ހާވަޑް ޔުނިވާސިޓީއަށް ބިދޭސީ ދަރިވަރުން ވެއްދުން މަނާ ކުރަނީ

Apr 17, 2025, 4:08 PM
ހާވަޑް ޔުނިވާސިޓީއަށް ބިދޭސީ ދަރިވަރުން ވެއްދުން މަނާ ކުރަނީ

މުޅި ދުނިޔޭގައި ވެސް އެންމެ މޮޅު އެއް ޔުނިވާސިޓީގެ ގޮތުގައި ބަލައިގަންނަ އެމެރިކާގެ ހާވަޑް ޔުނިވާސިޓީއަށް ބިދޭސީ ދަރިވަރުން ވެއްދުމުގެ އިހުތިޔާރު އެ ޔުނިވާސިޓީން އަތުލާނެ ކަމުގެ އިންޒާރު އެ ގައުމުގެ ރައީސް ޑޮނަލްޑް ޓްރަމްޕުގެ ސަރުކާރުން ދީފި އެވެ.

ޓްރަމްޕު ސަރުކާރުގެ ހޯމްލޭންޑް ސެކިއުރިޓީގެ ސެކްރެޓަރީ ކްރިސްޓީ ނޯމް ވަނީ ބުދަ ދުވަހު ހާވަޑަށް ސިޓީއެއް ފޮނުއްވާފަ އެވެ. ހާވާޑްގެ ބިދޭސީ ދަރިވަރުންގެ "ގާނޫނާ ހިލާފު އަދި ހަރުކަށި އަމަލުތައް" ކުރަމުންދާ ކަމަށް ތުހުމަތު ކުރައްވައި އެ ކަންކަމުގެ ތަފްސީލީ ރެކޯޑްތައް ހޯދުމަށް އޭނާ ވަނީ އެދިވަޑައިގެންފަ އެވެ.

އެޕްރީލް 30، ގެ ކުރިން ސަރުކާރުން އަންގާފައިވާ ގޮތަށް އަމަލުނުކޮށްފި ނަމަ "ސްޓޫޑަންޓް އެންޑް އެކްސްޗޭންޖް ވިޒިޓާ ޕްރޮގްރާމް" (އެސްއީވީޕީ) ސެޓްފިކެޓް ބާތިލު ކުރާނެ ކަމުގެ އިންޒާރު ވަނީ ދީފަ އެވެ.

ހާވަޑްގެ ދަރިވަރުންގެ ނޫހުން ބުނި ގޮތުގައި ކްރިސްޓީ ނޯމްގެ ސިޓީގައި ވަނީ އެ ޝަރަފުވެރި ޔުނިވާސިޓީން ޔަހޫދީ ދަރިވަރުންނަށް އުނގެނުމުގެ "ދެކޮޅުވެރި މާހައުލެއް" ގާއިމުކުރާ ކަމަށް ތުހުމަތުކޮށްފަ އެވެ.

ނޮބެލް ސުލްހައިގެ އިނާމު ހާސިލްކޮށްފައިވާ 162 މީހުން އުފެއްދި ޔުނިވާސިޓީއާ މެދު ރައީސް ޓްރަމްޕު ވަނީ ވަރަށް ބޮޑަށް ހިތްހަމަނުޖެހުން ފާޅުކުރައްވާފަ އެވެ.

ކޮލަމްބިއާ، ޕްރިންސްޓަން، ބްރައުން، ކޯނެލް އަދި ނޯތުވެސްޓަން ފަދަ ޔުނިވާސިޓީތަކަށް ދޭ ބައެއް ފައިސާ ޓްރަމްޕްގެ ސަރުކާރުން މިހާރު ވެސް ވަނީ ހިފަހައްޓާފަ އެވެ. އެއީ ސަރުކާރުގެ ބައިވެރިވުން ޔުނިވާސިޓީތަކުގެ އެތެރޭގެ ކަންކަމުގައި އޮންނަން ޖެހޭ ކަމަށް ވިދާޅުވެ ޓްރަމްޕު ކުރައްވަމުން ގެންދަވާ ޑިމާންޑުތަކަށް ދެކޮޅު ހަދާފައިވާތީ އެވެ.

ޔުނިވާސިޓީގެ އިހުތިޔާރުގައި އޮންނަ ކަންކަން ސަރުކާރުގެ ބެލުމުގެ ދަށަށް ދޫކޮށްނުލާނެ ކަމަށް ހާވާޑުން ވަނީ ބުނެފަ އެވެ. އޭގެ ފަހުން ޓްރަމްޕްގެ ސަރުކާރުން ވަނީ 2.3 ބިލިއަން ޑޮލަރުގެ ފަންޑިން ފްރީޒް ކުރާނެ ކަމަށް ބުނެފަ އެވެ.

ކޮމެންޓް

ފަހުގެ ޚަބަރު

ސްޕޭސްއެކްސްއަށް ފަންޑިން ހުއްޓުވުމުގެ އިންޒާރު

ޔޫކްރެއިންގައި ބޭނުންކުރާ ސްޓާޝީލްޑްގެ ޚިދުމަތަށް ބަދަލުތަކެއް އައި މައްސަލައިގައި، ސްޕޭސްއެކްސްއަށް ދޭ ފަންޑިން ހުއްޓާލާނެ ކަމުގެ އިންޒާރު އެމެރިކާގެ ކޮންގްރެސް މެންބަރު ޖިމް ހައިމްސް ދެއްވައިފިއެވެ. އޭނާ އެދިވަޑައިގަންނަވަނީ މި ބަދަލުތަކަކީ ކުންފުނިން އަމިއްލައަށް ނިންމި ނިންމުމެއްތޯ ނުވަތަ ސަރުކާރުގެ އެންގުމަކަށް ކުރި ކަމެއްތޯ ސާފުކޮށްދިނުމަށެވެ. ސަރުކާރުގެ ފުރިހަމަ ކޮންޓްރޯލް ނެތް ނިޒާމުތަކަށް ފައިސާ ދޫނުކުރާނެ ކަމަށް ވިދާޅުވެ، މިކަމާ ގުޅޭގޮތުން އީލޮން މަސްކާ ބައްދަލުކުރުމަށްވެސް ހައިމްސް ވަނީ އެދިވަޑައިގެންފައެވެ.

ރަޝިޔާ އާއެކު މަޝްވަރާއަށް ތައްޔާރު: ޔޫރަޕުގެ ލީޑަރުން

ޔޫކްރެއިން ހަނގުރާމަ ހުއްޓާލުމަށް ރަޝިޔާއާއެކު މަޝްވަރާކުރުމަށް ތައްޔާރަށް ތިބިކަން ޔޫރަޕުގެ ލީޑަރުން ހާމަކޮށްފައިވާއިރު، މި މަޝްވަރާތަކުގައި ވިލާތުގެ ބައިވެރިވުން ހިމެނުމަށް އެމެރިކާއިން ދަނީ ބާރުއަޅަމުންނެވެ. ރަޝިޔާގެ ރައީސް ޕޫޓިން ވަނީ ވިލާތުގެ ގައުމުތަކުގެ ސިޔާސަތުތައް ސާފުކުރުމަށްޓަކައި މޮސްކޯއަށް ޒިޔާރަތްކުރުމަށް އެ ގައުމުތަކަށް ދައުވަތު ދެއްވާފައެވެ.

އެންތްރޮޕިކް 1.76 ޓްރިލިއަން ޑޮލަރުގެ ކުންފުންޏަކަށް

އޭއައި ކުންފުނި އެންތްރޮޕިކް ހިއްސާގެ ބާޒާރަށް ނުކުތުމާއެކު، އެ ކުންފުނީގެ އަގު 1.76 ޓްރިލިއަން ޑޮލަރަށް އަރައި ދުނިޔޭގެ އެންމެ އަގުބޮޑު ކުންފުނިތަކުގެ ތެރޭގައި ހިމެނިއްޖެއެވެ. ހިއްސާގެ އަގަށް އައި ކުރިއެރުމާއެކު އޭއައި ދާއިރާއަށް އޮތް ބޮޑު ޝައުގުވެރިކަން ހާމަވީ ނަމަވެސް، މިއީ އިގްތިސާދީ "ބަބުލް" އެއްގެ ގޮތުގައި ބައެއް މާހިރުން ސިފަކުރެއެވެ. ކްލޯޑް ޗެޓްބޮޓް އުފެއްދި މި ކުންފުނިން އެންމެ ބޮޑު އިސްކަމެއް ދެނީ އޭއައިގެ ރައްކާތެރިކަމަށެވެ.

ވެން ގޯގެ ކުރެހުމެއް 190 މިލިއަން ޑޮލަރަށް ވިއްކާލައިފި

ވިންސެންޓް ވެން ގޯގެ "ޗެސްޓްނަޓް ޓްރީޒް އިން ބްލޮސަމް" ކުރެހުން 190.4 މިލިއަން ޑޮލަރަށް ވިއްކާލައި، ދުނިޔޭގެ އާ ރެކޯޑެއް ގާއިމުކޮށްފިއެވެ. މި ކުރެހުން ނީލަމުގައި ވިއްކާލާފައިވަނީ، ނާޒީންގެ ދުވަސްވަރު މަޖުބޫރުވެގެން މި ކުރެހުން ވިއްކާލަން ޖެހުނު އާއިލާއާއި މިހާރުގެ މިލްކުވެރިންގެ މެދުގައި އުފެދުނު ގާނޫނީ މައްސަލައަށް ހައްލެއް ހޯދުމަށްފަހުގައެވެ.

ރޮހިންޔާ ގަތުލުއާންމުގައި މިޔަންމާ ކުށްވެރިވެއްޖެ

މި މައްސަލައިގައި ދަ ގެމްބިއާއަށް ތާއީދުކޮށް، ރާއްޖެއިން ވަނީ ބައިނަލްއަގުވާމީ ވަކީލުންނާއެކު ކޯޓުގައި މިޔަންމާއާ ދެކޮޅަށް ވަކާލާތުކޮށް އިސް ދައުރެއް އަދާކޮށްފަ. ކޯޓުގެ ހުކުމުގައި މިޔަންމާ ކުށްވެރިކޮށް، ގެއްލުމުގެ ބަދަލު ދިނުމުގެ ޕްރޮގްރާމެއް އެކުލަވާލުމަށް ވެސް ވަނީ އަމުރުކޮށްފަ.

ޕެޓިންސަން ހަތްވަނަ ބޮންޑަށް ހޮވުމުގައި ބޭޒޯސްގެ ބޮޑު ދައުރެއް

އާ ޖޭމްސް ބޮންޑުގެ ރޯލަށް އެކްޓަރު ރޮބަޓް ޕެޓިންސަން ހަމަޖެއްސުމުގައި އެމެޒޯންގެ ޗެއާމަން ޖެފް ބޭޒޯސް މުހިންމު ދައުރެއް އަދާކޮށްފައިވާކަން އޭނާ ހާމަކުރައްވައިފިއެވެ. ޑެނިއަލް ކްރެއިގްގެ ފަހުން ހަތްވަނަ ބޮންޑުގެ ގޮތުގައި ޕެޓިންސަން ފެނިގެންދާ 26 ވަނަ ފިލްމު، ޑެނިސް ވިލެނޫވްގެ ޑައިރެކްޝަނުގެ ދަށުން 2028 ވަނަ އަހަރު ރިލީޒްކުރުމަށް ވަނީ ތާވަލުކޮށްފައެވެ.

އެންތްރޮޕިކް އުފެއްދި 7 ބާނީން ބިލިއަނަރުންގެ ލިސްޓަށް

އޯޕަން އޭއައި އިން ވަކިވި ހަތް މީހަކު 2021 ވަނަ އަހަރު އުފެއްދި އެންތްރޮޕިކް ކުންފުނި ހިއްސާގެ ބާޒާރަށް ނެރުމާއެކު، އެ ކުންފުނީގެ ބާނީން ބިލިއަނަރުންގެ ލިސްޓަށް އެރުމަށް ވަނީ ތައްޔާރުވެފައެވެ. އޭއައިގެ ރައްކާތެރިކަމަށް އިސްކަންދޭ މި ޒުވާން ޓީމުގެ ކުންފުނިން އުފެއްދި "ކްލޯޑް" އާއެކު، އެންތްރޮޕިކް މިހާރު ވަނީ ޓެކްނޮލޮޖީގެ ދާއިރާގެ ބޮޑު ބާރަކަށް ބަދަލުވެފައެވެ.

Newsletter

Get the latest news delivered straight to your inbox