މަސްތުވެގެން ހުރެ ފުލުހަކަށް ހަމަލާ ދިން މައްސަލައަކުން ދަރިފުޅު ސަލާމަތް ކުރަން ފަރުހާދު އުޅުނު ކަމުގެ ތުހުމަތުތަކެއް

ފަރުހާދު ފިކުރީ ރައީސް މުއިއްޒާއެކު: އޭނާގެ ނުފޫޒު ބޭނުންކޮށްގެން ދަރިފުޅު ސަލާމަތް ކުރަން އުޅުނު ކަމަށް ތުހުމަތު ކުރެވޭ -- ފޮޓޯ: ޕޮލިސް

ފަރުހާދު ފިކުރީ ރައީސް މުއިއްޒާއެކު: އޭނާގެ ނުފޫޒު ބޭނުންކޮށްގެން ދަރިފުޅު ސަލާމަތް ކުރަން އުޅުނު ކަމަށް ތުހުމަތު ކުރެވޭ -- ފޮޓޯ: ޕޮލިސް

ޑެޕިއުޓީ ކޮމިޝަނާ އޮފް ޕޮލިސް ފަރުހާދު ފިކުރީގެ ދަރިފުޅު މަސްތުވެގެން ހުރެ ފުލުހަކަށް ހަމަލާދިން މައްސަލައަކުން އޭނާ ސަލާމަތް ކުރަން ފަރުހާދު ނުފޫޒު ބޭނުން ކުރިކަމުގެ ތުހުމަތުތަކެއް ފެންމަތިވެއްޖެ އެވެ.

ފަރުހާދަށް ތުހުމަތު ކުރެވެނީ އޭނާގެ ދަރިފުޅު، މުހައްމަދު ފައުޒާން ފަރުހާދު ފެބްރުއަރީ 27، 2025، ގައި ހައްޔަރު ކުރުމުން، ނުފޫޒު ބޭނުންކޮށްގެން ދަރިފުޅު ސަލާމަތް ކުރަން އުޅުނު މައްސަލައެކެވެ.

މީގެ ކުރިން 2014 ވަނަ އަހަރު، އުމުރުން 16 އަހަރުގެ ކުޑަ އަންހެން ކުއްޖަކު ރޭޕުކޮށް އޭނާގެ ބަރަހަނާ މަންޒަރު ނެގި މައްސަލައެއްގައި ވެސް ފައުޒާން ހައްޔަރު ކުރި އެވެ. އެފަހަރު، ފައުޒާންގެ ފޯނު ފުލުހުންގެ ބެލުމުގެ ދަށުގައި އޮއްވާ އެއިން ހެކި ނައްތާލި މައްސަލައެއްގައި ވެސް ފަރުހާދަށް ތުހުމުތަކެއް ކުރެވުނެވެ. ހެކި ނައްތާލީ ސީދާ ފަރުހާދު ކަމަށް ތަހުގީގުތަކުން ސާބިތުވި އެވެ.

Advertisement

މި ފެބްރުއަރީ މަހު ފެންމަތި މައްސަލައިގައި ފަރުހާދުގެ ދަރިފުޅު ފައުޒާންއަށް ތުހުމަތު ކުރެވެނީ، ހުޅުމާލޭގައި ގްރޫޕު ހަދައިގެން ބާރަށް ސައިކަލު ދުއްވުމާއި ބިރުވެރިކަން އުފެދޭ ގޮތަށް އަމަލު ކުރުމެވެ. ފައުޒާން އާއި އޭނާގެ ގްރޫޕު ހުއްޓުވަން ހުޅުމާލޭގައި އެ ގަޑީގައި ހަރަކާތްތެރިވި ހުރިހާ ފުލުހުން މަސައްކަތް ކުރި އެވެ. އެމީހުން ހުއްޓުވުނީ 45 މިނެޓު ފަހުންނެވެ.

ގޭންގު ހަދައިގެން ހުޅުމާލޭގައި ބިރުވެރިކަން އުފައްދަން އުޅުނު މައްސަލައިގައި ފައުޒާން ހުއްޓުވަން މަސައްކަތް ކުރި ވަގުތު، ފުލުހަކަށް ވަނީ ހަމަލާދީފަ އެވެ. އެއިރު އޭނާ ހުރީ ވަރަށް ބޮޑަށް މަސްތުވެގެން ކަމަށްވެ އެވެ. ފައުޒާން ހައްޔަރުކޮށްގެން ފުލުސް އޮފީހަށް ގެންދިޔުމުން ކުޑަކަމުދާތަކެތި ދިނުމަށް ވަނީ އިންކާރުކޮށްފަ އެވެ.

ފައުޒާން ބަންދުގައި ހުއްޓައި، އޭނާއާ ބައްދަލު ކުރަން ސީނިއާ ފުލުހަކު ދިޔަ އެވެ. އޭގެ ފަހުން ކުޑަކަމުދާތަކެތި ދިނުމަށް ފައުޒާން އެއްބަސްވި އެވެ. އަދި ކުޑަކަމުދާތަކެތި ޓެސްޓު ކުރިއިރު، އޭނާ އެއްވެސް މަސްތުވާއެއްޗަކަށް ޕޮޒިޓިވް ނޫން ކަމަށް ނަތީޖާއިން ދެއްކި އެވެ.

ފައުޒާން ހައްޔަރު ކުރުމުގައި ހަރަކާތްތެރިވި ފުލުހުން ތުހުމަތު ކުރާ ގޮތުގައި، އޭނާގެ ކުޑަކަމުދާތަކެތި މަސްތުވާތަކެއްޗަށް ޕޮޒިޓިވްނުވީ، ފަރުހާދުގެ ނުފޫޒު ބޭނުންކޮށްގެން ނަތީޖާ އޮޅުވާލާފައިވާތީ ކަމަށެވެ. އެ މައްސަލައިގައި ފައުޒާން އަދި އޭނާގެ ގޭންގުގައި ހަރަކާތްތެރިވި މީހުންނަށް ބަންދުގެ މުއްދަތު ޖަހަން ކޯޓަކަށް ވެސް ނުގެންދެ އެވެ. އެއީ ވެސް ފަރުހާދު ނުފޫޒު ބޭނުންކޮށްގެން ކޮށްފައިވާ ކަމެއް ކަމަށް ފުލުހުން ތުހުމަތު ކުރެ އެވެ.

އެ މައްސަލައިގައި ފުލުހުން ސައިކަލެއް ވެސް ޓޯ ކުރި އެވެ. ސައިކަލު ޓޯކޮށް ބެލިއިރު، އެ ސައިކަލުގައި އަޅުވާފައި ހުރީ ނުބައި ނަންބޯޑެކެވެ. އެކަމަކު، ފަރުހާދުގެ ނުފޫޒު ބޭނުންކޮށްގެން އެ ސައިކަލު ޓޯޔާޑުން ނެރެފައިވާ ކަމަށް ތުހުމަތު ކުރެވެ އެވެ.

ފަރުހާދު ޑެޕިއުޓީ ކޮމިޝަނަރުގެ މަގާމަށް އައްޔަން ކުރީ ރައީސް މުހައްމަދު މުއިއްޒުގެ ސަރުކާރުގަ އެވެ. މިދިޔަ ސަރުކާރުގައި އޭނާ ފުލުހުންގެ ވަޒީފާއިން ވަކި ކުރަން ވެސް ނިންމި އެވެ. އޭނާ އާއި އިތުރު ހަ އޮފިސަރަކު ވަކި ކުރަން ނިންމީ، ފުލުހުންގެ އިސް އޮފިސަރުންގެ މައްސަލައެއް ނުއުޅޭކަން ކަށަވަރު ކުރަން ގާނޫނުން ލާޒިމު ކުރުމުން ބެލި ބެލުމުގެ ތެރެއިންނެވެ.

ކުރީގެ ޕޮލިސް ކޮމިޝަނަރު އަލީ ސުޖާއު އިސްތިއުފާ ދެއްވުމުން އެކްޓިން ޕޮލިސް ކޮމިޝަނަރުގެ މަގާމަށް އެންމެ ފުރަތަމަ އައްޔަން ކުރީ ވެސް ފަރުހާދެވެ. ނަމަވެސް މަދު ގަޑިއިރުތަކެއްގެ ތެރޭގައި އޭނާގެ އަތުން އެ މަގާމު ވަނީ އަތުލައިފަ އެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox