ނ. އަތޮޅަށް ކުރެއްވި ދަތުރަށްފަހު ރައީސް ޑރ. މުހައްމަދު މުއިއްޒު އެނބުރި މާލެއަށް ވަޑައިގެންފި އެވެ.
ނ. އަތޮޅަށް ކުރެއްވި ދަތުރުގައި މުއިއްޒު ވަނީ އެ އަތޮޅުގެ 13 ރަށަށް ޒިޔާރަތް ކުރައްވައި، އެ ރަށްރަށުގެ ކައުންސިލްތަކާއި ރައްޔިތުންނާ ބައްދަލުކުރެއްވި އެވެ.
ދަތުރުގެ ތެރެއިން މުއިއްޒު ވަނީ ބައެއް ރަށްރަށުގައި ފިޓްނަސް އެންޑް ރެކްރިއޭޝަން ސެންޓަރުގެ މަސައްކަތް ފެއްޓެވުމާއި ޕޮލިސް ޕޯސްޓް ގާއިމު ކުރުމުގެ މަސައްކަތާއި ބިންހިއްކުމުގެ މަސައްކަތް ފައްޓަވައިދެއްވާފަ އެވެ.
ގެ އިތުރުންވެސް ރަށްރަށުގެ ސްކޫލްތަކާއި ޞިއްޙީ ޚިދުމަތްދޭ މަރުކަޒުތަކުގެ ބައެއް މަސައްކަތްތައް ވެސް މުއިއްޒު ފައްޓަވައިދެއްވި އެވެ.
ނ. އަތޮޅަށް ކުރެއްވި ދަތުރާއެކު މުއިއްޒު ވެރިކަމަށް ވަޑައިގެން ރާއްޖޭގެ ހުރިހާ ކައުންސިލަކާ ބައްދަލުކޮށް ވަނީ ނިމިފަ އެވެ. ނަމަވެސް ވެރިކަމަށް ވަޑައިގެން ފަހުން ރާއްޖޭގެ ހުރިހާ ރަށަކަށް މުއިއްޒުއަށް އަދި ނުދެވެ އެވެ. މުއިއްޒު ބައެއް ކައުންސިލްތަކާއި ބައްދަލުކުރީ އަތޮޅުގެ އެހެން ރަށްތަކުގަ އެވެ.
މި އަހަރު ބާކީ އޮތް ދުވަސްތަކުގައި ގިނަ މަސައްކަތްތަކެއްގެ އަމަލީ މަސައްކަތް ފެށައި އަންނަ އަހަރު ވައުދުވި ހުރިހާ މަޝްރޫއެއްގެ މަސައްކަތް ފައްޓަވާނެ ކަމަށާއި 2028 ގެ ނިޔަލަށް ވައުދުވި ހުރިހާ މަޝްރޫއެއްގެ މަސައްކަތް ނިންމާނެ ކަމަށް މުއިއްޒު ދަތުރުގެ ތެރެއިން ވިދާޅުވި އެވެ.
