޓްގައި ސައެންސްވެރިން ބުނެފައިވާ ގޮތުގައި މަސްނޫއީ މާއްދާތަކުން ގަޑުބަޑުކޮށްފައިވާ ކާނާގެ ބާވަތްތަކާ މީހުން ދުރުކޮށް، ސިއްހީ ގޮތުން ފައިދާ ހުރި ކާނާގެ ބާވަތްތަކަށް މީހުން އަހުލުވެރި ކުރެވޭނީ، ސިޔާސަތު ކަނޑައަޅާ ފަރާތްތަކުން މިހާރަށް ވުރެ ހަރުދަނާ ސިޔާސަތެއް ގެންގުޅެގެންނެވެ.

މި ދިރާސާގައި ބުނެފައިވާ ގޮތުން ތައްޔާރީ ކާނާގެ ބާވަތްތަކަށް މީހުން ދެވިހިފާފައިވާ މިންވަރުން، ދާއިމީ ގޮތެއްގައި ތަހައްމަލުކުރަންޖެހޭ ބަލިތަކަށް މީހުން ހުށަހެޅޭ މިންވަރު ވަނީ ވަރަށް ބޮޑަށް އިތުރުވެފައެވެ. ދަ ލާންސެޓް ކިޔާ ޖާނަލްގައި ޝާއިއުކޮށްފައިވާ މި ދިރާސާ ރިޕޯޓްގައި ބުނެފައިވާ ގޮތުން، މުޅި ދުނިޔެއަށް ބަލާއިރު ވެސް، ސިއްހީ ގޮތުން ފައިދާ ހުރި ރަނގަޅު ކާނާ ކެއުމުގެ ބަދަލުގައި، މަސްނޫއީ ކާނާތަކަށް މީހުން ދެވިހިފަމުން އަންނަނީ ކަންބޮޑުވާންޖެހޭ މިންވަރަކަށެވެ.

Advertisement

ނަތީޖާއަކަށް ވަނީ ކާނާއިން ހަށިގަނޑަށް ލިބެންޖެހޭ ފުރިހަމަ މަންފާތައް ނުލިބުމުގެ އިތުރުން، ފުރާނައަށް ނުރައްކާވާ ފަދަ ދާއިމީ ބަލިތަކާ ކުރިމަތިލާން ޖެހުމެވެ. ސަބަބަކީ އެފަދަ ކާނާގެ ބާވަތްތަކުގައި އާދަޔާ ހިލާފަށް ގިނައިން ހަކުރާއި ސަރުބި ޖައްސާ މާއްދާތަކާއި ލޮނު ވެސް އެކުލެވުމެވެ.

ސައެންސްވެރިން ބުނާ ގޮތުގައި މިފަދަ ކާނާގެ ބާވަތްތައް އުފައްދައި ބާޒާރަށް ނެރެނީ، ކާނާއަށް ބޭނުންޖެހިފައިވާ މީހުންނަށް ކާނާ ފޯރުކޮށްދިނުމުގެ ބަދަލުގައި، އެ ހާލަތުގެ ނާޖާއިޒު ބޭނުން ހިފައި، ވިޔަފާރީގެ ވީ އެންމެ ބޮޑު ފައިދާއެއް ހޯދުމަށެވެ. އަދި މިކަން ހުއްޓުވޭނީ މުޅި ދުނިޔެ މިކަމާ ދެކޮޅަށް ތެދުވެގެން ކަމަށް ވެސް އެމީހުން ބުނެއެވެ.

ބައިނަލްއަގުވާމީ 43 ތަޖުރިބާކާރަކު ބައިވެރިވެގެން ހަދާފައިވާ މި ދިރާސާގައި ބުނެފައިވާ ގޮތުން މަސްނޫއީ މާއްދާތައް އެކުލެވޭ ތައްޔާރީ ކާނާތަކުގެ ސަބަބުން ވަރަށް ނުރައްކާތެރި ސިއްހީ ގޮންޖެހުންތަކެއް މިހާރު ވަނީ ކުރިމަތިވެފައެވެ. މިކަން މިހެން އޮތް އިރުވެސް، އެފަދަ ކާނާ އުފައްދާ ކުންފުނިތަކުން ވަނީ، އެމީހުންގެ ވިޔަފާރި އިތުރަށް ފުޅާކުރުމަށާއި، އެފަދަ ކާނާ އުފެއްދުން ކޮންޓްރޯލް ކުރުމަށް އަޅާފައިވާ ފިޔަވަޅުތަކުގެ ބޭނުން ކަނޑުވާލަން ސިޔާސަތުތަކެއް ވެސް އެކުލަވާލައިފައެވެ.

މި ދިރާސާގައި ބުނެފައިވާ ގޮތުން މަސްނޫއީ މާއްދާތައް ހިމަނައިގެން އުފައްދާފައި ހުންނަ ތައްޔާރީ ކާނާގެ ބާވަތްތަކުގައި، ކާނާއިން ލިބިދޭ ހަކަތަ އެކުލެވޭ ނިސްބަތް، އެތަކެތި އުފައްދާ ކުންފުނިތަކުން މިހާރު ވަނީ ތިން ގުނަ އިތުރުކޮށްފައެވެ. އެ ގޮތުން މިދިޔަ 30 އަހަރުގެ ތެރޭގައި އެ ނިސްބަތް މިހާރު ވަނީ، ސްޕެއިންގައި 11 އިންސައްތައިން 32 އިންސައްތައަށް، ޗައިނާގައި ހަތަރު އިންސައްތައިން 10 އިންސައްތައަށް އިތުރުކޮށްފައެވެ.

އޭގެ އިތުރުން މިދިޔަ 40 އަހަރުގެ ތެރޭގައި މެކްސިކޯ އާއި ބްރެޒީލްގައި މި ނިސްބަތް މިހާރު ވަނީ 10 އިންސައްތައިން 23 އިންސައްތައަށް އިތުރުކޮށްފައެވެ. އެމެރިކާ އާއި އިނގިރޭސި ވިލާތުގައި، މިދިޔަ 20 އަހަރުގެ ތެރޭގައި ވެސް އެ ނިސްބަތް ހުރީ 50 އިންސައްތައިގައި ހިފެހެއްޓިފައެވެ. އިތުރުވެފައިވަނީ ވަރަށް ކުޑަ އިންސައްތައެކެވެ.

މި ބާވަތުގެ ކާނާއިން ލިބިދޭ ހަކަތައިގެ މިންވަރު އިތުރުވުމުން، މިފަދަ ކާނާތައް ބޭނުންކުރާ މީހުން ގިނައިން ކެއުމަކީ ވެސް އިތުރުވަމުން އަންނަ އާދައެކެވެ. ނަތީޖާއަކަށް ވަނީ، ކާނާއިން ހަށިގަނޑަށް ލިބެންވާ ހުރިހާ މާއްދާތައް ހަމަހަމަ ގޮތެއްގައި ނުލިބި ކާނާއިން ލިބެންވާ ފައިދާގެ ވަޒަން ގެއްލުމެވެ. ސަބަބަކީ އެފަދަ ކާނާގައި ސިއްހަތަށް ކަމުނުދާ ސަރުބި އާއި ހަކުރު މާގިނައިން އެކުލެވުމާއި، ފައިބަރާއި ޕްރޮޓީންގެ ނިސްބަތް މާ ބޮޑަށް ދަށްވުމެވެ.

މިފަދަ ކާނާތަކާ ގުޅިގެން ކުރިމަތިވާ، ދިގު މުއްދަތަށް ތަހައްމަލު ކުރަންޖެހޭ އަދި ފުރާނައަށް ނުރައްކާކުރާ ބަލިތަކުގެ ތެރޭގައި، އިސްކޮޅާއި އުމުރާ ނުގުޅޭ މިންވަރަށް ފަލަވުމާއި، ޓައިޕް ދޭއްގެ ހަކުރުބަލި ޖެހުމާއި، ހިތުގެ ތަފާތު ބަލިތަކާއި ޑިޕްރެޝަން އާއި އުމުރުގެ ކުރީކޮޅުގައި ކުއްލިއަކަށް މަރުވުން ފަދަ ކަންތައް ހިމެނެއެވެ.

ކޮމެންޓް

ފަހުގެ ޚަބަރު

އުމުރުން 70 އަށް ދުޅަހެޔޮކޮށް ދިއުމަށް ސައިންސްވެރިން އިރުޝާދު

އުމުރުން 30 ގެ އަހަރުތަކަކީ ހަށިގަނޑަށް ބަދަލުތައް އަންނަ ދުވަސްވަރަކަށް ވުމުން، މި އުމުރުގައި ކަސްރަތުކުރުމާއި ނިދުމުގެ އާދަތައް ރަނގަޅުކުރުމަކީ އުމުރުން ދުވަސްވާއިރު ދުޅަހެޔޮކަންމަތީ ހުރުމަށް އެޅޭ މުހިންމު ފިޔަވަޅެކެވެ. މީގެ އިތުރުން، އަނގަޔާއި ދަތްތަކުގެ ސިއްހަތަށް ސަމާލުކަން ދިނުމާއި ނުރަނގަޅު އާދަތަކާ ދުރުހެލިވުމަކީ މުސްކުޅިވުމުން ކުރިމަތިވާ ބަލިތަކުން ރައްކާތެރިކޮށްދީ އުމުރު ދިގުކޮށްދޭނެ ކަންކަމެވެ.

ޖީޓީއޭ 6 ރެކޯޑް މާކްސްއަކާއެކު ނެރެފި

ތޭރަ އަހަރުގެ ދިގު އިންތިޒާރަކަށްފަހު ނެރުނު ޖީޓީއޭ 6 އަށް ރެކޯޑް މާކްސްއެއް ލިބި، ގޭމިން ދާއިރާއަށް އިންގިލާބީ ބަދަލެއް ގެނުވައިފިއެވެ. މި ގޭމުގެ ގްރެފިކްސް އާއި ވާހަކަ ކިޔައިދޭ ގޮތް ފުރިހަމަވުމުގެ އިތުރުން، މިއީ މި ސިލްސިލާގައި އަންހެން ކެރެކްޓަރަކަށް މައިގަނޑު ދައުރެއް ދިން ފުރަތަމަ ފަހަރެވެ.

މަސް ނުކައިވެސް ހަށިގަނޑަށް ބޭނުންވާ ދަގަނޑު ހޯދިދާނެ!

މަހުގެ ބާވަތްތަކުގެ އިތުރުން ފަތްޕިލާވެއްޔާއި ގޮވާމުގެ ބާވަތްތަކުން ވެސް ހަށިގަނޑަށް ބޭނުންވާ ދަގަނޑުގެ މާއްދާ ހޯދިދާނެކަން ސިއްހީ މާހިރުން ފާހަގަކުރެއެވެ. މިގޮތުން ކާނާ ތައްޔާރުކުރާ ގޮތަށް ބަދަލު ގެނައުމާއި، ވިޓަމިން ސީ އެކުލެވޭ ތަކެއްޗާއެކު ކެއުމަކީ ގަސްގަހާގެހިން ލިބޭ ދަގަނޑު ހަށިގަނޑަށް ދަމައިގަންނަ މިންވަރު އިތުރުކޮށްދޭނެ ކަންކަމެވެ.

އާ ޖޭމްސް ބޮންޑަކަށް ރޮބަޓް ޕެޓިންސަން

ޖޭމްސް ބޮންޑުގެ ރޯލު ކުޅޭނެ އާ އެކްޓަރަކަށް އިނގިރޭސި އެކްޓަރު ރޮބަޓް ޕެޓިންސަން ހަމަޖައްސައި، 2028 ވަނަ އަހަރު ރިލީޒްކުރާ ބޮންޑު ސިލްސިލާގެ 26 ވަނަ ފިލްމު ޑެނިސް ވިލެނޫވް ޑައިރެކްޓްކުރާ ގޮތަށް އެމެޒޯން އެމްޖީއެމް އިން ވަނީ އިއުލާންކޮށްފައެވެ. މި ރޯލު ލިބުމަކީ ބޮޑު ޝަރަފެއް ކަމަށް ޕެޓިންސަން ބުނެފައިވާއިރު، މިއީ ޑެނިއަލް ކްރެއިގަށް ފަހު މި މަޝްހޫރު ޖާސޫސީ ރޯލުން ފެންނާނެ ހަތްވަނަ އެކްޓަރެވެ.

އަނދިރީގައި ފެންވެރުން ނިދި އައުން ފަސޭހަވޭތަ؟

ނިދުމުގެ ކުރިން އަނދިރީގައި ފެންވެރުމަކީ ހަށިގަނޑުން މެލަޓޯނިން އުފައްދައިދީ، ސިކުނޑި ހަމަޖައްސައިދީ އަވަހަށް ނިދި އައުމަށް އެހީތެރިވެދޭ ކަމެއް ކަމަށް ސިއްހީ މާހިރުން ބުނެއެވެ. މިގޮތަށް ފެންވެރުމުން ހަށިގަނޑުގެ ފިނިހޫނުމިން ދަށްވެ، ދުވަހުގެ ސްޓްރެސް ކުޑަކޮށްދީ ނަފްސާނީ ގޮތުން އަރާމު ލިބިގެންދެއެވެ. ނަމަވެސް މިއީ ނިދުމުގެ ބޮޑެތި ބަލިތަކަށް އޮތް ދާއިމީ ހައްލެއް ނޫންކަމަށް މާހިރުން ފާހަގަކުރެއެވެ.

ޕްރޮސްޓޭޓް ކެންސަރަށް ގަވާއިދުން ސްކްރީން ކުރަން ބުނެފި

ޕްރޮސްޓޭޓް ކެންސަރު ޖެހޭ މިންވަރު އިތުރުވަމުންދާތީ، އެމެރިކަން ކެންސަރ ސޮސައިޓީން ވަނީ އުމުރުން 50 އަހަރާއި 69 އަހަރާ ދެމެދުގެ ފިރިހެނުން ގަވާއިދުން ސްކްރީން ކުރުމަށް އާ އިރުޝާދުތަކެއް ނެރެފައެވެ. މި ބަދަލުގެ ދަށުން ބަލީގެ ނުރައްކާ ބޮޑު މީހުން އުމުރުން 45 އަހަރުން ފެށިގެން ކޮންމެ އަހަރަކު ޓެސްޓުކުރަން ލަފާދީފައިވާއިރު، މީގެ މަގުސަދަކީ ބަލި ކުރީކޮޅު ދެނެގަނެ މަރުވާ މިންވަރު މަދުކުރުމެވެ.

ޓޭލާ ސުވިފްޓަކީ ފޭކު ސަޕޯޓަރެއް ކަމަށް ކުޅުންތެރިން ބުނެފި

ނިއުޔޯކް ނިކްސްގެ ބައެއް ކުޅުންތެރިން ޓޭލާ ސުވިފްޓަކީ ދެއްކުންތެރިކަމަށް މެޗުތަކަށް އަންނަ "ފޭކު" ސަޕޯޓަރެއް ކަމަށް ބުނުމުން، އެ ޓީމުން އޭނާގެ ދިފާއުގައި ވާހަކަދައްކައިފިއެވެ. ޓީމުގެ ތަރުޖަމާނު ވަނީ ސުވިފްޓަކީ ގިނަ ދުވަސްތަކެއް ވަންދެން ޓީމަށް ސަޕޯޓްކުރާ ވަފާތެރިއެއްކަން ފާހަގަކޮށް، ކުޅުންތެރިންގެ ވާހަކަތައް ދޮގުކޮށްފައެވެ.

Newsletter

Get the latest news delivered straight to your inbox