އިމާރާތްކުރުމުގެ ކޮންމެ ޕްރޮޖެކްޓަކަށް ވަކިން ތާޑު ޕާޓީ އިންޝުއަރެންސް ކުރަންޖެހޭ ގޮތަށް ގަވާއިދު ބަދަލުކޮށްފި

މާލެ ސަރަހައްދުގައި އިމާރާތް ކުރުމުގެ މަސައްކަތުގައި ބިދޭސީން މަސައްކަތްތެރިންތަކެއް ހަރަކާތްތެރިވަނީ: އިމާރާތްކުރުމުގެ ކޮންމެ ޕްރޮޖެކްޓަކަށް ވަކިން ތާޑް ޕާޓީ އިންޝުއަރެންސް ކުރަންޖެހޭ ގޮތަށް ގަވާއިދު ވަނީ ބަދަލުކޮށްފަ ---- ފޮޓޯ: އަދަދު

މާލެ ސަރަހައްދުގައި އިމާރާތް ކުރުމުގެ މަސައްކަތުގައި ބިދޭސީން މަސައްކަތްތެރިންތަކެއް ހަރަކާތްތެރިވަނީ: އިމާރާތްކުރުމުގެ ކޮންމެ ޕްރޮޖެކްޓަކަށް ވަކިން ތާޑް ޕާޓީ އިންޝުއަރެންސް ކުރަންޖެހޭ ގޮތަށް ގަވާއިދު ވަނީ ބަދަލުކޮށްފަ ---- ފޮޓޯ: އަދަދު

އިމާރާތް ކުރުމުގެ މަޝްރޫއެއްގެ ސަބަބުން ތިންވަނަ ފަރާތަކަށް ލިބިދާނެ ގެއްލުމުގެ ބަދަލު ދެވޭނެހެން ކޮންމެ ޕްރޮޖެކްޓެއް ވަކިން އިންޝުއާ ކުރަން ޖެހޭގޮތަށް ގަވާއިދު އިސްލާހުކޮށް ގެޒެޓުކޮށްފި އެވެ.

"އިމާރާތްކުރުމުގެ އަމަލީ މަސައްކަތްކުރާ ފަރާތްތަކުގެ ގަވާއިދު" އަށް ފަސް ވަނަ އިސްލާހު ގެނެސް ގެޒެޓުކުރީ އިއްޔެ އެވެ. މީގެ ކުރިން އެ ގަވާއިދުގައި އޮންނަ ގޮތުން ތިންވަނަ ފަރާތަކަށް ލިބިދާނެ ގެއްލުމެއްގެ ބަދަލުދެވޭނެހެން ޕްރޮޖެކްޓްތައް ވަކިވަކިން އިންޝުއާ ކުރާކަށް ނުޖެހެ އެވެ.

ނަމަވެސް އިއްޔެ ގެނައި އިސްލާހުގައި ބުނެފައިވަނީ 1.5 މިލިއަން ރުފިޔާއަށްވުރެ މަތިން އަގުކުރެވޭ ކޮންމެ ޕްރޮޖެކްޓަކަށް ކަވަރޭޖް ލިބޭނެހެން ވަކިން ޕރޮޖެކްޓް އިންޝުއާ ކުރަން ޖެހޭނެ ކަމަށެވެ.

މި އިންޝުއަރެންސްގެ ދަށުން މަޝްރޫއުގެ މަސައްކަތް ކުރަމުން ގެންދާއިރު، ވަށައިގެންވާ މާހައުލާއި، މަސައްކަތު މީހުންނާއި، ހިނގާބިނގާވެ އުޅޭ ފަރާތްތަކާއި، މީހުންގެ މުދަލާއި، އެއްގަމު އުޅަނދުފަހަރަށް ލިބިދާނެ ގެއްލުމެއްގެ ބަދަލު ދިނުމަށްޓަކައި, ކަވަރޭޖު ހޯދަން ޖެހޭނެ އެވެ.

އައު އިސްލާހުގެ ދަށުން ޕްރޮޖެކްޓު ލައިސަންސް ދޫކުރާނީ ވެސް މިގޮތަށް އިންޝުއަރެންސް ކުރީމަ އެވެ. ލައިންސަންސް ހޯދަން އެދި ހުށަހަޅަން ޖެހޭ ލިޔެކިޔުންތަކަށް އިންޝުއާ ކުރިކަމުގެ ލިޔުން، އިއްޔެ ގެނައި އިސްލާހުގައި ވަނީ އިތުރުކޮށްފަ އެވެ.

މި ފަހުގެ ތާރީހެއްގައި މާލޭގައި އިމާރާތް ކުރަމުން ދިޔަ ސައިޓެއް ކައިރިން އެންމެ ހިތާމަވެރި ހާދިސާއަކަށް ހިނގީ، ދުވާރު މަތިން ހިނގާފައި ދަނިކޮށް މަތިން ވެއްޓުނު ސިމެންތި ބަސްތާއަކުން ޖެހި އުމުރުން އަށް އަހަރުގެ ރައުޝަން ޖިއާން މަރުވުމެވެ.

ޖިއާންގެ މަރުގެ ބަދަލުގެ ގޮތުގައި އާއިލާއަށް 4.5 މިލިއަން ރުފިޔާގެ ބަދަލެއް ޑަބްލިއު ކޮންސްޓްރަކްޝަންގެ ފަރާތުން ނަގައިދިނުމަށް ސިވިލް ކޯޓުން ހުކުމް ކުރި އެވެ.

މީގެ އިތުރުން، އިމާރާތް ކުރަމުންދިޔަ ސައިޓެއްގައި މަސައްކަތް ކުރަމުންދިޔަ ރަޝީދު ކާޕެންޓަރީ އެންޑް ކޮންސްޓްރަކްޝަންގެ މަސައްކަތްތެރިއެއްގެ މޫނަށް ދަގަނޑެއް ހެރުނު ހާދިސާއެއް ވެސް ހިނގި އެވެ. އޭނާގެ ފުރާނަ ސަލާމަތް ކުރެވުނީ ކިރިޔާ އެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox