މާމިގިއްޔަށް މުއިއްޒުވީ އެންމެ ބޮޑު ވައުދު, މާމިގިލި ޕޯޓުގެ ވާހަކައެއް ނެތް

ރައީސް މުހައްމަދު މުއިއްޒު: ކައުންސިލާ ބައްދަލުކުރައްވާ ވެސް ޕޯޓުގެ ހިދުމަތް ފެށޭނެ ތާރީހެއް ވިދާޅުވެފައެއް ނުވޭ -- ފޮޓޯ: ރައީސް އޮފީސް

ރައީސް މުހައްމަދު މުއިއްޒު: ކައުންސިލާ ބައްދަލުކުރައްވާ ވެސް ޕޯޓުގެ ހިދުމަތް ފެށޭނެ ތާރީހެއް ވިދާޅުވެފައެއް ނުވޭ -- ފޮޓޯ: ރައީސް އޮފީސް

ރައީސް މުހައްމަދު މުއިއްޒު އދ. މާމިގިލި ރައްޔިތުންނަށް ވެވަޑައިގެންނެވި އެންމެ ބޮޑު ވައުދު ކަމުގައިވާ، އެ ރަށު އިންޓަނޭޝަނަލް ޕޯޓު އަލުން ހުޅުވުމުގެ ވާހަކަ ނަން ވެސް ނުގަންނަވައި، އެ ރަށުން ފުރާވަޑައިގެންފި އެވެ.

ރިޔާސީ އިންތިހާބުގެ ކެމްޕެއިނުގައި މުއިއްޒު މާމިގިއްޔަށް ވަޑައިގެން އެ ރަށު ރައްޔިތުން ގާތު ވިދާޅުވީ، އިންތިހާބު ވެއްޖެ ނަމަ، ސަރުކާރުން މާމިގިލީ އިންޓަނޭޝަނަލް ޕޯޓު އަލުން ހުޅުވައި، ފީސިބަލް ތަނަކަށް ހެދުމަށްފަހު ހިދުމަށް ދޭން ފަށާނެ ކަމަށެވެ.

"ޕޯޓެއް ކުރިއަށްދާނ،ީ ޕޯޓާ ގުޅިގެން ކުރަންޖެހޭ ކަންކަން ހިމަނައިގެން. އެހެންވީމާ ޕޯޓު ހަގީގަތަކަށް ހަދައި ފީސިބަލް ތަނަކަށް ހެދުމަކީ އަޅުގަނޑުމެން އިރާދަކުރެއްވިއްޔާ މި ރަށުގެ ރައްޔިތުންނާއި ފެސިލިޓީއެއް މިރަށުގައި ގާއިމްކޮށްދޭނެ ވާހަކަ ދަންނަވަން،" މުއިއްޒު ވިދާޅުވި އެވެ.

Advertisement

މާމިގިއްޔަށް އިއްޔެ މުއިއްޒު ވަޑައިގެން، އެ ރަށު ކައުންސިލާ ބައްދަލުކުރައްވާ ވެސް ޕޯޓުގެ ހިދުމަތް އަލުން ފެށުމަށް އޮތް ޕްލޭނެއް ވިދާޅެއް ނުވެ އެވެ. ޕޯޓުގެ ހިދުމަތް ފެށޭނެ ތާރީހެއް ވެސް ވިދާޅެއް ނުވެ އެވެ.

މައުލޫމާތު ހުރި އެކި މަސްދަރުތަކުން އަދަދު އަށް ކަށަވަރު ކުރެވިފައިވާ ގޮތުގައި މާމިގިލީ އިންޓަނޭޝަނަލް ޕޯޓު ހުޅުވުމަށް މި ސަރުކާރުން މިހާތަނަށް އެއްވެސް މަސައްކަތެއް ނުކުރެ އެވެ.

މާމިގިލީ އިންޓަނޭޝަނަލް ޕޯޓު ތަރައްގީކުރުމަށް ކުރީގެ ރައީސް އަބްދުﷲ ޔާމީންގެ ސަރުކާރުން ނިންމައި އެ މަސައްކަތް އެމްޕީއެލްއާ ހަވާލުކުރީ 2017 ގަ އެވެ. އެ މަޝްރޫއުގެ މަސައްކަތް ނިންމައި ޕޯޓުގެ ހިދުމަތް ދޭން ފެށީ 2018 ވަނަ އަހަރު އެވެ. ޕޯޓުން ހިދުމަތް ދިނުން ހުއްޓުނީ މިދިޔަ ސަރުކާރުގަ އެވެ.

ޕޯޓުގެ އިތުރުން މި ސަރުކާރުން މާމިގިލީގައި ފަށަން ވައުދުވި މަޝްރޫއުތަކުގެ ތެރޭގައި ހިމެނެނީ މަގުތައް ޒަމާނީ ފެންވަރަށް ތަރައްގީކުރުން، ޔުނިވާސިޓީ ކެމްޕަހެއް ގާއިމުކުރުން، އޭޓީއެމް ހިދުމަތް، އާ މިސްކިތެއް އިމާރާތްކުރުން، ފެންވަރު ރަނގަޅު ހޮސްޕިޓަލެއް އަދި ޒުވާނުންނަށް ސްޕޯޓްސް ފެސިލިޓީއެއް އެޅުމެވެ.

ނަމަވެސް އެ މަޝްރޫއުތަކުގެ ތެރެއިން ގިނަ މަޝްރޫއުތަކުގެ މަސައްކަތް ރޭ އެކި ފަރާތްތަކާ ހަވާލު ކުރި ނަމަވެސް، ސަރުކާރަށް ދެ އަހަރު ފުރުމާ ގާތްވަމުންދާއިރު އެއްވެސް މަޝްރޫއެއްގެ އަމަލީ މަސައްކަތް ފެށިފައި ނުވާކަން ފާހަގަކުރެވެ އެވެ.

މަޝްރޫއުތަކުގެ މަސައްކަތް ނުފެށި ދިގުލައިގެންދާތީ އެކަމާ ގުޅިގެން އެ ރަށުގެ ރައްޔިތުންގެ ކަންބޮޑުވުން މި ނޫހާ ވަނީ ހިއްސާކޮށްފަ އެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox