ކާށިދޫ ފަޅުގައި ރިސޯޓެއް ހަދަން އިންވެސްޓަރުންނެއް ނުވި، ލުއިތަކެއް ދީ އަނެއްކާވެސް ބީލަމަށް ހުޅުވާލައިފި

މުހައްމަދު މުއިއްޒު: ކާށިދޫ ފަޅުގައި ރިސޯޓު ތަރައްގީކުރަން އަނެއްކާ ހުޅުވާލީ އިތުރު ލުއިތައް ދިނުމަށްފަހު ކަމަށް ވިދާޅުވި -- ފޮޓޯ: ރައީސް އޮފީސް

މުހައްމަދު މުއިއްޒު: ކާށިދޫ ފަޅުގައި ރިސޯޓު ތަރައްގީކުރަން އަނެއްކާ ހުޅުވާލީ އިތުރު ލުއިތައް ދިނުމަށްފަހު ކަމަށް ވިދާޅުވި -- ފޮޓޯ: ރައީސް އޮފީސް

ކ. ކާށިދޫ ފަޅު (ކާށިދުއްފަރު) ގައި ރިސޯޓެއް ތަރައްގީ ކުރާނެ ބަޔަކު ހޯދަން މިދިޔަ އޭޕްރިލް މަހު އިއުލާން ކުރުމުން އިންވެސްޓަރުން ލިބިފައިނުވާތީ އިތުރު ލުއިތަކާއެކު އަނެއްކާ ވެސް އެ ފަޅުގައި ރިސޯޓެއް ތަރައްގީކުރުމުގެ ފުރުސަތު ހުޅުވާލާފައިވާ ކަމަށް ރައީސް މުހައްމަދު މުއިއްޒު ވިދާޅުވެއްޖެ އެވެ.

ކ. އަތޮޅުގެ ބައެއް ރަށްތަކަށް ކުރައްވާ ދަތުރުގެ ތެރެއިން ކާށިދޫ ރައްޔިތުންނާ ބައްދަލުކުރައްވާ މުއިއްޒު ވިދާޅުވީ ކާށިދޫ ފަޅުގައި ރިސޯޓެއް ތަރައްގީކުރަން ހުޅުވާލި ފުރުސަތުގައި އެކަމަށް އެއްވެސް ބަޔަކު ޝައުގުވެރިކަން ފާޅުކޮށްފައި ނުވާތީ، އަލުން ފުރުސަތު ހުޅުވާލީ ބޮޑެތި ލުއިތައް ދިނުމަށްފަހު ކަމަށެވެ.

"އެނގިވަޑައިގެންފައި އޮންނާނެ އަޅުގަނޑުމެން އިއުލާން ކުރިން. އެހެންނަމަވެސް ފުރަތަމަ އިއުލާން ކުރެވުނު މަރުހަލާގައި އެއްވެސް ފަރާތަކުން ޝައުގުވެރިކަން ފާޅެއް ނުކުރި. އެހެންކަމުން އެކަމެއް ނުވެ އަދި މިއޮތީ. އެހެންނަމަވެސް އަނެއްކާ އަޅުގަނޑުމެން ވަރަށް ބޮޑެތި ލުއިތައް މި ރަށަށް ހާއްސަކޮށް ލުއިތައް ދީފައި އަނެއްކާ ފުރުސަތު ހުޅުވާލައިފިން،" މުއިއްޒު ވިދާޅުވި އެވެ.

ތިމާވެށީގެ ގޮތުން އިޔާދަނުކުރެވޭނެ ވަރުގެ ގެއްލުމެއް ލިބިދާނެތީ ރިސޯޓެއް ނާޅާ ގޮތަށް މީގެ ކުރިން ނިންމާފައި އޮތް ކާށިދޫ ފަޅުގައި މިފަހަރު ހުޅުވާލި ފުރުސަތުގައި ރިސޯޓެއް އަޅަން އިންވެސްޓަރުން ލިބޭނެ ކަމަށް އުންމީދު ކުރައްވާ ކަމަށް މުއިއްޒު ވިދާޅުވި އެވެ.

މުއިއްޒު ވިދާޅުވީ ރިސޯޓު ތަރައްގީކުރުމުން ކާށިދޫއަށް އިގްތިސާދީ ތަރައްގީގެ އިތުރުން ވަޒީފަގެ ގޮތުން ވެސް ކުރިއެރުންތައް ލިބޭނެ ކަމަށާއި ލުއިތައް ދީގެން އަލުން އެ ފުރުސަތު ހުޅުވާލީ ވެސް އެހެންވެ ކަމަށެވެ.

ސްޓްރެޓިޖަކީ ބަލާއިރު މުހިންމު ސަރަހައްދެއްގައި ކާށިދޫ ފަޅު އޮތް ނަމަވެސް، ދުރުކަމުން ޓޫރިޒަމަށް އިންވެސްޓު ކުރަން ޝައުގުވެރިކަން ނެތުން އެއީ ސަބަބަކަސް ވެދާނެ ކަމަށް މުއިއްޒު ވިދާޅުވި އެވެ.

މީގެއިތުރުން މުއިއްޒު ކާށިދޫގައި އާރްޓީއެލް ނިޒާމުގެ އިތުރުން ދަތުރުފަތުރު ކުރުމަށް ސީޕްލޭންގެ ޝެޑިއުލް އޮޕަރޭޝަންތަކެއް ގާއިމުކުރުމަކީ ސަރުކާރުގެ ސިޔާސަތެއް ކަމަށެވެ. އެގޮތުން އެކަން ކުރުމަށް ބަލާއިރު ޓޫރިޒަމް އޮތުން ވެސް މުހިންމުވާ ކަމަށް މުއިއްޒު ވިދާޅުވި އެވެ.

"އަޅުގަނޑުމެން މި މަސައްކަތް ކުރަނީ މި ރިސޯޓު ހަދާނެ ފަރާތެއް ހޯދުމާއެކު ދާއިމީ ގޮތެއްގައި މިތަނުގައި ސީޕްލޭން އޮޕަރޭޝަން ވެސް ގެނެވޭ ގޮތަށް މިކަން ކުރަން. އެހެންވީމަ ސަރުކާރުގެ ސިޔާސަތު މިއޮތީ މިދެންނެވި ގޮތަށް ސީޕްލޭން ހިދުމަތް ދާއިމީކޮށް ޝެޑިއުލްކޮށް ހަމަޖެހޭނެ ގޮތަށް ޓޫރިޒަމާ އެކީގައި ގެނެވޭނެ ގޮތް ހެދުން،" މުއިއްޒު ވިދާޅުވި އެވެ.

ކާށިދޫ ފަޅުގައި ރިސޯޓެއް ތަރައްގީ ކުރުމަކީ ރައީސް ޑރ. މުހައްމަދު މުއިއްޒުގެ ރިޔާސީ ވައުދެކެވެ. ރިޔާސީ ކެމްޕޭނުގެ ތެރެއިން ސެޕްޓެމްބަރު 5، 2023 ގައި ކާށިދޫއަށް ވަޑައިގެން ދެއްކެވި ވާހަކައިގައި ރައީސް މުއިއްޒު ވިދާޅުވީ އެކަން ކުރާނީ ކާށިދޫއަށް ފައިދާވާނެ ގޮތެއްގެ މަތިން ކަމަށެވެ.

ފަޅު ހިއްކުމުގެ ސަބަބުން ތިމާވެއްޓަށް އިޔާދަނުކުރެވޭ ފަދަ ބޮޑު ގެއްލުމެއް ލިބިދާނެކަމަށް ބުނެ އެންވަޔަރަމެންޓަށް ޕްރޮޓެކްޝަން އެޖެންސީ (އީޕީއޭ) އިން ކަންބޮޑުވުން ފާޅުކުރުމާ ގުޅިގެން ކާށިދުއްފަރުގައި ރިސޯޓު ތަރައްގީ ނުކުރާން ނިންމީ ރައީސް މުހައްމަދު ނަޝީދުގެ ސަރުކާރުންނެވެ.

ކާށިދުއްފަރުގައި ރިސޯޓު ތަރައްގީކުރުމުގެ މަސައްކަތް އަލުން ފެށީ މިދިޔަ ސަރުކާރުންނެވެ. އެގޮތުން ކާށިދޫ ފަޅުގައި ރިސޯޓު ތަރައްގީކުރުމުގެ މަސައްކަތުގެ ދަށުން ޓޫރިޒަމް މިނިސްޓްރީން އެ ފަޅުގެ 180 ހެކްޓަރުގެ ސަރަހައްދެއްގެ ބެތިމެޓްރިކް ސާވޭ ހަދައިދޭނެ ބަޔަކު ހޯދަން އިއުލާނުކުރީ ސެޕްޓެމްބަރު 2022، ގަ އެވެ.

ކާށިދޫ ފަޅުގައި ރިސޯޓެއް ތަރައްގީ ކުރުމަކީ ކުރީގެ ރައީސް އިބްރާހިމް މުހައްމަދު ސޯލިހުގެވެސް ރިޔާސީ ވައުދުކެވެ. ޓޫރިޒަމުން 2022 ގައި ބުނީ ދިރާސާ ކުރަނީ އެ ފަޅުގައި ރިސޯޓެއް ތަރައްގީ ކުރުމަކީ ދެކޮޅު ޖެހޭ ކަމެއްތޯ ބެލުމަށެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox