އިންޑިއަން ސުޕަ ލީގުގެ ކްލަބް ކެރަލާ ބްލާސްޓާސް ޔޫއޭއީގެ ކުންފުންޏަކަށް ވިއްކާލަން ނިންމައިފި

Sep 29, 2026, 11:43 PM
ކެރަލާ ބްލާސްޓާސް ގަންނަން ނިންމާފައިވާ ޔޫއޭއީގެ އަލް ފުރްސާން ސްޕޯޓްސްގެ އިސް ހަރަކާތްތެރިޔާ، ޝެއިހް އަހުމަދު ބިން ފައިސަލް އަލް ގައިސިމީ

ކެރަލާ ބްލާސްޓާސް ގަންނަން ނިންމާފައިވާ ޔޫއޭއީގެ އަލް ފުރްސާން ސްޕޯޓްސްގެ އިސް ހަރަކާތްތެރިޔާ، ޝެއިހް އަހުމަދު ބިން ފައިސަލް އަލް ގައިސިމީ

އަބޫ ދާބީ، ޔުނައިޓެޑް އަރަބް އެމިރޭޓްސް (ސެޕްޓެމްބަރު 29) - އިންޑިއަން ސުޕަ ލީގުގެ ކްލަބް، ކެރަލާ ބްލާސްޓާސް، ޔޫއޭއީގެ އަލް ފުރްސާން އަށް ވިއްކާލަން ޑީލް ހަމަޖައްސައިފި އެވެ. 

އަލް ފުރްސާން އަކީ ޔޫއޭއީގެ ޝާހީ އާއިލާ އަށް ނިސްބަތްވާ، ޝެއިހް އަހުމަދު ބިން ފައިސަލް އަލް ގައިސިމީގެ ކުންފުންޏެކެވެ. އެ ކުންފުނިން އަންނަނީ ޔޫއޭއީގެ ކުޅިވަރުގަައި ގިނަ އިންވެސްޓްމަންޓްތަކެއް ކުރަމުންނެވެ. 

އެ ގޮތުން، އިންޑިއަން ސުޕަ ލީގުގައި ކުޅޭ ކެރަލާ ބްލާސްޓާސް ޓީމުގެ 100 ޕަސެންޓް ހިއްސާ މެގްނަމް ގްރޫޕް އަތުން އަލް ފުރްސާން އިން ގަންނަން ނިންމާފައިވާއިރު، މި ޑީލްގެ ލިޔެކިޔުންތަކާއި މުދާތަކާއި ގުޅޭ ހުރިހާ ކަމެއްގެ ކޮންޓްރެކްޓްގެ ކަންކަން ނިމިގެންދާނީ ކުރިއަށް އޮތް އަށް މަސް ތެރޭގަ އެވެ. މާނަ އަކީ މި ޑީލްގެ އެކިއެކި ކަންކަން ކުރިއަށް އޮތް އިންޑިއަން ސުޕަ ލީގުގެ 26/27 ސީޒަނުގެ ތެރޭގައި ކުރިއަށްދާނެ އެވެ. 

ކެރަލާ ބްލާސްޓާސް އިން ބުނީ، އިންޑިއަން ސުޕަ ލީގުގައި  އެ ކްލަބުން ހާސިލްކުރަން ބޭނުންވާ ލަނޑުދަނޑިތަކާ ގާތަށް އަދި އެކަންކަން ކާމިޔާބު ކުރުމަށްޓަކައި، ބޭރުގެ އިންވެސްޓަރުން އަތަށް ކްލަބްގެ ކަންކަން ދިނުމަކީ މުސްތަގުބަލަށް ރަނގަޅު ނިންމުމެއް ކަމަށެވެ. 

ކެރަލާ ބްލާސްޓާސްގެ ކުޅުންތެރިން މެޗެއްގެ ތެެރެއިން ލަނޑު ޖެހުމަށް ފަހު އުފާފާޅުކުރަނީ.
ކެރަލާ ބްލާސްޓާސްގެ ކުޅުންތެރިން މެޗެއްގެ ތެެރެއިން ލަނޑު ޖެހުމަށް ފަހު އުފާފާޅުކުރަނީ.

"ކްލަބް މި ދަނީ ރަނގަޅު ބައެއްގެ އަތްމައްޗަށްކަން ޔަގީން،" ކެރަލާ ބްލާސްޓާސް އިން ނެރުނު ބަޔާނުގައި ބުނެފައިވެ އެވެ.

ފުޓްބޯޅައިގެ ފޯރި އިންތިހާ އަށް ގަދަ ކެރަލާގެ މައި ކްލަބް، ކެރަލާ ބްލާސްޓާސް، އަލް ފުރްސާން އަށް ވިއްކާލުމުގެ ހުރިހާ ކަަންތައްތައް ނިމެންދެން، އެ ކްލަބްގެ ދުވަހުން ދުވަހަށް ކުރަން ޖެހޭ ކަންކަން ހަވާލުކުރި، ކެލަރާގެ އޮފިއޯ ސްޕޯޓީއާ އެވެ. 

އިންޑިއަން ސުޕަ ލީގުގެ އާ ސީޒަނުގައި ކެރަލާ ބްލާސްޓާސް އިން ކުޅޭ ފުރަތަމަ މެޗު އޮތީ އަންނަ މަހު 11 ވަނަ ދުވަހު އިންޓަ ކާޝީއާ ދެކޮޅަށެވެ. ކެރަލާ ބްލާސްޓާސް އިން އާ ސީޒަނުގައި އަމިއްލަ ދަނޑުގައި ކުޅޭ ފުރަަތަމަ މެޗު އޮތީ އަންނަ މަހު 25 ވަނަ ދުވަހު މުމްބާއި އިންޑިއަންސްއާ ދެކޮޅަށެވެ.

ކެރަލާ ބްލާސްޓާސްގެ ކޯޗަކީ، ކުރިން ބެންގަލޫރު އެފްސީ އާއި އިންޑިއަން ސުޕަ ލީގުގައި ގިނަ އަހަރުތަކެއް މަސައްކަތްކުރި އިނގިރޭސި ކޯޗު، އެޝްލީ ވެސްޓްވުޑް އެވެ. އެ ޓީމުން މި ވަގުތު ޕްރީ ސީޒަން ޕްރެކްޓިސް ކުރަމުން އަންނަނީ ޗެންނާއި ގައި ކޭމްޕްކޮށްގެންނެވެ. 

ކޮމެންޓް

ފަހުގެ ޚަބަރު

މާޒިޔާ އާއި ނިއު ރޭޑިއަންޓް ވަރުގަދަ ފެށުމާ އެކު ކުރިއަށް

އެފްއޭއެމް ވިމެންސް ލީގުގައި ކުޅުނު ފުރަތަމަ ދެ މެޗުން މޮޅުވެ، މާޒިޔާ އާއި ނިއު ރޭޑިއަންޓުން މުބާރާތުގެ ވަރުގަދަ ފެށުމެއް ދަމަހައްޓައިފިއެވެ. މިހާތަނަށް ކުޅުނު މެޗުތަކުން ދެ ޓީމަށްވެސް ހަ ޕޮއިންޓް ލިބިފައިވާއިރު، ލަނޑުގެ ތަފާތުން ތާވަލުގެ އެއްވަނައިގައި އޮތީ ނިއު ރޭޑިއަންޓެވެ. މި މުބާރާތުގެ ފޯރިގަދަ މެޗެއްގައި އަންނަ އާދިއްތަ ދުވަހު ނިއު އާއި މާޒިޔާ ބައްދަލުކުރާނެއެވެ.

ސިޓީއާ ޔުނައިޓެޑުން އަރާހަމަކުރާނެ ކަމަށް ޕޮޗެޓީނޯ ބުނެފި

މެންޗެސްޓާ ޔުނައިޓެޑްގެ ކޯޗުކަމާ ހަވާލުވެ، މައުރީސިއޯ ޕޮޗެޓީނޯ ބުނީ އެ ސަރަހައްދުގެ އެންމެ ކާމިޔާބު ޓީމަކަށް އަލުން ޔުނައިޓެޑް ހަދައި، ސިޓީގެ ކުރި ހޯދާނެ ކަމަށް. ލީގުގެ 18 ވަނައިގައި އޮތް ޔުނައިޓެޑްގެ ހާލަތު ބަދަލުކުރަން ވަގުތު ބޭނުންވާނެ ކަމަށާއި، ނަމަވެސް ފުރަތަމަ ދުވަހުން ފެށިގެން އެ މަސައްކަތް ކުރާނެ ކަމަށް އޭނާ ވަނީ ބުނެފައި.

އެމްއައިބީން ގައުމީ ބިލިއާޑު ޗެމްޕިއަންކަން ހޯދައިފި

ޤައުމީ ބިލިއާޑް މުބާރާތުގެ ފައިނަލުގައި ދިވެހި ސިފައިންގެ ކްލަބް 3-2 އިން ބަލިކޮށް، މޯލްޑިވްސް އިސްލާމިކް ބޭންކް (މިބްސާ) އިން މުބާރާތުގެ ޗެމްޕިއަންކަން ހޯދައިފި. ޖުމްލަ 10 ޓީމު ވާދަކުރި މި މުބާރާތުގެ ޗެމްޕިއަން ޓީމަށް 30,000 ރުފިޔާގެ ފައިސާގެ އިނާމެއް ވަނީ ދީފައި.

ލުކާކޫ، 16 އަހަރަށް ފަހު ބެލްޖިއަމް ޓީމުން ރިޓަޔާކޮށްފި

ބެލްޖިއަމްގެ ގައުމީ ޓީމަށް 16 އަހަރު ކުޅެދިނުމަށްފަހު، އެ ގައުމަށް އެންމެ ގިނަ ލަނޑު ޖަހައިދިން ރޮމެލޫ ލުކާކޫ ބައިނަލްއަގުވާމީ ފުޓްބޯޅައިން ރިޓަޔާކޮށްފި. ޖުމްލަ 135 މެޗުން 94 ލަނޑު ކާމިޔާބުކޮށްފައިވާ ލުކާކޫ އަކީ ބައިނަލްއަގުވާމީ ފުޓްބޯޅައިގައި ފަސްވަނައަށް އެންމެ ގިނަ ލަނޑު ޖެހި ކުޅުންތެރިޔާގެ އިތުރުން ޔޫރޯ ކޮލިފައިންގެ ރެކޯޑް އޮތް ކުޅުންތެރިޔާ

ލިބުނީ މަދު ވަގުތުކޮޅެއް، ޝަކުވާނުކޮށް ހޯދައިދިނީ ސާފްގެ ތަށި!

މި އަހަރުގެ ސާފް ޗެމްޕިއަންޝިޕް ކާމިޔާބުކުރި އިންޑިއާ ޓީމަށް ތައްޔާރުވާން މަދު ވަގުތުކޮޅެއް ލިބުނުއިރު، މުބާރާތުގެ ތެރެއިން މުހިންމު ކުޅުންތެރިންތަކެއް ޓީމުން ވަކިވުމުން ގިނަ ގޮންޖެހުންތަކަކާ ކުރިމަތިލާން ޖެހުނު. ނަމަވެސް ކޯޗު ނައުޝާދުގެ އިރުޝާދުގެ ދަށުން، ޒުވާން ކުޅުންތެރިންނަށް އިތުބާރުކޮށްގެން އިންޑިއާ އިން ވަނީ ޝަކުވާއެއް ނެތި ތަށި ހޯދާފައި

ސާފް ޗެމްޕިއަންޝިޕްގެ ފެއާ ޕްލޭ އެވޯޑް ރާއްޖެ އަށް

ބަންގްލަދޭޝްގައި ނިމުނު ސާފް ޗެމްޕިއަންޝިޕްގައި ރާއްޖެ ކުޅުނު ދެ މެޗުން ބަލިވެ، މުބާރާތުން ކެޓި ނަމަވެސް، މުޅި މުބާރާތުގެ ފެއާޕްލޭ އެވޯޑް ރާއްޖެއަށް ވަނީ ލިބިފައި. މިއީ ލަނޑެއް އަދި ޕޮއިންޓެއް ނުލިބި ރާއްޖެ މި މުބާރާތުން ކެޓި ފުރަތަމަ ފަހަރު ކަމަށްވާއިރު، މިއީ ސާފް ޗެމްޕިއަންޝިޕްގެ ތާރީޚުގައި ރާއްޖެއަށް ލިބުނު އެންމެ ދަށް ނަތީޖާއ

ރިވައިވަލް ބެޑްމިންޓަން ޗެލެންޖް ތަށި ހައިޝަމް އާއި ނަބާ އަށް

އެމްއައިބީ ރިވައިވަލް ބެޑްމިންޓަން ޗެލެންޖުގެ ފިރިހެން ސިންގަލްސް ތަށި ހައިޝަމް އިބްރާހިމް އަލީ ހޯދިއިރު، އަންހެން ސިންގަލްސް ތަށި ކާމިޔާބުކުރީ ފާތިމަތު ނަބާހާ އެވެ. މި މުބާރާތުގެ ފިރިހެން ޑަބަލްސް ޒަޔާން އާއި ނިބާލް ކާމިޔާބުކުރިއިރު، އަންހެން ޑަބަލްސް ތަށި ހޯދީ ނަބާ އާއި ނަބީހާގެ ޕެއާ އިންނެވެ.

Newsletter

Get the latest news delivered straight to your inbox