މި ސަރުކާރުގައި ތިބީ ހަނިމާދޫ އެއާޕޯޓަށް ފުރައްސާރަކޮށް ދޮގު ފެތުރި މީހުން: ކައުންސިލްގެ ނައިބު ރައީސް

މި ސަރުކާރުގައި ތިބީ ހަނިމާދޫ އެއާޕޯޓަށް ފުރައްސާރަކޮށް ދޮގު ފެތުރި މީހުން: ކައުންސިލްގެ ނައިބު ރައީސް

ރާއްޖޭގެ އުތުރަށް، ހާއްސަކޮށް ބޮޑުތިލަދުން މައްޗަށް ތަރައްގީގެ އިންގިލާބީ ބަދަލެއް ގެނައުމުގެ ތަސައްވުރާއެކު އެމްޑީޕީގެ ވެރިކަމުގައި ފެށި ހަނިމާދޫ އިންޓަނޭޝަނަލް އެއާޕޯޓު ރަސްމީކޮށް ހުޅުވުމުގެ ޝަރަފު ރައީސް މުހައްމަދު މުއިއްޒުގެ ސަރުކާރަށް ލިބުނަސް، އެ ބޭފުޅުންނަކީ އެ މަޝްރޫއުއަށް ފުރައްސާރަކޮށް، ދޮގު ފެތުރި މީހުން ކަމަށް ހަނިމާދޫ ކައުންސިލްގެ ނައިބު ރައީސް ފިރާގު މުހައްމަދު ވިދާޅުވެއްޖެ އެވެ.

ހަނިމާދޫ އެއާޕޯޓު ރަސްމީކޮށް ހުޅުވުމަށް ރޭ ބޭއްވި ރަސްމިއްޔާތަށް ފަހު، ކުރީގެ ރައީސް އިބްރާހިމް މުހައްމަދު ސޯލިހު އާއި ރައްޔިތުންގެ ހަނިމާދޫ ދާއިރާގެ މެންބަރު އަބްދުލް ޣަފޫރު މޫސާ ޓެގުކޮށް ފިރާގު ކުރެއްވި ޕޯސްޓެއްގައި ވިދާޅުވީ "މިރޭ ހުޅުވިގެން މި ދިޔައީ ތިޔަ ބޭފުޅުންގެ ޒައާމަތުގައި އެޅި ބިންގާ" ކަމަށެވެ.

"އެ ދުވަހު، ދޮގާ ފުރައްސާރަ ކުރި މީހުން މިއަދު ކުރީ ސަފުގަ ތިބެ، އެ ޝަރަފު އެލިބިގަތީ،" ރައީސް މުހައްމަދު މުއިއްޒު އާއި މިހާރުގެ އިކޮނޮމިކް މިނިސްޓަރު މުހައްމަދު ސައީދު ހިމެނޭ ގޮތަށް އޭރު އިދިކޮޅުގައި ތިއްބެވި ބޭފުޅުން ދެއްކެވި ވާހަކަތަކަށް އިޝާރާތް ކުރައްވައި ފިރާގު ވިދާޅުވި އެވެ.

"މިއަދު އެ ނުވި [ހަނިމާދޫ އެއާޕޯޓު] ދުއްޕާނަކަށް ވެސް، އަދި އިންޑިއާ މިލިޓަރީ އެއާޕޯޓަކަށް ވެސް."

އިންޑިއާގެ އެގްޒިމް ބޭންކުން 136 މިލިއަން ޑޮލަރުގެ ލޯނު ނަގައިގެން ބިންގާ އަޅައި، މަސައްކަތް ފެށި، ހަނިމާދޫ އެއާޕޯޓު ހުޅުވުމުގެ ކުލަގަދަ ރަސްމިއްޔާތުގައި، އެއީ އެމްޑީޕީން ކުރި ކަމެއްކަން ވެސް ފާހަގައެއް ނުކުރެ އެވެ.

ނަމަވެސް އެ ރަސްމިއްޔާތަށް ފަހު ސޯޝަލް މީޑިއާގައި އެ ރަށުގެ ރައްޔިތުންނާއި އެ ސަރަހައްދުގެ އާންމުން އެމްޑީޕީ އަށް ޝުކުރު އަދާކޮށްފައިވެ އެވެ. އަދި މި މަޝްރޫއު ކާމިޔާބު ކަމާއެކު ނިންމީތީ މި ސަރުކާރަށް ވެސް މީހުން ޝުކުރު އަދާކުރެ އެވެ.

ހަނިމާދޫ އިންޓަނޭޝަނަލް އެއާޕޯޓު ތަރައްގީ ކުރަމުން ދިޔައިރު، އެއީ އިންޑިއާގެ އަސްކަރީ ބޭނުމަށް ތަރައްގީކުރާ ތަނެއް ކަމަށް އޭރު ޕީޕީއެމް/ޕީއެންސީން ބުނަމުން ދިޔަ ނަމަވެސް ރޭގެ ރަސްމިއްޔާތުގައި ރައީސް މުހައްމަދު މުއިއްޒު ވިދާޅުވީ އެއީ މުޅި ބޮޑުތިލަދުންމަތީގެ ހުރިހާ އަތޮޅެއްގެ ހުރިހާ ރަށެއްގެ ރައްޔިތުންގެ ތަރައްގީގެ ދޮރާށި ކަމަށެވެ.

ރިޔާސީ އިންތިހާބުގެ ކެމްޕޭނުގައި ހަނިމާދޫ އެއާޕޯޓު މަޝްރޫއުއާ ގުޅޭ ގޮތުން މުއިއްޒު ވިދާޅުވި ވާހަކަތަކުގެ ތެރޭގައި އިންޑިއާއަށް 15 ހެކްޓަރުގެ ބިން ދޭން އެމްޑީޕީ ސަރުކާރުން އެއްބަސްވެފައިވާ ކަމާއި ތަރައްގީކުރުމުގެ މަޝްރޫއުގެ މަސައްކަތް ކުރަން ކުލަ ހެދުމުގައި އައިސް ތިބީ ވެސް އިންޑިއާ ސިއިފައިން ކަމަށް ވިދާޅުވެފައިވެ އެވެ.

"މިތަނުގައި ބޭސްވެ، މިތަނުގައި ހިނގާ މަޝްރޫޢުތަކަށް ކުލަ ހެދުމުގައިސިފައިން އައިސް ތިބ،ެ މިއީ މިކަން ވެގެންވާނެގޮތެއް ނޫން. ބްރިޖު އަޅާށޭ ކިޔާފައިވެސް ކުލަ ހެދުމުގައި ސިފައިނ.ް ހަމައެކަނި ބަޑި ހިފަހައްޓައިގެން ތިބީމައެއް ނޫން ސިފައިން ސިފައިންނަށް ވަނީއެއ.ް ބަޑިވެސް ނެތްކަމެއް ނޭނގޭ،" ލ. ގަމުގައި ބޭއްވި ކެމްޕޭނު ޖަލްސާގައި މުއިއްޒު ވިދާޅުވެފައިވެ އެވެ.

"ބޭނުން އިރަކު ހަނިމާދޫ އެއާޕޯޓަށްވެސް ޖައްސަންވ،ީ ނައްޓާލަންވ.ީ އެތާ ތިބޭ މީހުންނަކަށް ނޭނގޭ އެތަނަށް ޖައްސ،ާ ނައްޓާލ،ާ މަތިންދާ ބޯޓެއް ފުރާކަމެއްވެސ،ް ގެންނަ އެއްޗެއްވެސް. އެހެންވީމާ މިހިސާބުގައި އަޅުގަނޑުމެންގެ މިނިވަންކަން މިއޮތީ. އަޅުގަނޑުމެން ހަމަ އޯކޭ ވެފައި ތިބެންވީތޯ؟ އޯކޭއެއް ނުވެވޭނެ މިނިވަންކަމާ ބެހޭގޮތުންނެއް."

މުއިއްޒު މިހެން ވިދާޅުވި ނަމަވެސް އެ މަނިކުފާނު ވެރިކަމަށް ވަޑައިގެން ވައުދުވި ގޮތަށް އިންޑިއާގެ އިސްކަރިއްޔާ ރާއްޖޭން ބޭރެއް ނުކުރެ އެވެ.

މިހާރު ވެސް ހަނިމާދޫ، ލ. ކައްދޫ އަދި އައްޑޫ ސިޓީ ގަމުގައި އިންޑިއާގެ އަސްކަރީ އުޅަނދު އެބަ ހުއްޓެވެ. އެ ތަކެތި އުދުއްސަން އިންޑިއާ އަސްކަރީ ޔުނިފޯމުގައި ތިބި މީހުންގެ ބަދަލުގައި، މުއިއްޒު އެއްބަސްވީ އިންޑިއާގެ ޑިފެންސް މިނިސްޓްރީގެ ދަށުން ހިންގާ ހިންދުސްތާން ހިންދުސްތާން އޭރޮނެޓިކްސްގެ މުވައްޒަފުން ބޭތިއްބުމަށެވެ.

ހަނިމާދޫ އެއާޕޯޓާ ގުޅޭ ގޮތުން މިހާރުގެ އިކޮނޮމިކް މިނިސްޓަރު މުހައްމަދު ސައީދު ކުރިން ވިދާޅުވި ވާހަކައެއްގެ ވީޑިއޯ ވެސް ރޭ އަލުން ސޯޝަލް މީޑިއާއަށް ތިލަވެ ދައުރުވަމުން އެބަ ދެ އެވެ. އެއީ "ދުއްޕާން" ނަމުގައި ޕީޕީއެމްއިން އޭރު ބޭއްވި ޖަލްސާގައި އޭނާ ދެއްކެވި ވާހަކަ އެވެ.

އެ ޖަލްސާގައި ސައީދު ވިދާޅުވެފައި ވަނީ ހަނިމާދޫގައި ހަދަނީ އެ ސަރަހައްދަށް ބޭނުން ނުވާވަރުގެ އަސްކަރީ ރަންވޭއެއް ކަމަށެވެ. އަދި އެ މަޝްރޫއުއަށް ދިވެހި ދައުލަތުގެ މާލިއްޔަތުން 135 މިލިއަން ޑޮލަރު ދައްކަން ޖެހުން އޭނާ ސިފަކުރެއްވީ އެއީ "ދުއްޕާނެއް" ކަމަށެވެ.

އިންޑިއާގެ އެގްޒިމް ބޭންކުގެ ލޯނުން ހިންގާ އެއާޕޯޓުގެ މަޝްރޫއަށް 136.6 މިލިއަން ޑޮލަރު ހަރަދުވާނެ އެވެ. އެއާޕޯޓުގައި އޮތީ 2.46 ކިލޯ މީޓަރުގެ ރަންވޭ އެކެވެ. މި އެއާޕޯޓު ތަރައްގީކޮށްފައި ވަނީ އަހަރަކު 1.3 މިލިއަން ޕަސެންޖަރުންނަށް ހިދުމަތް ދެވޭ ވަރަށެވެ.

އެ އެއާޕޯޓުގެ އާ ޓާމިނަލާއި ރަންވޭ އާއެކު ކޯޑު ސީ، ނުވަތަ އެންމެ ބޮޑެތި މަތިންދާ ބޯޓު ހަނިމާދޫ އަށް ޖެއްސޭނެ އެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox