އައިޖީއެމްއެޗް އެންއައިސީޔޫ ކާރިސާ: ފުރާނައަށް ނުރައްކާވެފައި އޮތް ތުއްތު ކުއްޖަކު ބޭރަށް ފޮނުވަން އާއިލާއިން އެހީ ހޯދަނީ

May 2, 2025, 11:58 AM
އުމުރުން 28 ދުވަހުގެ އަލްސަން: އެންއައިސީޔޫގައި ފެތުރުނު ބަލީގެ ސަބަބުން ލޭގެ އިންފެކްޝަނެއް ވަނީ އުފެދިފައި -- ފޮޓޯ: އާއިލާ

އުމުރުން 28 ދުވަހުގެ އަލްސަން: އެންއައިސީޔޫގައި ފެތުރުނު ބަލީގެ ސަބަބުން ލޭގެ އިންފެކްޝަނެއް ވަނީ އުފެދިފައި -- ފޮޓޯ: އާއިލާ

އައިޖީއެމްއެޗުން ޑިސްއިންފެކްޓަންޓު ހުސްވެފައި ހުއްޓައި، ތުއްތު ކުދިންނަށް ފަރުވާ ދޭ އެންއައިސީޔޫގައި ފެތުރުނު ނުރައްކާތެރި ބައްޔެއް ޖެހިފައިވާ އުމުރުން އެންމެ 28 ދުވަހުގެ ކުއްޖަކު ރާއްޖެއިން ބޭރަށް ފޮނުވަން އާއިލާއިން އެހީ ހޯދަން ފަށައިފި އެވެ.

އެހީ ހޯދަނީ އަލްސަން ބިން މުހައްމަދު ޝަމްއޫން (28 ދުވަސް) ގެ އާއިލާއިނެވެ. އެންއައިސީޔޫގައި ފެތުރެމުންދިޔަ ބަލި އަލްސަންއަށް ޖެހުނީ، ވިހެއި އިރު ގިނަ މައްސަލަތަކެއް ހުރެގެން ވެންޓިލޭޓަރުގައި ބާއްވައިގެން ފަރުވާ ދެމުން ދަނިކޮށެވެ.

އަލްސަންއަކީ ޅ. ކުރެންދޫ، އެމަޒޫން، މުހައްމަދު ޝަމްއޫން އާއި ހަމަ އެ ރަށު އަކިރި، މަރިޔަމް ފަޒީލާ އަށް ލިބުނު ދެ ވަނަ ދަރިފުޅެވެ. އަލްސަން ލިބުނީ ކުއްޖަކު ހޯދަން މަސައްކަތް ކުރާތާ 19 އަހަރު ފަހުން ކަމަށް އާއިލާގެ ފަރާތުން މި ނޫހާ ވާހަކަ ދައްކަމުން ބުންޏެވެ.

އަލްސަން ދިޔައީ ހިތުގެ މައްސަލައަކަށް، ކިޑްނީގެ މައްސަލައަކަށް އަދި ފިޓު ޖެހޭތީ ފަރުވާ ހޯދަމުންނެވެ. އަައިޖީއެމްއެޗުގެ އެންއައިސީޔޫގައި ފެތުރުނު ބޭހަށް ނުގުޑާ ބާކޯލްޑޭރިއާ ސްޕޭޝިއާ އަލްސަން އަށް ޖެހުނީ އެ ހުރިހާ ކަމަކަށް ފަރުވާ ހޯދަމުން ދަނިކޮށެވެ. އެ ބަލީގެ ސަބަބުން ލޭގައި ވަނީ އިންފެކްޝަނެއް އުފެދިފަ އެވެ.

އަލްސަން ބޭރަށް ފޮނުވަން ބޭނުންވާ ލިޔުން ވަނީ މިހާރު ލިބިފަ އެވެ. އަދި އާސަންދަ އިން ފަރުވާ ދިނުމަށް ހޮސްޕިޓަލަކާއި ބޭރަށް ދިޔުމަށް ޓިކެޓު ވެސް ވަނީ ހަމަޖެހިފަ އެވެ. އެކަމަކު، ފަރުވާއަށް ދާނެ ހަރަދު އަންދާޒާ ނުކުރެވޭތީ އާއިލާއިން އެދެނީ އަލްސަންގެ ފަަރުވާއަށް ކިތަންމެ ކުޑަ މިންވަރެއް ނަމަވެސް ދެވެން އޮތް މީހަކު ފޯރުކޮށްދިނުމަށެވެ.

އެންއައިސީޔޫގައި ފެތުރުނު ބާކޯލްޑޭރިއާ ސިއްހީ ހިދުމަތް ދޭ ތަންތަނުގައި އާންމުކޮށް ފެތުރެނީ ފަރުވާ ދިނުމަށް ބޭނުން ކުރާ އާލާތްތައް މެދުވެރިކޮށެވެ. އެއީ ސާފުތާހިރުކަމުގެ ހަރުދަނާ ފިޔަވަޅުތައް އަޅާ ނަމަ ފެތުރުން ދުރު ބައްޔެކެވެ. އެއީ ވަރަށް ގިނަ ވައްތަރުގެ ބޭހަށް ނުގުޑާ ނުރައްކާތެރި ބައްޔެކެވެ.

އައިޖީއެމްއެޗްގެ ސީނިއާ ޑޮކްޓަރެއް ކަމަށްވާ ނަޒްލާ މުސްތަފާ އަދަދު އާ ވާހަކަ ދައްކަމުން މިއަދު ވިދާޅުވީ އެންއައިސީޔޫ ސާފު ކުރަން ބޭނުން ކުރަމުންދިޔައީ ޑިސްއިންފެކްޓަންޓް ވައިޕްސް ކަމަށެވެ. ނަމަވެސް ބަލި ފެތުރުނު އިރު، ޑިސްއިންފެކްޓަންޓް ހުސްވެގެން ބޭނުން ކުރަމުންދިޔައީ ބްލީޗު ކަމަށް އޭނާ ވިދާޅުވި އެވެ.

އެންއައިސީޔޫގައި ބަލި ފެތުރެން ފެށީ މާޗް 27، ގަ އެވެ. އެކަމަކު ހޮސްޕިޓަލުން ވަނީ އިއްޔެއާ ހަމައަށް އެކަން ސިއްރުކޮށްފަ އެވެ. ޖުމުލަ ފަސް ކުއްޖަކަށް ވަނީ އެ ނުރައްކާތެރި ބަލި ޖެހިފަ އެވެ. ބަލި ޖެހުނީ ވެންޓިލޭޓަރުގައި ފަރުވާ ދެމުން އައި ފަސް ކުއްޖަކަށެވެ. އޭގެ ތެރެއިން ދެ ކުއްޖެއްގެ ހާލު ވަރަށް ދެރަ އެވެ. ހާލު ދެރަ ކުދިން ބޭރަށް ފޮނުވަން މަސައްކަތް ކުރާ ކަމަށް ހޮސްޕިޓަލުން ބުނެ އެވެ.

ނަމަވެސް، އިތުރު ފަރުވާ ދިނުމަށް ބޭރަށް ފޮނުވަން ނިންމާފައިވާ ކުދިންގެ އަދަދު ނޭނގޭ ކަމަށް ހޮސްޕިޓަލުން ބުންޏެވެ. ހޮސްޕިޓަލުން ބުނީ ބޭރަށް ފޮނުވައިގެން ފަރުވާ ދޭންޖެހޭ ހުރިހާ ކުދިން ބޭރަށް ފޮނުވާނެ ކަމަށެވެ. އެކަން ނިންމާނީ އެ ކުދިންނަށް މިހާރު ފަރުވާ ދޭ ޑޮކްޓަރުން ކަމަށް ހޮސްޕިޓަލުން ބުންޏެވެ.

titledesc

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox