އެކަށީގެންވާ މިންވަރަށް ދުވާލެއްގެ މައްޗަށް ނިދިނުލިބޭނަމަ ހަށިގަނޑު މުސްކުޅިވުމުގެ އަލާމަތްތައް ފެންނަލެއް އަވަސް ކަމަށް ފަހުގެ ދިރާސާއަކުން ދައްކައިފި އެވެ.
ކިންގްސް ކޮލެޖް ލަންޑަންގެ ޑރ. ޖެފްރީ ކެލޫ އިސްވެ ހުންނަވައިގެން ކުރެއްވި ދިރާސާއަކުން ދައްކާ ގޮތުގައި ހަށިގަނޑުގެ ސެކޭޑިއަން ރިދަމްސް (ދުވާލެއްގެ ތެރޭގައި ހަށިގަނޑަށް އަންނަ ގަވާއިދުން ތަކުރާރުވާ ބަދަލުތައް) އަށް އަންނަ ބަދަލުތަކުން މަސްތަކަށް ދުވަސްވުން ނުވަތަ ހަށިގަނޑު މުސްކުޅިވުމުގެ އަލާމާތްތައް ފެނަން ފަށާލެއް އަވަސް ވެދާނެ އެވެ.
ސެކޭޑިއަން ރިދަމްސްއަކީ ހަށިގަނޑުގެ އެކި ބައިތަކުގައި ހުންނަ ބައޮލޮޖިކަލް "ޓައިމްކީޕަރުން" ނުވަތަ ގަޑިތަކެއްގެ ސަބަބުން ހިނގާ ކަމެކެވެ. މިހާތަނަށް ސައިންޓިސްޓުންނަށް އެނގިފައިވަނީ މި ގަޑިތައް ސިކުނޑިއާއި އެހެނިހެން ގުނަވަންތަކުގައި ހުންނައިރު، އެއިން ހަށިގަނޑުގެ ފިނިހޫނުމިނާއި، ހޯމޯންތަކާއި، ކެއުމުގެ ނިޒާމު ބަލަހައްޓާކަމެވެ. އެހެންނަމަވެސް، އައު ދިރާސާތަކުން ދައްކާ ގޮތުގައި މަސްތަކުގައިވެސް އެ މަސްތަކަށް ހާއްސަ ގަޑިތަކެއް ހުރެ އެވެ. މި ގަޑިތަކަށް ބަދަލު އަތުވެއްޖެނަމަ، ދުވަސްވުމުގެ ޕްރޮސެސް އަވަސްވެދާނެ އެވެ.
ޑރ. ކެލޫގެ ޓީމުން ޒެބްރާފިޝް ބޭނުންކޮށްގެން ތަޖުރިބާތަކެއް ކުރި އެވެ. ޒެބްރާފިޝްއަކީ އިންސާނުންނާ ގިނަ ޖީންތަކެއް އެއްގޮތްވާ ކުދި މަސްތަކެކެވެ. މި މަސްތަކުގެ ހަށިގަނޑު ސާފުކޮށް ފެންނާތީ، މަސްތަކަށް އަންނަ ބަދަލުތައް ފަސޭހައިން ބެލޭނެ އެވެ.
މި ދިރާސާގައި ދެ އަހަރު ވަންދެން މި މަސްތައް މޮނިޓަރކުރި އެވެ. ނަތީޖާއިން ދެއްކި ގޮތުގައި މަސްތަކުގެ ގަޑިތައް ރަނގަޅަށް މަސައްކަތް ނުކުރާ މަސްތަކުގައި މުސްކުޅިވުމުގެ އަލާމާތްތައް އަވަހަށް ފެނުނެވެ.
އިނގިރޭސި ވިލާތުގައި ގާތްގަނޑަކަށް ހަތަރު މިލިއަން މީހުން ޝިފްޓް ޑިއުޓީ އަށް ވަޒީފާ އަދާކުރެ އެވެ. މި ދިރާސާއިން ދައްކާ ގޮތުގައި ޝިފްޓް މަސައްކަތްކުރާ މީހުންގެ ސެކޭޑިއަން ރިދަމްސްއަށް އަންނަ ބަދަލުތަކުގެ ސަބަބުން ސިއްހަތަށް ގިނަ އަސަރުތަކެއް ކުރެ އެވެ. މީގެ ތެރޭގައި މަސްތަކަށް މުސްކުޅިވުމުގެ އަލާމާތްތައް އަވަހަށް ފެނުންވެސް ހިމެނެ އެވެ.
ދިރާސާއިން އިތުރަށް ދައްކާ ގޮތުގައި ހަށިގަނޑުގެ މަސްތަކުގައި ދުވާލަކު ސާފުކުރުމުގެ ޕްރޮސެސްއެއް ހިނގަ އެވެ. މަސްތައް ބޭނުންކުރާ ވަގުތުތަކުގައި ހަލާކުވާ ޕްރޮޓީންތައް ރޭގަނޑު ނިދާއިރު ސާފުކުރެވެ އެވެ. މިގޮތުން މަސްތައް އަލުން ރަނގަޅުވެ އެވެ. ސައިންޓިސްޓުން ދެކޭ ގޮތުގައި ސެކޭޑިއަން ރިދަމްސްއިން މި ސާފުކުރުމުގެ މަސައްކަތް ކޮންޓްރޯލްކުރެ އެވެ. މި ރިދަމްސްއަށް ބަދަލު އަތުވެއްޖެނަމަ، ހަލާކުވެފައިވާ ޕްރޮޓީންތައް އެއްވެ، ވަގުތު ހިނގަމުންދާއިރު މަސްތައް ބަލިކަށިވެ އެވެ.
ދިރާސާއިން ލިބުނު މައުލޫމާތުގެ އަލީގައި، ސައިންޓިސްޓުން މިހާރު ވަކި ބޭސްތަކެއް ޓެސްޓްކުރަމުންދެ އެވެ. މި ބޭސްތަކުން މަސްތަކުގެ ގަޑިތަކަށް އަމާޒުކޮށް، ދުވަސްވުމުގެ ސަބަބުން މަސްތައް ދަށްވުން ލަސްކުރެވިދާނެ އެވެ. މި ދިރާސާގެ ނަތީޖާތައް ޕްރޮސީޑިންގްސް އޮފް ދަ ނޭޝަނަލް އެކަޑަމީ އޮފް ސައިންސަސް ޖާނަލްގައި ޝާއިއުކުރެވިފައިވެ އެވެ.
