ޗައިނާގައި އުފަންވާ ކޮންމެ ކުއްޖަކަށް 1500 ޑޮލަރު ދިނުމަށް އެ ގައުމުގެ ސަރުކާރުން ނިންމައިފި އެވެ.
ޗައިނާގެ ސަރުކާރުން ހާމަކޮށްފައިވާ ގޮތުގައި, އެ ގައުމުގައި އުފަންވާ އެގައުމުގެ ކޮންމެ ކުއްޖަކަށް, އެކުއްޖެއްގެ އުމުރުން 3 އަހަރު ވަންދެން އަހަރަކު 500 ޑޮލަރުގެ މަގުން 1500 ޑޮލަރު ލިބޭނެ އެވެ.
ޗައިނާގެ ދައުލަތުގެ މީޑިއާ އިން ހާމަކުރި ގޮތުގައި, މި ފަށާ ޗައިލްޑް ކެއާ ސަބްސިޑީ ޕްރޮގްރާމްގެ ސަބަބުން އެ ގައުމުގެ 20 މިލައަނަށް ވުރެ ގިނަ އާއިލާތަކަށް އެކަމުގެ ފައިދާކޮށް ދަރިން ބޮޑު ކުރުމުގައި ލުޔެއް ލިބިގެންދާނެ އެވެ.
ޔޫވާ ޕޮޕިއުލޭޝަން ރިސާޗް ސެންޓާ އިން ހަދާފައިވާ ދިރާސާ އަކުން ދައްކާ ގޮތުގައި ޗައިނާއަކީ ކުޑަ ކުއްޖަކު ބަލާ, ބޮޑު ކުުރުމަށް އެންމެ އަގުބޮޑު ގައުމު ތަކުގެ ތެރެއިން ގައުމެކެވެ. އެގޮތުން ކުއްޖަކު 17 އަހަރު ވަންދެން ބަލާ, ބޮޑު ކުރުމަށް 75700 ޑޮލަރު ހޭދަވާ ކަމަށް އެ ދިރާސާއިން ދައްކަ އެވެ.
ޗައިނާގެ ނެޝަނަލް ބިއުރޯ އޮފް ސްޓެޓިސްޓިކްސް އިން ހާމަކޮށްފައިވާ ގޮތުގައި އެ ގައުމުގައި 2024 ވަނަ އަހަރު 9.54 މިލިއަން ކުދިން ވިހާފައިވެެ އެވެ.
ޗައިނާގައި މިފަދަ ޗައިލްޑް ކެއަރ ސަބްސިޑީ ޕްރޮގްރާމެއް ފަށާފައި މިވަނީ ޖެހި ޖެހިގެން 3 ވަނަ އަހަރަށް އެގައުމުގެ އާބާދީ ދަށަށް ދާކަމަށް މި އަހަރުގެ ޖަނަވަރީ މަހު އިއުލާން ކޮށްފައިވަނިކޮށެވެ.
