ރިސޯޓް ލީގު: ވިލަމެންދޫ ބަލިކޮށް ކޮންރެޑް ފައިނަލާ ގާތަށް

ރިސޯޓް ލީގު: ވިލަމެންދޫ ބަލިކޮށް ކޮންރެޑް ފައިނަލާ ގާތަށް

ރިސޯޓް ލީގުގެ އަރި ޒޯނުގައި ކޮންރެޑް މޯލްޑިވްސް ރަންގިލި އައިލެންޑުން، ވިލަމެންދޫ އައިލަންޑް ރިސޯޓް އެންޑް ސްޕާ ބަލިކޮށް ފައިނަލާ ގާތަށް ޖެހިލައިފި އެވެ.

މި މުބާރާތުގެ އަރި ޒޯނުގައި ކޮންރެޑުން ކުޅުނު ފުރަތަމަ މެޗުގައި ބާސެލޯ ވޭލް ލެގޫން މޯލްޑިވްސްއާ އެއްވަރުވީ 1-1 ގެ ނަތީޖާ އަކުންނެވެ. އެކަމަކު ޖެހިގެން އައި ދެ ވަނަ މެޗުގައި ލިލީ ބީޗް ރިސޯޓް އެންޑް ސްޕާ 1-0 ގެ ނަތީޖާ އަކުން ބަލިކުރި އެވެ.

އިއްޔެ ހަވީރު ވިލަމެންދޫގެ މައްޗަށް ކޮންރެޑުން ކުރިހޯދީ 4-1 ގެ ނަތީޖާ އަކުންނެވެ.

Advertisement

މި މެޗުގެ ހަތަރު ވަނަ މިނިޓްގައި ކޮންރެޑުން ވަނީ ގޯލު ޖަހައި ލީޑު ނަގައިފަ އެވެ. މި ގޯލު އެ ޓީމަށް ޖަހައިދިނީ މުހައްމަދު ރިފާއު ހަސަން އެވެ. އަދި އޭގެ ހަތް މިނިޓް ފަހުން، މެޗުގައި މޮޅު ކުޅުމެއް ދެއްކި ރިފާއު ވަނީ އިތުުރު ގޯލެއް ޖަހައި ކޮންރެޑަށް ލީޑު ފުޅާކޮށްދީފަ އެވެ.

ކޮންރެޑްގެ ތިން ވަނަ ގޯލު މެޗުގެ 33 ވަނަ މިނިޓްގައި އެ ޓީމަށް ޖަހައިދިނީ ހުސެއިން އީސަ އެވެ. އެކަމަކު އޭގެ ހަތަރު މިނިޓް ފަހުން ވިލަމެންދޫގެ އިބްރާހީމް ރިފާއު ވަނީ ގޯލެއް ޖަހައި ފަރަގު ކުޑަކޮށްފަ އެވެ.

ކޮންރެޑްގެ ހަތަރު ވަނަ ގޯލު މެޗުގެ ފަހު ވަގުތުކޮޅުގެ ތެރޭގައި އެ ޓީމަށް ޖަހައިދިނީ ވެސް އީސަ އެވެ.

ލީގު އުސޫލުން ކުޅޭ މި ޒޯނުގައި ކޮންރެޑަށް ބާކީ އޮތީ އެންމެ މެޗެކެވެ. އެއީ މާދަމާ ހަވީރު ކުރަމައްޗާ ދެކޮޅަށް ކުޅޭ މެޗެވެ. މި މެޗުން މޮޅުވެގެން ކޮންރެޑަށް ފައިނަލަށް ދިޔުމުގެ ފުރުސަތު އޮންނާނެ އެވެ.

ރިސޯޓް ލީގުގެ އަރި ޒޯނުގެ އެންމެ ކާމިޔާބު ޓީމަކީ ކޮންރެޑް މޯލްޑިވްސް އެވެ. ކޮންރެޑުން ވަނީ އަރި ޒޯނުގެ ތަށި ހަތް ފަހަރު ކާމިޔާބުކޮށްފަ އެވެ. އަދި ކޮންރެޑް ނޫން ޓީމަކުން މި ޒޯނުގެ ތަށި ނެގުނު ހަމައެކަނި ޓީމަކީ ވިލަމެންދޫ އެވެ.

އަރި ޒޯނުގައި މި ފަހަރު ޖުމްލަ ފަސް ރިސޯޓުން ވާދަކުރާނެ އެވެ. އެއީ މި ޒޯނުގެ މެޗުތައް ކުރިއަށްދާ ރިސޯޓް ކޮންރެޑް މޯލްޑިވްސްގެ އިތުރުން، ބާސެލޯ، ވިލަމެންދޫ، ކުރަމަތި އަދި ލިލީ ބީޗް އެވެ.

ކޮމެންޓް

ފަހުގެ ޚަބަރު

ކެރަލާ ބްލާސްޓާސް ޔޫއޭއީގެ ކުންފުންޏަކަށް ވިއްކާލަން ނިންމައިފި

އިންޑިއަން ސުޕަ ލީގުގެ ކެރަލާ ބްލާސްޓާސްގެ 100 ޕަސެންޓް ހިއްސާ، ޔޫއޭއީގެ ޝާހީ އާއިލާ އަށް ނިސްބަތްވާ އަލް ފުރްސާން ކުންފުންޏަށް ވިއްކާލަން ނިންމައިފި. ކުރިއަށް އޮތް އަށް މަސްދުވަހުގެ ތެރޭގައި މި ޑީލުގެ ހުރިހާ ކަމެއް ނިންމުމަށް ހަމަޖެހިފައިވާއިރު، މިއީ އިންޑިއާ ފުޓްބޯޅަ އަށް ބޮޑު އިންވެސްޓްމެންޓެއް ކަމަށް އެ ކްލަބުން ވަނީ ބުނެފައި،

އެމްބާޕޭގެ ކޮއްކޮ އީތަން ތިން މެޗަށް ސަސްޕެންޑްކޮށްފި

ޗެމްޕިއަންސް ލީގުގައި ރެއާލް ބެޓިސްއާ ދެކޮޅަށް ކުޅުނު މެޗުގައި އިދިކޮޅު ކުޅުންތެރިއަކަށް ހަމަލާދީ ރަތް ކާޑު ހޯދުމާ ގުޅިގެން، ލިލްގެ އީތަން އެމްބާޕޭ ތިން މެޗަށް ސަސްޕެންޑް ކުރަން ޔުއެފާ އިން ވަނީ ނިންމައިފައި. މި ސަސްޕެންޝަނުގެ ސަބަބުން އާސެނަލް، ގަލަތަސަރާއި އަދި ބޯޑޯ/ގިލްމްއާ ދެކޮޅަށް ލިލް ކުޅޭ މެޗުތައް އޭނާ އަށް ގެއްލޭނެ

ސިޓީގެ މައްޗަށް 115 މައްސަލައިގެ ކުށް ސާބިތުވާ ކަމަށް ނިންމައިފި

މެންޗެސްޓާ ސިޓީން މާލީ ގަވާއިދުތަކާ ހިލާފުވެ، މަކަރު ހަދާފައިވާ 115 މައްސަލައެއް ސާބިތުވާ ކަމަށް ޕްރިމިއާ ލީގުން ނިންމައި، އެ މައްސަލަ އިސްތިއުނާފު ކުރުމުގެ ފުރުސަތު އެ ކްލަބަށް ވަނީ ދީފައި. މި މައްސަލަތަކުގެ ތެރޭގައި ސައްހަ މާލީ ލިޔުންތައް ހުށަނޭޅުމާއި މުސާރައިގެ ތަފްސީލު އޮޅުވާލުން ހިމެނޭއިރު، އަޅާނެ ފިޔަވަޅެއްގެ ގޮތުން ޕޮއިންޓް އުނިކޮށްފާނެ

ކޮންމެ ގައުމަކަށް އިތުރު ބަޖެޓެއް ދޭން އިންފަންޓީނޯ ތައްޔާރު

ފީފާގެ ރިޒާވް ފަންޑުން ކޮންމެ މެމްބަރު ގައުމަކަށް 10 މިލިއަން ޑޮލަރުގެ ބަޖެޓެއް ދިނުމަށް ޔުއެފާ އާއި ކޮންކަކަފް އިން އެދުމާ ގުޅިގެން، އެ ފުރުސަތު އޮތް ކަމަށް ފީފާގެ ރައީސް ޖިއާނީ އިންފަންޓީނޯ ވިދާޅުވެއްޖެ. މި ފައިސާ ހަރަދުކުރުމަށް ހަމަޖެހިފައިވަނީ ގައުމުތަކުގެ ފުޓްބޯޅަ އިންފްރާސްޓްރަކްޗާ އާއި، ކޯޗިން އަދި ގައުމީ ޓީމުތައް ކުރިއެރުވުމަށް

ސޮފްވާންގެ ބޮޑެތި ތުހުމަތުތަކެއް ވޮލީބޯލް އެސޯސިއޭޝަނަށް

ޖިންސީ ގޯނާގެ ތުހުމަތުގައި ވީއޭއެމުން އުމުރަށް ސަސްޕެންޑްކުރި ސޮފްވާން އަހުމަދުގެ މައްސަލަ ފުލުހުން ފައިލްކުރުމާ ގުޅިގެން، އޭނާ ވަނީ އެ އެސޯސިއޭޝަނަށް ބޮޑެތި ތުހުމަތުތަކެއް ކޮށްފައި. ސޮފްވާން ބުނާގޮތުގައި އޭނާ ސަސްޕެންޑްކުރީ ޒާތީ ހަސަދަވެރިކަމެއްގައި ގަވާއިދާ ހިލާފަށް އުފެއްދި ކޮމިޓީއަކުން، ޖަވާބުދާރީވާން ފުރުސަތު ނުދީ އޭނާ "ފްރޭމް" ކުރުމަށް ފަހު،

މޮޑްރިޗަށް 42 އަހަރު ވިޔަސް ކުޅެވޭނެ ކަމަށް ބުނެފި

ކްރޮއޭޝިއާގެ ލެޖެންޑް ޑާވޯ ސުކާ ގަބޫލުކުރާ ގޮތުގައި އުމުރުން 41 އަހަރުގެ ލޫކަ މޮޑްރިޗަށް 42 އަހަރު ފުރުނަސް އަދި 2028 ގެ ޔޫރޯއާ ހަމައަށް ވެސް ގައުމީ ޓީމަށް ކުޅެވިދާނެ. މޮޑްރިޗްގެ ކެރިއަރު ކުރިއަށްގެންދާ ގޮތަށް ސުކާ ތައުރީފުކޮށްފައިވާއިރު، އޭނާ އަކީ ދުނިޔޭގެ ފުޓްބޯޅައިގެ ނަމޫނާއެއްގެ ގޮތުގައި ވަނީ ސިފަކޮށްފައި

ގަކްޕޯގެ އަނިޔާ ސީރިއަސްވުމުގެ ބިރު އެބައޮތް

ނޭޝަންސް ލީގުގައި ސާބިއާއާ ދެކޮޅަށް ކުޅުނު މެޗުގައި ނެދަލެންޑްސްގެ ކޯޑީ ގަކްޕޯގެ ފައިގެ ކުޑަހުޅަށް ލިބުނު އަނިޔާ ސީރިއަސްވުމުގެ ބިރު އޮތުމުން، އޭނާ ވަނީ ގައުމީ ޓީމުގެ ކޭމްޕް ދޫކޮށް ކްލަބަށް އެނބުރި ގޮސްފައި. ފުރަތަމަ ހެދި ޓެސްޓްތަކުން ދައްކާގޮތުގައި މި އަނިޔާގެ ސަބަބުން ގަކްޕޯ އަށް މަހެއްހާ ދުވަހު ކުޅުމާ ދުރުގައި ހުންނަން ޖެހިދާނެ

Newsletter

Get the latest news delivered straight to your inbox