އައްޑޫ ސިޓީ، ހިތަދޫގައި ރޭ ދަންވަރު ވަޅިން ހަމަލާދީގެން ޒަހަމްވި މީހަކަށް އައިސީޔޫގައި ފަރުވާދޭން ފަށައިފި އެވެ.
އަދަދު އަށް އެނގިފައިވާ ގޮތުގައި ރޭ ދަންވަރު ހިތަދޫ، ލެގޫން ލޮޖް (ކުރީގެ ޕެބްލްސް) ކުރިމަތީގައި ހިނގި އެ މާރާމާރީގައި ޒަހަމްވި މީހާއަށް ފަރުވާދެމުން އަންނަނީ އައްޑޫ އިކުއެޓޯރިއަލް ހޮސްޕިޓަލުގެ އައިސީޔޫގަ އެވެ.
ޒަހަމްވި މީހާއަށް އައިސީޔޫގައި ފަރުވާދެމުންދަނީ ސާޖަރީއަކަށްފަހު ރިކަވަރީއަށް ކަމަށާއި އޭނާގެ ފުރާނައަށް މިވަގުތު ނުރައްކަލެއް ނެތް ކަމަށް މައުލޫމާތު ލިބެ އެވެ.
މާރާމާރީ ހިންގި ސަރަހައްދު ރޭ ދަންވަރުން ފެށިގެން މިއަދު ހެނދުނު ވަންދެން ފުލުހުން ވަނީ ބަންދުކޮށް ފޮރެންސިކް ތަހުލީލުތަކެއް ކޮށްފަ އެވެ.
އެ މާރާމާރީއާ ގުޅޭގޮތުން މިހާތަނަށް ފުލުހުން އެއްވެސް އެއްޗެއް ހާމަކޮށްފައެއް ނުވެ އެވެ. އެގޮތުން މައްސަލައާ ގުޅިގެން މީހަކު ހައްޔަރުކުރި ކަމެއް ވެސް މިހާތަނަށް ސާފެއް ނުވެ އެވެ.
