އޭދަފުށީގައި އަޅަން ހަވާލުކުރި 1000 ފްލެޓުގެ އަމަލީ އެއްވެސް މަސައްކަތެއް އަދިވެސް ނުފަށާ

ރައީސުލްޖުމްހޫރިއްޔާ މުހައްމަދު މުއިއްޒު އޭދަފުށްޓަށް ވަޑައިގެން ބޭއްވި ޖަލްސާގެ ތެރެއިން -- ފޮޓޯ: ރައީސް އޮފީސް

ރައީސުލްޖުމްހޫރިއްޔާ މުހައްމަދު މުއިއްޒު އޭދަފުށްޓަށް ވަޑައިގެން ބޭއްވި ޖަލްސާގެ ތެރެއިން -- ފޮޓޯ: ރައީސް އޮފީސް

ބ. އޭދަފުށީގައި އަޅަން މިދިޔަ އަހަރު ޗައިނާ ކުންފުންޏަކާ ހަވާލުކުރި 1000 ހައުސިން ޔުނިޓުގެ އަމަލީ އެއްވެސް މަސައްކަތެއް އަދިވެސް ނުފަށާ ކަމަށް އެ ރަށު ކައުންސިލުން ބުނެފި އެވެ.

އޭދަފުށީ ކައުންސިލްގެ ރައީސް، މުހައްމަދު ފާތިހު އަދަދު އަށް ވިދާޅުވީ ހައުސިން ޔުނިޓުތައް އެޅުމަށް ބޭނުންވާ ބިން އެ ރަށު ލޭންޑް ޔޫޒް ޕްލޭންގައި ހިމަނައި ކައުންސިލުން ފާސްކޮށްފައިވާ ކަމަށެވެ.

"ރައީސް ވިދާޅުވީ މި އަހަރު ތެރޭގައި އަމަލީ މަސައްކަތް ފެށިގެން ދާނެ ވާހަކަ،" ފާތިހު ވިދާޅުވި އެވެ.

Advertisement

"ވަރަށް ބޮޑު ޕްރޮޖެކްޓެއް ވީމާ ވާނެ ގޮތަކީ ފެށްޓޭނީ ވެސް ހަމަ ވަގުތަކުން ނުފެށްޓޭނެތާ ދޯ؟ ރައީސްގެ ވައުދުފުޅާ އެއްގޮތަށް އެކަންކަން ކުރިއަށް އެބަދޭ އިރާދަކުރެއްވިއްޔާމުން."

އޭދަފުށީގައި 1000 ހައުސިން ޔުނިޓު އެޅުމުގެ މަޝްރޫއު މިދިޔަ ނޮވެމްބަރު 16، ގައި ސަރުކާރުން ހަވާލުކުރީ ޗައިނާގެ ސިނޯހައިޑްރޯ ކޯޕަރޭޝަން ލިމިޓެޑާ އެވެ.

އެ މަޝްރޫއުގެ ދަށުން 15 ބުރީގެ 12 ޓަވަރު އިމާރާތް ކުރަން ނިންމާފައިވެ އެވެ. އޭގެތެރޭގައި ހިމެނެނީ ތިން ކޮޓަރީގެ 336 ފުލެޓާއި ދެ ކޮޓަރީގެ 672 ފުލެޓެވެ.

އެ ދުވަހުގެ ރަސްމިއްޔާތުގައި ވާހަކަ ދައްކަވަމުން ހައުސިން މިނިސްޓަރު، އަބްދުﷲ މުއްތަލިބު ވިދާޅުވީ އޭދަފުށްޓަކީ އާބަން ސެންޓަރެއްގެ ގޮތުގައި ސަރުކާރުން ތަރައްގީ ކުރަން ނިންމާފައިވާ ރަށަކަށް ވާތީ އެ ހައުސިން ޔުނިޓުތައް އަޅައި ނިމުމުން އެ ރަށާއި އެ ސަރަހައްދުގެ ރިސޯޓުތަކުގައި ވަޒީފާ އަދާކުރާ މީހުންނަށް އެ ތަންތަނުން ބޯހިޔާވަހިކަން ލިބިގެންދާނެ ކަމަށެވެ.

"އަޅުގަނޑުމެން މި ޕްރޮޖެކްޓު މިދެކެނީ ސަރުކާރުން ކަނޑައަޅާފައިވާ ބޯހިޔާވަހިކަމުގެ ސިޔާސަތު ތަންފީޒު ކުރުމަށްޓަކައި އެންމެ މުހިންމު، ފަށައިގަންނަން އެންމެ މުހިންމު ޕްރޮޖެކްޓަށް،" މުއްތަލިބު ވިދާޅުވި އެވެ.

ރައީސުލްޖުމްހޫރިއްޔާ މުހައްމަދު މުއިއްޒު ބ. އަތޮޅަށް ކުރައްވަމުން ގެންދަވާ ދަތުރުގެ ތެރެއިން އިއްޔެ އޭދަފުށްޓަށް ވަޑައިގެން ވާހަކަދައްކަވަމުން ވިދާޅުވީ އޭދަފުށީގައި އަޅަން ނިންމާފައިވާ ހައުސިން ޔުނިޓުތަކުގެ އަމަލީ މަަސައްކަތް މި އަހަރު ތެރޭގައި ފަށައި މި ދައުރު ތެރޭގައި ނިންމަވާނެ ކަމަށެވެ.

"އަޅުގަނޑުމެން ސޮއިކޮށްފައި ވާނެ މި ރަށުގައި 1000 ހައުސިން ޔުނިޓުގެ މަޝްރޫއުއެއް، އެކަމަށްޓަކައި ހަމަ ވަރަށް ގިނަ މަސައްކަތްތަކެއް ކުރެވެމުން ގޮސްފައިވޭ، އަޅުގަނޑު އިރާދަކުރެއްވިއްޔާ ތިޔަ ބޭފުޅުންނަށް މިރޭ ދޭން ބޭނުންވާ އެންމެ މުހިންމު މެސެޖަކީ އަދި ޔަގީންކަމަކީ މި މަޝްރޫއުގެ އަމަލީ މަސައްކަތް މި އަހަރު ތެރޭގައި ފަށައި އިރާދަކުރެއްވިއްޔާ އަޅުގަނޑުމެން ސޮއިކުރި ގޮތަށް މި ދައުރު ތެރޭގައި ތިޔަ ބޭފުޅުންނަށް އަޅުގަނޑުމެން ފޯރުކޮށްދޭނަމޭ ނިންމާފައި،" މުއިއްޒު ވިދާޅުވި އެވެ.

"އެހެންވީމާ 1000 ހައުސިން ޔުނިޓުގެ މަޝްރޫއު އަޅުގަނޑުމެން މި އަހަރު ތެރޭގައި ފަށާނަން، ފަށާއިރުގައި އަޅުގަނޑުމެން އެކި ބައިބަޔަށް، ބެޗުބެޗަށް ނޫނިއްޔާ ފޭސްތަކަށް ބަހާލަން ވެސް ޖެހިދާނެ، އެހެންނަމަވެސް އެ 1000 ހައުސިން ޔުނިޓުގެ މަޝްރޫއު މި އަހަރު ތެރޭގައި އަޅުގަނޑުމެން ފަށާނަން."

އޭދަފުށީގައި ހައުސިންގެ ބިޔަ ޕްރޮޖެކްޓެއް ހިންގުމަކީ ރައީސް ޑރ. މުހައްމަދު މުއިއްޒުގެ ރިޔާސީ ވައުދެކެވެ. ރިޔާސީ އިންތިހާބުގެ ކެމްޕެއިނުގެ ތެރެއިން އެ ރަށަށް ވަޑައިގެން ރައީސް ވިދާޅުވީ، އޭދަފުށި ވާނީ އެންމެ ގިނައިން ހައުސިން ޔުނިޓު އަޅުއްވައިދެއްވާނެ އެއް ރަށް ކަމުގަ އެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox