ދޮގު ވިޔަސް ތެދު ވިޔަސް ކެމްޕޭނުގައި ދެއްކި ވާހަކަތައް ލިޔެ ފޮތެއް ނެރުނީ މުއިއްޒު އެކަނި: ޒަމީރު

ރައްޔިތުންގެ މަޖިލިސް މައްޗަންގޮޅި މެދު ދާއިރާގެ މެންބަރު އަހުމަދު ޒަމީރު: ދޮގު ވިޔަސް ތެދު ވިޔަސް ކެމްޕޭނުގައި ދެއްކި ވާހަކަތައް ލިޔެ މުއިއްޒު ނޫން ރައީސަކު ފޮތެއް ނެރެފައެއް ނެތް ކަމަށް އޭނާ މިއަދު ވިދާޅުވި --- ފޮޓޯ: ރައްޔިތުންގެ މަޖިލިސް

ރައްޔިތުންގެ މަޖިލިސް މައްޗަންގޮޅި މެދު ދާއިރާގެ މެންބަރު އަހުމަދު ޒަމީރު: ދޮގު ވިޔަސް ތެދު ވިޔަސް ކެމްޕޭނުގައި ދެއްކި ވާހަކަތައް ލިޔެ މުއިއްޒު ނޫން ރައީސަކު ފޮތެއް ނެރެފައެއް ނެތް ކަމަށް އޭނާ މިއަދު ވިދާޅުވި --- ފޮޓޯ: ރައްޔިތުންގެ މަޖިލިސް

ދޮގަކަށް ވިޔަސް، ތެދަކަށް ވިޔަސް ރިޔާސީ ކެމްޕޭނުގައި ދެއްކި ވާހަކަތައް ފޮތެއްގެ ސިފައިގައި ނެރުނު ހަމައެކަނި ވެރިޔަކީ ރައީސް މުހައްމަދު މުއިއްޒު ކަމަށް މައްޗަންގޮޅި މެދު ދާއިރާގެ މެންބަރު އަހުމަދު ޒަމީރު ވިދާޅުވެއްޖެ އެވެ.

ރައްޔިތުންގެ މަޖިލީހުގެ މިއަދުގެ ޖަލްސާގައި ވާހަކަދައްކަވަމުން ޒަމީރު މިހެން ވިދާޅުވީ މުއިއްޒު ދޮގު ހައްދަވާ ކަމަށް ބުނެ އިދިކޮޅުން ދައްކަވާ ވާހަކަތަކަށް ރައްދު ދެއްވަމުންނެވެ. މުއިއްޒު ދޮގު ހަދާ ކަމަށް ބުނަނީ ރައްޔިތުންގެ ހިތުގައި ސަރުކާރާމެދު ނަފުރަތާއި ހަސަދަ އުފައްދަން ކަމަށް ވެސް ޒަމީރު ވިދާޅުވި އެވެ.

"ދިވެހި ރާއްޖޭގެ ވެރިކަމަށް ކުރިމަތިލި ލައްވައިގެން އައި އެއްވެސް ވެރިޔަކު، ދޮގު ވިޔަސް، ތެދު ވިޔަސް. އެމަނިކުފާނު، އެބޭފުޅަކު ކެމްޕޭނުގަ ދެއްކި ވާހަކަ ފޮތެއްގެ ސިފައިގަ ލިޔެފަކާއެއް ނެތޭ. އެހެންވީމަ އެ ދޮގު ކަމަށް އަޅުގަނޑުމެންނަށް ނިންމޭނީ. އަދި ތެދު ކަމަށް ވެސް ނިންމޭނީ ފަސް އަހަރު ނިންމުމަށް ފަހުއޭ،" ޒަމީރު ވިދާޅުވި އެވެ.

ކެމްޕޭނު ވައުދު ފޮތުގައި ހުރި ކަންކަމުގެ އަމަލީ މަސައްކަތް މިހާރު ފެންނަމުންދާ ކަމަށާއި އެ ފޮތުގައި ހުރި ކަންކަމަކީ ދޮގަކަށް ވާނީ ފަސް އަހަރުގެ ދައުރު ނިމުމުން ކަމަށް ވެސް ޒަމީރު ވިދާޅުވި އެވެ.

"އަޅުގަނޑުމެން ވެރިކަން ހަވާލުކުރީ އަދުގެ ރައީސުލްޖުމްހުރިއްޔާއަށް ފަސް އަހަރަށޭ. އެ ފަސް އަހަރު ދުވަސް ތެރޭގަ ކުރައްވާނެ ކަންތައްތަކޭ ރައީސް ވިދާޅުވެފަ އޮތީ. އެހެންވީމަ މިއަދަކު ދޮގު، ދޮގު ކިޔައިގެން އަޅުގަނޑުމެންނާ ދިމާލަށް އެއްޗެހި ކިޔުމުގެ ބޭނުމަކީ ސަރުކާރާ އިދިކޮޅަށް މަގުމަތީގައި އެއްވުންތައް އެއްވުމާއި އަދި މި ސަރުކާރާށް ޖެއްސުންކޮށް ގޯނާކުރުން،" ޒަމީރު ވިދާޅުވި އެވެ.

އޭނާ މިހެން ވިދާޅުވި ނަމަވެސް މުއިއްޒު ރިޔާސީ ވައުދުގެ ތެރޭގައި ވަކި ތާރީހުތަކެއްގައި ފަށައި ނިންމަން ވައުދުވި ގިނަ މަޝްރޫއުތަކެއް ހިމެނެ އެވެ. މީގެ ގިނަ ކަންކަން ވައުދާ އެއްގޮތަށް ކުރެވެމުން ނުދެ އެވެ. މިކަމާ ގުޅިގެން އާންމުންނާއި އިދިކޮޅު ސިޔާސީ ފިކުރުގެ މީހުން ދަނީ މުއިއްޒު އަކީ ދޮގުވެރިއެއް ކަމަށް ބުނަމުންނެވެ.

ވެރިކަމަށް ވަޑައިގެންނެވި ފަހުން ވެސް މުއިއްޒު ގެންދަވަނީ އެކި ކަންކަމާއި ގުޅިގެން ފާޅުގައި ދޮގު ހައްދަވަމުންނެވެ. މި ފަހުން އެކަން ފާހަގަވީ ފައިސާ ޗާޕުނުކުރާނެ ކަމަށް ބުނެ ހެއްދެވި ދޮގެވެ.

ނަމަވެސް ސަރުކާރުން ދަނީ ކޮންޓްރެކްޓަރުންނަށް ފައިސާ ދެއްކުމަށް ޕެންޝަން އޮފީހުން ގަނެފައި ހުރި ޓީބިލުތަކެއް އެމްއެމްއޭއަށް ގަނެ، އެ ފައިސާ ބޭނުންކޮށްގެން ޕެންޝަން އޮފީހަށް ބޮންޑެއް ވިއްކައިގެން "ފައިސާ ޗާޕު" ކުރަން މަސައްކަތް ކުރަމުންނެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox