ނިމުނު މަހުގެ ކަރަންޓު ބިލު އާ ޓެރިފު ރޭޓުތަކުގައި ހިސާބުކުރަން ފެނަކައިން ނިންމައިފި

ގދ. ތިނަދޫގައި ހުންނަ ފެނަކަ އޮފީސް: މަދު ރަށްތަކެއް ފިޔަވައި ހުރިހާ ރަށެއްގައި ކަރަންޓު ފޯރުކޮށްދެނީ ފެނަކައިން -- ފޮޓޯ: އަދަދު ފައިލް

ގދ. ތިނަދޫގައި ހުންނަ ފެނަކަ އޮފީސް: މަދު ރަށްތަކެއް ފިޔަވައި ހުރިހާ ރަށެއްގައި ކަރަންޓު ފޯރުކޮށްދެނީ ފެނަކައިން -- ފޮޓޯ: އަދަދު ފައިލް

ކަރަންޓުގެ އަގު ހެޔޮކުރަން ރައީސުލްޖުމްހޫރިއްޔާ މުހައްމަދު މުއިއްޒު ނިންމަވަމުން އިއުލާނުކުރެއްވީ ކަރަންޓުގެ ޓެރިފް ރޭޓުތައް ބޭނުންކޮށްގެން ނިމުނު މަހުގެ ބިލުތައް ހިސާބުކުރަން ފެނަކަ ކޯޕަރޭޝަނުން ނިންމައިފި އެވެ.

އެ ކުންފުނިން ސޯޝަލްމީޑިއާގައި ކުރި ޕޯސްޓެއްގައި ބުނީ މިދިޔަ މަހުގެ ބިލަށް ވެސް ޗާޖު ކުރާނީ އަލަށް ކަނޑައަޅި ޓެރިފް ރޭޓުތަކުގައި ކަމަށެވެ. އަދި މިދިޔަ މަހުުގެ ބިލު މިހާރު ދައްކާފައިވާ ފަރާތްތަކަށް މިމަހުގެ ބިލުން އެ ބައި އުނިކޮށްދޭނެ ކަމަށް ފެނަކައިން ބުންޏެވެ.

"މެއި މަހުގެ ބިލަށް މިހާރު ފައިސާ ދައްކާފައިވާ ފަރާތްތަކަށް ޖޫން މަހުގެ ބިލުން އެބައި އުނިކުރެވިގެންދާނެ، މެއި މަހުގެ ބިލު އަދި ދައްކާފައި ނުވާ ފަރާތްތަކަށް ކުޑަ ޓެރިފް ރޭތުގައި އަލުން ބިލު ޖެނެރޭޓު ކުރެވިގެންދާނެ،" ފެނަކައިން ބުންޏެވެ.

Advertisement

އެ ކުންފުނިން ހިއްސާކުރި ޕޯސްޓުގައިވާ ޓޭބަލްގައި ވާގޮތުން އަންނަ މަހުން ފެށިގެން ކަރަންޓު ބިލުތަކަށް ބޮޑު ބަދަލެއް އަންނާނެ އެވެ. އެ ބަދަލު ތަކަކީ:

  • 0 - 100 ބޭންޑު - މިހާރުގެ ރޭޓު: 1.50 އާ ރޭޓު:1.25
  • 101 - 200 ބޭންޑު - މިހާރުގެ ރޭޓު: 1.70 އާ ރޭޓު: 1.50
  • 201 - 300 ބޭންޑު - މިހާރުގެ ރޭޓު: 2.15 އާ ރޭޓު: 1.50
  • 301 - 400 ބޭންޑު - މިހާރުގެ ރޭޓު: 2.50 އާ ރޭޓު: 1.50
  • 401 - 500 ބޭންޑު - މިހާރުގެ ރޭޓު: 2.95 އާ ރޭޓު: 2.66
  • 501 - 600 ބޭންޑު - މިހާރުގެ ރޭޓު: 3.55 އާ ރޭޓު: 3.20
  • 600 ++ ބޭންޑު - މިހާރުގެ ރޭޓު: 4.25 އާ ރޭޓު: 3.83

މި ރޭޓުތަކަކީ ރައީސުލްޖުމްހޫރިއްޔާގެ އެންގުމަށް ކަނޑައެޅުނު ރޭތުތަކެކެވެ. މާލެ އާއި ހުޅުމާލޭގެ އިތުރުން ރާއްޖޭގެ ބައެއް އެހެން ރަށްރަށަށް ކަރަންޓު ދެމުންދާ ސްޓެލްކޯއިން ވެސް ވަނީ މި ރޭޓުތަކުގައި ޗާޖު ކުރަން ފަށައިފަ އެވެ.

މި ބަދަލާއެކު ކަރަންޓު ބިލުތައް ކުޑަވި ނަމަވެސް، ކަރަންޓުގެ ހިދުމަތް ދިނުމަށް ދައުލަތުން ކުރާ ހޭދަ އިތުރަށް ބޮޑުވާނެ އެވެ. އަދި މިއީ މި އަހަރަށް ފާސްކުރި ބަޖެޓުގައި ސިޔާސަތަށް ގެންނަ ބަދަލުތަކުގެ ތެރޭގައި ހިމެނޭ ކަމެއް ނޫނެވެ.

ފެނަކައިން ދަށް ރޭޓެއްގައި ކަރަންޓު ބިލުކުރަން ނިންމިއިރު، ޔުޓިލިޓީ ރެގިއުލޭޓަރީ އޮތޯރިޓީ (ޔޫއާރުއޭ) އިން އާ ޓެރިފްތައް އަދި ރަސްމީކޮށް އިއުލާނެއް ނުކުރެ އެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox