ސަރުކާރުން މަސައްކަތް ކުރަނީ މަދު ބައެއްގެ ހިމާޔަތުގައި ކަމަށް ބުނެ ޕީއެންސީ ވެލިދޫ ދާއިރާގެ ނައިބު ރައީސް އެ ޕާޓީން ވަކިވެއްޖެ

ޕީއެންސީގެ ވެލިދޫ ދާއިރާގެ ނައިބު ރައީސް، އަބްދުالله ހުމެއިދު -- ފޮޓޯ: ފޭސްބުކް

ޕީއެންސީގެ ވެލިދޫ ދާއިރާގެ ނައިބު ރައީސް، އަބްދުالله ހުމެއިދު -- ފޮޓޯ: ފޭސްބުކް

ޕީއެންސީގެ ނ. ވެލދޫ ދާއިރާގެ ނައިބު ރައީސް، އަބްދުالله ހުމެއިދު އެ މަގާމުން އިސްތިއުފާދީ ޕާޓީން ވެސް ވަކިވެއްޖެ އެވެ.

ޕީއެންސީން ވަކިވިކަން އަންގައި ފޭސްބުކްގައި ހުމެއިދު ކުރި ދިގު ޕޯސްޓެއްގައި ބުނީ އޭނާ އެ ޕާޓީން ވަކިވީ ނިކަމެތިންނަށް ދެރަގޮތްވެފައި ބޮޑެތި ބޭފުޅުންނަށް މޮޅު ގޮތްވާ ދިމާލަށް ގައުމުގެ މިސްރާބު ޖެހުމުން ކަމަށެވެ.

"މި ނިންމުމަކީ ހަމަ ހުރެފައި ނިންމި ނިންމުމެއް ނޫން، މި ނިންމުން ނިންމަން މަޖުބޫރުވީ ގައުމު މިދާ މިސްރާބާ މެދު ހުރި ކަންބޮޑުވުންތަކުގެ ސަބަބުން، އާދައިގެ ނިކަމެތިންނަށް ދެރަގޮތްވެފައި ވަކި ބޭފުޅުންތަކަކަށް މޮޅު ގޮތްވާ ދިމާލަކަށް ގައުމުގެ މިސްރާބު ޖެހުމުން،" ހުމައިދުގެ ޕޯސްޓުގައި ލިޔެފައިވެ އެވެ.

Advertisement

ރައްޔިތުންގެ އާންމު ދިރިއުޅުމުގައި ތަހައްމަލު ކުރަންޖެހޭ ކަންތައްތައް ސަރުކާރަށް ރޭކާ ވެސް ނުލާ ކަމަށާއި ސަރުކާރުގެ ސިޔާސަތުތައް ހަދަނީ ބަންދު ކޮޓަރިތަކުގައި އެ ސިޔާސަތުތަކުގެ ސަބަބުން އަސަރު ކުރާނެ މީހުންގެ ބަހެއް ނެތި ކަމަށް ހުމެއިދުގެ ޕޯސްޓުގައި ލިޔެފައިވެ އެވެ.

ސަރުކާރުގެ އަމަލުތައް ހުރި ގޮތުން ދޭހަ ވަނީ ސަރުކާރުން މަސައްކަތް ކުރަނީ "އިއްޒަތްތެރި މަދު ބައެއްގެ" މަސްލަހަތު ހިމާޔަތްކޮށް ގިނަ ރައްޔިތުންގެ ގިނަ ކަންކަން މަދު މިންވަރަކުން ފުއްދުމުގެ ވިސްނުމެއްގައި ކަމަށް ހުމެއިދު ބުނެފައިވެ އެވެ.

"ދިރިއުޅުމުގެ އަގުތައް އަތުފަތު ނުޖެހޭ ހިސާބަށް އުފުލިގެން ދަނީ، ކާބޯތަކެއްޗާއި ކުއްޔާއި ކަރަންޓުގެ އިތުރުން ސިއްހީ ފަރުވާ އާއި ތައުލީމު ފަދަ ޒަރޫރީ ބޭނުންތައް ހޯދުމަށް ކޮންމެ ދުވަހަކު އެތައް އާއިލާއެއް ތަކުލީފުތަކާ ކުރިމަތިލާން މަޖުބޫރުވެއްޖެ، އަޅުގަނޑުމެންގެ ޒުވާނުން، މި ގައުމުގެ ކުރިމަގުގެ އުއްމީދުތައް ވެއްޔާ މޮޑެވެން ފަށައިފި،" ހުމެއިދު ބުނެފައިވެ އެވެ.

އެނާގެ ޕޯސްޓު ނިންމައިލަމުން ބުނެފައި ވަނީ އިޖުތިމާއީ ހިދުމަތައް އޭނާ ނުކުތީ ހުރިހާ އެންމެންނަށް ވެސް ފަހި ފުރުސަތުތަކާއި އިންސާފާއި ގަދަރު ހޯދައިދިނުމުގެ މަގުސަދުގައި ކަމަށެވެ.

"[ނަމަވެސް] އެ އަސްލުތައް ނެތް ސިޔާސީ ނިޒާމެއްގެ ތެރޭގައި ހަމަ ބުއްދީގައި ހުރެގެން އަޅުގަނޑަކަށް ނުހުރެވޭނެ،" ހުމެއިދު ލިޔެފައިވެ އެވެ.

މި ސަރުކާރުގެ ނިންމުންތަކަށް ފާޑުކިޔުމަށްފަހު ހުމެއިދު އެ ޕާޓީން ވަކިވެފައިވާއިރު، ޕީއެންސީ ޓިކެޓުގައި ހުޅުމާލެ ދެކުނު ދާއިރާގެ މަޖިލިސް ގޮނޑިއަށް ވާދަކުރެއްވި ޝާނީޒް ހާޝިމް ވެސް ވަނީ އެ ޕާޓީން މި ފަހުން ވަކިވެވަޑައިގެންފަ އެވެ.

ޕީއެންސީން ވަކިވުމަށްފަހު އެކްސްގައި ޝާނީޒް ކުރެއްވި ޕޯސްޓެއްގައި ވިދާޅުވީ އާންމު މީހާއަށް ހަމަހަމަ ފުރުސަތެއް އެ ޕާޓީން ކަށަވަރު ކޮށްދޭ ކަމަށް ގަބޫލު ނުކުރައްވާ ކަމަށެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox