މުޒާހަރާ ކުރުމުން ދައުވާކުރުމަށްފަހު ސަރުކާރުން އދ. ގައި ބުނީ އެއްވެ އުޅުމުގެ މިނިވަންކަން އޮންނަން ޖެހޭނެ ކަމަށް

މާލޭގައި ކުރި މުޒާހަރާއެއް ރާވަން ފުލުހުންގެ ސިފައެއް އެތުރިގެން: މުޒާހަރާ ކުރުމުން ޝިމަން އާއި މަހުޒޫމްއަށް ދައުވާކުރުމަށްފަހު ސަރުކާރުން އދ. ގައި ބުނީ އެއްވެ އުޅުމުގެ މިނިވަންކަން އޮންނަން ޖެހޭނެ ކަމަށް ---- ފޮޓޯ: އަދަދު

މާލޭގައި ކުރި މުޒާހަރާއެއް ރާވަން ފުލުހުންގެ ސިފައެއް އެތުރިގެން: މުޒާހަރާ ކުރުމުން ޝިމަން އާއި މަހުޒޫމްއަށް ދައުވާކުރުމަށްފަހު ސަރުކާރުން އދ. ގައި ބުނީ އެއްވެ އުޅުމުގެ މިނިވަންކަން އޮންނަން ޖެހޭނެ ކަމަށް ---- ފޮޓޯ: އަދަދު

މިދިޔަ އޭޕްރީލް މަހު މާލޭގައި ޒުވާނުން ކުރި މުޒާހަރާތައް ލީޑުކުރި އަބްދުالله މަހުޒޫމް މާޖިދު އާއި އައިޝަތު ޝިމަންގެ މައްޗަށް ޖިނާއީ ދައުވާ ކުރުމަށްފަހު، އެއްވެ އުޅުމުގެ މިނިވަންކަން އޮންނަން ޖެހޭ ކަމަށް ބުނެ ސަރުކާރުން އދ. ގައި ވޯޓު ދީފި އެވެ.

އެއްވެ އުޅުމުގެ ފުރިހަމަ މިނިވަން ދޭންޖެހޭ ކަމަށް ބުނެ ސަރުކާރުން ވޯޓު ދިނީ ޖުލައި 9، ގައި ނިންމާލި އދ. ގެ އިންސާނީ ހައްގުތަކާއި ބެހޭ ކައުންސިލްގެ 59 ވަނަ އާންމު ބައްދަލުވުމުގައި ފާސް ކުރި ގަރާރަކަށެވެ.

މި ބައްދަލުވުމަށްފަހު ދިވެހި ހާރިޖިއްޔާއިން ޖުލައި 10، ގައި ނެރުނު ބަޔާނެއްގައި އެއްވެ އުޅުމުގެ މިނިވަންކަމާއި އެއްކޮޅަށް ރާއްޖެއިން ޖޮއިންޓް ސްޓޭޓްމަންޓެއް ދިން ކަމަށް ވަނީ ބުނެފަ އެވެ. މި ބައްދަލުވުމުގައި ފާސް ކުރި ގަރާރުތަކުގެ ތެރޭގައި އެއްވެ އުޅުމުގެ މިނިވަންކަމާއި ބެހޭ ގަރާރު ހިމެނެ އެވެ.

ގަރާރުގައި އެއްވެ އުޅުމާއި ހިޔާލު ފާޅުކުރުމުގެ މިނިވަންކަމުގެ އިތުރުން ސިޔާސީ މަސައްކަތް ކުރުމުގެ މިނިވަންކަމާއި ގުޅޭ ހައްގުތަކުގެ ތަފުސީލުތައް ހިމެނެ އެވެ. މި ރިޒޮލިއުޝަން އެކުލަވާލި ކޯ ގްރޫޕުގައި ވެސް ރާއްޖެ ހިމެނެ އެވެ.

ސަރުކާރުން އދ. ގައި މިފަދައިން ވަކާލާތުކޮށްފައި ވާއިރު، މަހުޒޫމު އާއި ޝިމަން ލީޑުކުރި މުޒާހަރާތަކަކީ ސިޔާސީ މުޒާހަރާތަކެއް ނޫނެވެ. އެ ދެ މީހުންނަށް ދައުވާ ކުރީ ހ. މިޓާޒް ގޭގެ ފުރާޅު މައްޗަށް ވެއްޓިފައި އޮއްވައި ފެނުނު ހައްވާ ޔުމްނު ރަޝީދު، 21، އަށް އިންސާފު ހޯދައިދިނުމަށް ގޮވާލައި މާލޭގައި ޒުވާނުން އެތައް ރެއެއް މަތިން ކުރި މުޒާހަރާތަކުގެ ތެރެއިން ހައްޔަރު ކުރުމަށްފަހެވެ.

މަހުޒޫމްގެ މައްޗަށް ދައުލަތުން އުފުލާފައި ވަނީ ފުލުހެއްގެ ގައިގައި އަތްލުން ނުވަތަ އަނިޔާއެއް ކުރުމުގެ ކުށުގެ ދައުވާ އެވެ. ޝިމަންގެ މައްޗަށް ދައުލަތުން އުފުލާފައި ވަނީ ގާނޫނު ތަންފީޒު ކުރާ މުވައްޒަފެއްގެ މަސައްކަތަށް ގަސްދުގައި ހުރަސް އެޅުމުގެ ކުށުގެ ދައުވާ އެވެ.

މަހުޒޫމްއަށް ފޮނުވާފައިވާ ދައުވާ ފޯމުގައި ބުނެފައި ވަނީ މަހުޒޫމްގެ މައްޗަށް ދައުވާ އުފުލަނީ ގާނޫނުލްއުގޫބާތުގެ 120 ވަނަ މާއްދާގެ ހ. ގެ އެއްވަނަ ނަންބަރާ ހަވާލާދީ އެ މާއްދާގެ ށ. ގެ ތިންވަނަ ނަންބަރުގެ ދަށުން ކަމަށެވެ. އެ ކުށް ކުރާ މީހަކަށް ދެވޭ އަސާސީ އަދަބަކީ އެއް މަހާއި ހަ ދުވަހުގެ ޖަލު ހުކުމެކެވެ.

ޝިމަންއަށް ފޮނުވާފައިވާ ދައުވާ ފޯމުގައި ބުނެފައި ވަނީ އޭނާގެ މައްޗަށް ދައުވާ އުފުލަނީ ގާނޫނުލްއުގޫބާތުގެ 532 ވަނަ މާއްދާގެ ހ. އާ ހަވާލާދީ އެ މާއްދާގެ ށ. ގެ ދަށުން ކަމަށެވެ. އެ ކުށް ކުރާ މީހަކަށް ދެވޭ އަސާސީ އަދަބަކީ ހަތަރު މަހާއި 24 ދުވަހުގެ ޖަލު ހުކުމެކެވެ. އެ ކުށަށް ދެވޭ އެންމެ ބޮޑު އަދަބަކީ އެއް އަހަރު ދުވަހުގެ ޖަލު ހުކުމެކެވެ.

މުޒާހަރާގެ ތެރެއިން އެ ދެ މީހުން ހައްޔަރުކުރީ ފުލުހުން ބާރުގެ ބޭނުން ކުރުމަށްފަހު އެވެ. ހައްޔަރުކުރުމުގެ ތެރޭގައި އެ ދެ މީހުންނަށް އަނިޔާވި އެވެ. އެ އަނިޔާތަކަށް ފަރުވާ ހޯދުމަށް ވަގުތުން ވަގުތަށް ހޮސްޕިޓަލަށް ގެންދިޔުމަށް ފުލުހުން ދެކޮޅު ހެދި ކަމަށް ވެސް މަހްޒޫމް އާއި ޝިމަން ބުނެ އެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox