މަޖުބޫރީ ހާލަތު މެދުވެރިވެގެން މާލެއިން ބޭރުގައި އުޅުނު މީހުންނަށް ފްލެޓު ނުލިބޭނެ ކަމަށް އަންގާކަމުގެ ތުހުމަތު

ގެދޮރުވެރިޔާ ފްލެޓު ލިބުނު މީހުންނަށް ފްލެޓު ހަވާލު ކުރުން ލަސްވަމުންދާތީ އެކަމާ ދެކޮޅަށް މީގެ ކުރިން އޭސީސީގެ ތެރޭގައި ކުރި އިހުތިޖާޖެއްގެ ތެރެއިން -- ފޮޓޯ: އަދަދު

ގެދޮރުވެރިޔާ ފްލެޓު ލިބުނު މީހުންނަށް ފްލެޓު ހަވާލު ކުރުން ލަސްވަމުންދާތީ އެކަމާ ދެކޮޅަށް މީގެ ކުރިން އޭސީސީގެ ތެރޭގައި ކުރި އިހުތިޖާޖެއްގެ ތެރެއިން -- ފޮޓޯ: އަދަދު

މިދިޔަ ސަރުކާރުގެ ބޯހިޔާވަހިކަމުގެ ސިޔާސަތުގެ ދަށުން ހިންގި ގެދޮރުވެރިޔާ ސްކީމުން ފްލެޓު ލިބޭ މީހުންގެ ތެރޭގައި ހިމެނުނު ބައެއް މީހުންނަށް ފްލެޓު ނުލިބޭނެ ކަމަށް ބުނެ ސަރުކާރުން ލިޔުން ފޮނުވަމުންދާ ކަމަށް ފަހި ޔޫނިއަނުން ތުހުމަތުކޮށްފި އެވެ.

އެ ޔޫނިއަނުން މިއަދު ނެރުނު ނޫސްބަޔާނެއްގައި ބުނީ އެކިއެކި މަޖުބޫރީ ސަބަބުތަކަށްޓަކައި މާލެއިން ބޭރަށް ދާންޖެހުނު މީހުންނަށް ފްލެޓު ނުލިބޭނެ ކަމަށް ސަރުކާރުން އަންގަމުންދާ ކަމަށެވެ. އޭގެތެރޭގައި އެކި މައްސަލަތަކުގައި ޖަލަށް ލާފައި ތިބި މީހުންނާއި އެ ނޫން ވެސް ބައެއް މީހުންނަށް ފްލެޓު ނުލިބޭނެ ކަމަށް ސަރުކާރުން އަންގަމުންދާ ކަމަށް އެ ބަޔާނުގައި ބުންޏެވެ.

"މާލޭގައި މުޅި އުމުރު ވެއަތުކުރަމުންދަނިކޮށް އެކިއެކި ސަބަބުތަކަށްޓަކައި ޖަލުބަންދުގައި ތިބެންޖެހުނު ފަރާތްތަކާއި އަދި އެ ފަރާތްތަކުގެ މައްޗަށް އާހިރުގައި ކުށް ސާބިތު ނުވާ ފަރާތްތަކާއި ދިގު މުއްދަތަކަށް ރާއްޖެއިން ބޭރުން ބޭސްފަރުވާ ކުރުމަށް މަޖުބޫރުވި ފަރާތްތަކާއި ތައުލީމު ހާސިލު ކުރުމަށް ރާއްޖެއިން ބޭރުގައި އުޅެން ޖެހުނު ފަރާތްތަކުގެ ފްލެޓު ލިބުމުގެ ހައްގު ނިގުޅައިގަތުމަށް މަސައްކަތް ކުރަމުންދާކަން ވަނީ ފާހަގަ ކުރެވިފަ އެވެ،" ފަހި ޔޫނިއަންގެ ބަޔާނުގައި ބުންޏެވެ.

އެ ބަޔާނުގައި ބުނީ ކޮވިޑުގެ ދުވަސްވަރު މާލޭގައި އުޅެވޭނެ ގޮތެއް ނެތިގެން ރާއްޖޭގެ އެކި ކަންކޮޅުތަކަށް ދިރިއުޅުން ވަގުތީ ގޮތުން ބަދަލުކުރި މީހުންނަށް ވެސް ފްލެޓު ނުލިބޭނެ ކަމަށް ބުނެ ސަރުކާރުން ލިޔުން ފޮނުވަމުންދާ ކަމަށެވެ.

އެގޮތަށް އެކަން ހިނގަމުންދާތީ އެކަން ރައީސުލްޖުމްހޫރިއްޔާ މުހައްމަދު މުއިއްޒުގެ ސަމާލުކަމަށް ގެންނަ ކަމަށް އެ ބަޔާނުގައި ބުންޏެވެ. އަދި އެކަން އެގޮތަށް ކުރުން ވަގުތުން ހުއްޓައިލުމަށް ފަހި ޔޫނިއަނުން ސަރުކާރަށް ގޮވާލައިފައިވެ އެވެ.

އޭގެއިތުރުން ރާއްޖޭގެ އެކި ކަންކޮޅުގަ އާއި މާލެ ސަރަހައްދުން މީގެ ކުރިން ދޫކޮށްފައި ހުރި ފްލެޓުތަކަށް ދައްކަންޖެހޭ ކުލި މި ސަރުކާރުން ކުޑަކޮށްދިން ނަމަވެސް ގެދޮރުވެރިޔާ ސްކީމުގެ ދަށުން ދޫކޮށްފައިވާ ފްލެޓުތަކުގެ ކުލި ކުޑަ ކޮށްދީފައި ނުވާކަން އެ ބަޔާނުގައި ފާހަގަކޮށްފައިވެ އެވެ.

ނަމަވެސް މީގެ ކުރިން ދޫކޮށްފައި ހުރި ފްލެޓުތަކުގެ ކުލި މި ސަރުކާރުން ކުޑަކުރިއިރު، ސަބަބެއްގެ ގޮތުގައި ދެއްކީ ޑޮލަރުގެ އަގު ބޮޑުވުމާއި ތަކެތީގެ ދިރިއުޅުމުގެ ހަރަދު އިންތިހާއަށް ބޮޑުވުން ކަމަށް އެ ބަޔާނުގައި ބުންޏެވެ.

"އެއިރު ޑޮލަރުގެ އަގު ހުރީ 16.50ރ. އަށެވެ. ނަމަވެސް މި 4000 ފްލެޓު ހަވާލު ކުރުމުގެ މަސައްކަތް ފެށިގެން މިދާ 2025 އަހަރުގައި ޑޮލަރުގެ އަގު ހުރީ 20ރ. އާއި 21ރ. ދެމެދުގަ އެވެ. ވީމާ ގައުމުގެ ހާލަތަށާއި ރައްޔިތުންގެ މާލީ އަދި އިގުތިސާދީ ހާލަތަށް ރިއާޔަތް ކުރައްވައި މި 4000 ފްލެޓުގެ ކުލި ކުޑަކޮށްދެއްވައި އަދި ޑައުންޕޭމަންޓު އުނިކޮށްދެއްވުމަށް ރައީސް މުއިއްޒުއަށް އިލްތިމާސް ކުރަމެވެ." އެ ބަޔާނުގައި ބުންޏެވެ.

ގެދޮރުވެރިޔާ ސްކީމުގެ ދަށުން ދޫކުރާ ދެ ކޮޓަރީގެ ފްލެޓަކަށް މަހު ކުލީގެ ގޮތުގައި ދައްކަން ޖެހެނީ 7000ރ. އެވެ. މެއިންޓެނެންސް ފީގެ ގޮތުގައި ދައްކަން ޖެހެނީ މަހަކު 1000ރ. އެވެ. ތިން ކޮޓަރީގެ ފްލެޓަކަށް މަހު ކުލީގެ ގޮތުގައި ދައްކަން ޖެހެނީ 9000ރ. އެވެ. މެއިންޓެނެންސް ފީގެ ގޮތުގައި ދައްކަން ޖެހެނީ 1500ރ. އެވެ.

އެއީ ކޮންމެ މަހެއްގެ ވެސް 10 ގެ ކުރިން ކުލި ދައްކާ ފަރާތްތަކުން ދައްކަންޖެހޭ އަދަދެވެ. މަހުގެ 10 އެއްގެ ފަހުން ކުލި ދައްކާ ނަމަ އެއަށްވުރެ ކުލި ބޮޑުވާނެ ކަމަށް އެފްޑީސީން ވަނީ ބުނެފަ އެވެ.

ގެދޮރުވެރިޔާގެ ދެ ކޮޓަރީގެ ފްލެޓަކަށް ސެކިއުރިޓީ ޑިޕޮސިޓުގެ ގޮތުގައި 15000ރ. ދައްކަންޖެހޭއިރު، ތިން ކޮޓަރީގެ އެޕާޓުމެންޓަކަށް ސެކިއުރިޓީ ޑިޕޮސިޓުގެ ގޮތުގައި ދައްކަން ޖެހެނީ 25000ރ. އެވެ.

ގެދޮރުވެރިޔާ ސްކީމުގެ ދަށުން ފްލެޓު ލިބޭ މީހުންނަށް އެ ތަންތަން ސަރުކާރުން ހަވާލު ކުރަނީ 25 އަހަރު ދުވަސް ވަންދެން އެފްޑީސީއަށް ކުލި ދެއްކުމުން މިލްކުވާ ގޮތަށެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox