ކައުންސިލްތަކުގެ ބާރު ނެގުމުގެ ހުއްޖަތަކަށް މުއިއްޒު ދެއްކީ ހޮޅި ވާހަކަ އާއި ދޮގު: ޝުޖާއު

މިދިޔަ އަހަރުގެ މާޗު މަހު ރައީސް މުއިއްޒު ވ. އަތޮޅަށް ކުރެއްވި ދަތުރުގައި އަތޮޅު ކައުންސިލާ ބައްދަލު ކުރައްވަނީ. -- ފޮޓޯ: ރައީސް އޮފީސް

މިދިޔަ އަހަރުގެ މާޗު މަހު ރައީސް މުއިއްޒު ވ. އަތޮޅަށް ކުރެއްވި ދަތުރުގައި އަތޮޅު ކައުންސިލާ ބައްދަލު ކުރައްވަނީ. -- ފޮޓޯ: ރައީސް އޮފީސް

ވިޔަފާރި ކުރުމަށާއި މުވައްޒަފުން ނެގުމަށާއި ތަރައްގީގެ ޕްރޮޖެކްޓުތައް ހިންގަން ކައުންސިލަށް ލިބޭ ބާރު ހަނިކޮށް ލާމަރުކަޒީ ގާނޫނު ބަދަލު ކުރަން ބޭނުންވި ސަބަބެއް ކަމަށް ރައީސް މުހައްމަދު މުއިއްޒު އިއްޔެ ދެއްކެވީ ދޮގު އަދި ހޮޅި ވާހަކައެއް ކަމަށް، ވ. އަތޮޅު ކައުންސިލްގެ ރައީސް ޝުޖާއު އަލީ ވިދާޅުވެއްޖެ އެވެ.

މުއިއްޒު އިއްޔެ ބ. އަތޮޅަށް ފެށްޓެވި ދަތުރުގައި އެ އަތޮޅު ކެންދޫ އަށް ވަޑައިގެން އެ ރަށު ރައްޔިތުންނާ ބައްދަލުކުރައްވައި ވިދާޅުވީ ޒިންމާދާރު ނޫން ގޮތުގައި ބާރާއި ފައިސާ ބޭނުންކުރާ އެތައް ކައުންސިލެއް އެބަ ހުރި ކަމަށާއި މަޖިލީހުން ފާސްކޮށް، އަދި ތަސްދީގު ނުކޮށް އޮތް ބިލްގެ ބޭނުމަކީ ލޯކަލް ކައުންސިލް ކުންފުނިތަކުން ރަށުގެ ކުދި ވިޔަފާރީގެ ތެރެއަށް ވަނުން ހުއްޓުވުން ކަމަށެވެ.

"ބައެއް ކައުންސިލްތަކުން ލޯކަލް އޮތޯރިޓީ ކުންފުނިތައް ހަދައިގެން، ބައެއް ރަށްރަށުގައި ކުދިކުދި ވިޔަފާރިތައް، އާންމު ރައްޔިތުން ކުރަމުންދާ ވިޔަފާރިތަކަށް، އެ ކުންފުނިތަކުން ވަންނަ ވަނުން ހުއްޓުވަންވެސް އަޅުގަނޑުމެން މި އުޅެނީ. ރައްޔިތުން ބާރުވެރިކުރުވަން. ކިހިނެއް މިވަނީ؟ ކައުންސިލުން ލޯކަލް އޮތޯރިޓީ ކުންފުނި ހަދައިގެން، އެއްކަލަ އާންމު ރައްޔިތުން ކުރާ ވިޔަފާރީގެ ތެރެއަށްވަނީމަ، ކިހިނެއް އެ ރައްޔިތުންނަށް ވާނީ؟ އެ ރައްޔިތުންގެ ވިޔަފާރި ގެއްލޭނީ،" މުއިއްޒު ވިދާޅުވި އެވެ.

Advertisement

"އާންމު ރައްޔިތުން ރަށުގައި ކުރާ ވިޔަފާރީގެ ތެރެއަށް، ކައުންސިލްގެ ކުންފުނި ނުވަންނަގޮތަށް މި ބަދަލުކުރަނީ. އެއަށްވުރެ ފުޅާ، ބޮޑެތި ވިޔަފާރިތައް، ކައުންސިލް ކުންފުނިން ކުރަންވީ. އެއީ، މި ގެނައި އިސްލާހަކީ."

މި ވާހަކަ ޝުޖާއު ސިފަކުރެއްވީ ދޮގެއްގެ ގޮތުގަ އާއި "ހޮޅި ވާހަކައެއް"ގެ ގޮތުގަ އެވެ.

"މިއީ އެއްވެސް އަސާސެއް ނެތް "ހޮޅި" ވާހަކަފުޅެއް. ކެރިގެން ބުނަން ކެރޭ މި ގޮތަށް ހިންގޭ އެއްވެސް ކައުންސިލު ވިޔަފާރިއެއް ނެތް. ކައުންސިލު ކުންފުނީގެ ގޮތުގަ މުޅި ރާއްޖޭގަ މިވަގުތު އޮތީ ކިތައް ކުންފުނިކަން ނޭންގޭކަންވެސް މިހާރު ޔަގީންވެއްޖެ. ރޖ އެ ވިދާޅުވާ ހާލަތުގަ އެކަމެއް ނެތް. މުޅިން އިތުރުފުޅު ތިޔަ ހައްދަވަނީ." އޭނާ ވިދާޅުވި އެވެ.

ކައުންސިލުތަކަށް ލިބިދީފައި އޮތް ބާރުތައް ހަނިކޮށް ލާމަރުކަޒީ ގާނޫނަށް މުއިއްޒު ގެންނަ ބަދަލާ ދެކޮޅަށް މިހާތަނަށް 80 އަށް ވުރެ ގިނަ ކައުންސިލުން ވަނީ ބަޔާން ނެރެފަ އެވެ.

ވިޔަފާރި ކުރުމަށާއި ތަންތަން ކުއްޔަށް ދިނުމަށާއި ތަރައްގީގެ ޕްރޮޖެކްޓު ހިންގަން އަދި މުވައްޒަފުން ނަގަން ކައުންސިލުތަކަށް ލިބިދީފައި އޮތް ބާރު ހަނިކޮށް ލާމަރުކަޒީ ގާނޫނަށް ގެނައި އެ ބަދަލު މަޖިލީހުން ފާސް ކުރީ ބުދަ ދުވަހެވެ.

އެކަމަކު، މިހާތަނަށް އެ ބިލު ތަސްދީގެއް ނުކުރެ އެވެ. އެ ބިލު ތަސްދީގު ކުރަން ނުވަތަ އަނބުރާ ރައްޔިތުންގެ މަޖިލީހަށް ފޮނުވައިލަން މުއިއްޒަށް 15 ދުވަސް ލިބޭނެ އެވެ. އެ މުއްދަތުގައި ބިލު ތަސްދީގު ނުކުރައްވައިފި ނަމަ އޮޓަމެޓިކުން ބިލު ތަސްދީގުވާނެ އެވެ.

އެ ބިލާ ދެކޮޅަށް ބަޔާން ނެރުނު ކައުންސިލުތަކުގެ ތެރޭގައި ހދ. ކުޅުދުއްފުށީ ސިޓީ ކައުންސިލާއި ގދ. ތިނަދޫ ކައުންސިލާއި އައްޑޫ ސިޓީގެ މޭޔަރު އަލީ ނިޒާރު އަދި މާލޭގެ މޭޔަރު އާދަމް އާޒިމް ހިމެނެ އެވެ. ބިލާ ދެކޮޅަށް ލޯކަލް ކައުންސިލް އެސޯސިއޭޝަނުން ވެސް ވަނީ ބަޔާނެއް ނެރެފަ އެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox