ފެނަކައާ ހަވާލުކުރި ކޫލް ސްކޫލް ޕްރޮޖެކްޓު 58 މިލިއަން ރުފިޔާ އަށް އެސްޓާސްއަށް

ފެނަކައާ ހަވާލުކުރި ކޫލް ސްކޫލް ޕްރޮޖެކްޓު 58 މިލިއަން ރުފިޔާ އަށް އެސްޓާސްއަށް

ސަރުކާރު ސްކޫލްތަކުގެ ކްލާސްރޫމްތައް އޭސީ ކުރުމުގެ ޕްރޮޖެކްޓު 55 މިލިއަން ރުފިޔާއަށް ފެނަކަ ކޯޕަރޭޝަނަކާ ހަވާލުކޮށްފައި އޮތްވައި، އެއަށް ވުރެ އަގު ބޮޑުކޮށް އެ ޕްރޮޖެކްޓު އެސްޓާސްއާ ހަވާލުކޮށްފި އެވެ.

އެ ޕްރޮޖެކްޓު އެސްޓާސްއާ ހަވާލުކުރުމުގެ އެއްބަސްވުމުގައި އިއްޔެ ސޮއިކުރީ، ބީލަމަށް ނުލައި ބަހާލި ސަރުކާރުގެ 206 ޕްރޮޖެކްޓުއް ހަވާލުކުރުމަށް ބާސެލޯ ނަސައްދުރާގައި ވޭއްވި ރަސްމިއްޔާތުގަ އެވެ.

ސްކޫލްތައް އޭސީކުރުމަށް އެސްޓާސްއާ ހަވާލުކުރީ 58.4 މިލިއަން ރުފިޔާ އަށެވެ. މިއީ އެ މަސައްކަތް ފެނަކަ ކޯޕަރޭޝަނާ ހަވާލުކޮށްފައި އޮތް އަގަށް ވުރެ 3.4 މިލިއަން ރުފިޔާ ބޮޑު އަގެކެވެ.

މި މަޝްރޫއުގެ ދަށުން ކްލާސްރޫމްތަކުގައި ހަރުކުރާނީ 24،000 ބީޓީޔޫގެ 1500 އޭސީ އާއި 18،000 ބީޓީޔޫގެ 6500 އޭސީ ކަމަށް، އަދަދު ނޫހަށް ލިބިފައިވާ ބަހާލި ޕްރޮޖެކްޓުތަކުގައި މައުލޫމާތު ކަރުދާހެއްގައި ބުނެފައިވެ އެވެ.

އެސްޓާސްގެ ވެބްސައިޓުން ފެންނަން ހުރި އަގުތައް

  • 24,000 ބީޓީޔޫގެ އެއާކަންޑިޝަންތަކުގެ އަގު ހުރީ 8599ރ. އިން 10049ރ. ދެމެދު
  • 18000 ބީޓީޔޫގެ އެއާކަންޑިޝަންތަކުގެ އަގު ހުރީ 6999ރ. އާއި 8049ރ. އާ ދެމެދު

ސަރުކާރުގެ ހުރިހާ ސްކޫލެއްގެ ކްލާސް ރޫމްތަކުގައި އޭސީ ހަރުކުރުމުގެ މަޝްރޫއު ފެށީ ޖޫން 2، 2024 ގަ އެވެ. އެއަށް ފަހު އަހަރެއް ވެގެން ދިޔައިރު ވެސް މަޝްރޫއު ފުރިހަމަ ނުވެ އޮތުމުން، މި އަހަރުގެ ޖޫން 12 ގައި އެ މަޝްރޫއު ފެނަކައާ ހަވާލުކުރި އެވެ.

މި މަޝްރޫއުގެ ދަށުން ރާއްޖޭގެ އެކި ރަށްރަށުގެ ސްކޫލްތަކުން ޖުމްލަ 3،704 ކްލާސްރޫމް އޭސީ ކުރާނެ ކަމަށް އެޑިއުކޭޝަން މިނިސްޓަރު އިސްމާއީލް ޝަފީއު ވިދާޅުވި އެވެ.

ފެނަކައާ މަސައްކަތް ހަވާލުކުރުމަށް ފަހު އެޑިއުކޭޝަން މިނިސްޓަރު ޝަފީއު އޭރު ވިދާޅުވީ އަމާޒަކީ މި އަހަރުގެ ސެޕްޓެމްބަރު މަސް ނިމުމުގެ ކުރިން އޭސީތައް ރަށްރަށަށް ފޮނުވައި ހަރުކުރުމުގެ މަސައްކަތް ފެށުން ކަމަށެވެ.

ކޫލް ސްކޫލް މަޝްރޫއުގެ ދަށުން މެއި މަހުގެ ނިޔަލަށް ޖުމްލަ 401 ކްލާސް ރޫމެއްގައި 802 އޭސީ ހަރުކުރެވިފައިވާ ކަމަށް އެޑިއުކޭޝަން މިނިސްޓްރީން ބުނެފައިވެ އެވެ.

ވާދަވެރި ބީލަމެއް ނެތި ޕްރޮޖެކްޓުތައް ހަވާލުކުރާތީ އާންމުންގެ ފާޑުކިޔުމަށް ރައްދެއްގެ ގޮތުގައި، ރައީސް މުހައްމަދު މުއިއްޒު އިއްޔެ ވިދާޅުވީ މަޝްރޫއުތައް ހަވާލުކުރީ ގާނޫނާއި ގަވާއިދުގެ ތެރެއިން އިޖުރާއަތްތައް ފުރިހަމަކޮށްގެން ކަމަށެވެ. ކުންފުނިތަކުން ކުރިމަތިލީވެސް އެހެންވެ ކަމަށް އެ މަނިކުފާނު ވިދާޅުވި އެވެ.

ބަހާލި 206 ޕްރޮޖެކްޓުގެ ޖުމުލަ އަގު 2.7 ބިލިއަން ރުފިޔާ އަށް އަރަ އެވެ. އޭގެ ތެރެއިން 746 މިލިއަން ރުފިޔާގެ ޕްރޮޖެކްޓު ހަވާލުކުރީ ޕީއެންސީގެ މަޖިލީސް މެންބަރުން ފަސް މެންބަރެއްގެ ކުންފުންޏަށެވެ. އެއީ ޖުމުލަ 15 ޕްރޮޖެކްޓެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox