އެފްއޭއެމްގެ ފައިސާ ބޭނުންކޮށްގެން ބައްސާމް ޕެންޓްހައުސް ގަތް މައްސަލައިގެ ޝަރީއަތް ފަށައިފި

Sep 10, 2025, 5:53 AM
އެފްއޭއެމްގެ ކުރީގެ ރައީސް ބައްސާމް އަދީލް ޖަލީލް: އެފްއޭއެމްގެ ގިނަ ފައިސާތަަކަށް ހިޔާނާތްތެރިވުމުގެ ތުހުމަތު ކުރެވޭ --- ފޮޓޯ: އަތޫފް އާތިފް/އަދަދު

އެފްއޭއެމްގެ ކުރީގެ ރައީސް ބައްސާމް އަދީލް ޖަލީލް: އެފްއޭއެމްގެ ގިނަ ފައިސާތަަކަށް ހިޔާނާތްތެރިވުމުގެ ތުހުމަތު ކުރެވޭ --- ފޮޓޯ: އަތޫފް އާތިފް/އަދަދު

ފުޓްބޯލް އެސޯސިއޭޝަން އޮފް މޯލްޑިވްސް (އެފްއޭއެމް) ގެ ރައީސް ކަމުގައި ބައްސާމް އަދީލް ޖަލީލް ހުންނަވައިގެން، އެ އެސޯސިއޭޝަނުގެ ފައިސާ ބޭނުންކޮށްގެން އަމީން އެވެނިއުއިން ޕެންޓްހައުސްއެއް ގަތް މައްސަލައިގެ ޝަރީއަތް އިއްޔެ ފަށައިފި އެވެ.

މި މައްސަލައިގައި ބައްސާމްގެ މައްޗަށް ތުހުމަތުކުރަމީ ފީފާއިން ފޮނުވި ފައިސާ، އެހެން ކުންފުނިތަކުގެ އެކައުންޓަށް ފޮނުވުމަށް ފަހު، އެ ކުންފުނިތައް މެދުވެރިކޮށް ޕެންޓްހައުސް ގަންނަން 25 މިލިއަން ރުފިޔާ އަމީން ކޮންސްޓްރަކްޝަނަށް ދެއްކި ކަމަށެވެ.

ބައްސާމަށް ތުހުމަތު ކުރަނީ މި ފައިސާ ދައްކަން އެފްއޭއެމްގެ 1.2 މިލިއަން ޑޮލަރަށް ހިޔާނާތްތެރިވީ ކަމަށެވެ. އޭނާގެ މައްޗަށް ކުރަނީ ހިޔާނާތްތެރިވުމާއި މަނީ ލޯންޑަރިން ދައުވާ އެވެ.

Advertisement

އިއްޔެ ޝަރީއަތް ފެށިއިރު، ބައްސާމްގެ ވަކީލެއް ނެތެވެ. އަދި އޭނާ ވަަނީ ވަކީލަކައިގެން ކުރިއަށް ދާން ބޭނުން ވާތީ ވަކީލެއް އައްޔަނުކުރަން އިތުރު ފުރުސަތެއް ދިނުމަށް އެދިފަ އެވެ. ނަމަވެސް ގާޒީ ވަނީ މި މައްސަލައިގައި ދައުވާ ކުރިތާ ގިނަ ދުވަސްތަކެއް ވެފައި ވާތީ އިތުރު ފުރުސަތެއް ނުދީ އިބުތިދާއީ މަރުހަލާ ފަށަން ނިންމާފަ އެވެ.

ދައުލަތުން ދައުވާ އިއްވުމުން ގާޒީ ވަނީ މި މައްސަލައިގައި އިތުރު ލިިޔެކިޔުންތަކެއް ލިބިފައިވާތީ އެ ލިޔުންތައް ދިރާސާކުރަން އިތުރު ވަގުތު ދީފަ އެވެ. އަދި މި މުއްދަތުގެ ތެރޭގައި ވަކީލެއް އައްޔަނުކުރެވުނަސް އަދި ނުކުރެވުނަސް ދެން އޮންނަ އަޑުއެހުމެއްގައި ޖަވާބުދާރީ ވާން ޖެހޭނެ ކަމަށް ގާޒީ ވިދާޅުވި އެވެ.

މި އަޑުއެހުން ތާވަލުކުރަނީ މި މަހުގެ 26 ވަނަ ދުވަހާއި 30 ވަނަ ދުވަހާ ދޭތެރޭގެ ދުވަހެއްގައި ކަމަށް ވިދާޅުވެ ގާޒީ ވަނީ އަޑުއެހުން ނިންމަވާލައްވާފަ އެވެ.

ދައުލަތުން ވަނީ މި މައްސަލައިގައި ލިބުނު ގެއްލުމުގެ ބަދަލުގެ ގޮތުގައި 1.2 މިލިއަން ޑޮލަރު ނެގުމަށާއި ޕެންޓްހައުސް ވެސް ދައުލަތަށް ނަގައިދިނުމަށް އެދިފަ އެވެ.

ބައްސާމްގެ މައްޗަށް ދައުވާ އުފުލާފައިވާ ހިޔާނާތުގެ އަނެއް މައްސަލައިގެ ޝަރީއަތް ކުރިއަށްދާއިރު، އެ މައްސަލަ އޮތީ ހެއްކާ ބެހޭ ގޮތުން ވާހަކަ ދައްކާ ހިސާބުގަ އެވެ. މި މަހުގެ ފަހުކޮޅަށް އެ މައްސަލައިގެ އަޑުއެހުންތަކެއް ތާވަލުކުރާ ގޮތަށް ވަނީ ހަމަޖެހިފަ އެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox