ސުޕްރީމް ކޯޓު ޕެރަލައިޒްކޮށްފައި އޮންނަތާ ދޮޅު މަސް ފާއިތުވެއްޖެ

Apr 14, 2025, 1:58 PM
ސުޕްރީމް ކޯޓު ޕެރަލައިޒްކޮށްފައި އޮންނަތާ ދޮޅު މަސް ފާއިތުވެއްޖެ

ސިޔާސީ ޕާޓީއަކުން ބޭނުންވެއްޖެ ނަމަ ރައްޔިތުންގެ މަޖިލީހުގެ މެންބަރުންގެ ގޮނޑި ގެއްލުވައިލެވޭ ގޮތަށް ގާނޫނުއަސާސީ އިސްލާހު ކުރި މައްސަލައަށް ހުރަސް އެޅޭ ގޮތަށް ސުޕްރީމް ކޯޓުގެ ތިން ފަނޑިޔާރަކު ސަސްޕެންޑު ކުރި ފަހުން ދޮޅު މަސް ފާއިތުވެއްޖެ އެވެ.

މައްސަލަތަކެއް ބަލަމުންދާ ކަމަށް ބުނެ ޖުޑީޝަލް ސާވިސް ކޮމިޝަނުން ފަނޑިޔާރު އަޒްމިރާލްދާ ޒާހިރާއި ހުސްނުއްސުއޫދާއި މަހާޒް އަލީ ޒާހިރު ސަސްޕެންޑު ކުރީ ފެބްރުއަރީ 26، ގަ އެވެ. އޭގެ ފަހުން ފަނޑިޔާރު ސުއޫދު ވަނީ މަގާމުން އިސްތިއުފާ ދެއްވައިފަ އެވެ. ސުއޫދުގެ ބަދަލުގައި މިހާރު ވަނީ އެހެން ފަނޑިޔާރަކު އައްޔަންކޮށްފަ އެވެ.

ސުޕްރީމް ކޯޓަށް ދުސްތޫރީ މައްސަލައެއް ބެލޭނީ އެ ކޯޓުގެ ހުރިހާ ފަނޑިޔާރުން ހިމެނޭ ބެންޗަކުންނެވެ. އެހެންކަމުން މިހާރު އެ ކޯޓުގެ ދެ ފަނޑިޔާރަކު މަދުވާތީ ދުސްތޫރީ މައްސަލަތައް ބަލަން ބޭނުންވާ ގާނޫނީ އަދަދު ހަމައެއްނުވެ އެވެ.

Advertisement

އޭގެ އިތުރުން، ފަނޑިޔާރު މަހާޒް އާއި އަޒްމިރާލްދާއާ ދެ ފަނޑިޔާރުންނާ ހަވާލުކޮށްފައިވާ މައްސަލަަތައް ވެސް އޮތީ ހުއްޓިފަ އެވެ. އެހެންވެ، އެ ކޯޓުގައި މިވަގުތު ކުރިއަށް ގެންދެވޭނީ ނިސްބަތުން ވަރަށް މަދު މައްސަލައެކެވެ.

ސުޕްރީމް ކޯޓުން މައްސަލައެއްގެ އަޑުއެހުން އެންމެ ފަހުން ކުރިއަށް ގެންގޮސްފައި ވަނީ މީގެ އަށް ދުވަސް ކުރިންނެވެ. އޭގެ ކުރިން އަޑުއެހުމެއް ބޭއްވީ މަހެއްހާ ދުވަސް ކުރިންނެވެ. ފަނޑިޔާރުން ސަސްޕެންޑު ކުރި ފަހުން މި ހިނގައިދިޔަ މުއްދަތުގައި ބާއްވާފައި ވަނީ އެންމެ ފަސް އަޑުއެހުމެކެވެ.

ފަނޑިޔާރުން ސަސްޕެންޑު ކުރީ ކުއްލި ގޮތަކަށް، ގޮނޑި ގެއްލުވައިލެވޭ މައްސަލައިގެ އަޑުއެހުން ފަށަން ކުޑަތަންވެފައި އޮއްވަ އެވެ. ފަނޑިޔާރުން ސަސްޕެންޑު ކުރަން ނިންމި ބައްދަލުވުމަށް ދިނީ އެންމެ 13 މިނެޓުގެ ނޯޓިހެކެވެ. އެހެންކަމުން ޖޭއެސްސީގައި ކޯޓުތައް ތަމްސީލު ކުރާ އެއްވެސް ބޭފުޅަކަށް އެ ބައްދަލުވުމުގައި ބައިވެރިވެވިފައެއްނުވެ އެވެ.

ފަނޑިޔާރު ސުއޫދު އިސްތިއުފާ ދެއްވީ، ރައީސް މުހައްމަދު މުއިއްޒާއި ބަންޑާރަނައިބު އަހުމަދު އުޝާމް ޖުޑިޝަރީއަށް ނުފޫޒު ފޯރުވައި ފަނޑިޔާރުންނަށް ބިރު ދައްކަވާ ކަމަށް ވިދާޅުވެފަ އެވެ. އެ މައްސަލަތައް ސުއޫދުގެ ފަރާތުން ވަނީ ބައިނަލްއަގްވާމީ ބައެއް އިދާރާތަކަށް ވެސް ހުށަހަޅައިފަ އެވެ.

ފަނޑިޔާރުން ސަސްޕެންޑު ކުރުމަށްފަހު ޖޭއެސްސީއިން އެ ފަނޑިޔާރުންނާ ދެކޮޅަށް ހިންގާ ތަހުގީގުގައި އެއް ފަނޑިޔާރަކަށް ގާނޫނީ ވަކީލަކު ބޭނުންކޮށްގެން ދިފާއުވުމުގެ ފުރުސަތު ދީފައެއް ނުވެ އެވެ. އަދި ބައެއް މައްސަލަތަކުގައި ހާޒިރު ކުރި ހެކިން ނުބުނާ ބައެއް އެއްޗެހި ހިމަނައިގެން ކޮމިޝަނުން ވަނީ ރިޕޯޓު ވެސް ތައްޔާރުކޮށްފަ އެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox